فارس بإبتسامة : أتجوزك.. تتجوزيني يا ميرا ؟

ميرا بصتله بصدمه وقالت بتوتر : نت..نتجوز!!

هز فارس راسه ورجع شعرها ورا ودنها وقال : مش أنا وإنتي بنحب بعض ؟

هزت راسها وهي مازالت مصدومة ، قال فارس : فيها إيه لو إتجوزنا زي خلق الله ؟

قالت بحجة بعد تفكير : مش هقبل يكون ليها ضُره يا فارس

فارس ببساطة : هطلقها ..

كانت بتعض ضوافرها بتوتر مش لاقيه حجة تخـ”ـلع بيها من موضوع جوازهم

قال فارس : متقلقيش يعني قدامك إسبوع فكري فيه براحتك وكمان أسيبك تجهزي لحاجات البنات دي

بلعت ريقها وهزت راسها وهي ساكته

با*سها بو*سه خفيفه في خدها وقال : هقوم أمشي علشان ميحسوش بغيابي كتير

قام وقف وطلع من الشقه وقال لنفسه : قدامك إسبوع وتتكشفي يا ميرا

ميرا كانت جوا محتاره جداً مش عارفه تعمل إيه عقلها واقف عن التفكير .. هدفها الإنتقام بس مش عايزه تتجوزو

▪︎ في بيت عبدالله ▪︎

خبط فارس قامت فتحت سارة الباب لإنها كانت عارفه إنه فارس..

فتحت الباب لقت فارس في وشها إبتسمتله وهو أول ما شافها حضـ”ـنها جامد وقال في ودنها بهمس : وحشتيني أوي

طبطبت عليه وقالت : إيه يا حبيبي خلصت مشوارك

قال بهمس : أه خلصتو بس بإذن الله قريب أوي هيكون خلص خالص

مليكة من وراهم : إحم إيه يا فارس إنت مش في بيتكو يا حبيبي

بعدت سارة عن فارس بإحراج ولفت لقت عبدالله حاطت إيده في جيبه ومبتسم ومليكة بتغمز خبت وشها بإيديها من الإحراج

فارس حط إيده في جيبه وقال ببجاحه : مراتي ووحشتني وبحضـ”ـنها ف أحضـ”ـنها في أي مكان عادي

خبطتو في دراعو وقالت بهمس : إتلم يا فارس

عبدالله فتح دراعو وقال : مش هتيجي تسلم يا حفيد عيلة الرشيد

جري عليه فارس وحضـ”ـنه جامد وقال : واحشني يا حاج والله

عبدالله إبتسم وقال : حمدلله علي سلامتك يا فارس

مليكة قربت وشدت فارس من حضـ”ـن عبدالله وحضـ”ـنته وقالت : فااارس حبيبي هتخليني قريب عمتو صح ؟

حضـ”ـنها فارس وضحك وقال وهو بيبص علي سارة اللي واقفه مصدومة من كلام مليكة : أه يا حبيبتي وهتبقي أجمل عمتو وخالتو في نفس الوقت

بعدت عنه وشدته وقعدو في أوضة الصالون كلهم وهما مبسوطين وبيضحكو

حطت مليكة إيديها علي خدها وقالت : قولولي عملتو إيه في الشهور دي كلها هاا عملتو إيه هاا ؟

فارس حط إيده علي كتف سارة وقال : كنا بنخرج كتير أوي وبنلعب كتير أوي

ضحك عبدالله بصوت عالي لإن فهم إبنه وقال : إنت مش هتتغير يا فارس ؟

هز فارس راسه وقال : تؤتؤ

عبدالله : طب يا بطل شد حيلك علشان من بكرة هترجع شغلك تاني

هز فارس راسه وقال : حاضر يحاج بكرة هبدأ أنزل الشغل وهشوف المشروع اللي هيضيع مننا دا

عبدالله : إرفع راسي يا بمشهندس

فارس بخبث : هرفع راسك في إيه بالظبط

عبدالله بغيظ : في الشغل يا فارس

ضحك فارس وقال : تمام تمام هنزل من بكره الشغل

قامت سارة وقفت وشدت مليكة وقالت : عن إذنكم هنقوم نعمل غدا بقا

عبدالله وفارس إتفرجو علي الماتش

ومليكة وسارة واقفين بيعملو غدا..

مليكه بشك : إنتم متأكدين إنكم كنتم في شهر عسل فعلاً

بلعت سارة ريقها بصعوبه وقالت : أه يا بنتي كنا في شهر عسل وكنت مبسوطه جداً معاه..

مليكة بعدم تصديق : إزاي وفارس راجع خاسس خالص

سارة بكدب : مكناش بناكل كتير ولا كنا بننام عدل علشان كدة تلقيه خاسس حتي أنا كمان خسيت مش ملاحظة

مليكه بصتلها بتفحص وقالت : مش باين من الدريس اللي لابساه بس إنتو المفروض ترجعو مردودين فيكو الروح

سارة بإبتسامة : ما إحنا مردودين فينا الروح وبنحب بعض أهو إيه تاني ؟

مليكه بغمزه : خلوني عمتو طب

سارة سابت السكينه وقالت : يلاهوي علي القر*ف اللي أنا فيه يابنتي إنتي مش مبطلة الكلمه دي ؟

مليكة بتذمر : عايزه أبقي عمتو يا سارة ألاه

ضربت سارة علي وشها بضيق وقالت : إنتي كلتي دماغ أمي هتبقي عمتو ياستي خلاص أسكتي

خلصو الأكل وقعدو علي السفرة..

عبدالله بإبتسامة : إيه يا سارة قطعتي صلتك بوالدتك أول ما جيتي

سارة بإبتسامة : لأ بس هي مسافرة عند خالتو في إسكندريه وكنت بكلمها دايما أتطمن عليها

عبدالله هز راسه بتفاهم وسكت..

خلصو أكل وشالت سارة ومليكة وقعدو في أوضة السُفرة ..

قام عبدالله وقف وقال : حصلني علي مكتبي يا فارس

دخل فارس ورا عبدالله المكتب لقاه واقف في نص المكتب وحاطت إيده في جيبه

فارس وقف قصاده وقال : خير يا بابا فيه حاجة ؟

عبدالله بهدوء : إتعافيت بعد كام جلسه يا فارس

فارس بصلها بصدمه وقال بتوتر : جلسة إيه يا بابا اللي بتقول عليها

ضحك عبدالله وقال : فاكرني مش عارف يا إبن أميرة إنك كان عندك الكانـ”ـسر وروحت إتعالجت منو في المستشفي واللي عالجك معتز ! ومكنتوش في شهر عسل ولا حاجة كنتم موجودين هنا في القاهره

فارس بتوتر : ع..عرفت منين

بص عبدالله في عيون فارس وقال : علشان أنا عارف ولادي وقت ما بيكونو بيكدبو وراقبتك وعرفت بس سييتك وعارف إنك مردتش تقول علشان منمرش أنا وأختك في نفس المرحله بتاعة والدتك الله يرحمها تاني وكان المفروض أكسـ”ـر رقبتك وأجي معاك بالإجبار بس الحمدلله إنك إتعافيت واقدر أقولك حمدلله علي سلامتك يا فارس

فتح عبدالله دراعاتو لفارس وفارس حضـ”ـنه وقال : الله يسلمك يا حاج البركه في سارة لولاها مكنتش إتحركت خطوه واحدة ولا كنت عملت أي حاجة وبفضل دعواتها ووقفتها في ضهري ودعمها ليا مكنتش زماني واقف قصادكم دلوقتي

بعد عبدالله وقال : فعلاً يا بختك بمراتك هي جوهرة ♡

فارس إبتسم وقال : بابا بلاش مليكة تعرف

ضربه عبدالله علي كتفه وقال : متقلقش مش هتعرف حاجة بس إنت حافظ علي مراتك وهاتلي أحفاد كتير

هز فارس راسه وطلع هو وعبدالله الصالون لقو سارة ومليكه بيتكلمو وبيهزرو ..

