الشخص : هههه كلها ثواني وتكونوا تراب وولع عود كبريت ورماه علي البيت والنار بقت في البيت وجواه 

معتصم : أي النار دي البيت ولع 

صفاء وهي في الاوضة بالقميص: يالهوي استرها ي رب 

معتصم: صفاء صفاء 

صفاء: انا هنا ومش هعرف اخرج من الباب النار عليه 

معتصم لقي الوضع بيزيد في النار قرر يخرج ويسيبها ينجو بنفسه 

لكن وهو خارج بحكم انهم في بيت قديم عرق خشب وقع فوقه وهو مولع 

صفاء: حد يلحقني يالهوووووي حد يلقني يا ناس يا عالم .

حتي الشباك عليه حديد اخرج منين 

وجابت كرسي وزقت الباب وهي خارجة النار شبكت في هدومها ولقت معتصم واقع علي الارض مات النار مولعه فيه 

طلعت تجاه الباب وبتحاول تطفي هدومها لكن الشخص اللي ولع في البيت ظهرت قدامها وهي انصدمت منه ورمي عليها جاز والنار شبكت اكتر فيها 

خرجت بالقميص والنار مولعه فيها وتصرخ بما إن الدنيا ليل محدش ماشي في الشارع 

بعد فترة الناس حست بالحريق نزلوا وطفوا صفاء بس كانت الحروق صعبه في جسمها جدا ولفوها بملاية لكن ماتت بسرعه بسبب النار فضلت فترة علي نفسها 

واحد من اللي واقفين : دي ام فرعون انا عارفها كويس 

الناس بقت سيرة ام فرعون بقت حدوته في البلد علي لسانهم 

عادل : فرعون فرعون 

فرعون : نعم 

عادل : عمك وصفاء ماتوا في حريق في وسط البلد 

فرعون: مش هحضر دفنتهم 

سمية : لا ي ابني خليك انت كويس للآخر 

فرعون: الاخر جه وحاسس ان حياتي هتخلص من المطاردات 

عادل: اطلع غير هدومك عشان تاخد العزا وطلعت تصريح الدفن 

فرعون: حاضر وطلع في الاسانسير وحرك الكرسي ودخل الجناح 

نور: رايح فين 

فرعون: هاخد العزا 

نور: بتاع مين 

فرعون: بتاع امي وعمي 

نور: هما ماتوا 

فرعون: البيت ولع وهما ماتوا 

نور: عشان كدا الدنيا مقلوبة وانا معرفش مين وعاملين يقولوا البلد حصل فيها حريق ومات اتنين 

فرعون: في داهيه ولبس ونور ساعدته في النزول 

وفرعون اخد العزا علي المقابر بس رفض انه يجيب مقرأ ويقعد ويعمل عزا 

الرواية بتنزل علي قناة حكاياتنا مع فاطمة تبعوها علي اليوتيوب 

الشخص : عقبال ما اشوف الباشا فرعون ميت وعلي ايدي ناري مش هتبرد غير لما اموته 

نور: هترتاح اليوم اكيد كان متعب 

فرعون: بالعكس كان حمل واتشال من عليا ي نور 

بس اكيد حد ورا الحريق دا 

نور: اشمعنا 

فرعون: الناس طول ما احنا واقفين كانت بتتهامس انها طلعت بقميص نوم وشعرها كان منكوش 

نور: طب تفتكر مين 

فرعون: مش عارف بس اكيد هيفكر ليا في خطة وموت دول الاول عشان يضمن طريقه فاضي 

نور : سلامتك ي عز متقولش كدا تاني 

فرعون: نور انا ليا اراضي كتير واملاك كتير وثروتي كبيرة جدا جدا 

وبما انك مراتي ومفيش عيال فالثروة تقريبا كلها هتبقي ليكي حياتك هتكون متأمنه ماديا عيشي حياتك بس سمية وعادل تطلعي ليهم نصيب منهم ونصيب كبير كمان لأنهم ليهم الفضل بس ي نور عاوز اقولك إن الفلوس دي انا تعبت فيها وواجهت كتير وهي معايا واديكي شوفتي جزء من حياتي الأخيرة من اللي حواليا عشان كدا الفلوس بعد ما موت ياريت تحافظي عليها ومضيعهاش في حاجات ملهاش قيمة 

نور بدموع: بس اسكت انا مش عاوزة الفلوس دي كلها ولا تلزمني في حاجة وانت عارف كدا كويس ي عز وان شاء الله انت االي هتصرفها وتتهاني بيها وسط عيالك في المستقبل إن شاء الله 

