بعد مرور أسبوع حدث بيه الكثير من الأشياء 

وأولهم وسكيون الاسعد لكم طلاق منى من محمود بعدما علم أنها ضربت والدته ...

هشام كما هو بعت من يراقب حبيبه وكل خطوه تاخدها هذا شخص يصورها يبعتها إليه وينتظر الوقت المناسب ليظهر لها من جديد ......

قرب ياسين للغايه من حبيبه وبدات تشتعل بينهم نار الحب ..ولكن حبيبه خائفه من شيئ مجهول لا تدرى ما هو وخائفه من علاقتها بياسين حتى أنها أخذت راي كرستين وقاسم وجميعهم لم يعترضوا ف علاقتهم لا يجود بها اى تجاوز ..........

فى البلد فى بيت هشام .. منى بتصرخ ومسكه فى احمد ابنها ....

منى: احب على يدك يا محمود هات الواد 

محمود: لا مش هديك الواد مش هخليه يتربى معاك مش هخليه يتشرب من سمك ولا يطلع زى خالو 

حافظه: اسمع يا جدع انت اسم بابنى ميجيش على لسانك ده 

محمود بسخرية: بتك عندك يا حماتى ابجى ربيها 

حافظه: بتى متربيه غصبا عن عينك 

محمود: واضح التربيه ... مش عايز اشوفك  تانى فى حياتى ..

منى بنحيب: ونبى خلينى اشوف ابنى ونبى يا محمود 

محمود : ابدا وحياة مد يدك على امى لشحطفك عليه وحياة جهرت جلبها لاكوى جلبك وبرضوا مش هتلمحى ضفروا 

حافظه: وانت فاكر هنسكتلك فى محاكم بينا يا ابن انعام 

محمود: لو لمحت مرا منكم جنبها همحيها من وش دنيا ولو ابنك دكر على حج يهوب نحيتى وانا اخليه يتحصر على عمره ... 

بصلهم بقرف وشال احمد وخرج ...

قعد منها تضرب على وشها وتصوت ...

بصتلها رحاب بشماته وقالت فى سرها: ذنب حبيبه الغلبانه  ولسه دور أمك واخوك جى 

بس دور أمك على ايدى ....

حافظه: ربنا ينتجم منك يا بعيد .... 

وبصت لبنتها: ولا يهمك بكره اجوزك سيد سيدو ..

بصتلهم وسكت الناس دى مش بتعترف أنها ظالمه بسهوله ....

حافظه : بتبصى اجده ليه اكيد شمتانه

انا فعلا شمتانه بس عمرى ما اجول رديت ببرود: واشمت ليه انا وليه زيها 

حافظه: يبجا انجرى اعملى لجمه 

رحاب ببرود: مانيش جادره اعملو انتو 

وسبتها وتطلعت تولع هى وبتها ....................

عند ياسين انهارده اجازه من الشغل  وهو مظبط مواعيد شغله وأجزته مع حبيبه .... 

كان قاعد بياكل فى امان الله وبيلعب مع عيال اخوه رائف ... 

رائف: جهز نفسك 

ياسين: خير حد مات ..

رائف: لا بعيد الشر بس هخطبلك 

مش مركز أو اصدمت يعنى ايه يخطبلى هو أنا صغير وبعدين ازاى لا مستحيل 

رائف: ياسين انت معى 

قومت وقفت وقولت: لا طبعا مش موافق 

رائف بحده: يعنى ايه انت هتصغرنى معاهم 

ياسين: وانا مالى انت اخدت رايى 

رائف: مش محتاج اخد رايك لانك هتيجى معى 

ياسين بحده: مستحيل ده يحصل حتى لو على جثتى 

رائف بحده: ليه ادينى سبب 

سناء : احترمونى انا وسطكم 

منال زوجت رائف: بلاش تنفعلى يا ماما علشان متتعبيش 

سناء: وحلهم ده يابنتى 

رائف قرب من ياسين ومسكو من هدومه: قولى يالاا انا بسعى انك تكون بنى آدم محترم وعندك عائله وانت عايز تعيش طول عمرك صايع قولى رافض ليه 

حاولت امسك اعصابى مهما حصل اخويا الكبير واللى مربينى بينى وبينو ١٥سنه 

قولت بهدوء: جوايا مشاعر لحد ...

مسكت ايدو ونزلتها بهدوء من على هدومى بصيت لامى لقتها بتضحك عرفت انها فهمت قصدى ... ابتسمتلها ودخلت اوضتى ..

رائف لاحظ السين اللى بينهم : ممكن افهم هو فيه ايه 

سناء بابتسامة: ياسين كبر وبيحب 

رائف: مين 

سناء بابتسامة: ده سر ياسين ومقدرش وبعدين ده لسه بينهم نظرات 

رائف: نظرات يعنى ايه مش فاهم بيشفها فين انا مش مرتاح لابنك 

سناء : بس انا مرتاحه 

رائف: عايز افهم تتخير عن اختيارى بايه 

سناء: انا مشفتش اختيارك بس انا شايفه اختيار يا سين بسم الله مشاء الله 

رائف: انت عرفاه ومقولتيش 

سناء بابتسامة: مش قولتلك سر ...

