وضعت الزجاجة مكانها ونظرت للخلف بسرعه 

ميار بتوتر... مش معايا حاجه 

توجهت غاده لها لتمسك بالزجاجه 

غاده.. امال ايه دي 

ميار.. معرفش انا لقتها هنا 

غاده.. انا سمعتك وانتي بتقولي انك وأخيرا لقيتيها 

ميار.. كنت بدور علي حاجه تانيه وفكرتها هي 

غاده.. انتي كمان هتكدبي 

ميار.. انا مش كدابه 

جاء آسر علي الصوت 

آسر.. في ايه يجماعه 

غاده.. الهانم كان معاها دواء مخدر 

ميار.. قلتلك مكنتش بدور عليه انا لقيته هنا 

آسر.. خلاص يماما ميار هتعمل ايه بالمخدر 

غاده وهي تنظر لها.. ممكن تكون متفقه مع حد 

آسر.. مستحيل ميار تعمل كده 

غاده.. اه فعلا انا ماشيه

تركتهم ورحلت 

ميار.. آسر حبيبي انا معرفش حاجه عن الدواء ده 

آسر.. تمام ياحبيبتي مصدقك 

في الاعلي في غرفه حور سمعت طرق علي الباب 

حور.. مين 

غاده.. انا ياحبيبتي 

حور.. اتفضلي ياطنط 

دخلت لتجلس بجانبها علي السرير 

غاده بحب.. بقيتي كويسه 

حور.. اه الحمدلله 

غاده.. جدك هلال طرد ماجد 

حور وقد اوشكت علي البكاء.. انا معملتش فيه حاجه علشان يعمل معايا كده 

غاده.. ممكن يكون حد تاني اللي طلب منه يعمل كده 

حور.. حد مين وليه 

غاده.. بصي بصراحه كده امبارح شفت ميار وهي خارجه من اوضه ماجد بتبص حوليها بخوف ودلوقتي كانت في المطبخ ومعاها دواء مخدر بس هسألك سؤال

حور.. ايه 

غاده.. انتي شربتي او اكلتي منها حاجه 

حور.. اه هي قالتلي عاوزاني في موضوع مهم وجابتلي عصير وقعدت تتكلم في مواضيع تافهه وبس مش فاكره حاجه 

غاده.. اقطع ايدي ان ما كانت هيا اللي ورا الموضوع ده 

حور ببكاء.. بس انا عملت لها ايه علشان تعمل معايا كده 

غاده.. ياحبيبتي هي اتغاظت لما اتجوزتي آسر لانها عاوزه تكوش علي فلوسه 

سكتت قليلا لتكمل 

بصي ياحور انتي لازم تأخدي حقك منها وآسر هو الوسيله لده 

حور.. ازاي 

غاده.. اسمعي.......

مر الليل سريعا ليأتي يوم جديد عند اسر وحور. 

حور.. آسر عاوزه اخرج 

آسر.. ليه 

حور... مخنوقه شويه عاوزه اشم هواء واشتري حاجات 

آسر.. تمام 

حور.. قول لميار تيجي معانا ممكن تكون عاوزه حاجه 

آسر بإستغراب.. ماشي 

رحل آسر ليبلغ ميار بينما الاخري ابتسمت بخبث 

في الاسفل كان جميعا علي مائده الافطار 

آسر.. هنستأذن احنا يجماعه هننزل نجيب شويه حاجات 

هلال.. ماشي ياحبيبي 

قام آسر وميار لتسرع حور وتمسك يده 

بيما هو استغرب كثيرا تصرفها ولكنه اكمل طريقه للخارج 

حور.. ميار حبيبتي اركبي ورا علشان هركب جمب جوزي 

شددت علي كلمه جوزي لتتعاظ الاخري 

في السياره 

حور.. بيبي شغلنا حاجه نسمعها 

آسر بإستغراب.. بيبي 

ضربته هي علي صدره لتقول بغيظ 

حور.. اه بيبي 

ابتسم آسر وشغل بعض الاغاني ليصلو بعد مده لمول قريب 

ميار.. آسر تعالي معايا المحل ده عجابني 

كاد يتحرك معها لتمسك حور يده 

حور.. حبيبتي انتي جايه معايا يعني من الذوق تستني لما اجيب انا الاول وبعدين تجيبي لنفسك 