فرعون: عيالي ؟ مبقاش ينفع خلاص بقي 

نور: ارجوك ي عز كفاية ممكن 

فرعون: خايفه عليا صح 

نور: مش عارفه بس ايوا 

فرعون فتح دراعه ونور حضنته: ياااااللله وجودك كفيل يطمني والله اوي 

نور: مبقاش ليا حد غيرك وخالد 

فرعون بغيرة: كفاية انا خالد اتجوز خلاص 

نور: بس دا اخويا وحبيبي 

فرعون: وانا مش حبيبك 

نور: لاء 

فرعون بزعل : ماشي ي نور 

نور: متزعلش بس انا معتبراك صديق عشان كدا بتعامل كويس معاك غير كدا مستحيل تفكيري ينسي اللي حصل قبل كدا 

وبعدت من حضنه وطلعت من الجناح 

فرعون: لسه ي نور كراهني كدا دا انا قلبي اتفتح ليكي بقيت حاسس اني اني بحبك معقول تيجي واحدة طفلة بالنسبة ليا وتهزني كدا 

عادل واقف في المكتب لقي سمية بتنادي عليه 

سمية : عادل عادل الحقني ي ابني 

عادل: أي في اي ي دادة 

سمية : في نار ماسكة في الجنينة 

عادل باستغراب: نار وفين الحرس وطلع يجري 

نور طلعت وراه وكذلك سمية وفرعون نزل وطلع يشوف لقوا نار ماسكة في جزء من الجنينة 

فرعون بعصبية: القصر بقي مفيش خدمة فيه ولا تركيز 

عادل : اهدي بس 

فرعون بزعيق: اهدي اي واقف علي القصر لا يقل عن ٥٠ حرس والنار دي تحصل والرصاص ينضرب وانت تقولي اهدي 

نور: بس ... نظر ليها فرعون نظرة كتمت فمها 

عادل: انت ادخل وانا هتصرف واكيد هشوف حل 

لفت انتياه فرعون ورقة بعيدة طلب منهم يجبوها 

فرعون مسكها وقراها: صدقني مش هسيبك ي فرعون موت امك وعمك كانوا علي ايدي انت اللي عليك الدور حتي لو استخبيت في صخرة يومك قرب اوي 

عادل: احنا لازم نشوف حل 

الوضع كدا بقي يقلق 

سمية : عز احنا هنسيب القصر دا 

عادل؛ دا أمر مش قرار حالا لازم نسيبه 

فرعون: وانا مش ضعيف عشان اعمل كدا واتحرك بالكرسي بتاعه 

نور بتحدي : لموا هدومكو وجهزوا الحاجة وفرعون هيوافق وطلعت وراه 

نور: انا مش هعيش هنا تاني 

فرعون: لو مفكراها لوي دراع في داهية 

نور: في داهية مرة واحدة كدا 

نور: بقولك اي تلاشيني حالا 

نور بهدوء : حياتنا بقت في خطر 

وقربت منه ومسكت ايده وحطتها علي قلبها 

فرعون: ودا علاقته اي 

نور : علاقته ان انا مكتوبة علي اسمك يعني اللي هيموتك هيدور يموتني عشان كل حاجة بعد موتك هتبقي بتعتي فأنت لو مش خايف علي نفسك خاف عليا انا قلبي بقي بينبض اكتر من الازم من الخوف ي عز 

كل حاجة بتزيد مش بتهدي خلصنا من جوري وصفاء وتامر ومعتصم الشخص دا شكله عارف هو بيعمل اي ي عز ليه تعرض حياتك وحياتي وحياة عادل وسمية للخطر هما واقفين جمبك عشان بيحبوك بس متنساش أن عيالهم هيعانوا كتير لو حصلهم حاجة زي ما هما بيحبوك أهلهم محتاجنهم وبيحبوهم 

فرعون بتنهيده: كلامك سليم بس دا هيخالي العدو يعرف اننا ضعفا 

نور: مش مهم المهم اننا نبقي في امان وكمان القصر كبير علينا وحرس ملهمش لازمة وانت اتأكدت من دا 

فرعون: هنروح فين مش هنلاقي مكان بالسهولة دي 

نور: مش واخد بالك انك لسه فرعون بيه االي بتترج الدنيا باسمه انت بس شاور علي أي مكان وهيفضي ليك علي طول 

