زياد عشان كدة انا جيتلك ياااميرة وعشان المشكلة دى تتتحل انتى طالق

شهقت سها وحطت ايديها على وشها بصدمة 

أميرة بهدوء أحسن قرار خدته فى حياتك والله متتخيلش قرارك فرحنى قد ايه  لو بعرف ازغر*ط كنت زغرط*ت ولا اقولك سها موجودة هيا تزغرط*لنا ولا ايه ياسها

سها وهيا بتبصلها بصدمة وقالت في سرها ده باين عليها اتهب*لت ولا ايه 

زياد بااستغراب يعنى انتى مش فارق معاكى ؟

أميرة بقوة أيوة مش فارق معايا ولا انت بقيت تفرق معايا ويلا اتفضل اطلع برة

زياد بصدمة انتى بتطردينى انا يااميرة على فكرة أنا كنت اقدر احبسك بتهمة محاولة قتل ابنى بس انا رعيت العيش والملح

 اميرة بقوة شكلك مسمعتش الل قولته أو مش مستوعب وبعدين كملت بصوت عالى يلااااااا أطلع بررررره

فؤاد بكره خسارة والله يازياد يابيه كنت فاكرك هتصون اختى وتحميها بس للاسف طلعت واط*ى وغد*ار 

بصلهم زياد بغضب  كل اهناتكم ليا انا مش هنساها  بعدها مشى قفلت أميرة الباب بقوة

فؤاد بحزن وشفقة أميرة 

دخلت أميرة اوضتها من غير ماتبص لحد فيهم وهبدت الباب

سها يامص*بتى حاسبى ياختى الباب الباب هيتكسر 

خرجت ملك من اوضتها  هو عمى زياد كان هنا بيزعق هو وعمتى ليه ؟

سها بتحسر طلق عمتك ياختى  انا حاسة أن قلبى هيقف الحقينى يابت بكوباية ماية 

فؤاد بزعيق ماتسكتى ياو*لية شوية بدل ماارمى عليكى اليمين ده الل اطلقت نفسها ماعملتش الل انتى عملتيه

وانتى ياملك ادخلى كملى مذاكرة 

مذااااكرة ايه ومين الل هيعمل الغدا أن شاء الله

رد فؤاد بغضب اكل وانتى ليكى نفس تاكلى

فى غرفة أميرة كانت بتعيط جامد وهيا بتفتكر كل ذكرياتها مع زياد وقد ايه كانوا بيحبوا بعض وخوفه وغيرته عليها بعد كل ده غدر بيها وطلقها

بعد قليل

________________

ادخل ياض ادخلى يابت وبطلوا مشاغبة يلااا 

تعالى يامالك ياحبيبى انت جيت 

لا ياماما لسه مجتش مش كفاية عيال ابنك الل مزهقنى دول 

ايه ياخويا هما العيال كانوا داسو*لك على طرف مش طايق العيال ليه

مالك بقر*ف بقولك ايه ياست نور انا مش فايقلك انتى كمان عيالك طالعين رخم*ين زيك

نور بغيظ شايفة ياماما ابنك بيكلمنى ازاى

حماتها بقولكم ايه الواحد فيه الل مكفيه فين رنا عشان تحطوا الاكل زمان نادر وزياد جايين

 رنا وهيا نازلة من على السلم بسرعة

 ‏خد منى حمزة يامالك عبل ماالمونوكير بتاعى ينشف

حماتها مونوكير ايه يابنتى ماتسكتى ابنك الل عمال بيعيط من الصبح 

خد مالك حمزة منها وكان بيعيط جامد 

مالك هو انا يارب مكتوب عليا شيلة العيال طب وده بيسكت ازاى فينك يااميرة 

رنا بغيظ ماتجبش سيرة البت دى 

تجاهل مالك كلامها  ماما انا جعان انا لسه هستنى البشوات لما ييجوا حطوا الاكل منك ليها

