شمر فارس كم التيشيرت وقال : إستعني علي الشقي بالله

ضحكت سارة بصوت عالي وقالت : إنت لو رايح تد*بح مش هتقول كدة بجد

فارس برق وقال بجدية مصتنعه : إسكتي يا بت دا أحسن الشيفات رجالة

سارة بضحكة مكتومة : واضح واضح

قطـ”ـع فارس الطماطم و مسح عرقه المصتنع وقال : لا خلاص فرهدت

سارة كانت بتقطع البانيه لما سمعت الكلمة دي وقفت اللي بتعملو وقالت : نعم ياخويا

فارس بتوتر : بقول هعمل إيه تاني غير الطماطم

سارو رفعت السكـ”ـينه في وشه وقالت : أبقي أسمع الكلمة دي تاني طلع طماطم من التلاجة

فارس بتعب : تاانيي!

سارة هزت راسها بيأس وقالت : المرادي هعملها صلصه علشان تتحط علي الوش

فارس فتح باب التلاجة وقال وهو بيشاور : ما أهو فيه صلصه مُعلبة

سارة هزت راسها وقالت : بفضل اللي بتتعمل في البيت أحسن من بتاعة برا

مسح علي وشه بضيق وطلع طماطم وحطها علي الرخامه ، قربت سارة وعرفته يقطـ”ـعها إزاي وكملت اللي كانت بتعمله

سارة قربت من فارس بعدها بشويه وقالت : حبيبي

فارس بص علي إيديها اللي ماسكه دراعو وعلي ملامحه المبتسمه وقال : عيونه

سارة بهمس : ممكن خدمة

فارس بنفس الهمس : قولي

سارة ببراءه : قطـ”ـعلي البصل أرجوك

فارس بعدها عنه وقال : إنتي جايه تتمسحي فيا زي القطط علشان أقطـ”ـعلك بصل مستحيل يا سارة مستحيل

After 5 minutes

رفع فارس راسه وقال وهو بيغمض عينه ويفتحها : منك لله يا سارة ربنا علي القوي مش شااااايفف

ضحكت سارة وقالت : ألاه إغسل وشك وكمل يا بيبي

فرك عينه وبيحاول يفتحها مش عارف قام رزع السـ”ـكينه علي الرخامة وقال بزعيق : مش مكمل

سارة حاطه إيديها علي بوقها وبتضحك ، فارس مد إيده وهو بيدور علي الحنفية وبيقول : راحت فين ديي سارة فين الحنفيه

سارة مسكت إيده وفتحتلو الحنفية وغسلتلو وشه وهي بتضحك

فتح عينه وقال : ياااه النظر نعمة يشيخه مش مكمل يا سارة في تقطـ”ـيع البصل أقولك مش لاعب

كان هيطلع من المطبخ مسكت إيده وقالت : خلاص خلاص هكملو أنا وإنت إعمل حاجة غيره

عدل التيشيرت وقال : لولا إنك حلفتي بس..

After 2 Hours

طلعت سارة صينية البيتزا من الفُرن وقالت : خلصنا

فارس كان واقف بيهوي علي وشه وبيقول : ساعتين علشان أطفح بيتزا ليه ما كنت جبتها دليفري وخلصنا لازم اللفه المنيلة دي

غمزتله سارة وقالت : بس هتعجبك

فارس كان هيقربلها مسكت الصينيه وقربتها منه بعد كدة حطتها علي الرخامة وبدأت تقطـ”ـعها وفارس واقف جمبها بيطبل علي الرخامة وسارة بتدندن

After 5 minutes

فارس بياكل بإستمتاع وبيقول : متجوز الشيف الشربيني يا ناس

سارة بغرور : علشان أنا حته تقيلة في البلد يابني

فارس بمغا*زلة : أحلي حته

سارة ضحكت وقالت : طب إنجز علشان ننام الساعة بقت 12 بليل

خبط فارس علي صدره وقال بدراما : يا مصيبتي تنامي وتسيبي كمية التسالي دي لوحدها كدة

مسحت سارة بوقها وقالت : علشان نلحق نروح لدكتور معتز متنساش إنه قال الساعه 9

فارس بلا مبالاة : سيبك منو سيبك

مسك ريموت التلفزيون وقال : تحبي تتفرجي علي إيه

سارة بصتله وقالت : فارس إحنا لازم ننام بدري

فارس بعم إهتمام : نتفرج علي إيه ؟

بصتله بيأس وقالت :أي حاجة يا فارس أما نشوف أخرتها

شغل فارس فيلم مغامرات وبدأو يتفرجو وهما بيتسلو

الساعة 2 قامت سارة لمت الحاجة وطفت التلفزيون ووقفت قصاد وفارس وقال بأمر : يلا

فارس بإستغراب : يلا إيه ؟

سارة ببرود : هننام علشان منتأخرش يلا..

فارس قام معاها ودخلو الأوضة

نام فارس علي السرير ومركز مع سارة اللي طلعت شنطة سفر صغيره حطت فيها هدوم تكفيهم الفترة اللي هيقعدو فيها هناك

خلصت ونامت علي السرير وإدته ضهرها

بص هو ليها شويه وبعدها قرب منها ولفها ليه وأخدها في حضـ”ـنه وقال : خليني أنام وإنتي في حضـ”ـني جايز تكون أخر مره

حضـ”ـنته جامد وقالت : مش هتبقي الأخيره إن شاء الله وهتعيش وتفائل يا فارس أرجوك متقولش كدة أنا قلبي بيتقبض وبيوجعني

با*سها من خدها وقال : تصبحي علي خير يا قلب فارس

وناموو وهما مبسوطين ♡.

▪︎ الساعه 10 صباحاً ▪︎

دخلت سارة وفارس المستشفي إستقبلهم معتز ووداهم أوضتهم وقال لفارس : الإسبوع اللي جاي فيه جلسه وركز كدة ها

قعد فارس علي السرير وحط راسه بين إيديه وساكت.. تعبان نفسياً محتاج يرتاح

قربت سارة ورفعت راسه وأخدته في حضـ”ـنها وقالت : إرمي حِملك عليا متخافش هستحمل هنكمل بعض هشيل حِملك وهسندك وهقف جمبك ومعاك

بعدته عن حضـ”ـنها ومسكت وشه بين إيديها وبصت في عيونه وقالت بحب : أنا بحبك يا فارس بستقوي بيك لو شوفتك ضعيف هضعف أكتر ما أنا ضعيفه خليك قوي وأنا هقويك أكتر

إترمي فارس في حضـ”ـنها وقال : مش خايف من التعب مش خايف من أي حاجة غير إنك تسيبيني مش عايزك تسيبيني عايز طول عمري أكون في حضـ”ـنك وبس

با*ست راسه وقالت : قوملي إنت بالسلامه وأنا هربطك في حضـ”ـني مش هطلعك منو حتي لشغلك وننزل أنا وإنت نشحت سوا

▪︎ عدا شهر وإتنين وتلاته ▪︎

وفارس مازال بياخد كيـ”ـماوي وسارة دافع قوي ليه ومبسوط بوجودها جمبو ومش حاسس بأي حاجة ولا خايف طول ما هي جمبو.. علي أخر اليوم بياخدها في حضـ”ـنه وينامو وقررت سارة إنها تسامحه وتعيش معاه بعد ما يتعافي ولكن..