فرعون باس دماغها : علي طول ترفعي من روحي المعنوية دي 

لقوا خالد بيتصل 

نور ؛ اي ي رخم هو انت عشان اتجوزت بقي هتنسي اختك 

فرعون: اخبارك ي معلم اي 

خالد بضحكة : كله تمام يباشا 

فرعون: يارب تكون رافع راسنا 

خالد بضحكة : منا متصل عشان اقولكم انها حامل 

نور: مين اللي حامل 

خالد: امي ي نور هيكون مين اكيد مراتي 

نور: ينهر جمال هبقي عمتو 

فرعون بحنان؛ عقبال ما تبقي ام 

خالد : ويارب نشوفك احلي اب 

نور بتهرب من الكلام : بقولك اي مفيش شقة واسعه كدا قدامك لينا 

خالد : ولاد حلال الشقة اللي فوقي لسه متشطبه والمكان روعه ٥ اوض وحمامين رئيسيان ودخل كل غرفة كمان وكمان صالتين في بعض ومطبخ كبير حاجة حلوة اوي 

فرعون: طيب بكام ي خالد 

خالد : اعتبر حقها ادفع ي فرعون 

فرعون: لاء عشان اجي فيها قول كام 

خالد ؛ ورحمة عفاف حقها اعتبره مدفوع مني 

فرعون؛ يعم دي حقها غالي عليك .

خالد : الغالي للغالي يباشا يلا جهزوا حاجتكوا وتعالوا 

نور : طيب ي حبيبي خالي بالك من نفسك وقفلت 

ها هنروح صح 

فرعون: بشرط 

نور؛ اي هو 

فرعون: مش كل شوية هتنزلي عن اخوكي وكمان اي حبيبي دا قولي يا خالد وبس 

نور: اعتبره حصل بس نمشي من هنا يلا 

وفعلا جهزوا كل حاجة ليهم وفرعون وقف علي باب 

نور: عارفه انه صعب عليك تسيب المكان 

بس انت معشتش يوم حلو فيه 

عادل: يلا ي صاحبي 

سمية : فرعون مش هيخرج بالساهل غير ما ياخد صورة ابوه 

فرعون: دايما فهماني ي دادة وخدها وطلعوا واتحركوا اتجاه الشقة الجديدة

نور: عز عز معقول دا كله نوم 

فرعون: حاضر هقوم اهو وفجأة بدأ يقوم ويقف ولكن رجله خانته ووقع 

نور بحزن: سلامتك براحة ي عز 

فرعون: الحمد الله محصلش حاجة 

نور: هننزل نتغدي لحسن جوعت 

فرعون: انزلي انتي 

نور: وانت مش هتاكل 

فرعون: لا لا مش جعان 

نور: خلاص مش هاكل انا كمان وربعت اديها زي الأطفال 

فرعون: خلاص هاتي ناكل وفعلا نور نزلت تجيب اكل 

نور بتخبط علي شقة خالد : طب خالي بالك من الواد انا نازل يسعاد هجيبله الشوكولاته وقوله تاتاتاتا الواد بيعيط ليه يسعاد

شمس بتفتح: باااااااس هنتفضح لو حد من العمارة معانا 

نور: وسعي كدا فين الاكل 

شمس: هجيبلك اهو 

خالد: اديها الحلل 

نور: مش لازم تعرفها اني ببطن وباكل كتير 

شمس : متقلقيش خالد حكي كل حاجة عنك بالتفصيل 

نور: آآآآآآه عشمتني وموتني ليييييه 

خالد : خلصتي شغل دراما 

نور: يالهوي انا طالعه لحسن عز يزعقلي وهما ضحكوا علي تصرفها 

فرعون: يلا ناكل 

نور: يلا 

فرعون بياكل وخلص ونور لسه مندمجة مع الاكل 

نور: بتخلصوا اكل بسرعه انتوا الرجالة 

فرعون : مش حكاية بنخلص بسرعه حكاية اننا بناكل ونشبع ونقوم مش بناكل ونشبع ونفضل ناكل تاني 

نور : قصدك اني باكل كتير 

فرعون: حاشالله لا ابدا 

نور: ايوا كدا ناس تخاف من العين الحمرا 

فرعون مسك التليفون: كلي كلي والنبي وانتي ساكتة 

وفضل يقلب في تليفونه لحد ما لقي بوست نازل من علي صفحته ان القصر معرض للبيع 

فرعون وهو بيجز علي سنانه: يولاد الكل*ب 

نور: والله مش انا االي كلت دبوس الفرخة 

فرعون: منزلين بوست ان القصر بتاعي معرض للبيع 

نور: هتلاقي حد من بتوع الاستسمار عاوز يكسب منه قرشين 

فرعون بعصبية: نووور بقولك حد منزله من علي صفحتي انا 

نور : قصدك ان الصفحة اتهكرت

فرعون: بالظبط كدا 

نور: طيب مين 

فرعون بغل: هعرف قريب وهجيبه وساعتها مش هرحمه 

بس لازم اعرف مين اللي عرف الباسورد الفيس ودخل عليه لازم الغي تنشيط الصفحة دي خالص وفعلا عملها إلغاء التنشيط

