حياء ببكاء ...شوفت بقا الهديه دي ايه رأيك فيها نفسي أعرف انا قصرت معاك في ايه عشان تخو..ني عملتلك ايه دانا بح...وسكتت 

عمار بحزن...حياء والله هي الِ..

حياء ببكاء وغضب...اسكت تعرف تسكت خالص انا همشي وياريت ورقه طلاق..ي توصلني 

مشيت غصب عنه حاول مره وعشره وميه بس انا مرضتش اقعد ثانيه معاه ومشيت روحت عند بيت اختي 

اختي بغضب ...الوا...طي عمل كدا ازايي 

حياء ببكاء...ونبي يا هبه اسكتي انا مش عايزه اسمع حاجه عايزه انام ويارب مقومش 

هبه بغضب..بتقولي ايه بعد الشر عنك اومال انا اعيش لمين وبعدين قومي كدا وصلي واهدي وان شاء الله الدنيا هتتحل 

فعلا قومت وسبتها واتوضيت 

كنت علي سجاده الصلاه وببكي ببكي من الوجع اللي أنا فيه وبدعي ربنا اني حبه يتمحي من قلبي 

بعد ما صليت دخلت وحاولت انام بس منمتش كنت مفتحه عيني وبفكر يا تري مين دي اللي شدته ليها وليه تعمل كدا كانت الافكار بدور في راسي 

عدا اربع ايام وكل يوم عمار يجي ويتحايل عليا لكن انا كنت رافضه اصل اللي يخو..ن مره يخو..ن عشره وانا مقصرتش معاه في حاجه وكنت مُصره علي موقفي .. 

وفي يوم قررت اشوف الشاتات اللي اتبعتت واشوف فيها ايه وكلامهم كله طبعا انا اول مره مقدرتش اقرأ غير كام صوره 

بس فيه شات جذبني وهي بتقوله 

_وانا يحبيبي  هطلق وهنتجوز انا وانت 

كنت واقفه بصدمه دي دي طلعت متجوزه ازاي ياربي ؟؟ 

قولت طبعا لاختي وهي قررت تدور عليها وتشوف عمار بيروح فين وخليت جوزها يدور وراه وفعلا عرفنا انها بنت خالته وكانت مكلماني من رقم غريب عشان معرفهاش 

كنت واقفه بصدمه وقولت ...انا لازم اقول لجوزها 

هبه ...طبعا لازم يعرف انه متجوز واحده ..... 

وفعلا قررت اكلمه واني لازم اشوفه ضروري وقولتله عمار ولا اي حد من العيله ميعرفش حاجه عن المكالمه دي ..

كنت قاعده في الكافيه مستنياه لغايه ما دخل اينعم انا مشوفتوش غير مرتين بس عرفته من هيبته اللي دخل بيها 

_احم السلام عليكم يا مدام حياء 

عليكم السلام واخدت نفس وقولتله بهدوء ...ممكن متتعصبش من اللي هقوله 

رعد بهدوء ووقار..طبعا اتفضلي 

بعد فتره كان بيشوف الشاتات اللي مبعوته وهو علي وشه الصدمه والغضب 

حياء بهدوء ...للأسف يا استاذ رعد مراتك وجوزي طلعوا بيخونو..نا ...