محمد : طب وانا سبت سلمي لي يا ماما من الأساس ؟ 

أمه : عشان خانتك .. 

محمد : نعممم ؟ عشان اى لامؤخذه ! 

أمه : يابني افهم انت قولت كده بس لما انا قعدت و فهمت منها الموضوع لقيته غير كده خالص و أنه كان سوء تفاهم منك انت 

ـــــــــــــــــــــــــــــــــــــــــــــــــــــــــــــــ

ف مكان تاني .. عند تيتا ماجده ..

عمرو : الولا عبد الرحمن هييجى امتي يا بنتي ما تشوفيه ده اتاخر اوى الساعه بقت 8  

روان : بقلق .. برن عليه تلفونه مقفول يا بابا معرفش المفروض كان وصل اسكندرية من ساعتين معرفش اتاخر لي .. 

فجأة الجرس رن و آني جرت عشان تفتح .. 

آني : هييييههههه بابي جه يا مامي .. 

روان جرت ع الباب و حضنت جوزها بسرعه و خوف .. 

روان : حبيبي انت كويس اتاخرت اوى كده لي قلقتني عليك .. 

عبد الرحمن : حبيبتي انا زى الفل متخفيش الطريق بس كان زحمه شوية وانا جي .. 

عمرو : اهلا اهلا يا جوز بنتي يا معندكش زرة التزام بمواعيد انت تعالي اتفضل يخويا .. 

عبد الرحمن : السلام عليكم يا جماعه والله اسف اني اتاخرت بس الطريق كان صعب شوية 

تيتا ماجده : ولا يهمك يا حبيبي يلا اقعد عشان تاكل .. 

عبد الرحمن و يبقي جوز روان و عنده 30 سنه و ابيضاني اوى و شعرو بني غامق و عيونه سوادهم قوي و رموشه طويله و جسمه رياضي و اطول من روان ب ياما 😹 ماسك ادارة اقسام شركه برمجه عامليه و هو شغال ف استثمارات الشركه دى ف مصر خصوصا أنه مهندس برمجيات و نسيت اقولكم أن روان مصممه ازياء يا شباب .. 

قعد اكل و لعب مع ولادو ال كانو وحشوه جدا .. روان و عبد الرحمن عايشين ف القاهرة و بينزلو اسكندرية كل فترة أو كل اسبوع يبصو ع أهلها و يقضو معاهم اليوم و يرجعو بالليل .. و اليوم عدا ب مناكشات الجد الكبير و الجد الصغير و مناغشات الاطفال ليهم و يوم عدا ف سلام طبيعي و لاكن روان كانت واثقه إن مش ال اخر جوزها هو الطريق كانت متاكده أنه مخبي عليها حاجه .. 

ـــــــــــــــــ

و بعد مرور ساعتين 

عبد الرحمن : يلا يا تيتا احنا هنمشي بقا عشان الولاد يلحقو ينامو .. 

الجده : يا حبيبي هتمشو بليل كده ده الساعه داخله ع 11 

جدو علي الكبير : يابني ما تباتو معانا البيت كبير و انتو تنورو والله 

اني : بابي عايزين نقعد مع جدو بليث يا بابي .. 

عبد الرحمن : بضحك طيب حيث كده بقا انا اتحطيت ف الأمر الواقع خلاص خليكو مع جدو و تيتا وانا هاخد روان و نتفسح شوية 

رزان بسعاده مفرطه : بجد بجد بجد بجد بجد بجد بجاااادددد 

الجد الكبير : بضحك الله يكون في عونك يابني متجوز واحده مهبوشه ف دماغها هههههه 

عبد الرحمن : بغمزة .. احلي مهبوشه دي ولا اى .. 

عمرو : مش قدامي يا جزمه عشان بغير 

روان و هي تعمل قلب ل باباها ب ايديها : انت حبيبي يحج والله بيموت فيا موت 

عبد الرحمن : طب وانا مش هينوبني من الحب جانب بردو ولا اى 

ندي : بضحك : يخويا ما هي ف وشك 24 ساعه الدور و الباقي علينا بنشوفها كل شهر مرة 

عبد الرحمن : يبنتي حرام عليكي ده انتي بتمسكي ودانها رغي بالساعات يا مفتريه 

ندي : بضحك و غضب بسيط : اختي يعني ولا مش اختي هه اختي ولا مش اختي 

عبد الرحمن : بضحك .. اختك يستي خلاص ولا تزعلي نفسك ..

