_فاطمة اتاخرتي ليه  ابن خالتك بقاله ساعه مستنيكي وباين عليه مضايق وبيقول عايزك في موضوع مهم 

_والله ياماما الطريق كان زحمه جدا هو عبد الرحمن فين 

_جوا في البلكونه ادخلي شوفي ماله وانا هتدخل احضر الغدا 

_طيب اجي اساعدك 

_لا ياحبيبتي انا يعتبر خلصت ادخلي بس شوفي ابن خالتك ماله عشان شكله مضايق اوي ياحبه عيني

_دخلت البكلونه لقيته واقف سرحان وباصص علي السماء وساكت ابتسمت واتكلمت بهدوء

انا عارفه ان السما شكلها جميل بس انت طول عمرك بتحب تفضل باصص  علي القمر وبس ودلوقتي القمر مش ظاهر اقدر اعرف سرحان وباصص علي اي

_لقيته ابتسم وشاورلي أقرب اقعد معا 

 واتكلم بهدوء 

مين قال ان القمر مش ظاهر ماهو قاعد جمبي اهو 

_ابتسمت وبصيت للسما

مالك ياعبد الرحمن حساك مش رايق

_مين قال كدا بس انا رايق جدا اهو

_بصيتله بطرف عيني 

لا ياحبيبي مش علياا انت تكدب علي ماما ماشي تكدب علي خالتو ماشي بس متكدبش عليا انا فهماك اكتر من نفسك

_سكت وقام وقف وفضل باصص للسما تاني 

_طيب اخرج انا بقي شكلك عايز تبقي لوحدك لسه هقوم لقيته مسك ايدي واتكلم بنفس الهدوم اللي كان فيه

_عرفت ان قمر اتقدملها عريس انهارده واحتمال توافق لان اهلها مش معترضين 

_عيني لمعت بالدموع حاولت ابتسم وقعدت مكاني

كنت حاسه ان هي السبب في الزعل اللي انت فيه دا 

_مش عارف اعمل اي يافاطمة تفتكري هي كمان بتفكر فيا زي ماانا مش عارف اعمل حاجه في حياتي غير اني افكر فيها 

_قومت من مكاني واتكلمت بعصبيه والدموع في عيني معرفش وميهمنيش ان اعرف مش عارفه ازاي انت بس بتحب واحدة كل الفترة دي ومش عايز تعترفلها نفسي افهمك بجد

_اتكلم بسرعه طيب انتي شايفه كدا يافاطمة

_سكت شويه وغمضت عيني بحاول مظهرش دموعي قدامه واتكلمت بهدوء

ايوا شايفه كدا وحتي لو رفضتك يكفيك شرف المحاوله وانك حاولت ومفضلتش واقف مكانك كدا

_اتوتر شويه واتكلم بتوتر واضح

 طيب انا هعمل كدا يافاطمه حتي لو رفضت حبي ليها علي الاقل اكون حاولت بس انتي عارفه انا معرفش البنات بتفكر ازاي ممكن ترفضني بسبب حاجه فيا وانا معرفهاش او مش عارف مش عارف بس انتي فهماني يافاطمة اكيد 

_ابتسمت مابين دموعي وسرحت في الا شي واتكلمت بهدوء

خليك معاها علي طبيعتك  ياعبد الرحمن طبل للبنت اللي تخصك وفي اي تجمع لازم تخليها هي سيدة المكان خلي عينك معاها كلامك ليها تضحك علي ضحكتها تبتسم لكلامها اعمل اي حاجه هي بتحبها حاول تعرف نفسها في اي واعمله ماهو لو مش انت اللي هتدللها بالشكل دا مين اللي هيعمل كدا وخدها مني نصيحه روق علي الست اللي في حياتك هتروق لك حياتك كلها 

حسسها دايما انك بتحبها متعديش اي موقف غير لما تقولها بحبك مثلا انا رايح انام ياحبيبتي بحبك ازيك ياحبيبتي بحبك وهكذا انت فاهمني

_لا انا مش فاهمك

_بصيتله بعصبيه 

هو اي اللي انا مش فاهمك اومال انت اي بس

_انا بحبك 

_فضلت ساكته شويه بستوعب هو قال اي

لا معلش بتقول انت اي

_ابتسم واتكلم بهدوء بقول انا بحبك

_اتكلمت بضحك انت بتهزر صح انا بقولك قول ل قمر مش تقولي انا

_اتكلم وهو بيضحك ماهو انتي قمر اللي كنت بحكيلك عنها يقمري انتي 

_فضلت اضحك واتكلمت بالعافيه لا بقولك اي والله العظيم لو مابطلتش هزار هرميك من هنا 

_فجاء لقيت خالتو داخله بسرعه 

بعد الشر هو مين ده اللي ترميه من هنا بعد الشر عليك يانن عين امك انت 

_اتكلمت ب استغراب خالتو انتي بتعملي اي هنا وسمعتينا ازاي

_لقيت ماما دخلت ملكيش دعوة سمعتك ازاي المهم يلا عشان المكرونه البشامل هتبرد وبعدين ننزل نجيب الشبكه كلنا 

_شبكة اي اللي هنجيبها عبد الرحمن انا مش فاهمه حاجه بجد

_عبد الرحمن اتكلم بضحك والله ولا انا فاهم بس تمام جدا انا موافق على اي حاجه الناس دي تقولها 

_خالتو اتكلمت بضحك هفهمكم الاستاذ الاهبل ابني متنيل علي عينه وبيحبك  وانتي مابتحسيش بعيد عنك ف كان لازم اتصرف انا وامك وقولنا للواد ان فيه عريس متقدملك عشان يتحرك كداويعمل حاجه وهو اهبل ومصدق وجالكم في وقتها ويلا بقي نروح ناكل عشان المكرونه البشاميل هتبرد ومش هتتاكل وتبقي باردة زيك كدا 

_عبد الرحمن اتكلم بصوت عالي اي دا فيه اي يعني انتو علي كدا  بتدبسوني بقي ولا اي

_اتكلمت بعصبيه اي بتدبسوني دي قصدك اي يعني ياحبيبي 

_اتكلم بغمزة لالا مش قصدي حاجه هو في اي احسن من كده تدبيسه ولا اي..

*كنت لا أؤمن بالنهايات السعيده شكرا انك جيت  وعرفتني انها موجود *