رواية عهد القاسم عهد وقاسم الفصل الثامن 8 بقلم فرح القصاص
رواية عهد القاسم عهد وقاسم الفصل الثامن 8 هى رواية من كتابة فرح القصاص رواية عهد القاسم عهد وقاسم الفصل الثامن 8 صدر لاول مرة على موقع التواصل الاجتماعى فيسبوك رواية عهد القاسم عهد وقاسم الفصل الثامن 8 حقق تفاعل كبير على الفيسبوك لذلك سنعرض لكم رواية عهد القاسم عهد وقاسم الفصل الثامن 8
رواية عهد القاسم عهد وقاسم الفصل الثامن 8
عهد بصدمه وترفع حاجبها الاتنين: اخته وتبص لي قاسم
قاسم بإبتسامه ويهزلها راسه بمعني(ايوا)
عهد بإحراج بتضحك بتلقائيه: طلعتي اخته
ألين بعصبيه: اهه طلعت اخته
عهد: انا والله مكنت اعرف.. لو اعرف مكنتش هتصرف كدا
الين: افهمي الاول وبعدين اعملي الي تعملي بلاش شغل الهمجيه ده
قاسم: خلاص ياألين هي مكنتش تعرف وبعدين حقها يعني انا جوزها وجت واحده وحضنتني هيبقا تصرفها اي يعني؟ حطي نفسك مكانها
ألين: فكك من الحوار ده كله وشغل حطي نفسك مكانها الهبل ده... اي جوزها دي انت اتجوزت بعد مهره؟؟؟؟
قاسم: ايوا اتجوزت عهد
ألين: انت ازاي قدرت تعمل كدا؟؟ طب ومهره بسرعه دي نسيتها
قاسم: ابقي افهمك بعدين ياالين
ألين: تفهمني اي وبعدين اي المميز فيها عشان تتجوزها!!؟ دي حته تخينه
عهد بإبتسامة استفزاز: اسمها كيرفي الاول.. ثانيا مش اي حد يعرف يبقا زي دلوقتي البنات بتسعي عشان تكون في جسمي
ألين: مين العبيط الي هيخلي وزنه زيك اصلا
عهد: متغلطيش تمام عشان انا اقدر اغلط انا كمان وبعدين لو مفيش ميزه دي حاجه متخصكيش
قاسم: عهدد خلاص
عهد: عهد اي؟؟ عرف اختك انها تتكلم بحترام الاول و خليها تعرف انا مبسكتش وباخد حقي تالت ومتلت وبسخريه قال ميفهاش ميزه وبتسبهم وبتطلع
ألين بعصبيه اكتر ونرفزه: انت اي الي عاملته ده يقاسم انت ازاي اتجوزتها بجد حتي هتلاقيها جاهله واضح من كلامها
قاسم: عهد متخرجه من التجاره وكانت شغاله معايا في الشركه
ألين: ولو برضو ميمنعش انها مش محترمه
قاسم: وانتي تغلطي فيها وعايزها تسكتلك يا ألين ولا اي
ألين: انت واقف معاها ضد اختك؟؟ ده انا لسه حتي جايه من السفر
قاسم: انا مش واقف مع حد انا بقول الحق انتي الغلطتي من الاول
ألين: انا مغلطتش اولا وكنت بقول الي شايفه ولا هي عشان عيونها زرقه وشعرها اصفر اتجوزتها؟ علي فكره الجمال مش كل حاجه ولو هي حلوه بس ميمنعش انها تخينه
قاسم: هي عاملتلك اي ياألين ده انتي لسه جايه حتي
ألين: اوعي تفكر اني غيرانا منها انا مسحيل افكر اغير منها بس انا مش متقبله حد مكان مهره
قاسم بيمسح علي وجهه بعصبيه: ألين خلاص مهره ما*تت وانتهي وانتي اكيد تعبانه من السفر وعايزه ترتاحي اوضتك فوق اطلعي وبيمشي
ألين: انت رايح فين
قاسم: لي؟
الين: اصل عايزه اعرفك علي شخص
قاسم: مش هتاخر
ألين: تمام ماشي
***************************
عهد كانت واقفه قدام المرايه وتنظر لي نفسها
عهد: فين التخن ده انا مش شايفه حاجه هي عميه اصلا مبتشفش... بس ميمنعش ان لازم انزل الجيم تاني عشان متخنش فعلا وبيقاطعها رنت تلفونها
عهد: الو
كرم: عهد يااه وحشتيني اليومين دول بس
عهد بستغراب: مين؟
كرم: معقول مش عارف صوتي
عهد: كرم!!؟
كرم: اخيراا.. اهه كرم
عهد: خير عايز اي؟
كرم: اي الدخله دي مفيش عامل اي الكلام ده
عهد: طيب سلام
كرم: استني بس متبقيش قموصه كدا انا بهزر
عهد بعصبيه: هتقول عايز اي ولا اقفل؟؟
كرم: هقول..قولت اقولك اني محضرلك مفاجأ محصلتش
عهد بدون فهم: مفاجأ اي؟؟
كرم: لو قولت هتكون مفاجأ ازاي بقا؟
عهد: كرم انا بحذرلك للمره الاخيره ولو طلعت بتلعب من ورايا تاني مش هيحصل خير وهقول لقاسم كل حاجه والي يحصل يحصل..... وبيقفل الفون
عهد: الو.. الو.. كرم.. الو... يبن ال**** ياتري مفاجأ اي المرادي مش هخلص منه بسهوله دي كنت متاكده
****************************
الساعه 8 مسآء
قاسم: في اي يألين بتشديني كدا
ألين: عشان تشوف الشخص الي قولتلك عليه
قاسم: هو مين ده
ألين: هتعرف من تشوفه
قاسم: انتي متحمسه كدا لي؟
ألين: هتعرف برضو بعدين ويارب بابا يرجع بدري... وصلنا
قاسم بندهاش: كرم!!!؟
الين: انت تعرفه
قاسم: ده يبقا ابن خال... وبيقاطعه
كرم: اه طبعا نعرف بعض اتقابلنا في الشركه بتاعته
ألين بنبساط: بجد طب كويس اوي
وعهد كانت نازله وشايله ميسان
ألين: قاسم ده كرم الي قولتلك عليه وهو كان حابب ياخد منك معاد عشان يجي يتقدملي
عهد بصدمه: اييي؟؟؟؟
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا