- انت واحد حقير عايز منى اى تانى

- بتعيدى الغلط يا روح مش بتحرمى المره دى هخسرك اى

قرب منها وذنقها ارتعش جسدها خوفا

- وبعدين مش الحقير ده كان املك فيه كبير أنه يتجوزك

بصتله روح بصدمه قالت

- ايه !!!

ضغط على أيدها فوجعتها قال بحده

- بتبعتى امك تتكلم مع امى عشان اتجوزك واستر عليكى وطبعا عارفه انى مش هقدر اكسرلها كلمه بس هى كانت خائفه عليا أصلها امى بردو مش هتجبرنى على واحده أنا خدتها منغير جواز وبردو محصلش الى انتى كنتى عيزاه بس انتى بالحركه دى غلطى اوى لانى حذرتك قبل كده وقولتلك لو حد عرف هموتك فيها انتى وامك وكنت اقصد بالحد ده امى لان محدش فارقلى غيرها

- هتموتنى !! ده على اساس اى انى لسا عايشه

بصلها بإستغراب من قوتها وكسرتها فى الكلام فى نفس الوقت 

قالت روح - أنا معرفش بالى ماما عملته ولو كان حصل وانت وافقت فاعرف انك اخر واحد ممكن اقبل أنى اتجوزه 

بعدته عنها كانت لسا هنمشي فقال

- ده على اساس انى فى حد هيجي يتجوز واحده مش بنت

دمعت عينها بحزن وبعدين كملت طريقها من غير ما تبص وراها

دخلت روح الاوضه وعيكت بقهر وحزن سمعتها نوال فصحيت علطول لأنها مكنتش عارفه تنام اصلا بصت على بنها قالت

- روح بتعيطى لى 

رفع روح وشها إلى مليان دموع قالت

- لى يماما لى عملتى كده

- عملت اى بس أهدى وفهمينى

- لى تروحى وتذلى نفسك ليهم قولتلك كان فضلى كرامتى إلى هعيش بيها وانتى خسرتهالى بروحتك ليهم مش قولتلك مش هتستفادى حاجه قولتلك زى ما هتروحى زى ما هترجعى حد قالك انى عايزه اتجوزه لى طلبتى منها كده وكأنى بقيت وصمه عار عليكى

- الى انتى بتقوليه ده ياروح

- بقول الحقيقه انا فعلا فيا عار هشيله العمر كله

حضنتها نوال بقوه وقالت

- متقوليش كده يحببتى انتى اشرف من الشرف أنا كلمت مدام كوثر بس لانها تقدر تساعد..

- تساعدنى مش كده بس زى منتى امى هى أمه ومش هتجبر ابنها عليا أنا مكنتش عوزاه ولا عوزا حد غيرك انا عايزه اعيش بعيد عن العالم ده وفى حالى 

- بس هى مش أنه دى مرات أبوه

انصدمت روح وبعدت عنها وبصتلها بشده قالت

- مرات أبوه 

- ايوه

- ازاى ده بتعامله ولا كأنه ابنها

- لأنها بتحبه فعلا ممكن عشان معندهاش عيال لكنها بتعتبر يحي زى ابنها واكتر بس معرفش هو بيحبها اوى كده لى سمعت أنه حتى من وهو صغير كانت متعلق فيها جدا ومن شده حبه نسي أنها مرات أبوه وحبها زى أمه واكتر وهى كانت بتعمله كتير بردو مش لازم إلى خلفت هى إلى تكون ام المهم إلى ربت وانا لما شوفت رحمتها بالناس وإلى عكسه تماما اتوقعت انى لما اروحلها هى بداله هتساعدنى

- ومعملتش حاجه مرواحك زى عدمه ياريتك مروحتى ولا تعبتى نفسك 

- بس ياروح

- مبسش يماما احنا هنخرج من هنا الصبح وعيزاكى تنسي كل حاجه هنا بالناس بالقصر حتى الطريق الى بيوصلك هنا انسيه زى منا هحاول انسي 

كانت روح بتوهم نفسها على سراب لانها عارفه ومتأكدة ان عمرها ما تنسى الى حصلها وتبقى ندبه فى حياتها متأثرة على حياتها الامر كله كتلك الليله وذلك اليوم والتوقيت التى لا تستطيع نحوه من ذاكرتها 

-------------

فى الصبح كانت روح ونوال ماشين وكان الخدم مستغربين ومس عارفين السبب 

وصحاب نوال زعلانين وبيودعوها وصفيه كانت زعلانه 

مسكت روح ايد مامتها

- يلا 

بصتلها نوال اتنهدت بقله حيله وبعدين مشيت وهى كان نفسا تشوف كوثر توقفها ولولا روح وإصرارها عليها أنها تسكت هو إلى مخليها ساكته ومرحلتهاش تانى وهددتها المره دى 

- رووح

جائهم ذلك الصوت بصيغه النداء وقفت روح قدماها فهى تعرف ذلك الصوت جيدا تمن ألا تراه حتى برحيلها لماذا القدر يفعل هذا بها 

لفت وبصتله كان واقف حاطط أيده فى جيبه ببرود اتقدم منها ووقف قدمها مباشره وكل منهم ينظر فى عين الآخر نظرات حقد كره سخريه شر غضب ضيق

خرج فلوس من جيبه ورماها فى وشها لتتطاير عليها قال

- نسيتى تاخدى تمنك أو اعتبريهم نهايه الخدمه

انصدم الجميع من الى قاله يحي

بصت روح حوليها لقتهم بيبصولها غضبت نوال وكانت لسا هتتكلم بس لقت بنتها بتسبقها وبتضربه بالقلم على وشه قدام الكل 