الام بغيظ يابنى هو انت كدة دايما همك على بطنك انا اعرف ان الل فى الثانوية العامة دول بتبئا نفسهم مسدودة

-------------------------

بعد قليل

دخل زياد وكان الكل متجمع على الترابيزة

الام تعالى يازياد ياحبيبى اومال فين أميرة مجبتهاش معاك ليه

زياد ببرود انا طلقت اميرة ومش عايز حد يجبلى سيرتها تانى

الأم بشهقة ليه يابنى كدة 

فرحت رنا وراحت حضنت زياد وقالت عملت الحاجة الصح ياروحى 

اما نور زغرطت وهيا فى كامل فرحتها

بص نادر بغضب لنور انتى بتزغرطى على ايه وانت يازياد حرام عليك يااخى مراتك طول عمرها واقفة جمبك وكانت بتعمل كل الل يرضيك متستاهلش انك تظلمها وتعمل فيها كدة هيا عملت ايه لكل ده 

رد عليه زياد بغضب ياريت تخليك فى حالك يانادر

نادر بهدوء لا مش هخلينى فى حالى انا اخوك الكبير ولازم انصحك الل عملته غلط وبكرة تندم على الل عملته بس هيكون الوقت فات وبعدها مشى نادر وسابه 

 رنا بصوت واطى لنور

ماتلمى جوزك ياختى انا اما صدقتك أنه طلقها  وبعدين انتى مش شايفاه بيدافع عنها زيادة عن اللازم 

نور  بغيظ اما أطلعله بس وحياة ام*ه لنكد عليه 

  ___________________ 

سها  هيا هتفضل طول اليوم قاعدة مش بتعمل حاجة روحى يابنتى خبطتى عليها تطلع تعمل الاكل

بصتلها ملك بقرف  ايه ياماما خلى عندك دم عمتو لسه مطلقة

سها وهيا بتمسكها من شعرها فى واحدة تقول لامها معندكيش دم ياقل*ة الادب

ملك معلش يامااا*اااما شعرر*ررى سيبى شعرى

سها وهيا بتسيب شعرها انا اصلا غلطانة انى مش بخليكى تنزلى تقفى فى المحل 

طلعت اميرة من اوضتها وراحت على المطبخ

سها قومى يابنتى أما نشوفها هتعمل ايه لحسن تكون هتموت نفسها تلبسنا جريمة

سمعتها اميرة وردت بهدوء ماتخافيش ياسها انا مش ضعيفة لدرجة أنى اعمل كدة انا كنت داخلة أعمل الاكل 

سها  برضا ماشى اعملى المكرونه بس تعملى على  الأد واووعى تزودى الزيت ايوة اومال الزيت غالى 

ملك بصوت واطى هتموتما ببخلها

سها بتبرطمى تقولى ايه يابت

ملك لا ياماما ولا حاجة 

سها وهيا بتبص على الاسورة الل فى ايد اميرة 

الله ايه الاسورة الحلوة دى شكلها حلو اوووى

افتكرت اميرة مامتها لما جبتهلها هدية فى عيد ميلادها وعينيها دمعت حست انها فعلا محتاجة لمامتها فى الوقت ده 

اميرة دى ماما الل يرحمها جابتهالى 

قلعتها سها الاسورة وبعدين قاستها على ايديها بااعجاب الله شوفتوا شكلها حلوو عليا اوووى  كأنهااا اتعملت مخصوص على ايدى ده انا كدة معنديش أهل الل عمرهم حتى مادخلوا عليا بكيلو فاكهه 

حست اميرة بالاحراج وهيا عايزة تاخد منها الاسورة 

ملك وهيا بتاخد منها الاسورة وبعدين ادتها لاميرة خدى ياعمتو ماما مش بينفع معاها غير الأسلوب ده 

سها بغصب كدة ياملك ماشى يابتاااا*ااعة تالته إعداا*اادى والله لوريكى أبقى شيييلى يابت ملحقيين زى السنة الل فااا*اتت وافضحي*يينىى

