ريان. نور انا و والدك كنا شركاء واسمنا مسمع في كل مكان جواه مصر وخارج مصر وشغلنا ماشي تمام 

نور. هو انت و بابا شغالين اي يدعي الحراس دي كلها ولا كانك رئيس مافيا 

ريان. شغالين في الاستيراد والتصدير  

نور. والشغل ده ي استاذ محتاج كل الحراسه دي وانك تتجوزني. 

ريان. اه محتاج ي نور 

نور. ولي محتاج 

ريان. لانه احنا شغلنا كان مغطي علي ناس وهما مش استحملوا كده واعتبروا أنه احنا اعداء ليهم وحاولوا يدمرونا بأكتر من طريقه بس فشلوا والمشكلة كمان أنهم من خارج مصر واتحدوا مع هنا اللي من داخل مصر  ومع ذلك حاولنا انا والدك اننا ننجح وناخد بالنا من أعدائنا  لحد ما  اتفقوا أنه يتخلصوا من والدك و نجحوا أنهم يدبروا حادث ويقتلوه 

نور. كانت بتسمع واتصدمت لما عرفت أنه موت والدها كان حادث مش مجرد موته عاديه ودموعها بدءت تنزل 

ريان. لما لاقها مصدومه وبتعيط قال نور انتي كويسه 

نور. لا رد  وكانت بتعيط وصوت عياطها عالي 

ريان. نور ممكن تهدي صدقيني انا مش هسيب حقه وهاخده 

نور. كمل بعد موت بابا انت لي اتجوزتني  

ريان. كفايه انهارده كده قومي ارتاحي وبعدين هقولك 

نور. بصوت عالي نسبيا لا ي ريان كمل كلامك لو سمحت

ريان. بعد موت والدك في شخص من أعدائنا مش كفاه كده وكان عايز يتخلص منك انتي و اخوكي وامك وسمعت أنه في واحد منهم عايز يجوزك لابنه وياخد كل شيء منك ويسيبك بعد ما يدمركم ولو مش قتلكم في الاخر 

نور. وبعدين

ريان. انا قابلت مامتك وفهمتها علي كل شيء وكان لازم اتجوزك ي نور علشان احميكي انتي وامك واخوكي ولما يعرفوا انك اتجوزتي ومني انا مش هيقدروا أنهم يقربوا منك غير لما يواجهوني لاول ي نور  وعلشان سبب تاني بس ده مش وقته دلوقتي و دلوقتي انتي مراتي ومحدش يقدر أنه يقربلك 

نور. طيب احمد اخويا و و 

ريان. وماتك صح متخافيش انا قولت لمامتك تاجي تعيش معانا بس هيا رفضت وانا مخلي حراس تحاوط البيت كله من غير ما حد ياخد باله ولو في شيء حتي لو صغير ومش مطمن يكلموني علي طول 

نور. يعني انت اتجوزتني علشان تحميني انا وعائلتي لي عملت كده وتخاطر بحياتك 

ريان. اه اتجوزتك ي نور علشان احميكي انتي وامك واخوكي والدك كان زي والدي وكان بيعتبرني ابنه وقف معايا في أول حياتي لحد ما بقيت في الوضع اللي انا فيه ده ي نور 

نور. بدموع وهنفضل عايشين في القلق ده كتير ي ريان 

ريان. لا ي نور عن قريب كل ده هيخلص صدقيني 

نور. كانت في صدمه شديده وكانت بتعيط ومش عرفه تقول اي ل ريان ولا تتصرف ازاي ولا تسأله عن أي 

ريان. كان مدايق علي حالتها اللي كانت فيها لانها اخدت صدمات كتير 

نور. ممكن تقولي علي الاوضه اللي هنام فيها 

ريان. انتي ممكن تقعدي هنا 

نور. لا محتاجه اني اقعد لوحدي لو سمحت

ريان. حاضر في اوضه  جانب الاوضه دي ممكن تقعدي فيها 

نور. تمام وطلعت وكانت بتعيط وهيا رايحه الاوضه قابلت قطه كانت ماشيه والقطه كانت بتحاول أنها تقرب من نور 

نور. اعاا. رياان 

ريان . كان بيغير هدومه واول ما سمع صوتها جري بره يشوف في اي 

والحراس اول ما سمعوا صوت صريخ طلعوا بسرعه 

نور. اول ما شافت ريان جريت عليه واستخبت وراه ضهره 

ريان. مالك ي نور لي بتصوتي واول ما لاقي الحراس قال لهم أنهم ينزلوا 

الحراس نزلت وريان قال مالك ي نور 

نور. ببكاء ريان ريان قطه شيلها بسرعه عني أنا بخاف منها كتير ي ريان اهي اهي

ريان. كل ده علشان قطه 

نور. اه وفضلت وراه ضهره والقطه لما لفت عند نور 

نور. اعا ولفت قدام ريان وحضنته جامد وقالت بعصبيه ريان شيل القطه دي من هنا 

ريان. حاضر ونادي علي الخدامه جات شالت القطه جيسي 

ريان. نور خلاص القطه مشيت 

نور. بعدت عن ريان وكانت بتبكي 

ريان. ممكن تهدي ي نور ومسح دموعها  واخدها في حضنه وقالها عيطي ي نور لو ده اللي هيريحك وانا معاكي 

نور. اول ما سمعت كده من ريان فضلت تعيط في حضنه لحد ما نوعا ما هديت وبعدت عن حضن ريان وقالت شكرا 

ريان. العفو وبعدين قال بهزار. هو في حد بيخاف من قطه 

نور. اه انا 

ريان. ممكن نبقا اصدقاء ي نور 

ومد أيده وقال انا ريان 

نور. مدت اديها وقالت وانا نور 

ريان. اصدقاء

نور. مسحت دموعها وقالت اصدقاء 

ريان. طيب اي رئيك لو نخرج مع بعض بمناسبه أنه بقينا اصدقاء

نور. امم وانا محتاجه اشم هواء واتمشا شويه بس هنروح فين 

ريان. هنروح ..........