طلعت الجناح وفتحته لقت فرعون واقف وقام وقع فاقد الوعي 

نور رمت الاكل اللي في ايدها : فرعون فرعون وجريت عليه 

الكل سمع صوتها طلع عادل وسمية 

سمية وهي بتقعد جمبه: عز عز مالك يبني الحقنا ي عادل اطلب الإسعاف 

عادل: لو طلبتها هتتاخر انا هحاول اشيله سعدوني بس 

نور بدموع وهي في العربية : بسرعه ي عادل وشه سخن بزيادة وضربات قلبه سريعه 

سمية : يارب جيب العواقب سليمه يارب 

نور : فرعون يلا قوم ي فرعون 

عادل : حاولي تفوقيه لحد ما نوصل ي نور 

سمية : يبني دا شكله فاقد الوعي تماماً

عادل: وصلنا يلا وشاله ودخل حطه علي ترولي والدكاترة دخلت الغرفة للفحص 

سمية : أي اللي حصل 

نور : معرفش أنا طلعت لقيته واقف قدامي مش مظبوط وقام وقع من طوله 

قطع كلامها خروج الدكتور : لازم يمنع دخول اي نقطة كحول تدخل جسمه وإلا هيموت فيها وهيجيله فشل كلوي 

عادل: يعني حالا فيه اي بالظبط 

الدكتور: مفيش حاجة زي ما ربنا بيكون بينبهكوا له انه ممنوع منعا يشرب تاني كحولات 

سمية : يعني هو كويس ؟ 

الدكتور: ايوا متقلقيش 

نور : يعني هيخرج معانا 

الدكتور : كلها ساعه ويخرج معاكوا بعد اذنكوا 

مايكل لجوري: عمه اتحبس 

جوري: الله يخرب بيتكوا فرعون لو عرف انك ورا ألماس المظيف هيقتلك وكمان عاوزة اعرف عرف ازاي ان عمه هو اللي عمل كدا 

مايكل بخبث: اللي يخوف ان فرعون تلاقي له لكل مكان احبابه ومصادره فيه 

جوري بقلق : تقصد اي 

مايكل : ولا حاجة المهم نكون في السليم وخلاص 

جوري: طيب ماشي ومشيت من قدامه 

الشرطي: فين ألماس 

معتصم: ألماس اي بس يباشا انا معرفش حاجة 

صفاء: هو لو معانا ألماس هيبقي دا حالنا 

الشرطي: الإنكار مش هيفيد بحاجة كدا كدا القاضية مثبوته عليكوا وانت بتتفق مع واحد في التليفون والكاميرا جايباكوا وانت بتسلمه الفلوس بس للاسف الشخص مش ظاهر في الكاميرا كويس 

صفاء بغدر: طيب لدام هو اللي عامل دا كله انا ذنبي اي 

معتصم: ذنبك انك شريكتي 

صفاء: ازاي بقي وانا مكنتش معاكوا 

الشرطي: انتي جاية هنا بسبب قضية شرف انك مع علاقة بالراجل دا ومفيش بينكوا جواز 

صفاء انصدمت من كلام الشرطي واتوقعت ان فرعون لعب الخطة صح 

الشرطي

ماذا قال يونِس وهو في بطن الحوت اكتبها ربما تكون المنجية لي ولكم ❤️

فرعون خرج من الغرفة نور واقفة وسمية وعادل 

فرعون: انا كويس متقلقوش 

خالد جاي من بعيد بخضة: مالك ي فرعون عرفت من الخدم انك تعبان

فرعون : مفيش حاجة بس هتلاقي قلة نوم يلا نروح مش بحب جو المستشفي دا 

خالد في البيت: نور عاوزك معلش 

فرعون: في حاجة 

خالد : لاء متقلقش 

نور : نعم 

خالد : دا وعدك انك هترجعي فرعون وجودك زي عدمه 

متزعليش مني بس لازم تاخدي خطوة مش بالكلام بالفعل ي نور 

نور: عندك حق ي خالد انا مهما احاول اتقرب منه بالكلام مبيحبش نتيجة 

خالد : بس جاب نتيجة من معاملته معاكي بقي سايب ليكي فرصة في حرية المعاملة والتحرك كأنك فعلا جزء من الناس الحلوة اللي في حياته

نور: ان شاء الله هيكون في تطور كتير وكملت بضحك 

سمية : افرد عليك حاجة تتغطي ي ابني 

فرعون: ي دادة انا مش عاوز انام بس انتي جبراني ارتاح 

سمية : اسمع الكلام بقي وإلا.....