ملك بغيظ وبصوت واطى خلاص ياماما متفضحن*يش قدام عمتى

فجأة رن الباب طلعت اميرة تفتح 

اميرة  نادر أت اتفضل

نادر بخجل انا عرفت الل زياد عمله انا آسف يااميرة

اميرة بحزن بتتأسف على ايه يانادر انت ملكش ذنب بالعكس انت كنت دايما واقف جمبى ياريت زياد كان زيك مكناش وصلنا لل احنا فيه

نادر  انا جيت اقولك انى مش هسيبك وعايز اعرض عليكى عرض واتمنى توافقى تقبلى ت...

نادر  انا جيت اقولك انى مش هسيبك وعايز اعرض عليكى عرض واتمنى توافقى تقبلى ت...

نور بمقاطعة نورت البيت يااستاذ نادر 

البيت منور باصحابه يامدام سها

ملك بتذمر اومال فين مالك مجاش معاك ليه

نادر كان عايز ييجى عشان يشوفك يااميرة بس وراه مذاكرة 

اميرة ربنا يقوية يارب 

 سها وهيا بتمسك ملك من ايديها ماتتلمى يابت انتى بتسألى عليه عينى عينك كدة عادى وبعدين قالت بصوت واطى اعملى حاجة لعمك نادر يشربها واوعى 

قاطعتها ملك بملل مش هكتر السكر متخافيش

نادر وانتى عاملة ايه 

اميرة وهيا بتحاول تخفى حزنها وقالت ببرود عادى هو حصل ايه يعنى زياد معتش يفرق معايا ولا انا زعلانة

نادر بحنية حتى ولو عملتى  قدام الكل انك مش همك هقدر افهم بردوا انك مضايقة عايزك تفض*فضى طلعى كل الل جواكى انا عارف ان انتى مش بتحبى تبينى حزنك قدام حد أو تحسى انك ضعيفه 

اميرة تعبانة اوى يانادر ومش قادر انسى صحيح انت كنت هتقول حاجة قبل ماسها تيجى 

نادر ايوة ماهو ده الل جتلك عشانه عايزك تشتغلى  

اميرة بتفكير بس هشتغل ايه ؟

نادر بصى انا كنت بضور على سكرتيرة لمكتبى ايه رأيك تشتغلى معايا

اميرة برفض لا طبعا مش هينفع افرض نور عرفت والناس هتقول ايه شغالة عند اخو طليقها

سها بصوت عالى من جوه (وطبعا لانها كانت واقفة بتتصنط عليهم 😂)وفيهاااا ايه ده زى اخوكى بالظبط سيبك من كلام الناس

فى الوقت ده طلعت ملك اتفضل ياعمو نادر

نادر تسلمى ياحبيبتى وبعدين كمل مدام سها موافقة وانا هكلم اخوكى فى التليفون ااكد عليه انتى طبعا عارفة طريق المكتب مش محتاج اديكى اعنوان 

اميرة باابتسامة ايوة اومال مش كنت شغالة فيه قبل كدة أن شاء الله لو فؤاد وافق هاجى من بكرة

نادر طب انا همشى دلوقتى عشان ورايا شغل خلى بالك من نفسك

اميرة باابتسامة حاضر وبجد شكرا ليك

نادر متشكرنيش تانى هزعل منك انا معملتش حاجة

___________

فين كوبااااية القهوة يااميرة 

اميرة والله انا مش اميرة يااستاذ زياد انا مراتك رنا

زياد بضيق حقك عليا يارنا مقصدش ازعلك انتى عارفة انى متعود اشرب القهوة قبل مااروح الشغل ممكن تعمليلى كوباية القهوة

رنا انت شايفنى فاضية ياحبيبى مش شايف الماسك الل على وشى هخلى مالك يعملهالك 

دخلت طفلة صغيرة عندها ٥ سنوات وكانت شايلة حمزة اول ماشافها زياد راح ياخد حمزة منها بلهفة وقال بغض*ب

