باتى فضلت فى المستشفى شهر كامل، كانت بتجيها نوبات صرع وصراخ وانهيار نفسى، افضل ساب شغله وكل حاجه وفضل جنبها

شاهنده كمان مفرقتهاش ولا لحظه، شاهنده كانت بتعامل أدهم بأحترام وأدب وود وصل انهم كانو بيتكلمو مع بعض كتير، وخدو على بعض، شاهنده مكنتش مفتعله المشاعر دى عشان كده وصلت لادهم وبعد ما كان بيكرهها بداء يبصلها على أنها صديقة باتى المقربه فعلا وخايفه عليها بعد ما كان معتقد انها بتفتعل كل ده عشان تقرب منه

كمان شاهنده خلال كل تلك المده ملمحتش لادهم عن اى حاجه بيكرهها او توقعها منها، ظهرت قدامه كأنها انسانه جديده ميعرفهاش واول مره يقابلها، اسماعيل موسى باتى سمعت كلام شاهنده، مفتحتش بقها ولا قالت لادهم عن سبب انهيارها وحزنها، كتمت كل مأسيها وحزنها داخلها ودا كان بينخرها من الداخل بيحرقها، بيموتها ببطيء

وانتهت فترة بقائها فى المستشفى ورجعت للبيت، لزمت باتى غرفتها وصمتها، كلامها كان قليل جدا وكانت مش طايقه أدهم يقرب منها ورفضت كل محاولاته للتخفيف عنها، إلى كان جواها سر، حمل، ثقل كتب عليها تشيله لوحدها إلى حد يوم وفاتها.

شاهنده بقيت دائمة الاقامه والوجود فى بيت أدهم وباتى، كانت قاعده جنب باتى بتراعيها وفى نفس الوقت مع ادهم إلى أعتاد على وجودها فى البيت، بعد شهرين ونص من العيش الموقف بين باتى وادهم، باتى فتحت أدهم فى موضوع جوازه من شاهنده، المره دى أدهم مرفضش، متعصبش ولا حتى اعترض قال انه هيفكر ونفس الوقت كان مقرر انه يجوز شاهده ، كلم شاهنده على طول وفتح معاها الموضوع، شاهنده وافقت، مرضتش تمارس الاعيبها ولا حيلها وافقت ببساطه واتفقو على كل حاجه، ادهم أخبر باتى انه موافق على الجواز من شاهنده، اسماعيل موسى، وصل المأذون وكتب العقد واصبحت شاهنده زوجة أدهم

مكنش فيه حفله ولا عرس، ولا حتى معازيم، شاهنده اختارت الغرفه إلى جنب غرفة باتى، ادهم مكنش فارق معاه وباتى كانت مش بتسيب غرفتها مطلقآ وغير شاعره بالحياه اصلا.