فرعون : مبقتش صغير كنتي بتخوفيني بالعفريت حالا مبقاش يفرق الكلام دا 

سمية : يعني مبقاش في عفريت 

فرعون : مبقاش لاء بقي في فرعون 

نور دخلت : خليكي ي دادة وانا هخالي بالي منه 

سمية : طيب ي بنتي لو عوزتي حاجة انا تحت ماشي 

نور : ينفع كدا ؟ .

فرعون بيهرب من كلامها: فين البيتزا ووقف وخرج للبلكونه 

نور خرجت وراه: تحب اجيبلك كاس تشربه 

فرعون: عاوزة اي ينور 

نور: ولا حاجة بس كنت ممكن تروح فيها النهاردة 

فرعون: كان هيبقي نصيبي 

نور: نصيبك تقابل ربك وانت عاصي وبتشرب خمر 

فرعون: خلاص بقي 

نور : هات ايدك 

فرعون مدها باستغراب: اتفضلي 

نور بتوعد: والله والله والله تلات مرات اهو لو لمحت ازازة قرف من اللي بتشربه دا هتلاقي سكينة علي رقبتي ومش هيهمني حياتي 

فرعون: هتقابلي ربك وانتي عاصية ومنتحرة 

نور: ملكش دعوة دي حاجة ترجع بيا انت سمعت كلامي 

فرعون شدها وقربها منه: فهمت اي أوامر تاني 

نور بطفولية : بجد مش هتشرب تاني صح 

فرعون بابتسامه: لاء ومتخافيش انا كويس وكمان شوية ضغط في الشغل 

نور وهي بتقعد علي الارض في البلكونه وفرعون مايل رأسه علي رجليها وهي بدأت تحرك ايديها علي شعره: مالك انت مضايق عشان الصفقة صح اللي باظت 

فرعون : دول مجرد ٤٠ مليون دولار مش كتير

نور : نعم دا الرقم دا شكله ملوش اول من آخر 

فرعون: عاوز اقولك إن انا معايا فلوس كتير اوي اوي ي نور 

بس فلوس من غير راحة بال ملهاش لازمه 

نور: مضايق عشان عمك 

فرعون : عمي هيحاول يطلع من السجن وبكرة افكرك وصفاء هتطلع وراه بس بقول اليوم اللي في السجن ليهم اكون مطمن شوية من المطاردات بتاعتهم 

بس اللي مأثر فيا اوي امي مع عمي 

نور بتفهم: متزعلش مني بس هي مش محترمه 

فرعون : من حقك تقولي كدا واكتر كمان مفيش حد رخيص زيها ساعات بفكر مع نفسي اقول انا .....وسكت 

نور: تقول انا ابن مين فيهم صح 

فرعون: صعب عليا اتحمل حاجة زي دي 

نور بابتسامه: لو كان ابوك معتصم مكنش عمل فيك كدا هتقولي امي عملت اكتر من كدا هقولك بيبقي في طرف احن من التاني واللي كان أحن ابوك 

فرعون: بس الاحن مات 

نور بهدوء: وانا بقيت مكانه 

فرعون: مبقتش عارف افهم ي نور 

نور: مش مهم المهم انك تقوم تنام عشان الصبح تصحي بدري نجري حوالين القصر شوية ونشم الهوا النضيف بتاع الصبح دا 

فرعون وهو قايم : يلا تصبحي على خير 

نور بابتسامه لانه اول مرة يقولها: وانت من أهل الخير 

المافيا : ابعت حد يخلص علي مرات فرعون زي لوي دراع كدا 

مايكل : مراته مالها 

جوري بغل منها: هي سبب كل حاجة بتحصل 

مايكل باستغراب: بس هي معملتش حاجة ولا حد ....

رجال المافيا : اللي نحس بس انه هيوقف حالنا ونخلص منه وبعدين هتلاقيه هيتجوز غيرها هو فرعون بيقف علي حد والنظر كان علي جوري 

في نص الليل تليفون فرعون رن

نور صحيت من علي الكنبة وجريت تعمله صامت

فرعون بنوم: مين ي نور 

نور؛ معرفش رقم بس شكله من برا مصر 

فرعون عرف مين اتعدل بسرعه : الوا 

مايكل: هيقتلوا مراتك 

فرعون قلبه اتقبض: انت بتقول اي ي مايكل 

مايكل بحزن: زي ما بقولك كدا ي صاحبي خد بالك واحياطك سلام 

فرعون قفل ورمي التليفون علي السرير وحط ايده علي وشه 

نور : حاجة حصلت 

فرعون : لاء 

نور: متأكد 

فرعون : ايوا مفيش 

نور : طيب وذهبت لتنام مكانها 

فرعون: تعالي جنبي 

نور بتوتر: لاء انا هنام هنا اتعودت 

فرعون : يلا ومد ايده وهي نامت جمبه وحريصه علي المسافة بينهم 

فرعون شدها لحضنه وجمد عليها 

نور بعد فترة نامت وفرعون فضل صاحي 

فرعون في نفسه: معقول اخاف علي واحدة مبقلهاش كام شهر معايا ومكنتش بخاف علي اسماء االي كانت معايا بدل السنة سنين وكان معاها عيال مني 

