"هند سحبت شنطة هدومها وراحت على الجامعه سابت الشنطه فى الأمانات ودخلت لحظت إن الكل مركز عليها وبيبصولها ونظراتهم غريبه لكن دخلت ومهتمتش ولما وصلت الجنينه ال فى الجامعه اتصدمت صدمة عمرها من ال شافته هند شافت صور ليها هى وباباها وكمان صور لباباها وهو فى السجن، وكمان صور لهند لما كانت فى السجن وصور ليها وهى خارجه من الشقه المشبوه، هند وقفت رجليها مش شايلها ودموعها نازله بغزاره"

رانيا:أظن كل الناس دي لازم تعرف حقيقتك على ايه

ال قدامكم دى الطالبه ال بتطلع من الأوائل والممتازه دي وراها حوارات كتير.. الأول أبوها دخل السجن علشان ق*تل أمها الثاني دخلت السجن مرتين منهم مره كانوا جايبينها مش شقة دع*اره ومره طلعت شهرت لرامى خطيبى لأنها عرضت نفسها عليه وهو رفضها الرخيصه 

"هند مقدرتش تستحمل الكلام ووقعت فاقده الوعى"*رامى فى اللحظه دى دخل الجامعه واتفاجأ بهند مرميه على الأرض ورانيا واقفه قدامها بجمود ومربعه ايديها رامى جرى عليها بعد ما شاف الصور واشتالها من على الأرض وجرى بيها بعد ما بص لرانيا باستحقار*

____________________

*عند ندى*

"حازم قرب يتهجم عليها وندى كانت بتبعد لحد ما حاوطها على الكنبه"

ندى بدموع:ابعد يا حاازم أنا بنت عمتك أنا شرفك وعرضك يا حازم أبعدددد

حازم:مش هبعد يا ندى

"قرب حازم عليها وقطع قطعه من هدومها وهى بتصرخ لحد ما فجأه الباب اتكسر وكان جاسر ومعاه البوليس"

ندى:جااسر الحقنى يا جاسر

" جاسر قرب على حازم وبعده عن ندى وفضل يضرب فيه بغل وندى انكمشت لوحدها"

الضابط:سيبه يا جاسر بيه واحنا هنتعامل

"جاسر بعد عنه وهو بيبص ليه بغل وأخد ندى فى حضنه والشرطه أخدت حازم"

ندى بدموع:شوفت كان هيعمل فيا ايه يا جاسر

جاسر وهو بيهديها:بس يا حبيبتى أنا جنبك بس

ندى زقته بعنف:أنت مش لازم تبقا جانبي أنت هتطلقنى يا جاسر وروح للخاينه ال شبهك

جاسر اتنهد:أنت ظلمتي هند يا ندى

ندى:ظلمتها!!!! إنا داخله عليكم وأنتم في أوتيل زبا..له وفى أوضه واحده وأنت كنت خالع قميصك كنت هستنا ايه يا جاسر ظلمتها ازاى بس

جاسر بتنهيده:تعالي نخرج من بيت الحيوان دا وبعدين هحكيلك على كل حاجه

ندى:بس يا جاسر لو طلعت بتضحك عليا ه..

جاسر:مش مضطر أضحك عليكى يا ندى

___________________

*عند رامى*

رامى:هاا يا دكتور مالها

الدكتور:انهيار عصبي وهبوط حاد في الدوره الدمويه من الواضح انها مش واخده بالها من أكلها ولا صحتها أنا علقتها محاليل وياريت حضرتك تهتموا بصحتها أكتر من كده ومحدش يزعلها لأن دا غلط على صحتها

رامى بجديه:حاضر يا دكتور متشكر

الدكتور:على ايه دا شغلي

"الدكتور مشي فى نفس الوقت ال دخلت فيه رانيا"

رانيا بعصبيه:ممكن أعرف ايه ال أنت عملتوا دا

رامى ببرود:عملت ايه؟.

