انا مخسرتكيش لسه يا نرجس .

اخذ التليفون اللي كان مرمي على الارض بتاع مريم احاول يتصل عليها من رقم مريم لانه عارف لو اتصل من رقمه احتمال كبير ما تردش 

بس قبل ما يتصل ظهار اشعار فتح الاشعار  ولقى  فلورز كتير.

عند نرجس 

نرجس" بسعادة " انا مش عارفه اشكرك الزاي يا استاذ يوسف لولاك مكنتش حصلت علي لقب اشهر موديل في مصر.

يوسف :  اسمي يوسف مش الأستاذ يوسف وعلي فكرة انتي تستاهلي اللقب دا من زمان...عارف انك  كنتي بتسعي تكوني موديل من سنتين الي فاتوا وعارف انك مختيش حقك .

نرجس اتسعت عيونها بصدمه   "هو الزاي عارف كل دا "

يوسف نظر اليها وشاف صدمتها طبعاً بتسالي نفسك انا زاي عرفت

نرجس هزت راسها 

يوسف : انا كنت معجب بيكي وكنت خلاص هتقدملك  .

 بس في يوم شوفتك جايه شركه كنتي مبسوطه وبداتي تعزمي صحابك علي فرحك انتي واحمد .

ساعتها استقلت من شغل لان كل ما شوفك كان صعب عليه اتخيلك في حضن غيري.

نرجس خجلت بشدة مكنتش عارفه تقول ايه

يوسف : بس انا الي مفروض اشكرك لولاكي مكنتش وصلت لمركزي دا .......  بيشاور علي مكان ومكتبه الفخم .

نرجس : ربنا يوفقك يارب ويزيدك "رجعت بذاكرة وافتكرت"

يوسف كان واخد مثال الجهد والاجتهاد في العمل     بس هي عمرها مفكرت في كانت شايفه مجرد اخ مش اكتر 

 سكتت شويه وقالت بس برضه مقلتليش انت عرفت منين حكايتي و عرفت منين ان دا حلمي وكنت بحاول اوصل له 

يوسف "بصوت هادئ ": كنت بحب اعرف كل تفاصيل حياتك أحلامك كل شئ وكنت وراكي فين ما تروحي.

نرجس بستغراب لدرجه دي.

يوسف رد بثقه : واكتر انتي متعرفيش انتي غاليه عندي قد ايه  "بتردد"  بقصد انك انسانه محترمه وغاليه .

نرجس : بصت في فون شافت رساله من ابوها 

الرساله ( احمد موجود معايا يا نرجس ) قامت من مكانها بعتذر منك لازم امشي .

يوسف بقلق : في حاجه ولا ايه 

_ لا مافيش حاجه بس مروحه زمان بابا في انتظاري 

قبل ما تفتح الباب    يوسف بلهفه : تجوزيني يا نرجس

لفت وشها وقالت بتوتر   ايه بس انا 

يوسف : عارف بعد تخلصي ايام العدة .... نكتب الكتاب هاااا ايه رايك   وصدقيني مش هخليكي تندمي ابدا انشاء الله اقدر اسعدك .

قالت وهي تنظر بخجل سبني افكر .

يوسف : فكري براحتك وردي عليه .

هزت راسها بالموافقه  و خرجت من المكتب واخدت العربيه في طريقها للبيت  

نرجع بقي يا حلوين💖 فلاش باك عند احمد .

شاف فلورز كتير.

اتصدم لما شاف نرجس في قمه تألقها وجمالها 

قال في "نفسه" نرجس ..... ايوة هي انا مش هتوه عنها  ثواني رجع لذكريات الماضي .

نرجس : انا مش مصدقه اني معاك يا  احمد " بفرحه "

وكمان انا سهرانه انا وانت في مكان رومانسي  

حته من غير ما اطلب منك نخرج انت من نفسك خرجتني   انا بجد مبسوطه وانت جنبي 

_احمد ابتسم ابتسامه بسيطه.

نرجس"  بعفويه" : تعرف يا احمد  انا احلامي و طموحاتي ملهاش حدود واكتر حلم كان نفسي احققه  اني ابقي اشهر موديل . 

احمد بص ليها من فوق لتحت " بسخريه "  لا والله .

نرجس : حقيقي يا احمد حته كنت بشتغل علي نفسي عشان اوصل    بس انت ظهرت في حياتي وقلبت حياتي كلها حبيتك اكتر من نفسي .