يالله اي اللي بيحصل دا ياتري وجودك وخوفي عليكي حالا دا اي ينور بس صدقيني لو حد قربلك هيندموا اصلا هيندموا علي انهم فكروا في كدا 

بقلم مروة موسي 

فرعون فضل صاحي لحد ما الدنيا بدأت تشقشق ونزل وخبط علي عادل 

عادل بنوم : ادخل ي فرعون

فرعون بقلق : ناوين يقتلوا نور 

عادل اتنفد من مكانه: أي 

فرعون : زي ما بقولك كدا 

عادل: مايكل االي عرفك 

فرعون: ايوا هو 

عادل بخبث: اتغدا بيهم قبل ما يتعشوا بيك 

فرعون بخبث اكبر : دا اللي ناوي عليه بس عاوز اخبي نور في مكان محدش يكون عرفه 

عادل بتفكير: هما ميعرفوش شكلها ي فرعون صح 

فرعون: ايوا لان محدش فيهم يعرفها غير جوري 

عادل : اراهنك ان سبب دا هي جوري المهم حاول تتلكك بأي حاجة وتعاقبها تلبس لمدة يومين لبس خدم وتبقي زيها زيهم وبكدا محدش هيعرف يفرق بينها وبينهم وبالمرة تكون قدام عيونا لحد ما تخلص منهم بطريقتك 

فرعون : حلو اوي كدة يلا كمل نومك 

فرعون طلع بعد ما سمع كلام عادل انه يتحجج بأي حاجة عشان يخالي نور وسط الخدم وفضل قاعد قدامها يحرصها وخوفه عليها كان باين 

نور بدأت تفوق وتقوم: صباح الخير 

فرعون: صباح النور 

نور: انت منمتش؟ 

فرعون: نمت بس الهانم شكلها خدت علي الراحة حبتين 

نور: في حاجة انا قصرت فيها 

فرعون: مفيش يلا انزلي اعملي ليا فطار 

نور: حاضر دقيقة بس اغير هدومي واغسل وشي .. 

فرعون بمقاطعه: مش عاوزة كمان تعملي حاجة مش عاوز اطفح 

نور باستغراب: في اي علي الصبح ي فرعون 

فرعون بتمثيل العصبية: مفيش واسكتي 

نور سكتت واتلاشت غضبه 

فرعون لقي نور بتتلاشي غضبه حب يخلق مشكلة تانية 

فرعون: لمعي ليا الجزمة دي 

نور باستغراب طلبه علي الصبح : علي فكرة لو عاوز تعمل مشكلة من غير مشكلة قول 

فرعون اتفاجأ من ذكائها: متروديش عليا انتي فاهمه 

نور بذكاء: مردتش واتجهت ناحيته وقبلته من خده 

فرعون بجمود: لو حصل كدا تاني هتتعاقبي فاهمه 

نور بعند وهدوء مميت : طيب وقبلته من الخد التاني 

مش هتحكيلي بقي زعلان علي الصبح ليه 

فرعون : ابعدي كدا 

نور: تؤتؤ 

فرعون : عاوزة الحقيقة ولا بنت عمها 

نور بخبث: اللي في بالك قوله وهعتبره الحقيقة اخت بنت العم 

فرعون : جماعه من المافيا ناويين لقتلك 

نور اترجعت ورا بمجرد ما سمعت دا 

فرعون: عاوزك تلبسي حاجة من الخدم وتتعاملي كأنك خدامه لمدة يومين بس 

نور : وانت خايف عليا عشان كدا منمتش كويس امبارح والرقم بتاع امبارح قالك كدا صح 

فرعون : بيعجبني فيكي ذكائك وكنت بحاول اعمل اي حاجة عشان اعاقبك عليها لكن انتي امطصيتي غضبي 