وسبتو ومشيت ...

وقف رائف فى نص حك رقبتو: والله ما مرتحلك انت كمان 

لاحظ منال بتضحك قال بحده:انت تعرفى حاجه 

منال: وربنا ابدا .... .....

عند حبيبه .....

واقفه فى المطبخ بتحضر الغداء دخل العفريت الصغير كفين وأخذ شوية بطاطس وجرى 

حبيبه بعفاويه: ياسين خد هنا 

وبعدين قلبها دق بعنف وسكتت وشها جاب الوان اول ومشافت صدمة كرستين سابت كل اللى فى اديها وجريت على بره .. قفلت كرستين على الاكل وطلعت وراها ...لقتها قاعده ومكسوفه قعد جنبها وطبطبت عليها ...

كرستين بحنان: بتحبيه 

حبييه: مش عارفه يا كرس

كرستين: حتى لو بتحبيه وايه يعنى مش من حقك 

حبيبه: بس أنى خايفه جوى اخرتها ايه 

كريستين: اخرتها خير 

حبيبه: لا انا جلبى مش مطمان انى خايفه لحسن أفضل أجده هشام خانجنى 

كريستين: ليه يا حبيبتى مش يمكن ربنا يسعدك. تخلصى منه وتعيشى حياتك مع ياسين أو مع غيرو 

خبيبه: انى مش عايزه اعلج نفسى بالحبال دايبه 

كريستين: انت مفكيش حاجه تتعايب يا حبيبه والف راجل يتمناك غير ياسين متخافيش وافتحى قلبك وارميها على ربنا 

هزت راسى وجامت حضنتنى وجمنا .................

فى اليل راجع قاسم من الشغل وصل المحصول الطماطم للمصنع وراجع من على الطريق الصحراوي سمع صوت طفل بعيط هدى السرعه وقف العربيه ونزل يشوف الصوت جى منين ويتفجاء بطفل محطوط فى نص الطريق قلبو اتخلع قرب منه وشاف مكتوب على البطانيه البيضه اللى ملفوف بيها (لاقيت) .......الكلمه وجعتو اوى ازاى ناس يجلها قلب تعمل كده .. شالو وهدى عياطو ورجع فى وشو على البيت. .....

دخل وهو شايلو وحاسس أن قلبو بيطير من الفرحه .... 

امنه بدهشه: وه ابن مين ده 

قاسم بابتسامة: مش عارف انا لجيتو 

رامى : وه لجيتو فين 

قاسم: على طريق صحراوي فى نص الطريق 

رامى باسى: تلاجيه مخطوف من امو 

قاسم: مافيش الكلام ده حد راميه 

امنه: يا جلب أمك ده شكلو ابن ساعات 

صالح: روح حتو فى اى جسم يلا مش ناقصه مصايب 

قاسم ببرود: هو انى مجولتلكش انى هتبناه واربيه 

صالح بعصبية: مش هسمح بكده انك تدخل عيل الله واعلم جى منين يتربى وسط احفادى 

قاسم بهدوء: يابا انى اخد جرار خلاص 

صالح بعصبية: محدش هيوافج  انو يتربى هنا 

قام رامى بهدوء: يتربى في عزك يا خويا انى طالع 

امنه: خدو واطلع لمرتك فرحها .. 

قاسم بص لابوه واخدو وطلع .... 

صالح بعصبية: والله عال محدش بجا يعملى حساب هنا وبتك الفا*جره اللى هربت واكيد ماشيه على حل شعرها التانيه جصرت ربجتى جدام جوزها 

امنه: وهى دى جوازه برضوا دى جوازت الندامه ....

عند حبيبه .....

كرستين: روحى قبليه يا حبيبه ومتخافيش 

حبيبه بقلق: بس انى خايفه 

كرستين: من ايه بس جمدى قلبك كده ومش هيحصل حاجه يلا قومى البسى وانزلى 

فعلا سمعت كلامها وجمت بدلت خلجاتى اصل ياسين رن على وجال انى لازم اجبلو على البحر ضرورى ... 

لبست ونزلت المكان اللى جال عليه لجيتو واجف وعلى وشو ابتسامه جميله جوى يابوي عليه .. 

ياسين بابتسامة وماسك فايدو ورد اده لحبيبه  

حبيبه اتكسفت واخذتو منه: شكرا 

ياسين: العفو 

حبيبه: خير 

اخد نفس طويل واتكلم بهدوء: بصى يا حبيبه انا عمرى مالفيت ولا دورت انا بحبك 

ما تخاف منه حدث الان ........ 

نرجع البلد .... 

مهره ضمه الطفل بتملك غريب ومرعب قاسم خايف لحسن يطلع فعلا مخطوف واهلو يظهرو ويخدو منها مهره ممكن يحصلها حاجه فاق على صوتها وهى بتلعب معها ..