نرجس مسكت ايد احمد تنظر  في عيونه بتركيز  

بقيت كل حياتي انت  و كل طموحي انت كوني اني جنبك بس بنسي الدنيا بالي فيها     بحس ان معايا علتي كلها 

ربنا يخليك ليا وميحرمنيش منك ابدا .

احمد : بص لها بنفاذ صبر وقام بتنهيده : يلا بينا اتاخرنا  .

فلاش باك...

انا انسان غبي الزاي كنت بعامله بالقسوة دي بدل ما يرن 

قرر يقوم ويلبس ويروح بيت ابوها     خلص لبس ونزل كلها دقائق كان وصل  خبط علي باب   

ابو نرجس  بترحيب اتفضل يبني   اتفضل البيت بيتك 

قعد يحكي كل الي حصل من البدايه لنهايه ومعترف ان غلط في حق نرجس وجاي يصلح غلطته   عايز فرصه أخيرة

نرجس: فتحت الباب علي اخر كلمه قالها احمد 

أحمد اول ما شاف نرجس قام من علي كرسي 

نرجس : قربت من ابوها حضنته ... عامل ايه يا بابا  بتكلم وهي تنظر لي أحمد.

فريد ابو نرجس : انا هدخل اجيب .

نرجس قاطعت  كلامه.  خليك يا بابا عايز تجيب اي من جوه وانا هجيبه

 ابوها طبعاً قال كدا عشان يسيبهم براحتهم  مع بعض ويتفاهمه .

معرفش يرد علي بنته فضل قاعد معاهم .

احمد : الزيك عامله ايه 

نرجس "ببرود"  تمام والحمد لله

 احمد بندم : انا اسف علي كل الي حصل .

نرجس بعدم فهم : علي ايه   اه صح مبروك الجوازة الجديدة .

احمد : بصدمه عرفتي منين .

نرجس : انا عارفه حكايتك انت ومريم من البداية  قبل ما طلقني .

فلاش باك 🛑

كان جرس الباب بيرن  "فتحت الباب "

مريم : كانت بتبص لنرجس  من فوق لتحت    انتي بقي مراته وفضلت تضحك .

نرجس : انتي مين و عايزة ايه و قصدك ايه انتي مراته .

مريم" بتكبر" :  قصدي يا حلوة انا الجديدة و انتي القديمه .

مريم بتكلم بي قرف :  مكنتش اعرف ان زوقوا بلدي كدا  وجايه تمشي لفت وشها وقالت     اه اعملي حسابك لمي حاجاتك عشان هتترمي برا قريب  و سبتها ومشيت.

باك

نرجس : رغم الي شوفته و سمعته منها .... كدبت نفسي وقلت لا احمد ميعرفش حد عليه  وفضلت علي كدا   مش قادرة اصدق 

ورغم  قسوتك معايا  و تغيرك.... الكامل من ناحيتي مصدقتش برضه كنت بقول يمكن ضغط شغل .

وحصل الي مكنتش متخيله منك " طلقتني "..

احمد : لحظه شيطان ارجوكي يا نرجس اديني فرصه اعوضك عن الي شوفتي واي شي تطلبي   هيكون عندك من قبل ما تطلبي .

نرجس" بضحك"  و انت بقي فاكر لما تقولي كلمتين دول احن لك من جديد .

احمد بص لها بعدم فهم : يعني ايه ( كان متصور انها لسه بتحبه و اول ما يرجع لها هترجع بس حصل العكس توقعاته 

نرجس" بثقه"  يعني كتب كتابي بعد شهرين .

احمد : انتي بتخرفي  بتقولي ايه كتب كتاب مين .

نرجس : افتكر انك دلوقتي يعتبر غريب عني وياريت تاخد بالك من طريقه كلامك معايا وانت في بيتي 

و انت يعتبر  ضيف عندي     و اظن  اخدت واجبك وزيادة   اتفضل

فريد : عيب يا بنتي مهما كان ضيف في بيتنا قال كلامه هوا "بيغمز لها "

احمد:  اخر كلام عندك.

نرجس : اتفضل .

احمد "بتحذير" :  يكون في علمك انتي ملكي وهتفضلي بتعتي وعمري ما اسمح لحد يلمسك ولا يقرب منك حتي لو علي حساب حياتي وفكرة جوازك من حد تاني انسيها    مشي وقفل الباب ورا بغضب.

فريد : جدعه  حضن بنته.  متخافيش طول ما  انا جمبك .

نرجس "بحب" : انا بحبك قوي يا بابا انت اكبر دعم ليه في حياتي ربنا يخليك ليه يا سيد الرجاله. 