نور : بقيت حفظاك شوية بس انا مش خايفه 

فرعون : ليه 

نور باطمئنان: عشان متأكدة انك هتخاف عليا وهتحميني 

فرعون : مايكل اتصل بيا وبلغني دا 

نور: مين مايكل دا 

فرعون : دا واحد شغال في ألمانيا من المافيا 

حد كويس حصل بينا موقف ووقفت جمبه فيه من ساعتها صحاب جدا واتفقنا اللي يعرف حاجة للتاني يبلغه لان المافيا ملهاش امان ممكن تكوني في دقيقة معاهم والدقيقة التانية في المقابر 

مستحيل نبين صحبيتنا قدام حد حتي جوري متعرفش ومتعرفش انه بيجيب ليا أخبارها ونواياها انها سبب في خطة قتلك دي 

واللي كمان متعرفهوش انه معرفني ان عمي ناويلي علي لعبة كبيرة بس محبش يقولي أي هي قبل ما تتم العملية اللي كانت بينا لان كان في ناس من المافيا كان لازم يبان الجدية في الموقف عشان محدش يلاحظ ورفع سلاحه عليا اول مرة عرفت ان في حاجة وانه بيجي هو في الوش عشان عارف انه مش هيإذيني وبعد العملية ما تمت عرفني كل حاجة وبجد هو اللي سجل الكاميرا لعمي وهو بياخد ألماس فاليومين دول واقف معايا اوي 

نور : طب الحمد الله 

فرعون : خالي السلسلة دي علي رقبتك 

نور بانبهار: دي دهب مرصع بألماس 

فرعون وهو بيشيل شعرها عشان يلبسها: ايوا دي معمولة مخصوص ليكي بس الدهب طاغي عن ألماس عشان متكونش ملفتة لحد 

نور: طيب  انا هلبس حاجة من الخدم وانزل 

فرعون: طيب المهم متتعبيش نفسك حاولي تكوني حد منهم شكلا بس 

نور : حاضر بس لو حصلي حاجة متنسانيش ممكن 

فرعون قلبه نبض بالوجع من كلامها حاول يتجاهله: بس أي اللي عملتيه دا اخدتي بوسة من هنا ومن هنا بقيتي جريئة 

نور بثبات : جوزي ومش عيب ولا حرام 

فرعون : امممم طب تعالي اقولك .....

نور جريت من قدامه ونزلت 

فرعون ضحك وقال اه لو تعرفي حقيقة انا مخبيها عنك متأكد انها هتغير حياتك 

فرعون اتصل بالمافيا: اهلا ي رجالة 

احد رجالها بخبث: عاش من شافك متيجي يومين 

فرعون بخبث اكبر: عنيا بكرة اكون عندكوا في المقر 

وقفل واتصل علي جماعه مافيا أعداء ليهم وحدد ليهم مكان المقر بتاعهم عشان بينهم حساب قديم وفرعون كان الحامي ليهم بس بما إن هما غدروا بيه هيغدر بيهم 

عادل : نفذت المهمه 

فرعون : ايوا مفكرين ان انا هسافر ليهم بكرة 

عادل: كدا نكون خلصنا منهم كلهم 

فرعون : اللي مطمني ان مايكل في مصر يعني امان ليهم 

نور من وراهم : طب وجوري 

عادل باستغراب انها عارفه القصة ولابسه لبس خدم: مالها 

فرعون : المدام معرفتش اعمل مشكلة معاها بس فهمت كل حاجة وهتتظاهر بأنها من الخدم .

عادل: لو بكرة عدي يبقي كله في السليم 

نور: هتسيب جوري كدا من غير ما تحميها 

فرعون : اللي يغدر بيا مرة ميستهلش حاجة مني تاني 

المافيا منتظرة وصول فرعون بأي لحظة سمعوا صوت برا طلعوا يشوفوا لقوا جماعه المافيا الآخرين الأعداء لهم محاصرين المكان واطلقوا عليهم الرصاص كلهم ماتوا ماعدا شخص واحد قدر يهرب وهو جوري لأنها كانت جوا لما سمعت صوت رصاص استخبت في مكان ما وفضلت يوم كامل مكانها وطلعت بعدها لقت كلهم ماتوا 

جوري : اكيد فرعون سبب دا طول عمره يلعبها صح في الوقت المناسب وخبطت رجليها في الارض 

فرعون لمايكل في الهاتف: كلهم ماتوا 

مايكل: يخربيتك مرة واحدة ي قادر 

فرعون: انت عارف اني كدا وجبت معاهم بإني عرفتهم مكانهم 

مايكل : عارف انك كدا عن الجماعه التانين عملت ليهم خدمه العمر 

فرعون : عقبال الباقي 

مايكل: قصدك عمك وصفاء 

فرعون : متشغلش بالك اي جديد عرفني عنه ومتظهرش الايام دي كتير لحد ما الجو يهدي سلام 

