رواية سلمي في كوريا الفصل السادس عشر 16 بقلم يوكا
روايه سلمي في كوريا الفصل السادس عشر 16 هى رواية من كتابة يوكا رواية سلمي في كوريا الفصل السادس عشر 16 صدر لاول مرة على موقع التواصل الاجتماعى فيسبوك رواية سلمي في كوريا الفصل السادس عشر 16 حقق تفاعل كبير على الفيسبوك لذلك سنعرض لكم سلمي في كوريا الفصل السادس عشر 16
رواية سلمي في كوريا الفصل السادس عشر 16
سلمي:فريد لو سمحت عايزاك في موضوع مهم
فريد:وانا كمان عايزك في موضوع مهم
سلمى:قول عايز ايه
فريد بمسكنه :لا قولي انتي الاول
سلمي:انجز وقول انت عايز ايه
فريد:سلمي للاسف انا خلاص ايامي معدودة في الدنيا
وخلاص هترتاحي مني
سلمي بخضه :ايه انت بتقول ايه
فريد بخبث:بعد مافوقت من الغيبوبه الدكتور قالي اني
خلاص بقالي شهر واحد وبعدها (وهو بتباكي) هموت
سلمي من طيبتها بتصدق اي حد عيونها دمعت : متقولش كدا
يافريد ربنا يطول عمرك ويخليك لبنتك
فريد ،:بنتي ماخلاص معرفتش اكون لها اب ومش هلحق
يلا الحمدلله على كل حال المهم انتي تخلي بالك منها وتربيها كويس
سلمي:ربنا ميحرمهاش منك وانت اللي تربيها
فريد وهو بيحضنها :وميحرمنيش منك
ياسلمي عارف انا اذيتك كتير فسامحيني
سلمي وهي بتحاول تشيل ايده وهو مش عايز يفلتها منه:
ربنا يسامحنا كلنا
فريد :متبعديش عني خليكي معايا الفتره دي
لحد ماموت وبعد كدا عيشي حياتك انا عارف
انك مش بتحبيني بس اديني فرصه واحده بس
سلمي :كانت بتقول خلاص هانت وهتخلص
منه وتعيش لنفسها ولبنتها بس دائما تأتي الريح بما لا تشتهي السفن
خلاص يافريد هفضل معاك شهر بس ليا شرط اني انام في اوضة خديجه
فريد:ماشي المهم تفضلي معايا وجنبي ومتسيبينيش
سلمي:ماشي هطلع اشوف جوجو فين
فريد بعد ما مشيت سلمي ابتسم ابتسامه صفرا ورجع بذاكرته
فلاش باك.................
في المستشفى بدا يفوق فريد امه فرحت جدا وابوه نزل سجد لله
امه :فريد حبيبي انت فوقت الحمد لله هروح انادى للدكتور
طلعت جري علي د /الفاروق عمر وهي فرحانه
وقالت :يادكتور يادكتور فريد فاق فريد فاق يادكتور
والدكتور سمع كدا جري معاها ومعاه اتنين ممرضات
وبدأ يكشف عليه وقاس ضغطه وفتح عيونه وبدأ يكلمو
الفاروق:عامل ايه دلوقتي
فريد :وهو بيشبه عليه انا كويس انت مين
الفاروق :ايه مش عارفني فريد
فريد:شكلك مش غريب عليا انت مين
الفاروق:انا رى ون ايه نسيتني
فريد بصدمه:ري ون بس بس شكلك متغير
الفاروق:ايوا قصدك حلقت شعري وربيت لحيتي
حلقت شعري للبعد عن الفتن(قصده ان النساء لما بيشوفوه
بشعره بيتجننو عليه فحلقو عشان كدا)
وربيت لحيتي اقتداء بالنبي محمد صلى الله عليه وسلم
فريد بصدمه اكبر ا😳😳انت اسلمت :,نعم اسلمت لله رب العالمين
فريد:ونزلت مصر ليه ان شاءالله ...عشان سلمي صح
الفاروق: لا مش عشان سلمي نزلت لاني احب مصر كتييير ا
وكانت امنيتي اني اشوفها انا عارف ان سلمي
متزوجه منك في الوقت الحالي وياعالم يمكن تتركك
فريد بغيظ :سلمي بتحبني انا وعمرها ما
هتسيبني ابدا واناكمان بحبها وبموت فيها
الفاروق: سلمي عمرها ماحبتك ولا هتحبك
لانك انسان مريض نفسي وعمرك ماحبيتها انت حبيت تمتلكها بس حتي لو هي
مش عايزاك نصيحتي ليك زور دكتور نفسي
سابه الفاروق ومشي وفريد بدأ ياكل في
ضوافره ويفرك في ايديه وقال مش هتبقي ليك ابدا يا رى ون مش هسمحلك
بكدا ابدا ولازم افكر في خطه متخليهاش تسيبني
بااااااااك
جوجو اخدت فون سلمي وضربت ارقام بتحاول تفتكرها
وجاها الرد
السلام عليكم ورحمه الله وبركاته
.... : وعليكم السلام ورحمه الله وبركاته مين معايا
جوجو:انا بابا عمر جوجو(بزعل) انت نسيت صوتي 😢😢
الفاروق : حبيبتي ابدا بس مش عارف رقمك
جوجو:لا بابا دا مش رقمي دا فون ماما اخدته من وراها عشان اكلمك
الفاروق بزعل :لا ياجوجو اللي عملتيه غلط وكدا ربنا يزعل منك عشان اخدتي فون ماما من غير ماتقوليلها
جوجو:طب انت وحشت جوجو
الفاروق:لما تحبي تكلميني استأذني ماما الاول
لو وافقت كلميني لو رفضت قولي حاضر ومتزعليهاش
جوجو :حاضر بابا جوجو بتحبك
الفاروق:وبابا بيحب جوجو كتييييييييييييييير خالص يلا
بقي روحي عشان محدش يزعل من جوجو.