عادل: الحقي ي دادة فرعون منزل القصر للبيع 

سمية بفرح : الحمد الله 

عادل: اكيد مش هو اولا كان قال ثانيا مش بالساهل يفرط فيه 

ثالثا مين هيقدر يدفع كل الفلوس دي في البلد 

سمية : اما غريبة صحيح 

واتجمعوا فرعون حكي اللي حصل 

والكل استغرب 

عادل ؛ اكيد في حاجة توصلنا لتدميره زي ما بيدمرنا 

نور: بقيت خايفه من الحياة اللي انا عايشة فيها دي 

فرعون : انتي طالق 

نور بصدمه: أي 

سمية : انت بتقول اي اخرس وضربته بالقلم 

نور جريت عليه: اتوجعت ليه كدا ي دادة 

سمية بعصبية : انت تخرسي انتي كمان 

ردها والنهارده فاهم والا ساعتها هيحصل تصرف مش هيعجبك وانسي انك ترمي بنات الناس تاني 

نور : ليه ليه انا معملتش حاجة عشان الطلاق 

فرعون: عشان خوفك من الحياة دي قولت انتي طالق ي نور ودخل الاوضة

عادل : خلاص حصل خير هيرودها النهاردة 

نور بحزن: وهو انا كل لما اقول كلمة تترد ليا بالطلاق 

فرعون: انا مش هردها ومش عاوزها 

نور باستغراب من كلامه لانه وراه حاجة: بص ي فرعون باشا انت هترودني وحتي لو غصب عنك عشان مش هبقي لحد غيرك تمام 

ونزلت عند اخوها خالد تحت 

بقلم مروة موسي 

نور: فرعون طلقني 

خالد : ليه السبب اي 

نور: اكيد شايف حاجة خطر عشان كدا حابب يبعدني 

خالد : فرعون مبقاش فرعون الجبروت بتاع زمان ي نور مبقاش متحكم بكل حاجة بسبب تعبه عشان كدا بيعمل اللي يقدر عليه 

نور: دا اللي مصبرني انه بيعمل تصرفات خارج اراته 

خالد: تعالي بص ارتاحي والصبح هكلمه 

نور: هو هيردوني النهاردة 

خالد بضحكة: خلاص الراجل مش عاوز يبعد عنك اهو 

نور: امشي من قدامي قال مش عاوز يبعد عنك يا اخي كلكوا صنف واحد وضحكت 

فرعون داخل الاوضة : اسف ي نور بس هي طلعت مني الكلمة الطلاق كدا

بس الخطوة اللي جاية لازم ارجع فرعون الجبروت مش فرعون المشلول 

في منتصف الليل 

نور قامت قلقانه خبطت علي خالد وطلع ليها وهو نايم 

خالد بنوم: نعم ي حبيبتي مالك 

نور: مش عارفه بس محتاجة اشوف فرعون 

خالد : حالا 

نور: حاسة انه مش كويس 

خالد : طيب معاكي مفتاح للشقة 

نور: ايوا 

خالد : طيب انا هقفل علي السلم واطلعي انتي واخرجي

نور: حاضر يلا بس بدون صوت 

خالد : يلا وطلعوا وخالد وقف علي السلم ونور دخلت واتجهت لغرفة فرعون 

نور فتحت الباب ودخلت لقته نايم علي الارض بس صاحي 

فرعون: أي اللي جابك 

نور: جيت اخد هدوم وهنزل 

فرعون: متعرفيش إن الكدب بيبان عليكي 

نور: بس انا مش بكذب وانا هنزل 

فرعون: استني عندك 

نور: انا مش خدامه عشان تأمرها

فرعون: ومين قالك انك خدامه 

نور: مش مهم انا ابقي اي ولكن نور شافت ليزر احمر من مسدس متجه علي جسم فرعون من ضهره 

نور: عز وجريت عليه وحركته بسرعه من مكانه والطلقة عدتت من جمبهم في الحيطة 

فرعون بذهول: طلقة وكانت متجه فيا وكمان 

نور بحدة: اه فيك عشان بقيت عاجز ومصر بردوا علي إنك البطل الجبروت بتاع زمان لكن كنت هتموت وتنتهي حالا وكان جبروتك هيموت معاك 

فرعون ملحقش يرد عليها عشان عادل وخالد دخلوا لما سمعوا صوت الرصاصة 

خالد :صوت الطلقة دا جاي منين 

نور: من الشباك 

عادل بعصبية: الموضوع زاد عن حده الاول كنت ي فرعون بتعرف توصل لأي حاجة وخلال دقايق حالا منعرفش المصدر اي

 فرعون بشر : صدقني المظاهر بتفرق في كل خطوة في حياتنا ونهاية المصدر المجهول دا قريب 

عادل شك في كلام فرعون : اما نشوف نهايتنا اي ي فرعون 

خالد : يلا ينور

فرعون: هتفضل هنا 

نور: بس انت لسه مرتنيش 

عادل: ردك ساعتها ي نور 

خالد وعادل خرجوا من الاوضة 

نور تجاهلته تماما وكذلك فرعون 

الصبح طلع والشمس دخلت كل ركن من أركان البيت 

مايكل : بقولك في حد الصبح رمي ليا جواب تحت الباب فيها نص بيقول 

نهاية فرعون قربت جهز نفسك ي حبيب صاحبك 

فرعون: دا معناه انه عارف ان احنا صحاب 

مايكل : ايوا ومين اللي فاضل عشان يبقي عدو لينا 

فرعون: الموضوع فيه حاجة غمضه ولقي مسدج اتبعتت ليه 

فرعون: طب هبقي اكلمك تاني سلام 

وفتح الرسالة ولقي فيها مكتوب 

صدقني المرة دي مراتك اللي انفذتك من رصاصتي بس المرة الجاية هتكون هي الهدف 

فرعون قلق جدا علي نور وغمض عينه واتنفس نفس كبير جدا وفتح عينه لقي نور قدامه 

نور: لقيت دا 

فرعون مسك الورقة وفتحها : بقيت عامل زي التايه ولسه هتوه اكتر صدقني ي فيرو ونهايتك علي ايدي بقيت عامل زي الاعمي مش شايف حاجة من كتر المواقف اللي بقت بتحصل والخيوط كلها واحد ونفس الهدف اللي هو انت وبس ...

فرعون قفل الورقة وكرمشها بايده 

نور: أي اللي في الورقة 

فرعون : ولا حاجة مفيش 

نور: أمال الورقة دي فيها أي 

فرعون من كتر التوتر والقلق : يووووه انتي مالك اسكتي شوية متدخليش مناخيرك في كل حاجة 

نور: انت حر مش هستفيد بحاجة يعني لما اعرف 

فرعون اضايق من ردها وطلع سجاير وولعها وفضل يشرب 

نور: انا اتخنقت من كتر الدخان 

فرعون بيحرق سجاير لسه::اطلعي من هنا لو مش عجبك 

نور باستفزاز: والله الرد نفسه غلط هتبقي حياتك اي 

فرعون بصوت كالوحش: نوووووووور 

نور الهدوم اللي كانت في ايديها وقعت من كتر الخوف 

فرعون بتحذير: صدقيني أفعالك كلها بقت كبيرة وردوك اكبر 

سمية : نور نور 

نور وهي بتفتح الباب: تعالي ي دادة 

سمية : صوتكوا عالي ليه يولاد 

نور اترمت في حضنها 

سمية: أي اللي حصل ي بنتي عملت اي ي عز 

فرعون بتجاهل سمية عشان ضربته بالقلم مردش عليها 

سمية: مترودش ي فرعون تعالي ي بنتي وقعدتتها في الصالة اشربي كوباية الماية بسكر دي 

نور وهي بتشهق من كتر العياط: ذنبي في دا كله اني خايفه عليه وبحاول اعمل اي حاجة ترضيه وهو كل حاجة بيعمل عكسها ي دادة 

سمية: وهو انتي اول مرة تاخدي بكلام فرعون وأفعاله اكيد شديتي معاه بالكلام صح 

نور : ايوا صح 

سمية: معلش ي بنتي انتي شايفه الدنيا مش متظبته معاه خالص الفترة دي كلها قلق وتهديد 

نور: حاضر ي دادة وحضنتها وقامت

فرعون وهو بيقرأ الرسالة تاني اللي كانت نور مديهاله ووجد فيها شئ لفت انتباه وووووو

يتبع