رانيا:لا أبدا بس أحرجتني قدام الجامعه كلها وأنت بتشيلها وتجرى بيها ولا حتى غملتلى اهتمام

رامى مسكها وضغط على ايديها جامد لدرجة إنها اتوجعت:أنا ال ممكن أعرف ال أنت عملتيه فصاحبتك دا بتخونيها وتفضحيها قدام الجامعه كلها

رانيا:هى ال خانت الأول

رامى:كل واحد بيتعامل على حسب تربيته يا رانيا يعني حتى لو هى اساءت إليكي مكنش المفروض تردي الإساءه بإساءه

رانيا بغضب:تقصد إن أنا مش متربيه يا رامي

رامى بعصبيه:والله ال على راسه بطحه

"وخرج وساب المستشفى"

رانيا بعصبيه:ماشى يا رامي أنا هوريك

----------------

*على الجانب التانى فى أوضة هند كانت بتحلم*

_ايه يا هانم كل شويه هاات فلوس هات فلوس ايه وأنا قاعد على بنك 

=الله الله يعني أنا كنت باخدهم وأروح بيهم الكوافير ما هو كله على بيتك يا بيه 

_أنت بتستنزفيني يا وليه أنا ممشى البيت بالعافيه والحمد لله ستركو 

=سترنا!!امال لو مش سترنا دا بنتك وبتشتغل وبتصرف على نفسها علشان دروسها والملازم ال بتحتاجها يعني أنت مش عليك مصاريف ايه أطلع أنا كمان أشتغل وأصرف على نفسى 

_اسكتي بقا يا وليه أنت صدعتيني أدخلى المطبخ أعملي لقمه أكلها وأخزي الشيطان 

=وأخزيه ازاى وهو قاعد قدامى.. أنا عايزه فلوس يعنى عايزه فلوس امال راجل على ايه يا أخواتي 

_أنا رجل غصب عنك 

"الحوار اشتد ما بين والد هند ووالدتها لدرجة انه وصل للاشتباك بالايد ووالد هند مسك خشبه وضرب بيها مراته على رأسها ووقعت ميته فى الحال" 

"هند رجعت من درسها لأنها كانت فى ٣ث لقت الجيران قدام الشقه وفيه إسعاف وبوليس اتخضت هند ودخلت اتفاجأت من المنظر، وعرفت إن باباها اتاخد على السجن ومن يومها وهي مقطعاه"

*باك*

هند فاقت بتصرخ:يا مااماااا أرجعى يا مااماااا ليه عملت كده يا بااابااا لييييه يا مااماااا تعالى شوفي بنتك 

" الدكاتره دخلوا أدوها حقنه مهدئه ورجعت نامت تانى"

________________

*عند ندى وجاسر فى الكافيه*

جاسر بمرح:بس حلو الجاكيت بتاعي عليكى

ندى بقرف:قولتلك خدني على أي مول أشترى منه لبس أنا أصلا لا طايقاك ولا طايقه هدومك

جاسر:يااه للدرجادي

ندى:جاسر لو سمحت أحكي فيه ايه

جاسر:*فلاش باك*

كان راكب مع ندى فى العربيه لما اتبعتت له رساله نصها كالآتى:جاسر أنا هند صاحبة ندى محتاجاك فى موضوع ضرورى بخصوص ندى تعالالي دلوقتى على أوتيل *** ضروري يا جاسر الحوار كبير ولو مجتش ندى هتضر جامد..

"جاسر وصل ندى وراح لهند ودخل الأوتيل واتقابل مع هند"

جاسر:ايه عايزه ايه وجايباني هنا ليه

هند همست:احنا فى خطر

"وفجأه ظهر من خلفها رجاله مسلحين"

جاسر بخضه:ايه دا فيه ايه

 *ظهر واحد ملثم*

_أهلا أستاذ جاسر.

جاسر:أنت مين

_أنا ال هاخد روحك إن شاء الله

"جاسر قرب عليه علشان يشيل القناع لكن فجأه كان مضروب والسلاح على راسه والرجاله حواليه"

_تؤ تؤ تؤ أنا عايزك هادي لسه ال جاي أقوى

" فتح موبايله ووراله فيديو"

_مش دى مراتك برضو

جاسر بعصبيه:اه يا ابن ال*** عايز ايه من مراتي يا زبا..له

_مراتك رجالتى حواليها فى كل مكان أى تصرف غلط منك هيكونوا مخلصين عليها

جاسر:أنت عايز ايه..