دخلت سارة الأوضة وقالت بمرح : فارس اللي فارسني يلا علشان تاكل

فارس بضيق : لأ بجد زهقت من أكل المستشفي

قربت منو سارة وقالت بهمس : بليل هجبلك بيتزا يكون قليل أوي الصاحيين وأجبلك بيتزا أو أي حاجة تحب تاكلها

مسك إيديها وبا*سها ، دخل معتز وقال : إيه يا بطل عامل إيه

فارس بإبتسامة : الحمدلله بخير

معتز بإبتسامة : طب يا سيدي فيه دفاع قوي وعزيمة وبتتحسن وبإذن الله كام جلسه كمان وتكون إتعافيت تماماً

فارس إبتسم إبتسامة واسعه وبص لسارة اللي هو

” بفضلك ومن أجلك أنا بتعافي ♡. ”

طلع معتز وقام فارس وقف وحضـ”ـن سارة ولف بيها جامد وقال : لو لفيت الكون ما في منك ♡ أنا بحبك يا سارة ♡.

با*سته بو*سه خفيفه من خده وقالت : وأنا أكتر يا قلب سارة

دورت علي فونها ملقتوش ف قالت : هطلع أشوفو برا وأجي

طلعت وقابلتها الممرضه وهي بتقول : مدام سارة فون حضرتك نسيتيه جوا

أخدته سارة وإبتسمت جات تدخل الأوضة تاني سمعت فارس بيتكلم في الفون وبيقول ..

فارس بهمس : ألو يا حبيبتي

ميرا بحزن مصتنع : حبيبتك فين بس لما إنت مش بتسأل فيا خالص

فارس بحب وهو علي نفس الهمس علشان سارة متسمعهوش : أسف يا حبيبتي مشغول أوي في صفقة وسافرت وبابا أصر أخد معايا الز*فته اللي إسمها سارة علشان شهر عسل وكدة أسف يا نورعيني لما أجي هشوفك

سارة كانت واقفه بتسمع بوش جامد كإنها إتعودت تسمع دا وكإن المكالمه دي فوقتها وفكرتها باللي عملو زمان..

فتحت الباب ودخلت في اللحظه دي فارس قال : طب هخلص الصفقه وأبقي أكلمك يا كريم باي

قفل فارس وبص لسارة وقال بإبتسامة : لاقيتي فونك

بصتله بصه طويلة وقالت : أه لاقيتو يا حبيبي الممرضه جابتهولي

فارس شدها لحضـ”ـنه وقال : وحشاانيي

سارة وهي بتلعب في دقنه اللي كبرت سيكا : ما أنا جمبك يا فارس دايما إنت يادوب مش بتشوفني غير وقت النوم بس وكمان ببقي نايمة في حضـ”ـنك

فارس قرب منها وبا*سها وقال : وحشااني

سارة فهمت قصده بعدت عنه وقالت : أما نروح يا يا فارس يلا علشان تاكل

بصلها بضيق وقال : إنتي فصيله وظالمة

سارة بتكمل : أه وظالمه وسيئه في رواية الجميع وأدي أمضتي أهي إتفضل برضوا كُل

بدأت تأكلو ف قال فارس : خايف أتعود علي الدلع دا ومره واحده ألقاه إختفي

حطت المعلقه في بوقو وقالت : ليه يا حبيبي يختفي

بلع فارس الأكل وقال : نكد وهرمونات يا روحي

ضحكت سارة وقالت : متقلقش يا فارسي مش هقدر مدلعكش دا إنت العين والنن

با*س فارس إيديها اللي ماسكه المعلقه وقال : والله العظيم بحبك مش عارف أقولك إيه أكتر من كدة

سارة لما قالها الكلمه دي حست إن فيه حبل إتلف علي رقبتها وإتخنقت وعينيها دمعت ، مسكت دمعتها بالعافيه وإبتسمت ومدت إيديها وأكلتو لحد ما شبع..

أخدت الأكل وطلعت وراحت الحمام وقعدت علي الأرض وبدأت تعيط من غير صوت ..

يتبع…

الثاني عشر✨✨

قامت سارة إتعدلت من مكانها لما حد فتح الباب..

