فارس وملك وصلوا البيت وأول ما دخلواا لقوا أمير اللي بيحب ملك.. 

_ انت اي اللي جايبك هناا.. 

أمير بإبتسامه وبيبص ل ملك "جاي اتقدم لملك".. 

فارس نزل ضرب فيه" لو لمحتك ف طريقي تاني مش هسيبك عايش تاني ملك دي تخصني اناا تبقاا مرااتي فاااهم" .. 

أمير بعصبية" ع العموم انا عرفت كل حاجه من اهلك انا كنت جاي أعتذر ل ملك إني وقفتهاا ف الطريق علشان عارف إن دا غلط ولما قولتلهم إني بحبها قالولي إنك كاتب كتابك عليها + انا عمري ما كنت هتقدم دلوقتي لإني لسه ف تالته ثانوي بس اتفقناا اننا نقولك كدا ونشوف ردة فعلك بس ياريت ما اتفقنا علي حاجه 🙂.. 

فارس هدي شوية" بقاا كداا بتتفقوا علياا ".. 

فيروز بضحك " كنا حابين نشوف ردة فعلك ".. 

= وشوفتواا.. 

_ عن اذنكم انا بقاا.. 

= استناا دعوة مني ليك لفرحناا.. 

_ ألف مبروك يجماعه مستني اهو..ومشي هو كان زعلان لإنه كان بيحب ملك جداا بس عارف إن دا نصيب.. 

. 

.. 

_ فارس انت ازاي تقرر إن فرحناا هيكون الإسبوع الجاي وانت عارف اني بدرس لسه.. 

= يا حبيبتي مش عايز حد يبصلك تاني اخلص من أمير يجي مالك اعمل اي فيكي وف حلاوتك يعني وكمان فرحنا مش الإسبوع الجاي علشان فرح رغد فرحنا هيبقا الاسبوع اللي بعده..

_ طب وبعدين 

= جهزي نفسك يا روحي هنروح النهارده نشتري فستان الفرح.. 

_ والدروس بتاعتي يا فارس.. 

= يا حبيبة فارس بعد ما نتجوز هشرحلك كل اللي فاتك.. 

_ وعد.. 

= وعد.. 

_ طب اخرج بقاا علشان عايزة أنام شوية.. 

= ما ننام سوا عادي.. 

_ اخرج براا يا فارس احسنلك. 

= مش خارج بقاا هه وهنام هناا معاكي.. 

_ طيب ماشي هروح اجيب اي حاجه اكلها من برا وجايه.. = ماشي يا حبيبتي.. وخرجت راحت اوضته وقفلت الباب بالمفتاح وسابته هناك ف اوضتها🌚😂😂.. 

فارس فضل مستنيها بس هي مجتش خرج ينادي عليهاا وهي مش بترد.. 

راح اوضته يشوفها فيها لقا الباب مقفول بالمفتاح.. 

_ بقاا كداا يا ملك مااشي والله هيطلع علي عينك لما نتجوز اصبري علياا.. 

= المهم قدرت افلت منك.. 

_ مش هتعرفي تاني.. 

= اما نشوف..تصبح علي خير يا ابن مراد.. 

_ وانتي من أهلي يا قلب ابن مراد.. 

.

.

جه يوم فرح رغد اللي كله كان زعلان لإنها هتسيب البيت..

_ هتفضلوا تعيطوا كدا يعني طب اهو وقعدت جمبهم "مش متجوزه"..

آدم بضحك " قومي يختي قال مش متجوزة "..

_ ماهما بيعيطواا..

فارس حب يلطف الجو " انا بعيط علشان زعلان علي آدم انه هيتجوزك يا هبلة ربنا يكون ف عونك يا آدم"..

رغد " يا ابن اللذين طب والله ل أتجوز واروح اعيش مع حبيبي "..

_ ايوا كداا عين العقل يا حبيبتي بتفهمي يلاا علشان الساعه بقت 1..

= يلا يا قرة عيني..يلا يا ملك..

_ جاية اهو اسبقونا انتوا وفارس هيجبني..

= ماشي يا سكر انتي ومشيت هي و آدم..

.

.

نسرع الأحداث بقاا..

_ اي يبت يارغد الجمدان داا..

= يعني ف الأول مكنتش جامدة يا آدم ولا اي..

_ لا يا عيون آدم انتي كنتي جامدة بس النهارده اجمد بكتير ربنا يحميكي من عيون الناس يارب..

= خطاف القلوب انت اوي..

_ يبت يا جزمة انتي قلبك كان هينط من مكانه يوم ماشوفتيني..

