يونس بجديه : عايزك تعرفيني كل حاجه عن طليقك عشان اساعدك انا كلمت محامي صاحبي وقال إن هيساعدك

رقيه بحزن : مفيش داعى

يونس بغضب : هو ايه ال مفيش داعى ده حقك بلاش تكوني بالسلبية دى

رقيه بشرود وابتدت تحكى : انا عشت اسوء ايام فى حياتى مع أحمد بالذات فى الفتره الاخيره الاول كان دايما بيوهمني بالحياه الورديه صحيت منها على كابوس منه 

يونس اتعصب من جواه بس حاول يبان هادى : محاولتيش تعرفى سبب التغير ده ايه

رقيه ضحكت بسخريه وقالت : حاولت كتير وكان دايما يقولى هو انا مطلوب مني اسيب الدنيا واقعد جمبك كان دايما محسسنى بالقله وفى الاخر ضربني وهو بيتخانق معايا

كريمه بصدمه : ياحبيبتى يابنتي ضربك !!!

يونس : كملى يارقيه

رقيه دموعها نزلت وقالت : روحت للدكتوره عشان الحمل وعرفت منها أن عندى مشكله وهو كمان بس أنا مشكلتي ان لو حصل حمل مش هيكمل روحت عرفته احتمال ال هيحصل وهو قالى مفيش مشكله وان هو هيستحمل وخلاص بس طبعا لما محصلش حمل فتره الخناق زاد بينا ولما حصل حمل طبعا كنت دايما بتعب كتير وحصل الإجهاض وطبعا طلقنى

خلصت كلامها وانهارت بشده وقربت ملك عليها وضمتها بدموع

يونس اتنهد بحزن : أهدى يارقيه حقك وكل حاجه هترجعلك وكرامتك هتتردلك وعد منى انا همشى دلوقتي عشان فى حالات فى المستشفى وهبلغكم لو فى جديد

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروا

أحمد بغضب : كل حاجه ضاعت انتي عارفه لو البت دي ودت الورق لمحامي هنترمي فى الشارع ومش هيكون فى أيدنا حاجه

سعاد بغيظ : البت طلعت غداره وانا ال فاكراها عشان يتيمه وملهاش حق طلعت سهونه 

أحمد : انتى السبب اي حد تدخليه البيت لما اتخرب بيتنا

سعاد بتوتر : ال حصل بقا ناوى تعمل ايه

أحمد : مش عارف مش عارف

سعاد عيونها لمعت بخبث : احنا نعملها قضية سرقه

أحمد بسخريه : ازاى والبت اختفت

سعاد : لاء ياخويا إذا كان البت اختفت بس رقيه موجوده

أحمد بعدم فهم : مش فاهم

سعاد : هنلبس القضيه لرقيه وهنقول أنها سرقت الورق وهربت وطبعا هي لسه فى شهور العده تروح ترجعها عشان هي متثبتش أنها اتطلقت منك

أحمد بتفكير : فكره برضوا. 

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم 

يونس : ها يامحمد عملت ايه

محمد : دلوقتي بجمع دليل يعني المفروض يبقا فى شهود وبالذات الجيران وورقة الطلاق هتثبت ان هي مخدتش حاجه وبعدين شهادة رقيه ودى اهم شهاده 

يونس بتنهيده : تفتكر أن ال بنعمله ده فى فايده وحقها هيرجع

محمد : أمل كبير فى ربنا أن شاء الله 

يونس : تعبتك معايا 

محمد بابتسامه: متقولش كده يابني احنا خوات 

يونس ابتسم بامتنان وخرج من المكتب ونزل يتمشى على بحر اسكندريه وهو بيفكر فى الماضى ال فضل سنين بيحاول ينساه

يونس بفرحه : انا مش مصدق أن خلاص رجعت وهستقر هنا عارفه احساس أن اتغرب ده كله عشانها واخيرا هتكون حلالى

ملك بتوتر : كان فى حاجه عايزه اقولهالك

يونس باستغراب : مالك ياحبيبتى

ملك غمضت عيونها وقالت : رقيه اتجوزت يا يونس

يونس ابتسامته اختفت وهو بيرجع لورا بصدمه

يونس بصدمه : ده مقلب صح هى قالتلك تقولى كده صح ياملك

ملك مسكت ايده بدموع وقالت : يونس حبيبي كل شئ نصيب انتو ملكوش نصيب مع بعض

يونس بعدم استيعاب وصوت عالى : ازاى حصل انا خطبتها قبل ماسافر حافظت عليها من نفسى ومن كل شئ وفى الاخر تخدعني وتتجوز عملتلها ايه عشان تكسرنى كده ليبيه ليبيه

رجع من تفكيره ودموعه نزلت ومسحها وركب عربيته وشغلها ومشى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله

الدكتوره : د تاني مره تتعب ياجماعه فين الاهتمام بصحتها وصحة الجنين

كريمه وملك بصدمه : جنين !!!

الدكتوره باستغراب : ايوه جنين

كريمه : ازاى يادكتوره دي اجهضت من يومين بس

الدكتوره : مين قال كده الحمل مستقر وكويس جدا وكمان هي داخله فى الشهر الثالث

الصدمه الجمتهم الاتنين

يتبع