انا دكتور ياسين فكرينى .... 

كنت قاعد فى الاوضه بتاعت الاستراحه فى زفت المصتوصف ده ومره واحده سمعت صوت ناس كتير  وزعيق مش عارف هو فى ايه بره فلقيت زميلى داخل وهو بيخبط كف على كف .. سالتو ..

ياسين:هو فى ايه بره 

ردت على امام: دى بت شيخ البد جايه مسجطه ومضروبه وشكلها مش هيجى عليها ليل 

رديت باسها: لا حول ولا قوه الا بالله ومين عمل فيها كده 

امام: جوزها يا خويا وكمان يبجا ابن عمها اللى عمل فيها كده ده لو بيضرب فى راجل مش هيعمل فى كده 

استحقرتو  جدا مهما كان السبب او غلط الست مينعفش امد ايدى عليها  

ياسين: طب وهى حالتها ايه 

امام باسف: مش عارف بس هى متبهدله اوى ربنا ينجيها علشان بتها الصغيره 

ياسين: يارب ..........................

بره فى الاستقبال كان واقف قاسم وامنه وصالح .......

امنه بنحيب: ربنا ينتقم منك يا ابن حافظه يورينى فيك ربنا بذنب بتى 

قاسم بغيظ: ارتحتو اهى بتموت بسببكم 

امنه بنحيب: بعيد الشر هتجوم وهتبجا زينه 

قاسم بسخرية: زينه انت شفتى شكلها كان عامل ازاى ده لو جيه عليها ليل يبجا ربنا رائف بحالة بتها 

امنه بنحيب: يابنى خلاص جلبى مش مستحمل ...

رد صالح: مكفياك عاد يعنى هى اول واخر ست بتضرب 

رد قاسم بحده: الستات كلها تضرب بس حبيبه اختى لا ورب العباد لو جرا حاجه لها لاكون طخه عيارين هو وام العجربه دى 

رد صالح: انا هروح لهشام واستفسر منه 

قاسم بسخرية: اه اسالوا مجتلهاش ليه 

رد صالح بغضب:قاسم انا سايبك عامل تاكل فى نفسك من بدرى متنساش انى ابوك 

رد قاسم: ومتنساش اللى جوه دى بتك ضناك اللى بسبب ابن اخوك هتروح مننا ..

ردت امنه بصريخ: خد انت رايح فين حرام عليك يا صالح بسببك البت هتروح منى رايحلو ده متكسفش على دمو وشفنا وشو ولا كأنو عامل 

در صالح بحذر: اخرسى يا مرا 

قاسم: سيبه يام وبس ورب اللى خلج (خلق) العباد لو جانى اهنه لاكون جاتلو ولد حافظه ....  

هنا وخرج الدكتور ....

امنه: طمنى يابنى 

الدكتور بأسا: مجدرش اجول اى حاجه دلوجتى انى وجفت النز**يف بس يارب متنز*ف تانى 

قاسم: هيحصل ايه

الدكتور باسف: يبجا لازم نشيل الرحم .. ابلغ الحكومه وهعمل محضر 

صالح بجمود: مافيش داعى يابنى كتر خيرك ....

قاسم: خايف علي ابن اخوك 

صالح بعصبية: اخرس بجا انا نازل ....

قاسم بعصبية: شايفه ياما 

امنه: يابنى مش وجت اى حاجه ................

عند هشام وامو. ...... 

حافظه بخوف: شفتى الدم اللى كان مغرق جلابية المخفى قاسم فكرك ماتت 

منى:فكك منها تموت ولا وغور فى داهيه 

حافظه: ياخيبه اخوك هيلبسها 

منى بشر: هنتصرف ساعتها ومش هياخذ دجيجه فيها................... 

وهنا دخل صالح .....

صالح بعصبية: فين ابك 

حافظه بسخريه: اهلا اهلا يا حما ابنى 

صالح بعصبية: فين ابنك يا حااافظه 

حافظه بستفزاز: معلش اصلو عريس مع مراتو 

صالح بعصبية: انتو بتسهبلو ابنك هيموت بتى 

انت يااازفت يالى اسمك هشام 

نزل هشام بكل برود: خير يا عمى 

صالح بعصبية:هو اللى يعرفك يبجا فى خير 

ايه اللى خلاك تضرب مرتك وهى حامل وتس**جطها

هشام بصدمه: حامل 

حافظه بغضب: حامل بتك حامل ومجالتش لحد 

صالح بعصبية: ايوه حاااامل 

هشام بعصبية: انى معرفش انها حامل بتك مجالتش خلتنى اموت ابنى بيدى 

صالح بعصبية: وايه اللى يخليك يا عدم الرجوله تمد يدك عليها

هشام بعصبية: انى راجل غصبا عن عين اى حد حتى

ثم أكمل باستفزاز: اسال بتك كده او اسال العروسه الجديده 

صالح بعصبية: انت جليل الحياء تضربها ليه 

هشام: جليلة الربايه وعلت صوتها على امى ضربتها بس معرفش انها حامل ....