مهره وكأنها ام حقيقى: يا خلاثى على العسل انت بتضحك لماما يا روح ماما ..

وبعدين بصت لقاسم : هسميه مالك 

ابتسمتلها وهزت راسى بالموافجه: حلو يا حبيبتى ... 

ثانيه وبدا مالك يعيط جامد 

قاسم قلبه اتخلع من الخوف عليه كانو ابنه: مالو بيعيط كده ليه 

مهره:شكلو جعان انزل هات علبة لبن ورضاعه ..

قاسم: طب البسى هنروح نوديه المستوصف يكشفو عليه انى سمعت أن فى عيال بيكون ليها لبن معين وبالمره نعدى نجبله هدمتين وان شاء الله بكره هروح اسجلو واعملوا شهاده ميلاد ............

نرجع لحبيبه المصدومه 

حبيبه بصدمه: ببتحبنى ازاى 

ياسين: هو ايه اللى ازاى بحبك يا حبيبه قلبى بيدق ليك انت 

حبيبه بدموع: أأنت متعرفش عنى حاجه 

ياسين: مهما كان اللى انت فيه انا معاك ومش هسيبك تحت اى ظرف كان ... يا حبيبه انا حبيتك من ساعة مخبط فيك فى البلد فضلتى شغلانى ولما عرفت انك متجوزه كنت هموت ولما جيتى وانت شايله ملوك وكنت متبهدله وعرفت أن اللى عمل كده جوزك كنت عايز اروح اطلع روحو فى اديه .. طب عارفه لما كنت عايزه ترمى نفسك انا قلبى عامل ازاى وقتها ولما وقعتى فى حضنى ونفسك على رقبتى انا كان نفسى تفضلى كده طول العمر ولما نطقتى اسم جوزك قلبى وجعنى اوى .... 

طب تعرفى بقا أن انا اللى كنت قاعد جنبك لما كنت بتعيطى على البحر كنت ماشى صدفه وشفتك خبيط ملامحى وقعدت اتكلم معاك طب تعرفى انا عرفت انك قاعده مع كرس روحت قولتها اننا محتاجين ممرضين علشان كنت متأكد أن كلامى هيأثر عليك واول حاجه هتعمليها هى الشغل طب تعرفى أن انا اللى وديتك عند امى كرس كانت بتسأل على حد يعلم تفصيل وعرفت أنه ليك فرشحت ماما لما شفتينى هناك مكنتش مجرد صدفه انا مرتب لكل ده انا عامل زى ظلك وراك فى كل حاجه عارفه ليه كل ده لانى بحبك يا حبيبه بحبك اوى وهفضل معاك مهما حصل ... 

نزلت من عينها دموع بس المره دى مختلفه عن كل مره دى دموع الفرحه هى فرحانه أن لاقت حد بيحبها كده ..

ياسين بقلق: حبيبه انت بتحبينى 

رديت بين دموعى: مش عارفه بس انا بحس بحاجه حلوه ناحيتك ..

قرب منها ومسك اديها وقال: مش مشكله انا مش طالب كتير بس اهم حاجه تكون حاسه بيه حاسه بقلبى يا حبيبه

هزت راسى: حاسه بيه .. بس انى مش عارفه مصيرى ايه انى خايفه جوى خايفه من الحب ده 

مسح دموعها : متخافيش يا حبيبه انا عمرى مجرحك .... وهفضل معاك لحد ما تخلصى من جوزك وهستناك حتى لو لاخر العمر ولو مخدكيش فى دنيا هطلبك فى الاخره يا حبيبه 

حبيبه بدموع: بس انى مستهلكش 

ياسين باس أيدها: انا اللى مستهلكيش انت كتير على .. موافقه يا حبيبه تبقى معى لحد اخر العمر 

حبيبه بفرحه: موافقه 

طبعا لأنها مش حلالو مش هيعرف يشلها ولا يحضنها اكتفى أنه باس اديها ......

كل الحديث اللى دار بين حبيبه وياسين كان اتصور وتبعت .........

حبيبه : اهلك هيتقبلونى 

ياسين: اكيد 

حبيبه: فرضا رفضوا 

ياسين: مش مهم الدنيا كلها المهم انت موافقه 

حبيبه: بس انا بحب ماما سناء 

ياسين: وهى كمان بتحبك 

حبيبه: بس لو عرفت انى متجوزه 

رد ياسين بغيره: هتطلقى ومش هتبقى غير على ذمتى انا 

ابتسمت حبيبه على غيرته: طب يا استاذ ياسين لما تعرف أنى مطلقه وكان عندى طفلين وماتو 

ياسين:طب ايه رايك نروح تحكليها 

حبيبه بتوتر: مستحيل 

ياسين: ليه طب ما انا معاك 

حبيبه: لا قولها انت

ياسين مسك اديها وسحبها معه: لا هتقوليلها انت

يتبع