انهارده اليوم اللي بنتجمع فيه عند جدو بس زي اخر فتره مبروحش علشان مشفهوش علشان اكيد هو هناك 

~~~~~

جدو: برضو مجتش 

ماما: قالت بتزاكر والامتحانات خلاص وقالت هتيجي لحضرتك بعدين 

جدو: هي كل مره بتقول كده هاتي التلفون انا هكلمها

وفي وسط منا سرحانه في كل اللي حصل 

لقيت ماما بترن

مريم: الو يا ماما

جدو: مينفعش جدو

مريم: ازاي بقي ودي تيجي حضرتك وحشني اوي

جدو: هو لو انا واحشك فعلا هتيجي وتشوفيني 

مريم: معلش ياحبيبي انت عارف الامتحانات قربت وكده

جدو: طب انا عايز اشوفك تعالي قضي معانا باقي اليوم وفكي علي نفسك شويه 

مريم: معلش ياجدو والله مش هقدر

جدو: خلاص انا قولت كلمه اجهزي وياسين هيجي ياخدك

مريم بصدمه: لا هاجي لوحدي 

جدو: البسي بس هو طالع اهو سلام

قفل قبل متكلم وانا لسه في صدمتي 

طب اعمل اي انا لو شوفته هعيط لا لا مش هقدر ياربي اعمل اي

.... 

جدو: يلا قوم جيب بنت خالتك

ياسين: ياجدي متخلي احمد يروح علشان معايا مشوار

جدو: لا روح انت هاتها 

ياسين في نفسه 

يمكن جدو اكتر واحد فاهمنا وعمل كده علشان يدينا فرصه نقرب تاني بس انا مستهلهاش انا وجعتها اوي ومستحيل تسامحني

خلود قعدت جمب جدها

خلود: جدو العسل

جدو: هههه عايزه اي ياسوسه

خلود: حضرتك عملت كده  علشان يتصالحه صح صح

جدو: سوسه سوسه يعني مفيش كلام

خلود: يبقي صح الله علي دماغك ياجدو 

جدو: انا معرفش سبب الي حصل بس اهم حاجه عندي مريم وياسين حسابه معايا بعدين انا لولا اني مش عايز ادخل بينهم كان زماني ليا تصرف تاني معاه

خلود: يارب يتصالحه علشان مريم ترجع زي الاول

~~~~

اخدت قرار اني هتجاهله ولا كانه موجود نزلت لقيته ساند علي العربيه مستنيني شكله زي مهو متغييرش

ياسين شكلها اتغير جسمها نزل وخست باين علي وشها  التعب 

ياسين : ازيك يا مريم

مريم: كويسه

ياسين: مريم انا اسف متزعليش مني انا نفسي نرجع زي زمان انا محتاجك في حياتي لان اكتشفت ان حياتي من غيرك ولا حاجه 

مريم: حضرتك هتوصلني ولا اشوف تاكسي 

ياسين: مريم ارجوكي بلاش الطريقه دي

مريم: يبقي اشوف تاكسي احسن 

ياسين: اركبي يا مريم 

ركبت وطول الطريق بلعب بالفون ولما بيكلمني مبردش عليه لحد موصلنا 

ياسين:مريم لو هتديقي من وجودي جوه ممكن مدخلش

مريم بثقه: وجودك وعدمه واحد ومش هيفرق معاايا اصلا

سيبته ونزلت

اترميت في حضن جدو يمكن ده اكتر حضن بحس فيه بالحنيه 

جدو: حبيبت جدو اللي كانت وحشاني 

مريم بعياط في حضن جدها: انا محتجاك

 اوي 

جدو بقلق: طب اهدي وامسحي دموعك وهنتكلم جوه بعيد عنهم يلا 

جدو اخدني ودخلنا الاوضه فضلت اعيط في حضنه

جدو: طيب في اي ياحبيبتي اي حصل لكل العياط ده

ياسين دخل في اللحظه دي 

ياسين: بتعيط بسببي انا انا السبب في عياطها والله ياجدي مكنت اقصد ازعلها انا معرفش قولت كده ازاي بس انا كنت مضغوط جامد وسبت الشغل والكلام طلع مني معرفش ازاي انا اسف  والله حقك عليا انا من غيرك ولا حاجه يا مريم

كنت كل مبسمع كلامه عياطي بيزيد

لقيته قرب نزل علي ركبته قدامي ومسك ايدي بحنيه 

ياسين:طب حقك عليا متعيطيش انتي متعرفيش دموعك بتعمل فيا اي علشان خاطري ده لو لسه ليا خاطر عندك 

جدو: خلاص يا ياسين سيبها دلوقتي واتكلمو بعدين  لما تهدي 

ياسين: حاضر يا جدي بس بالله عليك اتكلم معاها وطلع 

جدو: كفايه عياط بقي

مسحت دموعي وطلعت من حضن جدو

جدو: كل العياط ده علشان الواد المهزق ده

مريم هزت راسها بعياط

جدو بضحك عليا: طيب متعيطيش عارفة برغم اني كنت مستحلفله ولسه لحد دلوقتي علشان زعلك وخلي دموعك تنزل بس هو ندمان فعلاً ياسين اكتر حد بيحبك 

يامريم انا شوفت ده في عنيه دلوقتي 

مريم: بس هو وجعني اوي ياجدو

جدو: هنربيه متقلقيش