فارس قرر يدور علي ملك بنفسه بس الأول يروح يعرف أهله ويفكر هيرجعها ازاي ويعرف مين خطفها..وهو سايق عربيته لقا رسالة اتبعتت له..فتح الرساله واللي أول ما شافها كان هيتجنن كان فيديو ل ملك وهي نايمه ف الأرض والدم حواليها ف كل مكان..

_ ملللللك لااااا..وبعدها لقا رقم غريب بيرن عليه..

= أهلاً ب ابو الفوارس..

فارس بغضب " مين انت "..

الشخص بضحك علشان يستفز فارس"عجبك الفيديو"..

_ اقسم بربي ل اجيبك..

= مستنيك يا حبيب قلبي تعالاا يلاا وقفل السكة ف وشه.."هه جيت للموت برجليك يا فارس".

فارس قدر يعرف مكان الشخص دا من تتبعه للرقم وبدون تفكير راح للمكان اللي هو فيه كان عبارة عن بيت قديم..

_ اهو شرف هاتوه بسرعه..

خرجوا الرجاله تبع الشخص دا وجابوا فارس..

_ ازيك يا ابو الفوارس عرفت بقا إن اللي بيجي علي سامر الصياد ميكسبش..

= هفضل بردوا امنعك انك تدخل أسلحة ومخدرات جواا البلد وهيجي يوم واظبطك فيه وانت ماسك المخدرات بإيديك ومش هتردد لحظه إني اقتلك ياسامر.

سامر اتعصب وكور إيده وضرب فارس ف وشه"تبقاا جنيت علي نفسك يا فارس..ادخلوا هاتوهاا..

دخلوا رجالته وجابوا ملك فارس كان رايح ناحيتهاا بس سامر منعه.

_ استناا كدا وروق ..فارس مستناش وراح ضربه 

سامر بدأ يرد الضرب له وبدأوا يضربوا ف بعض لحد ما ملك فاقت..

_ ااه ف..فارس..اااه وفضلت تعيط م الرصاصة اللي كانت ف كتفها..

فارس سمع صوتها وعرف انها فاقت وقف ضرب ف سامر وراح ناحيتها.."ملك يا حبيبتي انا معاكي متخافيش"..

= فاارس حااااسب كان سامر جاب خشبه كبيرة ونزل بيها علي راس فارس..

_ فارس قوم علشان خاطري وبدأت تعيط..فارس فتح عنيك قوم يا فارس 🥺🥺🥺..

_ مش عارف فارس مش بيرد عليا ليه يا فيروز..

= ياتري يا حبيبي روحت فين..أكيد جاي دلوقتي ومعاه ملك..

_ ان شآء الله..

_ اي دا يا نعيمه..

= ابنك يا عبدالرحمن ابنك تاجر مخدرات..

_ انتي بتقولي اي يا نعيمه انتي اتهبلتي..

= ولا اتهبلت ولا حاجه لما يجي ابنك شوفلك صرفة معاه انا مش عارفه ازاي دخل المخدرات جوا بيتناا..

_دي آخرة تربيتي ليك يا سامر الحمد لله إن ملك مكنتش معاك ف البيت محدش عارف كان اي اللي ممكن يحصل يا حبيبتي يا ملك وحشتيني اوي يا بنت أخويا والله ..ااه لو اعرف مكانك يا بنتي..( اتصدمتوا صح سامر ابن عم ملك هو اللي خطفها هو طبعا ميعرفهاش ولا هي تعرفه)..

_ اخرسي يا بت انتي. 

= ابعد عني يا زبالة .. 

_ صراحة داخله دماغي اوي الا قوليلي بقاا انتي اخت ابو الفوارس ولا حبيبته..ولا اقولك مش مهم اعرف المهم دلوقتي إنك تحاولي تقنعي فارس بإنه يسمح ليا ادخل مخدرات للبلد من غير ما حد يعرف.. 

= عمري ما هقوله حاجه زي كداا لإن اللي زيك لازم يبقا ف السجن دلوقتي.. 

سامر مسكها من شعرها جامد " هتشوفي دلوقتي هعمل فيكي اي انتي وسي فارس بتاعك دا ".. 

وقعدها علي الكرسي وكتفها وجاب سلكين كهرباا.. 

ف اللحظة دي فارس فاق وباصص ل سامر وبيفكر يعمل اي مسك الخشبة من غير ما حد ياخد باله لإنهم واقفين عند ملك وراح ضرب الرجاله بتوعه وكدا فاضل سامر.. 

سامر لف له وكان فارس ماسك الخشبة وهينزل بيها علي راس سامر بس سامر مسك الخشبة وزق فارس بيهاا.. 

_ انت مفكر بعمايلك دي هسمحلك تدخل المخدرات للبلد عندنا.. 

= لاا بس ع الأقل اخلص منك..فارس راح عليه ومسكوا ف بعض وفضلوا يضربوا بعض لحد ما سامر اتخبط ف الباب ووقع ف الأرض.. فارس راح بسرعه علي ملك وفكها 

_ متخافيش يا حبيبتي اهدي. 

ملك بعياط" مش خايفه يا حبيبي انا خوفت عليك "🥺🥺.. 

_ انا مفيش فياا حاجه. وشالهاا وركبها العربية وخدها ع المستشفى.. 

= هتبقي كويسة يا حبيبتي.. 

_ خليك جمبي يا فارس كتفي وجعني اوي.. 

= هي هتشيل ليكي الرصاصة يا حبيبتي وهتبقي كويسة إن شاء الله متخافيش خالص.. 

ملك بثقلان ف كلامها من أثر البنج" طيب خليك معايا يا فارس انا خايفه خليك جمبي "وراحت ف النوم..وهو فضل معاها ف غرفة العمليات.. 

بعد ساعة ف غرفة العمليات فاقت ملك وجمبها فارس وباقي أفراد العيلة.. 

_ فارس.. 

= عيون فارس عامله اي دلوقتي.. 

_ الحمد لله.. 

= كداا يا ملوكة خضتيني عليكي يا حبيبتي والله.. 

_ تعيشي وتاخدي غيرها يا رغد😂😂.. 

= هو انا مش هخرج م المستشفى الشؤم دا.. 

_ شؤم!؟ 🙂😂.. 

= اه شؤم من ساعة ما جيت ولا حد جابلي حتي شوربة لسان عصفور ولا ديك كداا.. 

_ هو حد قالك اننا ف مطعم ولا حاجه.. 

= لا بس انا تعبانه مفروض يجيبوا أكل كدا علشان المرضي يخفوا.. مش يسيبوهم من غير أكل ولا شرب. 

_ يا بنتي انتي بقالك ساعة واحدة بس هنا ولسه فايقة م البنج يجيبولك أكل ازاي يعني وانتي نايمه.. 

= خلاص يا فارس روحني البيت يعم اكل هناك احسن من هناا..

_ يلااا الدكتورة اصلا قالتلي لو عايز تاخدها معاك دلوقتي خدهاا..

بعد نص ساعه وصلوا البيت وفارس شال ملك وطلعها الأوضة..

_ هنزل انا بقاا هبعتلك دادة بالأكل وانا هروح اشتري طقم جديد علشان اروح بيه للعروسة..

ملك بعد ما كانت الضحكه علي وشهاا اختفت تماما والحزن سيطر علي قلبها لما افتكرت سيرة خطوبة فارس..

ردت بحزن " لاا انا هنام شوية ولما اقوم هبقا أكل "..

فارس بإستغراب" يا بنتي انتي من شوية كنتي هتموتي م الجوع اي اللي حصل بقاا"..

ملك بنفاذ صبر" ياربي مفيش يا فارس عايزة أنام شوية"..

_ هسيبك تنامي شوية ولما ارجع لينا كلام تانى.

ملك مردتش عليه ولفت وشها الناحيه التانيه ونامت او عملت إنها هتنام وهو خرج راح يشتري اللبس..

_ ااااه والله ل اعرفك يا فارس وهقتلك حتي لو فيهاا موتي..

= يا بيه فيه اتصال من ****..

_ كويس..هات التليفون.."اي..كله تمام "..

= دا تمام ونص.

_ طب الحمد لله..اما نشوف يا فارس مين فيناا هيغلب التاني...

وقفل الخط..

ياتري مين اللي كان بيكلمه!؟..

_ ملوكتي يا ملك..

ملك مسحت دموعها بسرعه"ادخل"..

فارس دخل" عامله اي دلوقتي يا ست البنات".

ملك فرحت اوي بالكلمه دي "الحمد لله"..

= بصي اي رأيك ف القميص دا.

_ جميل ذوقك حلو علي فكره..

= عارف عارف 😂😂..

_ فارس انا عايزة ادور علي أهلي 🥺🥺..

فارس ساب اللي ف إيده"يعني اي يا ملك"...

= عايزة اشوف فيه حد عايش من اعمامي او ولاد اعمامي اي حد من قرايبي..

_ ليه يا ملك..

= وحشوني اوي حاسه ان انا غريبه ف الدنيا دي ماما وبابا وتيتا كله مات مبقاش ليا حد غير ربناا وانتوا يا فارس مش عارفه نفسي يكون حد من اعمامي عايش عمي ممدوح وعبدالرحمن وخالتي هند كلهم وحشونى بس معرفش هما عايشين فين كإني فقدت الذاكره..

فارس كان عايز يحضنها ويقولها انا معاكي بس مينفعش علشان حرام ..

_ انا جمبك ومعاكي يا ملك وبابا وماما ورغد كلنا معاكي يا حبيبتي..

ملك افتكرت كلامه انه هيروح يخطب" فارس"..

_ اي يا ملوكه..

= هتروح تخطبها امتاا.

_ أول ما تروقي كداا هنروح..

= ماشي يا فارس..

عدت الأايام وملك خفت..

_ ملك ازيك..

اتلفتت وراها لقته أمير صاحبها ف الدرس " الله يسلمك يا أمير اي فيه حاجه "..

