هدي : عماد عماااد الأكل جاهز.....اي دا راح فين الراجل دا 

عماااد انت في الحمام .

عماد : اممم طالع خلاص بطلي زن .

هدي : بدلع طيب يلا يا حبيبي عشان الأكل هيبرد . وكملت في نفسها هو ماله هادي كدا ليه معقوله يكون بيفكر إن العيب فيه بجد .

عماد قعد ياكل . عماد : ما كلتيش لي ..

هدي بتوتر وبتلف وشها الناحيه التانيه  : معلش بطني وجعاني ..

عماد بدون رد كمل أكل وهو يتفحصها بعنايه شديده وفجأه قطع شروده صوت الباب . 

عماد : استني انا اللي هفتح ادخلي جوا .

هدي يقلق : حاضر .  ودخلت الأوضه وقفلت علي نفسها وقالت :  ممكن يكون واحد صاحبه .. بس ايه اللي جايبه دلوقتي تبقي مصيبه لو أكل معاااه يا مرااارك يا بنت غاليه ..

فجأه سمعت عماد بيقول .. هي جوا عايزكو تخلصوا الموضوع بهدوء مش أمي فهمتكو هتعملو اي مش عايز صوتها يطلع ..

اتنين ستات : ايوه يا سي الأستاذ هو احنا تلامذه ما تقلقش هنجيبلك المنديل ملون إن شاء الله .

هدي فهمت : وقفلت الباب علي نفسها بالمفتاح .وفتحت الشباك اللي بيوصل علي المنور ونزلت علي المواسير للدور اللي تحته ودخلت من حمام الجيران علي الشقه ومنها علي باب الشقه بتجري بخفه عشان صحاب البيت ما يقلقوش وفتحت الباب وجريت علي السلم وهي سامعه عماد بيكسر الباب وبيقول هربت بنت الكلب ...

_____________________rose________________

عند غاليه .

غاليه :بت يا نوسه هاتيلي الفوطه انتي يا بت ..

نوسه بسرعه : ايوه يا أبلتي معلش السماح سمعي تقيل ..الفوطه يا ست الناس .

غاليه : مالك يا بت اي اللي انتي حطاه في وشك دا يا عيني يا عيني بقيتي ولا بتوع السيما .

نوسه بحرج : معلش بقي يا أبلتي عشان نعجب .

غاليه بإهتمام:  ومين يا بت اللي عاجبك وانتي مش عاجباه 

نوسه بتنهيده : واحد مقامه عالي حبتين ومش طايلاه.

غاليه : اسمعي لولا أنك بت جدعه كنت قطمت رقبتك علي لسانك الطويل بس انتي جدعه وانا هعلمك اللي ما هلمتوش للموكوسه التانيه ألا صحيح شوفتي جوزها ..

نوسه : راجل قتم اوي يا أبلتي وحواجبه قافله زي قطبان الحديد .

غاليه بضيق : انا عارفه دبست نفسها فيه لي هو الرقص وحش يا ناس دا حتي فرفشه قوليلي يا بت ما نفسكيش ترقصي والرجاله تتهبل عليكي في الرايحه والجايه ..

نوسه : لا والنبي يا أبلتي أنا عايزااه  عايزااااه هو بس هو  يبصلي .

غاليه : اممم اسمعي .........

نوسه : يا لهوي يا أبلتي لا ما اقدرش ..

غاليه : انتي هبله وهتطيريه من ايدك .

نوسه :يعني فكرك اعمل كدا ..

غاليه : وهساعدك بس لسانك يفضل جوا ما يطلعش باللي بينا  .

نوسه :  لا يا أبلتي أدام هيبقي بتاعي اعملك اللي تأمريني بيه .

 غاليه : اتفقنا ... 

__________________ ‏rose___________________

 ‏

هدي بتجري علي آخرها لحد ما وصلت للطريق ما فيش تاكسي ولا عربيه عدت جربت تمشي لحد ما بعدت عن المنطقه تماماً ولمحت من بعيد نور جاي من مزرعه علي الطريق لقيت عربيه مخبوطه في العمود ومن أثر الصدمه العربيه وقعت في الزرع ..

هدي : اي دا يا لهوي حادثه أكيد البوليس جاي  دلوقتي لو جم ولقوني هيرجعوني ليه تاني  ..

كانت هتمشي بس سمعت اللي في العربيه بيتكلم ..

...  : ااااه ااااه دماغي .

عند غاليه ونوسه..

غاليه : يلا قومي دلوقتي .

نوسه : حاضر حاضر .

....في الصيدليه ..

نوسه : إلحقني يا دكتور الست غاليه وقعت من طولها ما بتنطقش .. 

 يتبع ..