الممرضة : مدام سارة أستاذ فارس قالب عليكي المستشفي وعمال يسأل عليكي

مسحت سارة دموعها وقالت : أنا جايه بس متعرفيش حد إن كنت بعيط

الممرضه بصتلها بشفقه وقربت منها حضـ”ـنتها وقالت : كل حاجة هتتحل إن شاء الله وحاضر مش هقول لحد

بعدت سارة عن الممرضه وإبتسمت وطلعت معاها

أول ما دخلت أوضة فارس حضـ”ـنها جامد وقال : كنتي فين بقالك ساعتين بعيد عني

دمعه نزلت من عينيها علي التيشيرت بتاعه ، بعدها عن حضـ”ـنه وحضـ”ـن وشها بين إيديه وقال : مالك بتعيطي ليه أنا زعلتك في حاجة أو عملت حاجة ضايقتك ؟

إبتسمت بحزن وقالت : متقلقش أنا مبسوطه إنك بتتعافي

حضـ”ـنها جامد وقال : أنا بقا مبسوط جداً علشان هنرجع نعيش مع بعض حياه سعيده ونجيب ولاد وبنات ، عارفة يا سارة نفسي في بنت تكون شبهك هسميها ملاك لإنك إنتي أمها وإنتي ملاك يا سارة

سارة كانت بتسمع كلامو وبتعيط في صمت وهي حاضـ”ـناه

كمل فارس وهو مبسوط : لو ولد بقا هنسميه أءءء هنسميه إيه يا سارة

سارة إبتسمت وقالت : رحيم ♡.

ضحك فارس وقال : نسميه رحيم ويبقا إسمو رحيم فارس عبدالله أو ملاك فارس عبدالله يا سلام لو توأم يا سارة هبقي مبسوط أوي

سارة بشرود : هنبقا كلنا مبسوطين

بعدها عنه ومسكها من إيديها ومشي ناحية السرير وقال : أنا نعسان أوي عاوز أنام ..

إبتسمتله سارة وقالت : نام طب

فارس بنعاس : عاوز أنام في حضـ”ـنك

طلعت سارة علي السرير وفتحتلو دراعاتها الإتنين

نام علي السرير بين دراعاتها وماسك فيها جامد كإنها هتهرب منو لحد ما نام..

سارة كانت بتمشي إيديها علي شعره وشاردة تماماً في حياتها الجايه

فونها رن..كانت مامتها

مسكت الفون وقالت بحنية : إيه يا حبيبتي

مامتها : عامله إيه يا سارة وفارس عامل إيه

سارة بصت علي فارس اللي نايم في حضـ”ـنها وقالت : كويسين الحمدلله يا ماما وإنتي بخير

مامتها : أه يا حبيبتي بخير مش ناويين تفرحوني يا سارة بحفيد

سارة عينيها دمعت وإبتسمت بسخرية وقالت : قريب يا ماما متقلقيش

مامتها : ربنا يرزقكم يا حبيبتي أنا كنت برن أطمن وأعرفك إن رايحه لخالتك في إسكندريه هقعد معاها فتره كدة

إبتسمت سارة وقالت : تمام يا حبيبتي وإبقي سلميلي عليها كتير

مامتها : تمام يا حبيبتي هقفل معاكي علشان هقوم أجهز شنطة هدومي

قفلت سارة مع مامتها وبصت علي فارس ، فتحت الكاميرا وصورته وهو نايم في حضـ”ـنها وماسك فيها جامد زي الطفل الصغير

أخدت ليهم كام صورة وهو نايم في حضـ”ـنها من فونها ومن فونه هو كمان لغرض مُعين في دماغها!

