زقت حور الباب بقوه لدرجه انه ارتطم بالحيطه وطلع صوت عالي فزع ريهام وشافت اللي صدمها شافت ريهام بتشم حاجه ومقرباها من وشها حور بصدمه= انتي بتعملي اي =

خبت ريهام اللي في ايدها بسرعه وقالت بتوتر= انتي اذاي يا حيوانه تدخلي عليا كده

قربت منها وشدت اللي في ايدها لقيتها مخدرات وقعت من ايدها بصدمه وقالت= انتي لسه بتاخدي الحاجات دي

ريهام بغضب =حاجات اي يا مجنونه انا مش باخد حاجه

حور بغضب= لسة ببتاخدي الحاجات دي… في فتره حملك والحمد لله ربنا نزل ابنك كويس لا وبجاحتك وصلتك تاخديها في فتره لسة ما كملش خمس شهور انا كنت صح لما انقذته منك وضميري اللي كان بيأنبني دلوقتي مستريح

كانت هتمشي بس شدتها ريهام وقالت بحروف متقطعه= انتي بتقولي اي اذاي انقذتيه مني مالك

اتوترت حور وقالت =ابعدي عني انتي استحاله تكوني أم جاسر غلط لما فكر يخلف من واحده ذيك

شدتها ريهام وقالت بغل وهي بتلوي دراعها= انطقي يا بت جاسر اصلآ كان جوزي قبل ما تلفي عليه وتاخديه مني

ضحكت حور وقالت =لا طيب قولي كلام غير ده جاسر صبر عليكي اوي ده كفايه ما قتلكيش لما جيتي و قولتيله انه مات مع اخوة

شدت ريهام شعرها وقالت= اذاي ما أنتي اللي قولتي ان عملتي حادثه مع احمد اخو جاسر وكان معاكم ابني مالك وقولتي انه مات مع احمد

سكتت حور وزقتها بس ريهام كانت اسرع منها وشدتها من شعرها حاولت حور تبعدها عنها بس ريهام وكانت مش في وعيها ونزلت ضرب في حور جات حليمة علي صوت صراخ حور وحاولت تبعد ريهام وبعدتها بصعوبه

حليمه =في اي انتوا مستنين غياب جاسر علشان تتخانقوا وتموتوا بعض

حاولت ريهام توصل لحور بس هي بعدت عنها بسرعه ودخلت شقتها وقفلت الباب بسرعه عليها بخوف سايبه ريهام تصرخ و حليمه مش قادرة عليها نزلت دموعها وقعدت تصرخ بتعب مش قادره تستحمل اكتر من كده غطت وشها فلقيت ايدها متغطيه بدم من راسها اللي بتنزف نامت علي الارض بتعب ودموعها نازله

حور = اذاي اقول كده وأتكلم ضيعت كل حاجه مخبياها علشان مالك ضيعت تعبي وزلي ليهم علشان اربيه بعيد عنهم اللي خبيته منها عرفت كل حاجه

نامت بتعب مكانها ودموعها علي وشها

قفلت ريهام الباب في وش حليمه بصت للبودره علي الارض فشالتها وخبتها بسرعه اتصلت بأخوها وقالت بغضب لما فتح عليها =اسمع يا حيوان لما وصل خبر موت احمد وابني مالك مش انت شوفت بعينك انه مات ودفنته

وصل ليها صوته بس مش عارفه سمعته متوتر =في اي يا ريهام اي فتح السيره دي تاني

قاطعته بصراخ =اخلص فهمني

حسام ايوه شوفته بعينى وأنا اللى دفنته بأيدي ده ذي ابني اي حصل خلاكي تسأليني ما أنتي عارفه القصه… وانك ما كنتيش فا جنيه حتى تشو فيه من حالتك اللى كانت متبهدلة دي

قفلت في وشه وقالت بغل= لو اللي في دماغي صح مش هرحمك يا حور هخليكي تتمني الموت

دموعها نزلت وقعدت تكسر كل حاجه قدامها

صحيت حور بتعب فصرخت من اللي شافته……

يتبع…