جوجو:حاضر بابا باي
ولسه بتقفل دخلت سلمي
سلمي :ايه ياحبيبتي بتعملي ايه مش قولت متلعبيش في الفون كتير
جوجو:ماما جوجو عايزه تقولك حاجه بس مش تزعلي مني
سلمي :قولي يا قمر انا اقدر ازعل منك
جوجو:ماما انا اتصلت على الدكتور الفاروق
سلمي:بدون علمي ينفع ياجوجو
جوجو بزعل: ماما انا اسفه د/الفاروق قال لازم استأذن منك الاول
سلمي حست ان الفاروق دا محترم مدام طلب منها تستأذن :
ماشي ياجوجو لما تحبي تكلميه ابقي قوليلي وانا هتصلك عليه
جوجو وهي بتحضنها : هييييه انت احلي ماما
سلمي:وانتي احلي جوجو عايزه اقولك علي حاجه مهمه
احنا هنفضل هنا مش هنرو ح عند تيته دلوقتي
جوجو :,ماما جوجو مش عايزه تقعد هنا جوجو بتخاف من بابا
سلمي :حبيبتي متخافيش ابدا ماما معاكي
بعد يومين
فريد :سلمي ليكي عندي مفاجأة هتعجبك انتي وجوجو
سلمي:خير يارب
فريد :انا حجزت لينا تذاكر لشارم
سلمي : شارم انا مش بحب شارم كلها عري وحاجات مش كويسه
فريد :حجزت لينا شاليه على البحر بعيد عن الناس وهنبقي
لوحدنا محدش هيضايقنا هناك قولي لجوجو وجهزو شنطكم
سمي راحت لجوجو وقالتلها علي الرحله
جوجو:لا ياماما جوجو مش رايحه جوجو بتخاف
سلمي ياحبيبتي بابا حجز مش هنقدر نلغيها
جوجو:روحي انتي مع بابا وانا اروح عند تيته
سلمي:انا بقلق عليكي وعايزاكي دايما جنبي
جوجو :ماما جوجو بقت كبيييره خالص وكمان معايا تيته ود/الفاروق
سلمي بحزن عشان جوجو مش معاها ماشي ياجوجو بس
خلي بالك من نفسك انتي وتيته وخلي معاكي الفون دا وابقي كلميني كل ساعه
جوجو:حاضر ماما اطمني
سلمي جهزت نفسها وجهزت شنطتها وطلعت وقلبها تركته مع
جوجو واستودعتها عند الله الذي لا تضيع ودائعه
وركبو الطياره ووصلو الشاليه وفريد كانت فرحته لا توصف
لما عرف ان جوجو مش مسافره وكان مجهز الشاليه بشكل
خاص جدا ولما دخلت سلمي الشاليه انصدمت من اللي
شافته لقاته فرش الارض والسرير ورد و مجهز عشا
رومانسي وبصت علي الحاجه الموجوده ورجعت تبص لفريد
لقت
ياتري ايه اللي هيحصل وسلمي شافت ايه وياتري جوجو هيحصل معاها ايه ؟
16#
سلمي دخلت الشاليه لقاته مفروش ورد وفي طربيزه عليها
اصناف كتير من الاكل وشموع فاستغربت وبتلف لفريد
عشان تسأله عن الحاجات دي لقاته واقف ماسك بوكيه ورد
فريد : ممكن تقبلي الورد دا مني
سلمي : فريد في ايه وايه اللي انت عامله دا احنا متفقناش علي كدا
فريد جاب علبه قطيفه جميله جدا من غير
مايتكلم وفتحها وكان فيها طقم كوليه واخد
السلسله ولف ورا سلمي ولسه هيلبسهالها بعدت سلمي عنه
سلمي:لوسمحت يافريد بلاش اللي انت بتعمله
عشان خلاص ماعدش بياكل معايا انا خلاص اتعلمت
فريد :اديني فرصه اخيره اعبرلك فيها عن حبي
سلمي :تلت سنين عشت معاك فيهم كل يوم
كنت بديلك ١٠٠ فرصه وانت كنت بتضيعها و لا
مره حاولت تحبني ولا حتي تحب بنتك اللي هي من صلبك