فريد : ويخليكي ليا .... يلا ادخلي اوضتك و ارتاحي 

نرجس : عاوز مني اي حاجه اعملها قبل ما ادخل 

فريد بحب : لا حبيبتي ادخلي ارتاحي .

فريد : استني ايه حكايه كتب كتاب وجواز 

نرجس : وقعدت تحكي عن يوسف و ان طلب ايديها  وافقت علي زواج منه .

فريد : يله علي خيرا الله....ربنا يفرحك يبنتي ويسعدك ويتم جوازكم علي خير 

عادة شهر كامل كان بيحول احمد يكلمها مرة من فيس بوك مرة من واتس اب ..... و مرة يفضل مستنيها ويطلع وراها يشوف راحه فين و بيراقب كل تحركتها .

وفي يوم خرج وراها ونزلت من العربيه  ودخلت كافيه

 دخل وراها     وراحت سلمت علي شخص  .

احمد شافه : هوا دا بقي الي مش عايزة ترجعيلي عشانه  وديني لندمك عليه يا نرجس    خرج ساب المكان              مش قادر يشوفها مع حد غيرو .

 رجع البيت وقعد يكسر كل شئ حواليه    ليه يا نرجس انا ندمت وعرفت غلطي  ليييييي توجعي قلبي بشكل دا  و خبط ايدو في المرايا

وقعد علي الارض مسك ايدو وهي بتنزل دم .

انا عمري ما حبيت ولا احب حد غيرك     متسبنيش انتي كل حاجه .

فجأة استجمع كل قوته    لا انتي فعلا مش هتكوني لغيري وقطع قطعه من قميصه وربطها علي ايدو .

بعد شهر..

نرجس" بابتسامه":  بابا قولي ايه رايك قمر صح

ابوها" بفرحه"  : زي القمر خد ايديها ولفها    الفستان عليكي زي القمر

يوسف دخل : بسم الله مشاء الله طالعه زي الملاك  .

نرجس "بكسوف شديد" :  شكراً

يوسف : مسك ايديها وباسها 

فريد بستعجال يلا  المعازيم مستنين برا 

يوسف "بحب" : يلا يا عروسه 

مشيت معاه وكانت طايرة من الفرحه 

الفرح اشتغل و المزيكا بقت عاليه و كلو فرحان و بيرقص و صحافين قاعدين يصور  الفرح .

يوسف اخد نرجس وكل المعازيم بعدو    لان دي اغنيه رومانسيه مخصوصة للعرسان .

حط ايدو علي وسطها وهي حاطه ايديها علي كتفه  وبداوا يرقصوا

وهما منسجمين مع بعض  لحظت نرجس احمد   انصدمت لما   شافته ماسك مسدس مصوبه علي يوسف .

  نرجس" بخوف " : حولت تبعد يوسف بسرعه .

الطلقه جت فيها 

المعازيم وكل موجدين في حاله صدمه ورعب

ويوسف من صدمته مش  قادر يقف علي رجله  شايف الدم حوالين نرجس

احمد "بخوف"  : جري عليها  نرجس اصحي  متقوليش انك موتي لا انتي لسه عايشه   طب قومي قولي اي حاجه. نرجس ردي عليه ...........................

أحمد : لا متبعديش عني لا يا  نرجس 

نرجس "بخوف " :  اصحي يا احمد مالك يا حبيبي 

_ صحي بخضه ونظر لنرجس و مسك ايديها الاثنين انتي بخير مفكيش حاجه .

نرجس : مالك يا حبيبي انا كويسه   و مدت ايديها وشربته ميه    اهدي انا جمك    شكلك كنت بتحلم  .

احمد حط ايدو علي راسو   مكنش حلم دا "كابوس "

قربت منه و مسحت عرق جبينه بالمنديل معلش حبيبي اهدي 

متقلقش كل حاجه كويسه 

نرجس : انا كنت داخله اصالحك بعد ما هدومك اتغرقت ميه بسببي حتي عملتلك الكيكه بالكريمه الي انت بتحبها وعملت نسكافيه بلبن    بس شوفتك نايم محبتش اقلقك و نمت جنبك عبال ما تصحه .

نرجس بزعل : بس خسارة 

أحمد : خسارة ايه 

نرجس : النسكافيه برد

احمد  فضل يضحك عليها   من النهارده مافيش زعل وعمري ما اقبل ان دمعه تنزل من عيونك طول ما انا عايش

 خدها في حضنه فداكي اي حاجه  انا ملكك اعملي فيا الي انتي عاوزة عارفه لو  موتيني  مش هزعل لان هكون مت علي ايدك .

#النهايه🎀