اومال فين عمك مالك ؟

جنة انكل مالك بيقولكم محدش يكلموا أو يقولوا يعمل حاجة تانية عشان هو زهق وطف*ش وتيته بتقولك انزلى روقى الشقة   

انا قولتك قبل كدة نجيب واحدة تساعدنا فى شغل البيت وماماتك مصرة ترفض معرفش عايزة تتعبنا معاها ليه

زياد خلاص ياحبيبتى هحاول اقنعها وبعدين كمل ببرود وتسلم ايدك على القهوة واديها حمزة ومشى 

نزلت رنا عند حماتها بغيظ وسمعت نور 

بقولك ايه ياماما انا مش كل يوم هعمل الشغل لوحدى رنا مش احسن منى فى حاجة

حماتها هيا مش صاحبتك اتصرفى معاها عشان تعرفوا قيمة اميرة

رنا بغيظ وكالعادة اول ماتسمع سيرة اميرة بتموت من غيظها

ايه ياست نور فى ايه انتى عارفة انى مش فاضية وحمزة مغلبنى وقالت فى سرها معرفش اميرة كانت بتتعامل معاه ازاى

نور هو مفيش غيرك ياختى معاه عيال بقولك ايه انتى زيك زيى فى البيت ده لو معملتيش الشغل معايا انا كمان مش هعمل وسابتها ومشيت

___________________ 

نور اجبلك الاكل تاكل

 ‏نادر كلت برة شكرا 

 ‏نور بزعي*ق لا كدة كتير اوى انت من ساعة ماست الحسن والجمال ماسابت البيت وانت معاملتك متغيرة معايا 

 ‏نادر بغيظ نور احترمى نفسك ووطى صوتك  انا  ببقى جاى من الشغل مرهق عايز ارتاح ولو سمحتى كفاية اوهامك المريضة دى

 ‏نور عااايز تفهمنى انك مش بتحبها ؟

 ‏تجاهلها نادر وده عصبها 

 ‏ايوة يبقى لسة بتحبها ماهى حبيبة القلب و

 ‏نادر بعصبية خلاااص كفااية انا زهقت من المرشح الل كل يوم بتعمليه وأسألتك الل مش بتخلص انتى بتضورى على اى سبب عشان نتخانق وخلاص والله لولا عيالى كنت..

 ‏وبعدين سكت 

 ‏نور كنت ايه يااستاذ نادر ماتقول ؟

 ‏نادر ببرود انا رايح انام فى اوضة العيال وسابها ومشى

 ‏نور بعصبية يلااااااا ياحبيي*يبى فى ستي*يين دا*هية 

 ‏_____________

خبطت الباب براحة

نادر اتفضل ادخل

دخلت وهيا بتبص فى الارض 

نادر بفرحة كنت حاسس انك هتيجى اتفضلى يااميرة

اميرة بخجل فؤاد وافق على موضوع الشغل بس عندى سؤال انا اعرف انك عندك معارف كتير ليه ماشوفتليش شغل عند حد تانى

نادر بهدوء بصراحة مش هطمن عليكى غير وانتى قدامى انا عايزك تفهمى انى دايما هفضل معاكى

نور هتفضل مع مين ياحبيبى؟ 

بص الاتنين بصدمة 

نور بحقد وبصوت عالي انا كان قلبى حاا*ااسس من الاول انك بتخونى بس مش انا الست الل تسيب جوزها لواحدة تانية ياخطاا*افة الرجاااالة 

بدأ الموظفين يجتمعوا

نادر نور انتى فاهمه غلط احنا لينا بيت نتكلم فيه الموظفين بيتفرجوا علينا

اميرة بتوتر نور خلينا نتكل..