وحد اللي ما بيغفل ولا بينام ❤️

سمية: الحمد الله عدت بخير 

عادل: مبروك يصاحبي 

نور: يعني كدا اقدر ارجع لحياتي 

فرعون : ايوا 

نور وهي واقفة خالد من وراها : اختتتتيييي 

نور بخضه: ايييي 

خالد : اخبارك اي 

نور: هبقي تمام لو جبت ليا ايس كريم 

خالد بضحك : وهو جوزك مبيقديش طلباتك ليه 

فرعون : معلش بقي خليها عليك المرة دي 

خالد وهو بيحضن اخته: بس القمر اليومين دول يأمر وانا انفذ 

نور ؛ حبيبي ربنا يخليك ليا اهم حاجة وجودك في حياتي نعمه 

فرعون بغيرة : خلاص بقي اجيب اتنين لمون 

خالد : أي يباشا اتنين اخوات بيتكلموا 

فرعون سحب نور وطلع بيها علي الجناح

سمية بهمس لعادل: شوفت اللي انا شوفته 

عادل: ايوا شوفت غيرة فرعون لأول مرة 

سمية : يا مسهل يارب 

نور فوق في الجناح : ايدي سبها بقي 

فرعون حاوطها بين ايده في الجدار: متقربيش كتير من خالد 

نور : ليه دا اخويا 

فرعون: اسمعي الكلام 

نور: حاضر بس ممكن طلب كبير 

فرعون وهو عينه في عيونها :نعم 

نور مركزة في عيونه: ممكن تشوف شغل تاني غير االي انت شغال فيه دا 

فرعون: طلبك مرفوض 

نور : حياتنا معرضة للخطر 

فرعون : قصدك حياتي 

نور: حياتنا لأننا منفرقش عن بعض كتير 

فرعون وهو بيقرب منها ومال علي شفايفها : لاء 

نور: بس ......وقطع كلامها قبله هادية من فرعون وهي مازالت بين ايده وبعد عنها ببطء 

نور كانت بتنظر له بصدمه فأول مرة يقبل شفتيها وسط كلامها 

فرعون بهدوء: انا هطلع في البلكونه اشرب سجارة 

وطلع وولع سجارة وكانت ضربات قلبه سريعه شوية 

فرعون في نفسه: اللي حصل اي ي فرعون قدام اي واحدة بتقف وبتمسك نفسك ليه عملت كدا معاها لييه 

نور دخلت الحمام وحط ايديها في شفايفها وافتكرت نظرات عيونه ليها نظرات غريبة بتدل علي حاجة بس مش قادرة تحددها 

فرعون خلص سجارته ولمح ازازة خمر في احد أركان الغرفة جابها وكان بيفتحها 

نور طلعت في الوقت المناسب : انا اد كلامي وادي السكينة 

فرعون قفلها ورماها من الشباك 

نور: مش همك كلامي 

فرعون : مكنتش رميتها خوفا عليكي 

نور: خوفا عليا؟ 

فرعون : تصبحي على خير 

نور بقت مش فاهمه تصرفات فرعون 

بقلم مروة موسي 

في السجن 

تامر اليد اليمني لمعتصم: متقلقش يباشا هتخرج قريب بحاول اعمل اي حاجة 

معتصم: اتصرف انا مش قادر علي القاعدة هنا 

تامر: حاضر المهم دول فلوس ودول شوية طلبات ليك واطمن أقل من اسابيع هتكون خارج 

الصبح جت دعوة لحفلة افتتاح لفرعون من احد كبار الدولة .

عادل فتحها وخبر فرعون بيها 

فرعون وهو علي الفطار: طيب هروح ان شاء الله النهاردة 

سمية : فيها أي لما تاخد مراتك 

فرعون: مش عاوز اتأخر هروح واجي علي طول 

نور بترجي: عاوزة أجي ممكن اشوف الحفلات دي 

فرعون ؛ طيب علي الساعه ٨ بالليل جهزي نفسك وهبعت ليكي فستان تلبسيه

الساعه جت ٧ نور طلعت الجناح وبدأ تلبس لقت فستان لونه جِراي لبسته وكان جميل وسرحت شعرها وحط مكياج ونزلت 

سمية : اللهم صلي على النبي اي الجمال دا 

عادل: فين فرعون 

فرعون من وراه: انا اهو وظهر ببدلة سوداء شيك جدا وكلاسيك 

فرعون نظر لنور ووووووو

يتبع