كان يحي مصدوم هل صفعته للمره الثانيه بصلها وعينه مليئه من الغضب وبحركه سريعه خرجت فلوس ورمتها فى وشه تفعل كما فعل أنصدم الجميع من فعلها ذلك

- أعتبر القلم ده الوداع إلى انت طلبته والفلوس تمن كرامتك إلى المرميه على الأرض

قربت منه وقف أمامه مباشره وقالت بحنق وسخريه

- وكرامتك تستاهل أقل من كده

كان يحي مصدوم من كلامها وقوتها ونظرتها ليه إلى رجعت مليانه تحدى هو مظنش أنها هتقوى بالسرعه دى وتتجرأ اكتر من كده

لفت روح تحت أفواه الجميع بصدمه مما يجرى حولهم ، مسكت ايد امها إلى بصتلها نوال ببسمه طفيفه حزينه لكن فرحانه بالى عملته خدتها روح ومشيو 

وكان يحي يستشيط غضبا من تلك الفتاه فيبدو أن اظافر القطه سريعه النمو وقد نمت لها من جديد ويجب أن يقصها

بص حوليه وقال بغضب

- واقفين لى متغورو

ذهب كل منهم بخوف ورعب بص يحي على الفلوس جمع يحي قبضته وهو بيتوعد ليها

--------

وصلت روح ونوال الشقه وكانت عباره عن اوضه عفنه مليئه بالغبار والاتربه وكان لم يخطوها جنس من بنى البشر 

كانت روح بتبص حوليه هى ونوال إلى كانت قرفانه من المنظر وشايه هم ان بنتها هتعيش هنا ازاى 

لفت روح وبصت لراجل الى كان معاهم وبيوريهم الشقه قالت

- تمام شكرا ياعم صابر

- تمم زى أما اتفقتى معايا يا ابنتى على اخر الشهر الايجار

- حاضر

- يلا السلام عليكم

مشي وسابهم لفت روح وابتسم قالت

- اى رأيك يا ماما هنعقد هنا لوحدنا ومش هتخدمى حد أنا إلى هخدمك واتمنى انى مخلكيش محتاجه حاجه

مشيت لركن وقالت 

- إنشاءالله هبقا اجيب هنا دفايه نعقد جنبها عشان الشتا السنادى تقيل فعمل حساب للسنه الجايه إنشاءالله واى رأيك هنا نعمل قعده مع بعض لما ارجع من برا والمطبخ هو اى صغير اوى بس هنطلك فيه براحتى

كانت نوال باصه لروح وساكته بس دموعها بتتجمع وهى شيفاها عماله تتكلم ببسمه عكس إلى جواها

- اى رأيك يماما

بصت لروح لمامتها الى بصالها بس قالت

- مالك يماما بتبصيلى كده لى

- ازاى قادره تكونى كده

- ك .. كده ازاى يعنى

قربت نوال منها وهى على وشك البكاء قالت

- القوه إلى انتى فيها وقوفك على رجلك وتحملك لكل حاجه حصلتلك تمثيلك أنك كويسه وانتى مش كده ازاى قادره تبظعى فى تمثيلك وتخلى الكل يصدقك كده انا فخوره بيكى يا روح بس قلبى بيتقهر لانك كل اما بتمثلى القوه بشوف الكسر إلى جواكى كبير قد اى .. متحملنيش اكتر من كده خلاص المسرحيه خلصت محدش معانا .. مفيش غيرنا تقدرى تاخدى راحتك يا حبيبتى تقدرى تاخدى نفسك الى انتى بتكتميه جواكى وقادر يخنقك

سالت دمعه من عين روح بصمت بدون معالم الحزن إلى على وشها وكان ذلك الجبل التى ترتديها اهتز من شده حطامه ولم يعد بإمكانه الصمود 

قربت نوال أيدها منوشها ومسحتها بحنان قالت

- سامحينى يا حبيبتى أنا السبب فى إلى حصلك سامحينى لأنى مقدرتش احميكى من العالم إلى مليان وحوش ومعرفتيش قد اى الناس إلى برا بيخوفو بمجرد أنه بيشوف نور اى كان سببه اى ، بهجه طيبه سعاده لازم فورا يطفوه

- انتى ملكيش ذنب يماما فى إلى حصلى ده ابتلاء من ربنا ابتلاء كبير واختبار صعب بيختبر سيرى وقوه ايمان وانا اكتشفت انى عندى صبر كبير وايمانى فيه اكبر من اى حاجه

بصت لها نوال بحزن كملت روح 

- اعرفى أن القوه إلى عندى دى هو سبحانه إلى انعمها عليا عشان اقدر اعيش مع إلى حصلى لان مفيش حاجه بتحصل للبنأدم إلا وربنا عارف أنه قدها

مسكت روح ايد والدتها الى كانت على وشها وبعدتها قالت

- تعرفى أن بينتك ليها رب اسمه الرحيم ومن صفاته العدل وأنه مبيسبش عدل مظلوم أن كان فى الدنيا أو فى الاخره اعرفى أنه مش هيسيب حق عبده 

سالت دموع من عين نوال وهى مش قادره تتحمل كلام بنتها وأنها فعلا قويه فبعد كل ذلك لم يهتز إيمانها بربها بل ازداد حبها له برغم شده الابتلاء تحسن ظنها وتثق فى عدله وحكمته الكاتبة الخفيهn

 لكنها تتسائل بضعفها لماذا فعل هذا بطفلتها لماذا جعل الوحوش يقتلوها هكذا باكرا ويطفئو نورها ويسلبون روح ابنتها الحبيبه