_هتمثل دور صغير أنت والسنيوره هتمثل انك بتخون مراتك وأول ما المسرحيه تخلص هسيب كل واحد فى حاله بس أى تصرف غلط أنا رجالتى فى كل مكان هحسرك على مراتك

جاسر:وأنت هتستفاد ايه من كده

_أنت ملكش دعوه أنت عليك إنك تنفذ وبس.. واوعي بعد ما مراتك تكشف خيانتك تخرج وراها احنا هنسيبك بس بعدها بفتره

جاسر مضطرا:تمام

"المجهول خرج واتبقا الرجاله كل واحد اخد مكانه فى الأوضه بحيث انهم محاوطينهم بس من غير ما حد يشوفهم دا غير انهم موجودين فى كل شبر فى الأوتيل"

جاسر بعصبيه:أنت أغبى إنسانه أنا شفتها فى حياتى

هند:أنا!!!!

جاسر:اه أنت جايباني لحد هنا بتسلمينى تسليم أهالي.

هند:كفايه بقا أنا تعبت أنتم كلكم عندكم قلب وأنا لأ؟؟ أنا كنت مخطوفه وهما أصلا ال كلموك أنا هنا زيى زيك

جاسر فضل يفكر يعمل ايه بس هو محاصر من كل الاتجاهات حتى ممعهوش سلاحه ولو دخل حرب معاهم مؤكد هو الخسران*باك*

جاسر:بس والباقي أنت عرفاه

ندى بصدمه:كل دا حصل

جاسر:كنت مضطر أكمل معاهم للآخر علشان أعرف الشخص دا مين

ندى بحزن:أنا ظلمت هند اوى يا جاسر

جاسر:هند دى غبيه جبتني على المكان هى السبب أصلا

ندي:بس بقا يا جاسر كفايه تجريح فيها طب يا ترى هى فين دلوقتى دى ملهاش حد.

جاسر:ربنا يتولاها

ندى:احنا لازم ندور عليها.

جاسر:فى الأول ممكن أسألك سؤال

ندي:ايه

جاسر:هو أنت ممكن تسامحيني..

ندى بسرحان:مش عارفه.. لو سمحت ممكن نمشي.

جاسر بتفهم:تمام يلا

"جاسر وندى ركبوا عربيتهم ومشيوا وفى الطريق جاله مكالمه"

جاسر:الو

...... =

جاسر بخضه:ايه!!! 

ندى بخوف:ايه فى ايه 

جاسر بعصبيه:حازم هرب منهم في الطريق رجلته هربوه 

ندي:استر يارب 

"جاسر قعد يضغط على الفرامل والعربيه مبتوقفش" 

جاسر:العربيه مفيهاش فرامل 

ندى بخضه:ايه!!!!!!_ و..

_________________

*فى مكان تانى فى الصحرا*

"كان بيتم تسليم صفقة سلا..ح وفجأه هجم البوليس على المكان"

رامي:كله يسلم نفسه المكان كله محاصر 

رانيا ضحكت بعلو صوتها:برافو عليك يا حضرت الضابط كنت عارفه انك شطور وهتكشفنا 

رامي:نزلي السلاح يا رانيا وسلمى نفسك بهدؤ علشان الضحايا متكنش كتير 

رانيا:تؤ تؤ تؤ أنت فاكرنى أنا لوحدي أنا ورايا ناس تقيله اوى يعني مش هيسبوني 

رامي:سلمى نفسك يا رانيا 

رانيا:أنت هتسبني أخرج من هنا زى الشاطر كده 

رامي:يااه دا ايه الثقه دي 

رانيا:أصلي معايا حاجه تهمك 

"رانيا فتحت شوال كان قدامها وخرجت منه هند ال كانت مربوطه ومضربه ونظرها يرثي ليه" 

هند وجهت السلاح ناحيتها:أنا هخرج من هنا سليمه يا رامي أو تودع الكتكوته 

رامى:الكتكوته متهمنيش يا رانيا عندك اهيه أشبعي بيها 

رانيا بعصبيه:بقاا كده 

"صمت.. صمت تام سكن المكان لما الطلقه خرجت من السلاح وسكنت فى جسمها و.."

____________________________