= ملك انا كنت عايز اقولك إني يعني..انا بحبك اوي والله..

الكلام دا طبعا كان ف مكان قريب م الفيلا فارس كان راجع بعربيته وشافها واقفة مع ولد نزل م العربية.

_ بتعملي اي يا ملك مع الولد داا..

ملك بخوف" مش بعمل حاجه يا فارس والله"..

فارس بغضب" اسبقيني ع البيت يا ملك وانت يلاا امشي من هنا ومشوفكش واقف معاها تاني سامع"..

خد عربيته ودخلها الفيلاا وطلع بغضب ل أوضة ملك و اول ما دخل اتصدم!!..

فارس طلع ل ملك و أول ما دخل لقاها ماسكة السكينه... 

_ بتعملي اي يا ملك.. 

= مش بعمل حاجه كنت بشوف السكينة كدا حامية ولا لا.. 

فارس بغضب "كنتي بتعملي اي مع الزفت اللي كنتي واقفة معاه دا".. 

ملك بخوف من نبرة صوته" مكنتش بعمل حاجه هو كان ييقولي.... 

_ انجزي بيقولك اي.. 

= كان بيقول ان هو بيحبني يعني .. 

فارس قرب منها ومسك دراعها "وانتي قولتيله اي".. 

ملك حبت تغيظه او تشوفه هيعمل اي" انا ملحقتش ارد عليه بس لو كنت رديت كنت هقوله وانا كمان بحبك".. 

فارس بعصبية وضربها بالقلم " عارفة يا ملك لو كنتي قولتيله كداا كان زمانك مدفونه دلوقتي ولو قولتي الكلمه دي تاني يبقا انتي اللي جبتيه لنفسك ".. 

ملك ببكاء" انت ملكش دعوه بياا مش انت بتحب وهتخطب يبقاا انا كمان لياا الحق احب واتخطب زي زيك يا فارس ".. 

_ لا يا ملك ملكيش الحق تحبي حد اقولك مش هتخرجي م البيت يا ملك بعد كدا وانا اللي هشرحلك كل حاجه وهتروحي ع الامتحان بس.. 

= ليه يعني انت عايز مني اي يا فارس.. 

فارس خرج قبل ما يقولها الحقيقة.. 

ملك فضلت قاعدة زهقانه بس فرحانه ان هو اللي هيذاكر لهاا ( البت دي غريبه اوي مفروض انها مضروبة بالقلم يعني تقعد تعيط) 😂😂.. 

ملك نزلت تحت تتغدا والكل كان قاعد.. 

_ اجهزوا بقاا علشان هنروح للعروسة النهارده.. 

ملك بدأت تاكل بشراهه" انا مش هااجي معاكوا".. 

_ ليه يا ملك.. 

= عندي درس بكرا بدري ولازم أنام بدري.. 

_ بكرا الجمعه يا ملك ومفيش عليكي دروس.. 

ملك احتارت ملقتش غير انها توافق "ماشي يا فارس هااجي خلاص عن اذنكم يا جماعه" وطلعت علي أوضته.. 

فارس عرف إنها زعلانه منه انه ضربها بالقلم ف طلع وراها.. 

أول ما دخل الأوضة لقاها بتعيط اوي وقاعدة ف الأرض جمب السرير.. 

_ يا ربيي انا عارف إنك زعلانه مني والله حقك عليا.. 

_ طب بطلي عيااط علشان ما اعملش حاجه غلط دلوقتي.. 

_ والله هقوم حاضنك دلوقتي وكدا حرام.. 

_ شوفي انتي اللي بتجرجريني للغلط اهو.. 

ملك ضحكت أول ما قال بتجرجريني "انا بجرجرك". 

= والله ضحكتك حلوة شوفتي الدنيا بتبقاا أحلي لما بتضحكي والله.. 

_ طيب شكرا.. 

= قومي اغسلي وشك يلاا والبسي وانا هروح البس انا كمان. 

_ ماشي يا فارس.. وقام خرج.. 

مش عارفه انا ازاي هروح معاه مش هقدر اشوفهم جمب بعض ولا وهو بيكلمها.. 

وقامت لبست ونزلت تحت مستنيه فارس ينزل.. 

_ انا جيت كله جهز.. 

رغد بإبتسامة" تمام يا فندم "... 

_ يلا بينااا.. 

ومشيوا راحوا لأهل العروسة...

واتقدم فارس وأهلها وافقوا.. 

ملك قامت خرجت البلكونه وفارس و شاهيناز قاعدين مع بعض.. 

ملك لقت صوت وراهاا" بتحبيه ".. 

ملك مسحت دموعها وبصت وراها لقته مالك اخو شاهيناز" هو مين دا".. 

_ فارس.. 

ملك بتوتر"لا طبعا دا زي أخويا ".. 

مالك" اومال العيون اللي كانت بتدمع من شوية دي كانت بتدمع ليه ".. 

= مش بعيط ولا حاجه.. 

_ مش هضغط عليكي يا ملك ممكن اقعد معاكي نتكلم شوية.. 

= اتفضل..