خلعت الطرحه عن راسها وفردت شعرها ونامت

▪︎ بعد كام جلسه ▪︎

دخل معتز الأوضة اللي فيها فارس وقال : فارس أحب أقولك إن التحاليل أثبتت إنك إتعافيت تماماً

فارس قام وقف وقال : بجد

معتز هز راسه وهو مبتسم وقال : كان عندك عزيمة كبيره ودا ساعدنا

فارس ضحك بسعادة وحضـ”ـن سارة اللي كانت متقلش عنه شئ وعيطت من كتر الفرحة

فارس ساب حضـ”ـن سارة وسجد علي الأرض وهو بيحمد ربنا والدموع نازله من عينه

معتز إبتسم وقال : تقدر ترجع من بكرة بيتك يا فارس

فارس قام من علي الأرض ومسح دموعه وحضـ”ـن معتز وقال : شكراً يا صاحبي شكراً أوي

معتز بمرح : مفيش ما بينا شُكر

معتز طلع من الأوضه وسارة مسكت إيد فارس وقالت : إحنا كدة كدة متوضيين علشان صلاة العشاء ف يلا نصلي ركعتين شُكر لله

هز فارس راسه وهو مبتسم وصلي بيها ركعتين شُكر لله وبعد ما خلص مسك إيد سارة وبدأ يسبح عليها ولما خلص با*س باطن إيديها وقال : تعالي ننام بحيث نقوم فايقين

قامو نامو الإتنين وفارس مبسوط علشان حياته هترجع مع ساره أحسن من الأول وسارة بتفكر في حاجة مُعينه!

▪︎ صبااح تانيي يوم أمام العمارة ▪︎

نزل فارس من العربية والبواب بيقول : حمدلله علي سلامتك يا فارس بيه ، حمدلله علي سلامتك يا ست هانم

فارس سلم عليه وإداله مفتاح العربيه يركنها وطلع علي شقتهم..

أول ما فتح باب الشقه إبتسم وقال براحة : الحمدلله بجد الحمدلله

سارة إبتسمت ودخلت الشقه وقفل فارس الباب

قعد فارس علي الكنبه ورجع راسه لورا

قعدت جمبه سارة وقالت : هتعرف بابا عبدالله ومليكة ؟

فارس بصلها وقال : مدام الحمدلله إتعافيت يبقا بلاش نقولو علشان أكيد هيعمل مشكله إن مقولتلوش وكدة

قامت سارة من جمبو ف مسك إيديها وقال : وحشني أكلك أوي يا سارة

سارة قربت وبا*سته من خده وقالت : هدخل أغير وأعملك أحلي فطار

سابتو ودخلت غيرت هدومها وبعدها عملت فطار

فارس وهو بياكل : إنتي محتاجة تنامي ولا حاجة ؟

سارة هزت راسها وقالت : تؤتؤ مش عاوزه أنام أنا كدة فُل أوي بس عاوزه أنزل أشوف مليكة علشان وحشتني

خلص فارس أكله وقال : خلاص أنا كدة كدة ورايا مشوار هعملو إنزلي إقعدي مع مليكة وأنا هخلص وهاجي علشان عايز أشوف بابا ومليكة برضوا

سارة إفتكرت مكالمته مع ميرا وإستنتجت إنه رايح لميرا

قامت وراحت وقفت قدامه وشدت إيده قومته وفضلت بصاله

فارس بإستغراب : فيه إيه يا سارة ؟

سارة قربت وحطت راسها علي صدره وحضـ”ـنته جامد وعيطت

فارس حضـ”ـنها ولما حس بدموعها بعدها عن حضـ”ـنه وقال بقلق : فيه إيه بس بتعيطي ليه منزلش وأقعد معاكي طيب !

إبتسمت سارة وقالت : حسيت إن عايزه أحضـ”ـنك وأعيط في حضـ”ـنك بس إنزل عادي روح مشوارك خلصو وتعالي

إبتسم فارس وقال : من عينيا هو أنا عندي كام سارة يعني ؟

بصتله بدموع وقالت : إرجعلي بسرعه يا فارس علشان بتوحشني

بلع ريقه بتوتر وقال : من عيوني يا قلب فارس

با*س راسها وأخد المفاتيح ونزل

وهي لمت الحاجة ونزلت لمليكة اللي أول ما شافتها أخدتها في حضـ”ـنها جامد وقالت : أخيراً جيتيي بتعملو شهر عسل في أكتر من سبع شهور ليي

ضحكت سارة وقالت : تعويض تعويض

قعدتها مليكة علي السرير وقالت : إحكيلي إحكيلي

إتنهدت سارة وبدأت تألف ليها مواضيع ومواقف حلوه بينها وبين فارس

▪︎ عند فارس ▪︎

نزل فارس من العربية وطلع العماره وخبط علي الباب..

فتحت ميرا وقالت بعصبية : اتاخرت ليه يا…..

فارس بإبتسامة : إيه دا هو إنتي كنتي مستنياني ولا مستنية غيري ؟

ميرا رجعت شعرها بتوتر وقالت : كنت مستنية بتاع الدليفري يجبلي الأكل

إتعلقت في رقبته وقالت : وحشتنيي أوي يا فارس كل دا غياب

حضـ”ـنها فارس وقال بحب مصتنع : وحشتيني أوي يا ميرا

دخلتو ميرا جوا لقي نيرمين قاعده..

قامت نيرمين وقفت وقالت : إزيك يا فارس

فارس بصلها بنظرات مش مفهومه أو بالأصح محدش فهمها غير نيرمين بس وقال : أهلاً نيرمين

نيرمين أخدت شنطتها وقالت : همشي أنا يا ميرا و هجيلك في وقت تاني سلام يا فارس

فارس شاورلها وهو مبتسم..

قالت ميرا : خليك هروح الحمام وأجي علي طول

أخدت موبايلها ودخلت ورنت علي رقم وقالت : متجيش إوعي تيجي

الشخص بعصبية : إحنا هنهزر بقا ولا إيه انا تحت عمارتك

ميرا بسرعه وقلق : لأ لأ إمشي تاني معلش أءءء..أصل قرايبي عندي معلش خليها مره تانيه

قفلت وفتحت باب الحمام لقت فارس واقف وباصصلها بإبتسامة باردة وقال : كنتي بتكلمي مين يا ميرا ؟

ميرا بلعت ريقها وقالت بتوتر : ك..كنت بكلم بتاع الدليفري

فارس بشك : وبتاع الدليفري بتكلميه في الحمام ؟

ميرا رجعت شعرها لورا وقالت : لأ أصل هو رن وأنا في الحمام وكدة

فارس ربع إيديه وقال : و واخده موبايلك معاكي الحمام ليه كنتي حاسه إنه هيرن ؟

إبتسمت وقالت : نسيتو في جيبي يا حبيبي

إتعلقت في دراعو وقالت : وبعدين سيبك من كل دا وتعالي نقعد مع بعض أصل إنت واحشني أوي

إبتسم ليها وطلعو قعدو في الصاله وهي بتتكلم معاه وهو شارد تماماً في حااجة ناوي يعملها ..

ميرا قالت : فارس

فارس وهو مازال شارد رد وقال : إيه يا سارة

ميرا بصتله بصدمه وقالت بزعيق : فارس أنا ميرا

فارس فاق وقال : بتزعقي ليه يا ميرا ؟

ميرا بتريقه : والله يعني حضرتك مقولتليش يا سارة !

مسح علي وشه بضيق وقال : معلش يا حبيبتي من الثاعده معاها كتير حقك عليا

ربعت إيديها وقالت وهي مدياه ضهرها : لأ انا زعلانه يا فارس إنت مبقيتش تحبني

فارس كان في لحظه هيجيبها من شعرها بس لفها ليه وأخدها في حضـ”ـنه وقال : متزعليش يا قلب فارس

لعبت في زُرار قميصه وقالت : بس أنا لسه زعلانه

فارس بإبتسامة : خلاص عندي حل حلو يخليكي متزعليش

ميرا بصتله وهو مازالت بتلعب في زُرار القميص : إيه ؟

فارس بخبث : نتجوز..

ميرا بعدت عن حضـ”ـنه وقالت بصدمة : إيه !

فارس بإبتسامة : أتجوزك.. تتجوزيني يا ميرا ؟

يتبع...