= ما انت صراحه كنت قمر اوي + يعني انت يعني قلبك مكنش هينط يومها..

_ لا صراحه هو نط وجه ليكي وجيت بعدها بتاني يوم اطلب قلبي..

= كان يوم جميل يا حبيبي والله..

_ والنهارده بقاا أجمل يا اجمل بنوته اتخلقت ف الكوكب داا..وخلص الفرح وراحت رغد مع آدم و ابتدوا حياة جديدة مع بعض.. 

ملك وفارس بيجهزوا لفرحهم هما كمان.. 

_ فارس انت متأكد انك عايز تكمل معايا..

= انتي بتتكلمي كدا ازاي يعني..

_ يعني علشان انا صغيرة عليك لما حد يقولك مثلآ إني صغيرة عليك مش هتضايق..

= بطلي الهبل بتاعك داا يا ملك وروحي يلاا البسي ونشوف الفستان اللي مش هيجي داا بقالنا أسبوع بندور علي فستان حلو..

_ هنلاقيه النهارده إن شاء الله..

= طب البسي يلاا..

_ فيها حاجه لو روحت كداا..

= بالدريس داا..

_ ايواا ماله.

= اطلعي غيري يا ملك بدل ما ازعلك..

_ ليه بس فيه اي الدريس يعني..

= مش عاجبني..

_ اوووف..وطلعت تغير ونزلت وراحوا يشتروا الفستان..بعد عدة أيام جه يوم فرحهم..

= مكنتش اعرف إنك هتبقي جميلة كداا يا ملك..

_ بجد بس انا مش طيلاك..

= يا أوزعه.

_ هسيب الفرح و امشي..

= تقدري.

_ مقدرش يا رخم بس انت طويل كدا ليه هرقص معاك ازاي..

= اشيلك يا روحي..

_ طب يلاا الكل مستنينا براا..

= بحبك يا ملك..

_ بموت فيك يا أجمل عمو ف الدنياا..

فارس افتكر يوم ما قالتله عمو ممكن توديني لماما..

= هو انا كنت كبير لدرجة تقوليلي عمو..

_ اه علشان كنت طويل اوي ف فكرتك عمو..

= عبيطة..

_ بس بتحبني..

وعدا الفرح بسلام وسعادة جداا..

_ وأخيراً اتقفل عليناا باب وبقينا ف أوضة واحدة ومش هتعرفي تفلتي مني..

ملك بارتباك " مفيش اي مخرج "..

فارس بيقرب عليها وفك الحجاب بتاعها"لا مفيش"..

ملك بتوتر أكتر"طب هروح اجيب أكل علشان جعانه اوي"..

فارس بضحك وغمز لها" اجبلك انا يا روحي خليكي عندك " وخرج يجيب لها اكل وهي عماله تفكر تعمل اي..

_ انا هعمل نفسي تعبانه وكدا مش هيقدر يجي جمبي..

لا لا ممكن يعرف إني بضحك عليه..

_ بس لقيتها خلاص..

وجه فارس.."الأكل اهو يا حبيبتي ادخلي غيري هدومك وانا هغير هدومي ونصلي وناكل"..

= ماشي يا حبيبي ودخلت الحمام وبدأت تنفذ خطتها ووقعت علب الشامبو والمعطر وعملت نفسها وقعت

_ ااااه فاارس الحقنيييي..

فارس اتخض عليهاا جدا وفتح الباب بسرعه"مللك "..

_ الحقنيي يا فارس رجليي حساها اتكسرت..

فارس شالها من ع الأرض ونيمها ع السرير..

_ استني هتصل بالدكتور يا حبيبتي متخافيش..

ملك ببكاء" لا لا مالوش لازمه شوية وهبقي كويسة"..

= بس لازم اي دهان او اي حاجه يعني علشان رجلك.

_ انت اكيد زعلان علشان انا وقعت والنهاردة فرحنا صح..

= لا يا روحي مش زعلان الأيام جاية كتير أهم حاجه انتي تكوني بخير..

_ طيب ساعدني اغير الفستان بس علشان اعرف أنام..

فارس ساعدها تغير الفستان ولبست بيجامه وناموا هما الاتنين جت الساعه 3 ملك قامت من جمب فارس وراحت ناحية الأكل " دا انا طلعت عبقرية وبعرف امثل كمان "..

_ هه بسم الله اما اكل بقاا..

= يعني كنتي بتضحكي عليا يا ملك..

ملك بخضة"يالهوااي هووف جيت ورايا امتاا"..

_ من ساعه ما طعتي عبقرية..

= انا عبقرية!؟.

_ وبتعرفي تمثلي كمان..

= انا يا ابني مين قالك كدااا..