خالد بجمود:انتي طالق

شمس بصتله وبعدين رسمت ابتسامه علي وشها خلت دمه يفور خرج بغضب من الغرفه وهي قعدت تعيط 

دياب بحزن:بتعيطي ليه مش تعيطي هعيط انا كمان 

شمس بحزن:لا يحبيبي متعيطشي انا اهو معتش هعيط 

_________

بعد ١٢ سنه 

دياب بحب:عامله اي يست الكل كنت 

شمس بضحك:بس متكملشي بعد ست الكل دي اكيد فيه مصيبه 

دياب باستغراب:عرفتي ازاي 

شمس بضحك:فيه اي يدياب انا امك حفظتك يحبيبي قول يا اخره صبري عملت اي

دياب وهو بيحط ايده في شعره وبيضحك بخجل:اصلي انتي عارفه ريم صح اللي حكتلك عنها البت اللي عيونها خضره وشعرها اشقر ده 

شمس:قول يدياب عرفاها اوعي تكون عملتلها حاجه 

دياب بسرعه:لا وهو انا اقدر اعملها حاجه بس كان فيه ٣ شباب زمايلنا بيحاولو يضايقوها ولما مسكها وكان بيشدها انا ضربتهم كلهم  بس

شمس بخوف:بس اي حصلك حاجه قول 

دياب:لا محصليش حاجه فيه واحد منهم اغمي عليه ونقلوه المستشفي واداره المدرسه عايزينك ومرضيوش يبلغو الشرطه 

شمس بخوف:ينهار عسل يدياب اي اللي عملته ده يبني هتودي نفسك في داهيه 

دياب ببرود:محدش قلهم يتعرضوا ليها كل واحد بياخد نتيجه افعاله 

_________

سعيد بحب:متزعليش يحبيبتي كله خير 

مني بعياط:تفتكر ربنا بيعاقبني ١٢ سنه دول بسبب اللي كنت بعمله في اختي 

سعيد:لا يحبيبتي ان شاء الله خير متزعليش فكي بقي يبت بدل ما اروح واتجوز واحده تانيه بدل النكد اللي معايا دي 

مني بعياط:اااه ما انت اكيد هتتجوز عشان تخلص مني وتخلف انا بكرهك ابعد يسعيد اوعي

سعيد بنفاذ صبر:هو الواحد ميعرفشي يهزر معاكي يمني خلاص يستي انا سكتت هقوم اروح الشغل اللي محتجاه اكتبيه في ورقه وانا اجيبه 

مني بدموع:مش عايزه حاجه امشي 

سعيد قرب منها تاني وقعد يهدي فيها ويطبطب عليها لعند لما نامت 

__________

انتي بتقولي اي يبت انتي انتي ماشيه مع الواحد ده صح انطقي بدلما اكسرك في بعضك 

ريم ببرود:والله انا قلت اللي عندي حابه تيجي المدرسه تعالي مش حابه وجودك برضوزي عدمه 

بتكلميني كدا ازاي يبنت الكل*ب واللهما هرحمك تعالي شدتها من شعرها وقعدت تضرب فيها وريم تصوت

ريم بزعيق:انتي مش امي انتي شيط*انه انا بكرهك 

سميه بشر: طب تعالي جرتها لعند المطبخ وجابت مقص وقصتلها شعرها وقالت بشر:المره الجايه هدبه في بطنك غوري من وشي 

يتبع