رواية فرحة الفارس فارس وفرح الفصل الرابع 4 بقلم جومانا صفوت
رواية فرحة الفارس فارس وفرح الفصل الرابع 4 هى رواية من كتابة جومانا صفوت رواية فرحة الفارس فارس وفرح الفصل الرابع 4 صدر لاول مرة على موقع التواصل الاجتماعى فيسبوك رواية فرحة الفارس فارس وفرح الفصل الرابع 4 حقق تفاعل كبير على الفيسبوك لذلك سنعرض لكم رواية فرحة الفارس فارس وفرح الفصل الرابع 4
رواية فرحة الفارس فارس وفرح الفصل الرابع 4
فارس:احم احم
انا اسف بس أنتِ اللي عصبتيني و قولتلك قبل كده اني مش بقدر اتحكم في عصبيتي فـ بعتذر تاني و هحاول اسيطر عليها بعد كده لأجل عيونك بس واللهِ
فرح:ماشي يا فارس اسفك مقبول و لسه هتطلع فارس قالها خليكي هنا ثانيه وراجعلك
رجع و في أيده آيس كريم و حاجات حلوه
فارس:اتفضلي دول عشان بس اتاكد انك اتصالحتي
فرح شدت الآيس كريم و الحاجات الحلو و هي بتضحك:ماشي يعم كده صالحتك بجد،تصبح على خير
فارس(بحب):و أنتِ من اهل الخير
و طلعت مبسوطه بالحاجات و غيرت و جهزت فيلم و فضلت تتفرج عليه و هي بتاكل لقت سيف داخل و بيغني
فرح(برخامه):ايوه بقىٰ الناس اللي خطبوا و هينسونا
سيف:لا فروحه عيب كده انا نسيتكوا اصلا
فرح: اصلا!
سابها ودخل و هي فضلت تضحك عليه و بعدين دخلت نامت
تاني يوم
مي:قومي يا حبيتي عشان تروحي الجامعة اللي أنتِ بتزوريها كل مره سنه
فرح(بضحك):والله يا ميوش انا نسيت أن احنا مش في الاجازه
وقامت اتوضت و صلت و بعدين لبست و نزلت
صباح الخير يا عمو محمد
صباح الخير يا طنط سلوى
دول جيرانهم فرح بتحبهم دايما بتقابلهم و هي نازله الجامعه
سلوى:صباح الخير على اجمل فروحه
محمد:صباح الخير يا حبيبتي
و نزلت ركبت المترو و وصلت الجامعه و كان يوم متعب جدا و رجعت البيت و فضل الحال كده طبعا بوجود فارس وكلامه الكتير مع سيف لحد اليوم اللي قبل الخطوبه
فرح ضيقت عينها و سألت:بتهمس و انت بتتكلم ليه يا سيفوا
سيف:لا ابداً فروحه
سمعت صوت فارس و هو بيقول ما تقولها يعم
سيف رجع الفون ورا ضهره وضحك بسماجه
فرح:تقول ايه يا سيفوا؟
سمعت فارس بيقول:سيفوا في عينك اسمه سيف
سيف:اخرس بقىٰ
ضحكت و وجهت كلامها
في ايه برضوا
فارس قال مفيش يا فروحه والله مش احنا خطوبتنا بكره
فرح:اه المفروض
فارس:الشيخ هينورنا بكره بقىٰ
فرح:اهلا و سهلا بس ايه اللي يستاهل الهمس برضوا؟
فارس:دي طلعت غبيه يعم خايف من ايه
سيف:اتكلم يعم الله يسترك
فرح:ما تفهموني
فارس(ببرود):كتب الكتاب هيكون مع الخطوبه يا فروحه
فرح:كتب كتاب مين
فارس:اقفل يا سيف اقفل يا حبيبي
سيف:لا و اهمد بقىٰ اص....
فرح:ماشي موافقه
سيف و فارس سكتوا من الصدمه:هااا!
فرح:ممكن ارجع في كلامي عادي
فارس لحق نفسه وقال بسرعه:لااااا
مي دخلت عليهم و في ثانيه لقوها بتزغرط
و ضحكوا كلهم و فارس اتفق معاهم أنه هيعدي على فرح و ينزلوا يجيبوا فستانها و وافقوا نص ساعه و كان فارس عندهم و خد فرح و مي
في المول بتقيس فستان و خرجت ايه رأيكوا؟
فارس:تؤ تؤ ضيق
قاست واحد تاني كان عاجبها و خرجت
فارس:ايده شفافه لا
فرح بزهق: في ايه كُله لا لا مفيش اه خالص
فارس:اعملك ايه يختي ما أنتِ اللي بتختاريهم مش مناسبين
فرح:اوف ده اخر واحد هقيسه و يطلع زي ما يطلع بقىٰ
خرجت بعد اما لبسته كان سمبل خالص و شكله تحفه
مي:ما شاء الله يا عيون ماما قمر
فارس(بحب):تبارك الرحمن
جابت الفستان و بعدين فارس روحهم و قبل ما فرح تنزل فارس قال:اكيد يا فرح انا مش محتاج اقولك..فرح قاطعته متحطيش مكياااج
فارس ضحك:شطورة يا فروحه و نزلت و فارس روح مش مصدق أنها هتكون مراته بكره
تاني يوم صحيت فرح من بدري متوترة و فرحانه في نفس الوقت صلت و خرجت لقت ناس كتيرة بتظبط المكان فرحت اوي و دخلت تشوف مي و تساعدها بس مي طلبت أنها ترتاح بس دخلت كلمت فريدة عشان تيجي تفضل معاها و بالفعل جت فريدة و بعدين كام ساعة من الترطيب و الماسكات بدأوا يجهزوا وفريده كان شكلها عسول كانت لابسه فستان اخضر و مكانتش حطه مكياج و سيف كان لابس بدلة سوده كانت تحفه عليه
فارس وصل هو و اسامه و تامر و الشيخ
طلعوا سلموا على مي و سيف و خرجت فرح و فارس انبهر بجمالها و دعى أن ربنا يباركله فيها راح لفرح و قال:حقيقي مش متخيله قدر سعادتي بأنك هتكوني مراتي يا فروحه ربنا يبارككلي فيكِ وفرح فرحت بكلامه و قالت:ربنا بيحبني عشان رزقني بيك يا فارس
و بعدين بدأ الشيخ في كتب الكتاب لحد ما كله ردد
«بارك الله لكما وبارك عليكما وجمع بينكما في خير»
هنا كان قلبهم بينبض بسرعة من كتر السعاده و الفرحه
فارس قام و حضن فرح و قال بسعادة لا توصف:مُبارك لقلبي وجودك يا فروحتي
فرح:مُبارك وجودك انت و قلبك يا عيون فروحتك.
________________________
*تمت بحمد الله💗💗💗*
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا