آسر : انا مش قادر اكمل يا فاطمة مش قادر

فاطمة : هو انا عملت حاجة تزعلك 

آسر باستهزاء : حاجة؟ قولي حاجاااات انا طهقت 

فاطمة بدموع : ياااه للدرجة دي 

آسر بملل : و اكتر  

فاطمة:  قبل م امشي عايزة اعرف سبب واحد يخليني ابعد

آسر بوضوح : احنا مش شبه بعض يا فاطمة ، انتِ واحدة معقدة ، متوقعة ان الدين عامل زي الدبلة اللي في ايدك مينفعش تمشي من غيرها عشان محدش يفكرك سنجل ، اهو انتِ بقا معتبرة الدين كدا كل ما اجي اتكلم تقوليلي الدين بيقول ربنا بيقول ، و انا عايز اعيش حياتي و عايز اعيش وقت الخطوبة  بتفاصيلها ، يعني مثلاا عمرك وافقتي اني امسك ايدك لاا 

عمرك وافقتي لما اشوفك احضنك لاا

عمرك وافقتي اتغزل فيكي و ف عيونك برضو لاا

و كل م اجي اتكلم تقوليلي حراام و حلال لاا يا فاطمة لااا مش دي الحياة اللي عايز اعيشها 

نظرت له فاطمة بجمود : عارف يا آسر انا كان نفسي جوزي المستقبلي يبقا أحسن مني مليون مرة لما الاذان يأذن يشدني من ايدي و يقولي يلا صلي و هقف الإمام ليكي ، لما اختم القرآن يبصلي بصة ممزوجة بالفخر و الحب ، كنت عايزاها عارف ربنا و يدلني على الطريق الصح 

عارف انا لما شوفتك ملقتش فيك كل دا و لا بتصلي و لا بتسبح ولا تعرف القبلة في بيتنا منين اصلاا بس كنت بقعد اقول هغيره واخليه احسن بس للاسف الشيطان مسيطر عليك  ، خد دي الدبلة بتاعتك و شبكتك هتجيلك لحد عندك و على فكرة انا مش معقدة انا بس بحافظ على نفسي  ، انت مش شبههي يا آسر ،  سلاام .

ذهبت فاطمة إلي منزلها وهي تبكي لا تعلم تبكي لفراقه ام تبكي لان الله انقذها من حفرة عميقة كانت ستنزلق بها ام تبكي لان خالتها و ابنتها عندما يعلمان سيذيقونها من المُر اشكالا " 

دخلت فاطمة إلي غرفتها  بعد انا أخبرت والدتها بما حدث ثم بدأت في الصلاة و في الركعة الأخيرة انفجرت في البكاء و اخذت تبكي ولكنها الان علمت إنها تبكي فرحًا لأن الله انقذها "

انهت صلاتها و دعت ربها انا يهديها إلي الطريق الصحيح ، قرأت الورد اليومي لها و ذهبت في نوم عميق "

بعد عشر ساعات من نوم متواصل ايقظتها والدتها قائلة : فطوم ، فاطمة ، بطة ، بطوط قومي يا منيلة 

فاطمة بنعاس : سيبيني يا وداد انام شوية الاهي تنستري

وداد : قومي يا بت خالتك برةة عايزاكي 

وفي ذلك الوقت أيقنت فاطمة ان اليوم لن يمر بسلام تماما

بدلت فاطمة ثيابها و خرجت إلي خالتها و ابنتها

فاطمة بود : السلام عليكم ازيك يا خالتو

خالة فاطمة: ازيك يا حبيبتي اخبارك اي 

فاطمة : الحمد لله والله ازيك يا مريم 

مريم ب ابتسامة صفراء: الحمد لله بخير 

مريم :  هو صحيح آسر سابك

فاطمة بحزن :اه الحمد لله كل شيء قسمة و نصيب ربنا يوفقه

خالة فاطمة: بصي يا فاطمة انا معرفش اي السبب بس بصراحة انتِ اكيد غلطانة يا حبيبتي مكنش ينفع تسيبيه انتِ عندك ٢٨ سنة يعني سنة سنتين و مفيش حد هيبصلك 

ردت مريم بود مصطنع : يا فاطمة يا حبيبتي خليكي زيي اتجوزت وانا عندي ٢٠ سنة و مخلفة ، مش قاعدة ف حضن امي ٢٨ سنة 

ردت فاطمة بثبات : الحمد لله كل شئ قسمة و نصيب انا  راضية 

بعد شهرين متواصلين  صدح صوت هاتف فاطمة يخبرها باتصال شخص ما بهاا  ، نظرت فاطمة رأت ان المتصل هو  صديقتها " روان " 

تشكلت ابتسامة واسعة على وجه فاطمة 

فتحت فاطمة الهاتف قائلة بسعادة عارمة : وحشتيني يا بنت اللذينة

روان بعصبية مصطنعة: حد قالك متكلمنيش يوم ونص بحالهم  ، ع العموم جهزي نفسك هاجي اتعشى و احلى و اشرب قهوة عندكم  بعد ساعة 

لم تنتظر روان رد فاطمة و اغلقت الهاتف ف ضحكت فاطمة على صديقتها .

أخبرت فاطمة والدتها وداد انا روان سوف تأتي 

 جاءت روان بصحبة اخيها " سليم " 

دخل كلا من سليم و روان إلي غرفة تدعى " الصالون " بدأ كل شئ طبيعي ولم يسمع اي منهم سوا صوت انفاسهم ولكم قاطع ذلك الصمت " سليم  " قائلا   بعفوية : انا بحبك يا فاطمة 

لجمت الصدمة لسان كل من وداد و فاطمة .

وبعدها قالت :وداد ازاي يا بني قولي كلام غير دا يا حبيبي 

سليم : مش هقدر اصبر و من غير مقدمات انا بحبها و مش هلاقي ام لأولادي احسن منها .

بقالي شهر ونص بشوفها بشكل متواصل كل يوم بمشي وراها اشوف هي راحة فين و جاية منين بقيت عارفة اللون المفضل ليها واستايل لبسها الفضفاض و دا طبعا المحبب لقلبي  بقيت عارف صحابها المقربين وبقيت عارف أماكن خروجها المفضلة ، بقيت عارف كل حاجة حرفياا بقيت بحب وجودها ، بحب التزامها في الصلاة ، بحب شكلها و هي بتسبح و تقرأ قرآن ، لحد م معنتش  قادر اصبر و مش عايز اغضب ربنا و افضل ابصلها و هي مش محللة ليا 

كانت هذه الكلمات تطرق قلب فاطمة بعنف  .

التفت إليها سليم قائلا : تقبلي تكوني ام أولادي و كل حياتي   يا فاطمة 

" وكان عوض الله عظيما "