قال فارس وهو مادد إيده : يلا يا سارة يا حبيبتي علشان عاوز أرتاح

حطت إيديها في إيده وقامت ، قالت مليكة بغضب : فارس دي لازقة في وشك 24 ساعة سيبها معايا شويه ياعم

ضحك فارس وقال : هبقا أجبهالك وبعدين إحنا مش بعيد إحنا في الشقه اللي فوقيكم

عبدالله شاور لفارس وقاله : سيبك منها وإمشي إطلع إنت ومراتك

طلع فارس وقال وهو طالع علي السلم : بابا عرف

شهقت بصوت عالي حط فارس إيده علي بوقها وقال : شششش أما ندخل شقتنا إشهقي وإتصدمي براحتك مش وإحنا علي السلم

هزت راسها وهي ساكته وطلعو وأول ما دخلو الشقه ..

وقفت قصاده وقالت : عرف إزاي وقالك إيه طب هو ، إنت كنت قايلو ، هو عارف من إمتي طب قالك إيه رد عليا معتز اللي قالو صح ولا كان مراقبك طب ، عمل معاك إيه رد عليا

زعق فارس وقال : إديني فرصهه أجاوب إنتي بالعه راديو

بصتله بغضب وقالت : عايزه أعرف

زعق وقال : إديني فرصه أجاوب إنتي بتقولي الأسئله ورا بعض مش مدياني فرصه

ربعت إيديها وبصتله وهي ساكته مستنياه يتكلم

أخد نفس عميق وقال : تقريباً كان مراقبني وكان عارف إن بكدب لإن هو قافشني دايما أنا ومليكة في موضوع الكدب دا وحضـ”ـني وقالي حمدلله علي السلامه وبسكدة

حطت إيديها علي قلبها وإتنهدت براحه وقالت : الحمدلله طب ومليكة ؟

فك زراير القميص وقال : متعرفش وقولتلو ميعرفهاش حاجة وبس

شهقت وقالت : إنت هتغير هنا خش غير في الأوضة

رفع حاجبه وقال : دا علي أساس إن جايبك من علي الدائري مش مراتي ؟

بصتله بتحدي وقالت : مراتك علي الورق وبس!!

قر*ب منها وقال بغمزه : طب ما تيجي نخليه عملي بدل ما هو نظري بس

بعدته بإيديها وقالت : إتلم يا فارس

فارس بعد وإتنهد وقال : عايزين نتكلم في حياتنا الجايه يا سارة لما إنتي مش عايزاني أقر*بلك أصلاً هنعيش حياتنا الجايه إزاي وهما بيزنو علي دماغنا علشان عايزين مننا بيبي صغير

قعدت علي الكنبه وقالت : محتاجة بس أخد وقت

فارس بعوجة بوق : متقوليش إنك عايزه تاخدي وقت تتعرفي عليا فيه وتعرفيني دا إحنا كنا ميتـ”ـين في دباديب بعض قبل الجواز بسنه تقريباً

ضحكت وقالت : أنا مش جاهزه نفسياً يا فارس أنا مش ناسيه اللي عملتو فيا

قعد علي الأرض قصادها وقال : أرجوكي إنسي..

ونعيش حياتنا ، حياتي اللي عايز أعيشها معاكي يا سارة

حقك علي قلبي يا حبيبتي

بصتله وساكته تماماً ومش عارفة ترد تقول إيه

مسك إيديها وقال بعيون دامعة : علشان خاطري وحياة حبك ليا بلاش تسيبيني وخلينا نكمل حياتنا الجايه من غير أي مشاكل

سارة بإستغراب : ماسك فيا ليه لما إنت مكنتش بتحبني!

با*س إيديها ودموعه نزلت علي إيديها وقال : علشان مش هقدر أعيش من غيرك لما كنتي حبيبتي غير لما بقيتي مراتي متسيبنيش يا سارة حياتي هتدمر من غيرك صدقيني

عقلها مشوش إزاي بيحبها وماسك فيها وهو بيحب واحده تانيه ومازال علي علاقه بيها..

مسمت دموعه وقالت : متخافش

حط راسه علي رجليها وقال : تعبان أوي عاوز أرتاح ومن حقي أرتاح أنا مشوفتش قليل في حياتي مو*ت أمي لحد دلوقتي مأثر فيا وكنت حاطت في دماغي إن مش هقابل ست في حياتي أحسن منها ولا زيها لحد ما قابلتك كنت فاكرك زيهم بتبقو في البدايات بس لحد ما جيت وإتقدمت واللمعة اللي شوفتها في عيونك ودموعك اللي نزلت زي المطر يوم ما بقيت جوزك رسمي وإسمك علي إسمي وحضـ”ـنك ليا اللي كان دافي وكان كلو لهفة وشوق وأما صدقتي أكون جوزك .. إستغربت إزاي أكون أذيتها كل دا ومكملة في حبها ليا ومع ذلك أذيتك وجرحتك تاني ويوم ما تعبت سهرتي جمبي و مهما كنتي بتحاولي تباني قويه كنت بشوف نظرة الحزن في عيونك وأنا سببها ويوم ما تعبت وجالي الكانـ”ـسر وقفتي جمبي ودعمتيني برغم إن كان بإيدك تسيبيني وتمشي بس بالعكس مسكتي فيا وقويتيني ومازلتي مقوياني وإستقويت بيكي .. بعد كل دا مش هقدر ..مش هقدر أعيش من غيرك عيشت معاكي سنه كاملة مش قادر أستحمل يوم يعدي من غيرك يوم ما كنتي نايمه في حضـ”ـني وقومت زعقتلك .. زعقتلك علشان إتضايقت من نفسي إن كنت مبسوط وإنتي في حضـ”ـني وكنت بكدب نفسي إن بحبك بس فعلاً أنا بحبك أوي يا سارة ..بحبك أوي يا سارة

سارة كانت سامعه كل كلمة ودموعها علي خدودها وبتمشي إيديها علي شعره ودموعه نازله علي هدومها

رفعت وشه وقومته وقف وقامت معاه وقالت : تعالي نرمي كل دا ورا ضهرنا إدخل خد شاور وننام أو نتفرج علي التلفزيون شويه..

فارس بسرعه : لأ عاوز أفضل نايم في حضـ”ـنك ونحكي لحد ما أنام ممكن ؟

سارة إبتسمت ومسكته من خدوده وقالت : طبعاً ممكن هو أنا عندي كام فارس يعني ؟

با*س فارس إيديها ودخل أخد شاور وهي كمان..

وخلصت سارة لقت فارس قاعد مستنيها علي السرير ..

قالت سارة : علي السرير ؟

هز فارس راسه وقال : مش عايز أتفرج علي تلفزيون ولا عايز أي حاجة خالص غير نبرة صوتك وبس أسمعها وإنتي بتحكيلي وأنا كمان بحكيلك لحد ما ننام

لفت وقعدت علي السرير وفردت رجليها علشان يحط راسه بس هو قرب وفتح دراعها وحط راسه وشدها ليه جامد وهي فضلت تلعب في شعره وهو بيحكي ليها مواقف مع مامته زمان ومواقف ليه وهو في إبتدائي وعن اللي كانو بيعملوه وكانو بيحكو عن ذكرياتهم لحد ما فارس نام..

بصت عليه لاقتو نام إتنهدت وقالت بصوت همس : مش عارفه أمشي ورا قلبي ولا عقلي يا فارس مش عارفة..

سمعت صوت مسدج وصل لفون فارس

مسكت الفون لقت المسدج من ميرا..

” فارس هو مينفعش نراجع موضوع جوازنا دا ونأجلو لحد ما تطلق ست سارة اللي عندك دي وبعدها نتجوز !! ”

سارة ضغطت علي الفون جامد وقالت : كل دي إشارات وأنا غبيه غبيه..

سابت الفون جمبها وحضـ”ـنته جامد وهي بتعيط في صمت..

▪︎ صباح تاني يوم ▪︎

صحي فارس من النوم وهو بيفرك عينه من أثر النوم بص جمبه ملقاش سارة..

قال بصوت عالي : سارة .. يا سارة

خبط علي باب الحمام مسمعش صوت فتح الباب ملقهاش راح أوضة الأطفال مش لاقيها جري علي الحمام التاني مش لاقيها وبص في المطبخ وقلب عليها الشقة مش لاقيها خالص بيدور علي فونه علشان يرن عليها لقاه موجود علي السفرة وجمبو فطار وتحت الفون ورقة..

يتبع..

الرابع عشر 

الأخــيــــــــــر ♡.

لقي ورقة مكتوب فيها.

” فارس..أنا أسفة إن سيبت البيت بس دي الحقيقه إنت فعلاً مش هتعرفلي طريق.. حاولت أنسالك اللي فات ونعيش من جديد لاقيتك لسه بتتعامل مع ميرا وكمان هتتجوزو ووهي رافضه الجواز علشان أنا علي ذمتك ف أنا سبتك ليها وعلشان مبقاش حاجز ما بينكم وربنا يهنيكم ببعض بس عايزه أقولك إن بحبك أوي ومازلت مش قادره أكمل معاك وإنت مع غيري ولا هقدر أكون معاك وإنت مش بتحبني..كنت بتمني أفضل معاك وأجيب بيبي منك وكان هيطلع شبهك لإن هفضل بصالك دايماً كان نفسي يكون جوايا حتة منك علشان بحبك أوي ممكن تضايق شويه بس هتعيش من بعدي .. وأنا مش عند ماما علشان متدورش عليا ولو دورت مش هتلقاني يا فارس لإن مشيت خالص .. بس هتوحشني أوي يا فارس هيوحشني حضـ”ـنك أوي وكلامك ليا وإن أصحي علي شكلك وصوتك وحضـ”ـنك ليا هتوحشني بكل تفاصيلك عشت معاك سنه بس كانت أحلا سنه في حياتي بالرغم من إن شوفت منك كتير .. بس هتوحشني أويي .. وعاملالك فطار علشان دي أخر حاحة هتاكلها من إيدي

سارة ”

فارس كان بيقرأ كل دا و دموعه بتنزل علي خدوده ركز في الورقة لقي فيه حروف دايبه وفيه أثار مايه عرف إنها كانت بتعيط وهي بتكتب

مسك الفون ورن عليها لقي فونها مقفول

قعد علي الأرض وفضل يعيط زي الطفل اللي أمه ضاعت منو ومش لاقيها وسط زحمة..

كرر كلمة : لية يا سارة ..لية يا سارة

▪︎ بعد إسبوع في بيت ميرا ▪︎

نيرمين بزعيق : لو إنتي هتعملي كدة أنا هروح أقول لفارس كل حاجة

ميرا بتحذير : إياكي تقوليلوا هقتلك

نيرمين بصتلها بسخريه ومشيت وفتحت باب الشقة وقبل ما تطلع كانت رصا*صه جات جمبها بالظبط

لفت وبصتلها ومصدومه وقبل ما تتكلم كانت رصا*صه تانيه في قلبها

قربت ميرا منها وكانت لسه هتشدها لجوا لقت فارس بيشيل إيديها من علي نيرمين وبيقومها من علي الأرض

بصتله بصدمه وقالت : فارس

فارس بإبتسامة : إيه يا روحي عدا إسبوع مش هنتجوز

كانت مش عارفة ترد عليه تقولو ايه فارس قال : بتقربي مني علشان تنتقمي من أبويا وعلي أساس كدة إنك بقيتي سترونج وومن!

قبل ما ترد عليه دخل الظابط ومعاه العساكر وقبضو عليها بص فارس لنيرمين بحزن وقال : كنتي ضحية للعبه و*** زي دي حقك عليا يا نيرمين

لبس نضارته ونزل راح لأبوه..