نور بمقاطعة بعد ماخطر على بالها خطه خبيثة اخر*سى انا هخليكى تندمى ندم عمرك شكلك متعلمتيش من اول مرة وبصتلها بشر ومشيت 

نادر بعصبية كل وااااحد يتفضل على شغله المسرحية خلصت

كانت اميرة بتعيط بصلها نادر بااستغراب

نادر كفاية عياط ياااميرة تعالى معايا فورا نلحق نور عشان هتبوظ الدنيا

اميرة وهى بتمسح دموعها على فين؟

نادر يلا بس بسرعة نلحقها

فين امك وابوكى ياااابت ؟

ملك ماما وبابا فى المحل ياطنط هو فى حاجة؟

نور طنط فى عينك والمحل قريب من الحارة؟

ملك بقرف ايوة

نور كويس عشان تبئا فضيح*تكم على الملأ تعاااالى انج*رى ورينى المحل

وصلت نور عند المحل شافها فؤاد

فؤاد خير ياامدام سها؟

خيي*يير وهو بيي*يجى من ورااا*اااكم الخير ده انا هفضح*كم وهعرف الناس حقيقيتكم القذ*رة ياولاد الك*

بدأ الكل يتجمع كان فؤاد وسها بيحاولوا يهدوها بس هيا كنت مصرة تفض*حهم 

واحد منهم فى ايه ياامدام حصل ايه ؟

نور وهى بتعيط بتمثيل بارع يرضيي*كم ياناس اروح مكتب جوزى الاقى اخت صاحب المحل ده كانت حاض*نة جوزى وبتبو*سهه وهيا طليقة اخوه ده حتى عدتها لسة مخلصتش وجوزها طلقها لأنها حاولت تقتل ابنه وطبعا لما الظابط طلقها قررت تلف على المستشار 

فؤاد اختى متعملش كدة انا اختى اشرف من الشرف 

فى الوقت ده وصلت اميرة ومعاها نادر

اول ماالناس شافتهم مع بعض صدقوا كلام نور من غير حتى مايسمعوها وقرروا يطردوا فؤاد وعيلته من الحارة وادوهم يوم واحد يلموا فيه حاجتهم 

نادر حاول يدافع عنها وكان هيعرض عليهم مكان يسكنوا فيه بس اميرة طلبت منه ياخد نور ويمشي

بصت نور لاميرة بشماته

أميرة فؤاد انا والله ماعمل..

ضربها فؤاد كف 

انتتى استأذنتيى قبل ماتروو*وحى يامحترمة ازاااى تشتغلى عند اخو طليقك مفكرتيي*يش  فى سمعتنا ؟

بصت اميرة لسها لانها قالتلها ان فؤاد وافق كانت سها متوترة لاميرة تقول لفؤاد بس اميرة سكتت لأنها حست انها فعلا غلطت 

سها انا بقول ياراجل نروح عند نسايبنا لحد مانلاقى مكان نسكن فيه

فؤاد اكت*مى ياولية عايزنا نتف*ضح قدامهم

وطبعا نور راحت البيت فض*حت نادر قدام كل العيلة وقالت كلام محصلش والغريبة أن الكل صدقها زياد اضايق جدا وساب البيت ومشى اما نادر حس بالذنب جداا تجاه اميرة  وقرر انه يصلح غلطته بس ازاااى؟

اليوم التالى 

كانت أميرة مضايقة  وحاسة بالذنب تجاه اخوها قررت انها تسيب البيت وتمشى وتختفى من حياتهم وهيا ماشية فى الشارع كانت خايفة جداا وحاسة أن حد مراقبها وفجأة لقت حد بيشدها مقدرتش تصوت لانه كان خدرها

صحيت اميرة لقت نفسها فى مكان غريب والباب انفتح

حمدالله على سلامتك ياحبيبتي

اميرة بصدمة وخوف زيااد

زياد وهو بيصلها بشر وغضب وبعدين قفل الباب

بدل ماكنتى تروحى لاخويا كنت انا أولى على الاقل كنت جوزك بس انا هندمك على خيانتك ليا وبدأ يفك حزامه ويقرب منها