كُنا قاعدين فالكوشة بكُل سعادة، فجأة جت ست بتصرخ و بتقول _ إلحقوا أختي وقعت من طولها..

جرى جوزي يشوف مامته جرالها اي، فلحظة كانت دخلتي بداية مجهولة.. و إحنا شايفين أمه مغمى عليها لا حول ليها و لا قوة!

       " بعد ساعة."

_ مالها يا دكتور؟

قالها جوزي بلهفة و إحنا فالبيت مع حماتي..

= للأسف، والدتك جالها زهايمر، و دا نتيجة فرحة زايدة يا حزن زايد..

هنا و جملة الدكتور أكدولي إن حياتي الزوجية مش هتكون بخير!! خصوصا إن إحنا وصلنا و الدكتور موجود أصلا..

قرب مني زوجي و قالي:

لو حابة تروحي، هوصلك و..

قولت بهدوء:

لا يا هاشم، إحنا مش هنسيب أمك، يا هناخدها تعيش معانا يا إحنا اللي هنقعد معاها..

بصلي بإمتنان واضح فعيونه:

بنت أصول فعلا، حبي ليكِ قليل على واحدة بأصلِك..

_ واجب عليا يا هاشم.. الناس لبعضها..

و بالفعل، بعد ساعة كمان..

بصِت للسرير و كانت لسه هتفرد جسمها، لقِت والدته نايمة بطريقة غير مُهندمة..

اتفاجئت و صرخت بصوت عالي و أنا شايفه أخر حاجة ممكن أتخيلها أو أى حد يتصورها..

_ هاشم!! مفيش غير سريرنا و سرير الأطفال.. فاهم يعني اي؟؟

أمك هتنام وسطنا ليلة دخلتنا..؟