صالح : ولعمل 

هشام ببرود: مافيش هترجع تانى هى ليها غيرى يا عمى 

صالح بعصبية: لا ياخويا ليها بيت ابوها بس مش عايز يتجال عليها مطلجه 

هشام ببرود: يبجا ياعمى تعجل بتك وتجبها لها تبجا كويسه 

حافظه: ايوه يا خويا علشان مش هرعى حد ........

عدى الوقت بصعوبه بالغه الكل مستنى حبيبه تفوق عايزين يسالو هى ماقالتش ليه هى حامل....وصالح رجع المصتوصف  وكلهم اتجعمو عند حبييه فى الاوضه .....  

بدات افوج وحس بالاصوات اللى حوليه انا عايشه ليه انا لسه فى نفس ليه كنت حاسه بكل حاجه قررت مفتحش عينى واسمع وهم بيجولو ايه وكانت صدمت عمرى لما سمعت ابويا عايز يرجعني لهشام بعد كل ده عايز يرجعني ياريتو كان خلص على .... 

قاسم: ورب اللى خلج خلج (الخلق الخلق) ماهو شايفها تانى 

صالح: ضربها وايه يعنى بتحصل فى كل البيوت يا خويا بتضرب وبتاكل بالجزمه ومكمله كمان 

امنه: متخربش بيت خيتك 

قاسم: اللى بتتضرب وتتهان دى اللى ملهاش اهل يابوى 

صالح بعصبية: خلاص متجعدش تناهد فى عاد جولت كلمه وخلاص ولما تفوجلى بت الك***لب دى اللى ماجلتش أنها غيره حامل.........

خبط على الاوضه امام بعتنى اركب محاليل لمريضه هنا سمعت صوت قالى ادخل...... دخلت وعينى وقتعت عليها هى بتاعت السوق ازاى حد يقدر يعمل فيها كده وشها مليان علامات الضرب على وشها مليان كدمات زرقاء ليه كده فعلا كنت عايز اعيط .. بس السؤال هنا هى هترجع لجوزها الحيوان ده ...

فوقت على صوت امها: يابنى مالك 

ياسين: ها مافيش ...

ركبتها المحلول وخرجت بسرعه من الاوضه 

حاسس انى مخنوق مش عارف ليه ...

ويعدى الوقت الدكتور المشرف على حالتى رفض رفض تام أن حد يبات معى غير شخص واحد اللى كان امى .... اللى حطط راسها على المخده وراحت فى النوم ولدنيا هديت ...

ساعتها فتحت عيني اللى مليانه دموع وبدات تنزل على وشى لفيت طرحتى ونزلت ومن حسن حظى ان مكنش فيه حد جاعد على الباب .... مشيت فى شارع الدنيا ليل وضلمه وانا ماشيه ودموعي نازله على وشى حاطه يدى على بطنى انى اللى جتلت  ولدى انى بسبب انانيتى جتلتو ... مش عارفه مين الصح ومين الغلط هم ولا انا استحمل هشام واهلو ولا اصمم على طلاجى اللى مش هيحصل لو مسكت سلك كهربه لبويا ... يارب اجف جنبى انا تعبت جوى.... لجيت رجلى خدتنى للجسر  فضلت شويه وابص المياه ... وانا بعيط بجهره على حالى ومن غير احس وجفت على السور .. معجول يا حبيبه دى نهايتك معجول طب وايه يعنى هو انا اول واخر من اللى انتحر .. عيط جامد وبصيت فوج للسماء.. انا عارفه انك غفور رحيم انى مغلوبه على امرى محدش وجف معى محدش معى انى زهجت سمحنى غمضت عيوني وافتكرت بتى بس رغبتى فى انهاء حياتى اكبر منى .....خلاص يا حبيبه قصتك انتهت انتهى الالم انتهت المعناه