عبدالله بقلق : ها لاقيتها ؟

فارس هز راسه ودموعه نزلت وقال : مش عارف عنها أي حاجة قلبي هيقف مش حاسس بأي حاجة محتاجها معايا وحشتني أوي يا بابا البيت من غير سارة وحش أوي ومضلم مش عارف ليه سابت البيت ومشيت وأنا مش عارف عنها حاجة

دخلت مليكة وقالت : سارة سابت البيت !! سابتو ليه يا فارس عملت فيها إيه إنتو كنتو راجعين من شهر العسل بتاعكو حلو

فارس حط راسه بين إيده وقال : مكوناش في شهر عسل يا مليكه دا كدبة أنا وسارة عملناها

قربت مليكة وقالت : أومال كنتو فين أكتر من سبع شهور يا فارس

فارس رفع راسه وبصلها وقال : كنت بتعالج من الكانـ”ـسر

قعدت علي الأرض بصدمة وقالت : كانـ”ـسر!

هز راسه ومسح دموعه وقال : كان عندي كانـ”ـسر في الد*م ومكنتش ناوي أتعالج سارة شافت رسالة جاتلي من معتز في الفون بإنه هيقول ليكم لو متعالجتش وفضلت تعيط وطلبت مني أتعالج وفعلاً روحت وبدأت الكيـ”ـماوي وكانت معايا وشايله همي وحِملي كلو وكانت بتستقبلني وبتستقبل همومي بإبتسامة جميلة منها وتشجيع وكانت دعم ليا كبير أوي ولما رجعنا شافت مسدج من ميرا علي إننا هنتجوز صحيت تاني يوم ملقتهاش وسايبالي ورقه علي إنها سابت البيت وإنها بتحبني ومدورش عليها وهوحشها

دموعه نزلت أكتر وقال : وحشتني أوي همو*ت وأشوفها حاسس إن حياتي واقفه من غيرها يارتني ما كنت إتعالجت لو كنت أعرف إنها هتسيبني كدة

قامت مليكة وحضـ”ـنت فارس وقالت : أكيد هترجع أكيد أنا عارفاها لما بتزعل بتبعد فتره عن الكل بس بترجع تاني أنا واثقه إنها هترجع علشان بتحبك

حضـ”ـن أخته وقال بعياط : يارب أنا مش قادر أعيش من غيرها حياتي واقفه رجعهالي يارب ومش هزعلها مني هشيلها في عيوني والله رجعهالي

عيطت مليكة علي عياطه وهي بتدعي سارة ترجع

▪︎ بعد مرور سنه كامله ▪︎

قاعد فارس في أوضته وكانت عباره عن صور لسارة والصورتين اللي إتصوروهم في فرح شيري والصورة اللي إتصوروها ولما كان نايم في حضـ”ـنها في المستشفي اللي لقاهم في فونه .. كل دول مطبوعين وحاطتهم علي الحيطان وفيه صورة منهم مطبوعه علي مخده بياخدها في حضـ”ـنه لما بينام دا لو بيجيلو نوم أصلاً!

كان قاعد علي الأرض وساند علي السرير ودقنه كبرت وخاسس وهالات سودة تحت عيونه وبرواز في صورته هو وسارة موجود في حضـ”ـنه وباصص قدامه ببهتان ودموعه نازله وكلامها بيتردد في عقله من ساعة ما عرفها من أيام الثانوي ..

” وعلشان قلبي مازال بيحبك ” ” الله يبارك فيك يا فارسي ” ” طبعاً موافقة إنت عارف إن بحبك جداً من بدري أوي ” ” مش عارفة ليه بتكر*هني مش عارفة عملتلك إيه يخليك تكر*هني كدة بس أنا بحبك أوي يا فارس وعمري ما هعرف أكر*هك لإن إنت أول حب في حياتي وبقيت جوزي وكان نفسي تبقا أبو عيالي ونعيش أسرة سعيده ونحكي لأحفادنا عن قصتنا الجميلة بس كل دا إتهد وليه ؟ علشان إنت مش بتحبني بتمنالك السعاده دايما حتي لو مش معايا ” ” أنا بحبك يا فارس ” ” لو خلصت كسر فيا عن إنك ” فارس متسبنيش أرجوك أنا بحبك ” ” فارس إحنا لما نتجوز عارف هحكي لأولادنا عن قصة حبنا لبعض وعملنا إيه علشان نكون لبعض “

وطي راسه وهو مازال حاضـ”ـن البرواز وقال بصوت مكسـ”ـور : تعبنا أوي علي ما إتجوزنا بس للأسف إنتي بس اللي تعبتي وكنتي الضحيه .. وحشتيني أوي يا سارة حياتي والله العظيم واقفه من غيرك لا قادر أكل ولا أشرب ولا أنام من غيرك إرجعيلي يا سارة ليه بتعملي فيا كدة عقابك ليا دا صعب أوي كنتي تعاقبيني ب أي حاجة بس متعاقبنيش ببعدك عني وأنا معرفش عنك أي حاجة صدقينيي من ساعة ما حبيتك وأنا نسيت ميرا خالص كنت مقرب منها إنتقام مش أكتر أرجوكي إرجعيلي يا سارة مش قادر

كان بيتكلم وهو باصص ليها وهي مبتسمه وهو حاضـ”ـنها من ضهرها ومبتسم ودموعه حرفياً غرقت البرواز

جرس الباب رن..

مقامش ولا إتحرك من مكانه لإنه مش عايز يشوف حد ولا عايز يتكلم مع حد مش عايز غير سارة وبس

الباب إتفتح ودخلت منو مليكة لإنها كانت معاها نسخه من المفتاح

لقت فارس قاعد وهدوم سارة علي السرير وقاعد علي الأرض ماسك البرواز وبيعيط

حطت صينية الأكل علي السفرة ودخلتلو وقعدت قصاده وقالت : هتفضل كدة

فارس مردش عليها ومازال باصص للصورة وبيعيط ..

إتنهدت مليكة وقالت : فارس إنت يعتبر لا بتاكل ولا بتشرب إنت مش بينزل في معدتك غير اللي هيعيشك وكمان بالعافيه مينفعش كدة يا فارس مينفعش.. لازم تاكل وترجع أحسن من الأول

رفع راسه وبصلها وقال بنبرة صوت مبحوحه من العياط : عاوز سارة رجعولي سارة وأنا هرجع أحسن من الأول

دموعها نزلت علي حال أخوها حضـ”ـنته وقالت : هترجع يا حبيبي صدقني هترجع

حضـ”ـنها وقالت وهو بيعيط : بقالك سنه كامله بتقولي كدة أنا عاوز سارة بالله عليكي رجعيلي سارة مش هعمل حاجة تزعلها مني تاني بس رجعيلي سارة أنا مش قادر أعيش من غيرها يا مليكة مش قادر بحلم بيها دايما بصحي علي أمل ألقاها في حضـ”ـني مش بلقاها بقوم من النوم مفزوع أنادي بإسمها .. مش قادر أكمل حياتي مش قادر يا مليكة مش قادر

بعدته مليكه عن حضـ”ـنها وقالت : خلي عندك أمل في ربنا وأكيد هترجعلك صدقني والله هترجعلك

وطي راسه وفضل يعيط زي العيل الصغير..

▪︎ بعد مرور أربع سنوات ▪︎

” فرح مليكة ”

كان فارس قاعد علي ترابيزة وهو مازال حزين جه الفرح علشان أخته وبس

شم ريحتها وحس بوجودها رفع راسه وبيدور عليها بلهفه وسط الموجودين لقاها داخله من باب القاعه..

قام وقف وبصلها وهو مش مصدق إنها سارة

بدون مقدمات جري عليها وحضـ”ـنها جامد لدرجة إن رجليها مكانتش لامسه الأرض

عيط في حضـ”ـنها وهو بيقول : ليه كدة سبتيني ليه هونت عليكي تسيبيني كل دا معرفش عنك حاجة خمس سنين يا سارة حرام عليكي

حضنـ”ـتو جامد وقالت : علشان مش بتحبني

قعد بيها علي الأرض وهو مازال حاضـ”ـنها وبيعيط ، حست إنها زودتها أوي لما بعدت طول الفتره دي عنه بس مكانتش قادره ترجع ، طبطبت عليه وقالت : إهدي طب وحياتك خلاص رجعت مش هبعد تاني أنا معاك وبين إيديك أهو

هز راسه وهو مازال دافن راسه في حجابها وبيقول : حرام عليكي عاقبتيني ببعدك عني ليه كنتي عاقبيني بأي حاجة تانيه أقسم بالله كنت بمو*ت من غيرك

با*ست كتفه وقالت : مش هبعد والله مش هبعد تاني خلاص حقك عليا

بصت علي الناس لاقتهم واقفين بيبصلهم بحزن وشفقة علي حال فارس حاولت تبعده عن حضـ”ـنها معرفتش خالص كان ماسك فيها وكإنه صدق إنها بين إيديه ومعاه

همست في ودنه : فارس طب الناس هنروح بيتنا يا حبيبي والله بس قوم إحنا علي باب القاعه

فارس : مش هتضيعي مني

إبتسمت سارة وقالت : عمري ما أضيع منك أبداً

بعد راسه وبصلها ، مسحت دموعه وقالت : بحبك يا فارس

فارس بإبتسامة أخيراً رجعتله من تاني : بموت فيكي يا قلب فارس

قامو من علي الأرض والناس بتسقفلهم وهما مبسوطين ليهم جداً

جريت عليها مليكة وضحكت وسط دموعها وقالت : كنت واثقه إنك هتيجي

مسحت سارة دموعها وقالت : ومش همشي تاني

حضـ”ـنتها وهي مبسوطه برجوعها..

وبدأ الفرح وفارس ماسك في سارة جداً ومش عاوز يسيبها نهائي

روحو بيتهم وفارس مبسوط جداً إنه مع سارة..

دخلت الأوضة وإتصدمت لما لقت هدومها علي السرير مكان نومتها وفي مخده عليها صورتهم والحيطه مليانه صورهم سوا

لفت بصتله بعيون دامعه إبتسم ليها وقال : كنتي لما بتوحشيني أوي كنت بفضل باصص للصور دي وأكلم فيها علي أساس إنتي ومن كتر ما إنتي وحشاني أوي مكنتش بطلع من الأوضه دي أصلاً غير النهارده وبس علشان فرح أختي

جريت عليه حضـ”ـنتو وقالت : حقك عليا يا فارسي مش هبعد عنك تاني..

قرب منها فارس با*سها وهو بيشيل عنها الحجاب..

شالها وحطها علي السرير و…..

أصبحت سارة مرات فارس قولاً وشرعاً بعد مرور ست سنوات من جوازهم ♡

▪︎ بعد مرور 15 عام ▪︎

سارة وفارس جابو توأم ملاك ورحيم وبنت تانيه سموها أميرة علي إسم والدته

ومليكة ومعتز.. أه نسيت أقولكم أصل العريس كان معتز

المهم جابو بنتين سارة ورحمة وولد إسمه عبدالله

سارة كانت قاعدة في حضـ”ـن فارس بتقولو : هنحكي لأولادنا عن قصة حبنا زي ما كنت بقولك ؟

فارس با*سها من خدها وقال : هنحكي ليهم عن قصة حبنا وعن قد إيه أبوهم تعب وعاني من غير أمهم لما بعدت عنه خمس سنين

ضحكت وقالت بحب : بحبك يا فارس أحلامي ♡.

حضـ”ـنها جامد وقال : وأنا بحبك يا سرسورة قلبي ♡.

” مش كل النهايات حلوه .. ولا كل البدايات حلوه .. ومش كل اللي يقول بحبك يبقي بيحبك بجد ، الكلمة بتبقي فعل مش كلام وخلاص لإن الكلام مفيش أسهل منو.. ومش كل اللي حياتو خربت يبقا هتفضل خربانه طول حياتها .. سارة عانت وشافت كتير أوي بسبب فارس بس في الأخر ربنا عوضها ويشاء القدر إنه يبقي هو العوض حبيبها وفارس أحلامها .. خلي عندكم أمل في ربنا وربنا مش بيخذل حد ومش بيبعد حاجة خير عننا وثقو في ربنا كويس وخدو القرارات الصح ♡ ”

تمت..