كادت ميار تشتعل من الغيظ اما أسر فتلقي اليوم صدمات عديده 

دخلو احد محلات المحجبات لتأخذ حور فستان وتدخل لغرفه القياس 

ميار.. هي حور بتتصرف كده ليه 

آسر.. بتتصرف ازاي 

ميار.. انت مش شايف ان تصرفتها غريبه 

آسر.. لا خالص 

ميار بضيق.. انسي خلاص اه صحيح هنطلع النهارده 

آسر وهو ينظر في هاتفه.. ما احنا طلعنا اهوه 

ميار.. لا ياحبيبي هنروح اوتيل 

آسر.. مش فاضي 

كادت ترد ليقطعهم صوت حور وهيا تنادي آسر 

حور.. آسر حبيبي ممكن تيجي تقفلي السوسته اصلها معلقه 

آسر بصدمه.. انا 

حور.. اه في حد هنا اسمه آسر غيرك 

ميار.. هأجي انا 

حور.. انا قولت آسر 

 تحرك اسر نحوها ليدخلا الغرفه الضيقه سويا كانت تعطيه ظهرها وشعرها الاسود مفرود عليه 

ازاح خصلات شعرها ليمسك بالسوسته ويرفعها لها انتهي ليقترب من عنقها طابع قبله عليه هزت جميع انحاء جسدها 

امسكها من خصرها ليلفها باتجاهه لتصبح في احضانه 

حور.. لو سمحت ابعد 

آسر.. مش قادر 

حور.. آسر 

آسر.. هشش مش هبعد عنك ابدا 

اقترب من وجهها رافعا ايه نحو وجهه ركز بصره علي شفايها الحمراء ليطبع عليهم قبله رقيقه 

مرت لحظات لتنسجم معه في قبلته لتلف يدها حول رقبته مبادله اياه القبله 

ابتعدت عنه بعد مده لحاجتها للهواء 

آسر بتوتر.. انا هطلع 

اومات له الاخري ليخرج منتظرا ايها في الخارج 

حور.. غبيه انتي لحقتي تنسي اللي عمله فيكي بس ماشي اخلص من ميار وهوريك يا آسر 

خرجت بعد ما ارتدت حجابها واختارت بعد الفساتين مع اسر ليخرجو من هذا المحل 

ميار.. ممكن بقاا اشتري انا 

حور.. معلش ياحبيبتي تعبت والله هستناكي انا واسر في الكافيه تحت 

آسر بخوف.. تعبانه مالك 

حور.. متخفش دا تعب عادي 

آسر.. طب تعالي ننزل 

نزلو للكافيه تحت لتذهب ميار بمفردها بغيظ

في الكافيه كان الصمت هو سيد المكان ليقطعه هو 

آسر.. حور انا اسف 

حور..بتتأسف علي ايه لو علي شكك فاأحب اقولك كل اللي اعرفهم بيشكو فيا لو علي كرهك كلو بيكرهني لو علي اللي عملته امبارح فدا مستحيل اسامحك عليه 

آسر.. بتأسف علي كل حاجه بتأسف علي اني يوم حسستك اني بكرهك وبتأسف علي شكي فيكي وعلي اللي حصل امبارح اديني فرصه واحده بس وانا هصلح كل حاجه 

كانت تنظر له ولكن لفت نظرها احد من بعيد 

حور بصدمه.. بابا 

نظر آسر للخلف ليجد رجل كبير مع عائلته يتقدم منهم 

نعمه.. ازيك ياحور وحشاني والله 

حور.. ايه الحب ده يانعمه 

مصطفى بغضب.. اتكلمي بإحترام يابت 

حور بغضب.. انا اتكلم براحتي انت دلوقتي مش ابويا ولا اعرفك 

مصطفى.. شكلي نسيت اربيكي 

حور.. اما متربيه احسن اربيه العيب بقا علي اللي رما بنته علشان حبت فلوس 

مصطفى.. اخرسي يازباله 

آسر بغضب.. مسمحلكش تكلم مراتي كده 

مصطفى.. دي بنتي واعمل اللي انا عاوزه فيها 

آسر.. كانت بنتك دلوقتي مراتي 

امسك يد حور ساحب ايها خلفه لخارج المول 

آسر.. اركبي 

حور.. وميار 

آسر.. انا مالي بميار بقولك اركبي 

ركبت حور بالفعل متجهين للمنزل

ولكنه اوقف السياره فجأه 

آسر.. حور انتي مش عاوزاني 

حور.. مش فاهمه 

آسر.. يعني انتي عاوزه تفضلي معايا 

حور.. لو قولت مش عاوزه ايه اللي هيحل 

آسر.. هطلقك 

حور بقوه.. اه يأسر انا مش عاوزاك