عمرو : يلا انا هتكل ع الله انا و ندي عشان هي عندها دروس الصبح 

عبد الرحمن : بهزار .. يلا يا ثاانواايااااا 

ندي : بضحك شديد .. يلا يا بارد هههههههه 

ــــــــــــــــــــــــــــــــــــــــــــــــــــــــــــــ

بليل عبد الرحمن اخد روان يفسحها و محمد روح بيته و اتعامل عادي متكلمش مع مراته ف حاجه و ابتدي رحله بحث من اول و جديد ورا روان أو مراته المفقوده منه من عشر سنين .. بلاش باك صغنن ل محمد و مامته قبل ما يروح البيت .. 

الام : في سر عايزة اقولك عليه .. 

محمد : اى تاني يا ماما مخبياه .. 

الام : انا اعرف بيت ابوها القديم .. 

محمد : بصدمه انتي ازاى كنت عارفه حاجه زى كده و مقولتليش عليها من زمان !!! 

الام : معرفش بس مكنتش عايزاك توصلها يابني كنت عايزة حياتك تمشي طبيعي 

محمد : و هي كده مشيت طبيعي حرام عليكي والله العظيم حرام عليكي .. 

بااااك .... 

ـــــــــــــــــــــــــــــــــــــــــــــــ

تاني يوم الصبح .. 

راح شغلو و دخل كالعاده لقا مدحت ف وشه 

مدحت : صباح الحوارات وشك مليان مصايب خير ع الصبح 

محمد : هو باين عليا 

مدحت : ارغي هات ال عندك 

محمد : لقيت صورة بطاقتها و عنوان بيتها القديم و صورة ليها ... 

مدحت : و فتح بوقه من الصدمه .. وانت لقيت كل ده فين .. 

محمد : امي الله يسامحها طلعت عارفه كل حاجه و مقالتليش يا مدحت 

مدحت : كده انا اعرف اجبلك قرارها ف 24 ساعه 

محمد : نعممممم 24 ساعه مين انت معاك ساعه زمن تتصرف انا هروح العنوان ده اعرف هما راحو فين ولا لسه زى ما هما وانت تجبلي قرارها ف ساعه أنت سااامعععع 

ـــــــــــــــــــــــــــــــــــــــــــــــــــــــــــــــ

ف مكان تاني ف عياده الاسنان .. 

سلمي : صباح الخير يا دكتور .. 

الدكتور : بخبث .. صباح النور يا مدام سلمي اى الاخبار ..

سلمي : الحمد لله حضرتك لسه مفيش اى مرضي بره حضرتك تؤمرني ب حاجه ولا اطلع .. 

الدكتور : بسعاده و خبث .. مفيش حد خالص .. 

سلمي : بقلق .. لا يا دكتور احمد مفيش .. 

دكتور احمد : اممممم .. تمم اوى .. 

قام من علي الكرسي و راح ناحيه الباب و قفلو بالمفتاح و رمي المفتاح بعيد .. 

سلمي : برعب..  هو في اى حضرتك عملت كده لي هه !! .. 

الدكتور : و هو بيقرب منها ف رعب .. مفيش بس عايز اتكلم ف موضوع شخصي شوية .. و ف لحظه حط ايدو ع دراعها و مسكو لواه .. 

سلمي : اى ده في اى .. الحقووني .. 

ـــــــــــــــــــــــــــــــــــــــــــــــــــــــــــــــ 

ف مكان تاني .. بالتحديد عند تيتا ماجده .. كانت روان و ندي ف المطبخ عند جدتهم بيعملوا حاجه حلوة ليها قبل ما روان تروح عشان المفروض هما هيسافرو النهارده .. 

ندي : بهيام .. اه و كملي روحتو فين تاني امبارح انتي و سي روميو بتاعك .. 

روان : والله هضربك ي بت انتي 

ندي : بضحك .. يستي خلاص مش عايزة اعرف جتك نيله و بعدين تيتا بتقولي اني جننتها امبارح هههههه اى ده استني الجرس رن هروح افتح قبل ما بتك المفعوصه تفتح .. 

آني بعد ما سبقت و فتحت الباب : مين حضلتك يا عمو ؟؟ 

محمد : و هو بيبصلها و لاحظ الشبه ال بينها و بين صورة روان بس ف عقله بيقول مستحيل .. 

محمد : حبيبتي هو ده بيت ع......... قاطعته ندي .. 

ندي : بعصبيه خفيفه .. تاني يا اني مش قولتلك متفتحيش الباب لوحدك تاني .. اى ده مين حضرتك ؟؟ 

محمد : بصدمه .. انتي ؟ انتي ندي ؟ 

ندي : نعم .. هو حضرتك تعرفني ؟؟؟ 

روان من المطبخ طلعت و كان ف ايديتها صنيه عليها كوبيات ازاز معمول فيهم زبادي .. 

روان : مين يا ندي ال ع البا............... و فجأة الصينيه وقعت من ايديها اتكسرت !! 

محمد : ......... ؟؟؟ 

انضم لجروب التليجرام اضغط هنا