فريد :وانا ايه يضمنلي انها بنتي ومن صلبي
ليه هو انا عيوني ضيقه ولا حد من عيلتي ولا
من عيلتك عيونهم كدا تبقي بنتي ازاي
سلمي :سمعت كدا كانت هتتجنن :انت ازاي
تقول الكلام دا انت كدا بتطعن في اخلاقي
وشرفي وانا مسمحلكش انت اكتر واحد
عارف اخلاقي وانا مش هبررلك بنتك عيونها
كدا ليه لان دي خلقة ربنا انا مخلقتهاش بس
انت بكلامك دا خلاص انهيت اخر فرصه ليك
ولسه هتاخد شنطتها اللي لسه مش فضيتها من اللبس
مسكها فريد من ايديها وهي ضهرها ليه وقربها منه سلمي انا بحبك بجنون ارجوكي متسيبينيش
سلمي خلاص جابت اخرها رفعت كوعها
وضربته بيه في بطنه نزل علي ركبتيه ورأسه
للاسفل وسلمي لسه هتمشي لقت حاجه
خبطتها علي راسها اغمي عليها
بعد مده فاقت لقت نفسها مربوطه في كرسي وعلي بوقها
لزق قعدت تصرخ مفيش صوت بتحاول تهز الكرسي
او تعمل اي حاجه مش عارفه لحد ما وقع الكرسي بيها وفقدت الوعي تاني
عند جوجو اتصلت على الفاروق
جوجو: السلام عليكم ورحمه الله بابا عمر وحشت جوجو خالص
الفاروق:وجوجو وحشت بابا عمر خالص خالص بتعملي ايه
جوجو :قاعده مع نناه بطه اصل ماما راحت
شرم مع بابا اصل بابا تعبان وقال لماما ان
الدكتور قاله انه هيموت بعد شهر فماما راحت معاها عشان يغير جو
الفاروق: بابا بيموت ازاى بابا كويس انا
الدكتور اللي كان بيعالجو جوجو فين نناه
جوجو:نناه في المطبخ انت عايزها
الفاروق: ايوا بسرعه حبيبتي
جوجو: ننااااااه ننااااااه
فاطمه :نعم ياجوجو: في ايه بتزعقي كدا ليه
جوجو:د/الفاروق عايز يكلمك
فاطمه:عايزني ليه ياجوجو هاتي الفون دا السلام عليكم ورحمه الله وبركاته
الفاروق: وعليكم السلام ورحمه الله وبركاته امي
لوسمحتي امي عايز اعرف سلمي فين
فاطمه :سلمي في شرم الشيخ مع جوزها اصله تعبان يابني
ياعالم بيه وهي بتبكي بيقول ايامه في الدنيا معدوده
الفاروق:امي فريد كويس وصحته كويسه جدا مفيهوش اي حاجه
فاطمه :ايه اللي بتقوله دا يابني الراجل تعبان ووري لسلمي الاشعه والتحاليل
الفاروق: الاشعه والتحاليل دى مزوره انا الدكتور المعالج لفريد
فريد معندش اي حاجه فريد مريض نفسي
واكيد سلمي في خطر دلوقتي
فاطمه سمعت كدا انهارت صويت وصريخ
وبكا علي بنتها والعمل يابني
الفاروق:اهدي واتصلي بيها دلوقتي وكلميها وحذريها منه
فاطه يالهوي يابنتي يارب استرها
رنت علي سلمي مفيش رد رنت تاني وتالت
قلبها أكلها علي بنتها ياتري يابنتي جرالك ايه وهي بتكلم نفسها سمعت رد
الفون :سلمي يابنتي
فريد:ايوا ياماما انا فريد في حاجه
فاطمه :لا ابدا يابني بس سلمي فين
فريد :سلمي نايمه دلوقتي اصل كنا سهرانين لحد الصبح
فاطمه:طيب يابني لو سمحت لما تصحي رن عليا
قفلت فاطمه مع فريد واتصلت علي الفاروق :ايوا يابني رنيت
هو اللي رد عليا وقال انها نايمه الحمدلله انها كويسه
الفاروق:امي انتي سمعتي صوتها عشان تطمني
فاطمه :لا
الفاروق:لازم تسمعي صوتها ولو كلمتيها اتحججي بأي حجه
عشان تنزل مصر
فاطمه:حاضر يابني يارب يجيب العواقب سليمه
فاطمه رنت تاني رد فريد
فريد:بردو تاني في حاجه ياحماتي
فاطمه :معلش يابني انا عايزاها في حاجه ضروري ممكن تصحيها
فريد :هي نزلت تجيب شوية حاجات من برا ونسيت الفون معايا
فاطمة هنا أكتشفت كذبه لانها مكلماه من خمس دقايق
وكانت نايمه وسلمي عمرها متصحي الا لازم تتوضا وتصلي
فهي لحقت تتوضا وتصلي وتلبس دي بتغيب
في اللبس يادوب علي ما تلبس الشراب
والجيبه والمعصم والملحفه والنقاب
والجوانتي بيبقي اليوم خلص وقالت يبقي بنتي فيها حاجه
اتصلت علي للفاروق: الحقني يابني اكيد بنتي جرالها حاجه
انا خايفه عليها اتصرف ارجوك بنتي هتروح مني
الفاروق:اطمني امي ليا اصدقاء ضباط في شرم الشيخ
هتصل عليهم بس عرفيني العنوان بالظبط
عند فريد وسلمي
فريد : ههههههههههه احسن كدا لو كنتي قعدتي هاديه زى الناس مكنتيش وقعتي كدا
سلمي بدأت تفوق اااااااااااه مكتومه بالبلاستر
فريد: مش عارفه تتكلمي ااااه انا نسيت انا قفلت بوقك
وسلمي بتعافر وبتحاول تفك نفسها بس مفيش فايده
هو بيضحك ضحكه مستفزه ضحكة واحد مريض نفسي
بصت له ونزلت دموعها غصب عنها
فريد : ايه بتعيطي ليه عشان حبيب القلب
سلمي بعيونها بتحاول تقول كلام كتير يفهمه
كل انسان عاقل بس دا للاسف مش عاقل
شال اللاصق من على بوقها
سلمي:وهي نايمه بالكرسي علي الارض ياخساره يافريد
انت للاسف
فريد: اسف ايه
سلمي: انا عمري مافكرت من اول يوم جواز
في اي حد غيرك لاني بخاف ربنا مش خايفه منك
فريد كل مره كنت بتشتمني وبتمد ايدك عليا
كنت قادره اردلك الضربه الف بس احترمت
انك زوجي بالرغم انت عمرك ماحترمتني
ودايما تضربني وتشتمني وكنت خايف دايما اني اسيبك واروح ل ري ون
بس لو كنت عاوزه ري ون كنت قبلت بيه بس
انا رفضته واتجوزتك انت وانت للاسف
اتجوزتني عند وجيت عليا وعلى بنتك
المسكينه اللي ملهاش ذنب في اي حاجه غير
انك ابوها للاسف انك ابوها دا اسفي انك اب لبنت زى خديجه
انت تعرف ان خديجه قربت تختم القرآن الكريم
انت تعرف ان خديجه حافظه اكتر من ميت حديث
انت تعرف ان بنتك عقلها اكبر من اللي في سنها
انت تعرف ان بنتك بتقرأ وتكتب وهي عندها سنتين ونص
انت تعرف ان بنتك معدل ذكائها ٢٠٠يعني بنتك ذكيه جدا
و عبقريه وممكن تبقي حاجه في المستقبل
دى بنتك اللي عمرك ما حضنتها مره ولا بوستها مره ولا كلمتها حلو مره
دا اسفي علي بنتي اللي اتيمت وابوها موجود
عايز تموتني يافريد موتني انا خلاص تعبت
منك اكتر من تلت سنين مستحمله مرار وقهره خلاص تعبت وغمضت عيونها
فريد بيبكي علي حاله قعد على الارض ضامم
رجيه الي صدره وبيفرك شعره بإيده وبعدين
ضم ايده اليه اكنه حاضن نفسه وبيبكي وفجأة الباب خبط
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا