_ أمك هتنام وسطنا ليلة دُخلتنا.؟

= دي ست مريضة، معلش يا هنا عديها علشان خاطري..

طبعا صعب عليا، و كانت أسوأ ليلة.. أو بداية للأسوأ و أنا معرفش.. بس كنت حاسة إن حماتي دمرتلي حياتي!

       " تاني يوم."

صحيت مخضوضة و أنا لاقيه حد حاطط رجله عليا، معلقتش.. و رنيت على أختي اللي مليش غيرها أشاركها جزء من همي..

_ هايدي، شفتِ أختك حصلها اي..

= مالك يا قلبي، صحيح ألا حماتك جرالها اي؟

_ جالها الزهايمر يوم دخلتي يا هايدي.. و مش قادرة أقولك عن إحساسي وقتها، اليوم دا أى بنت بتستنها! 

انا لو عارفة اللي هيحصلي مكنتش واقفت عالجوازة دي من أصله!!

أتنهدت بحزن و قالتلي _ أنا مش مطمنة يا هنا لوجدها وسطكم كدا، أينعم ست تعبانة و محتاجة حد معاها.. بس نصيحة.. خلي بالك منها..

هزيت راسي و قفلت معاها الفون، دخلت الحمام أخد دُش.. جيت أبص عالبانيو صرخت من هول الحدث دا؟ 

جوزي قعد بخبط عالباب و انا لا حياة لمن تنادي..

_ اي يا بت إنتِ داخلة عليا الحمام كدا من غير إستئذان ؟

دخل ساعتها و أنا اترميت فحضنه و أنا متفاجاة، كمان طلعالي فالحمام؟

قامت بسرعة و اتزحلقت من الماية بتاعت البانيو بطريقة محدش يتصورها..

كُل دا عشان كنت عايزة أخد دُش.. وقعت فالارض فأقل من ثواني.. و جوزي جري عليها و سابني، شالها و هي عاملة نفسها مغمى عليها.. الوقعة مش صعبة أبدًا..