رواية جراح لا تنسي الفصل الرابع عشر 14 بقلم اماني سيد

رواية جراح لا تنسي الفصل الرابع عشر 14 بقلم اماني سيد


رواية جراح لا تنسي الفصل الرابع عشر 14 هى رواية من كتابة اماني سيد رواية جراح لا تنسي الفصل الرابع عشر 14 صدر لاول مرة على موقع التواصل الاجتماعى فيسبوك رواية جراح لا تنسي الفصل الرابع عشر 14 حقق تفاعل كبير على الفيسبوك لذلك سنعرض لكم رواية جراح لا تنسي الفصل الرابع عشر 14

رواية جراح لا تنسي بقلم اماني سيد

رواية جراح لا تنسي الفصل الرابع عشر 14

منتهى: بص يا زهران انت ممكن تدور على فيلا تانيه تكون قريبه من فيلتك دى ونسكن فيها انا وانت واحمد وبباباك ومامتك لو حبت تيجى تقعد معانا تيجى وماما كمان نحبها معانا 
زهران: طيب ليه ماقولتيش الاقتراح ده من الأول
منتهى : انا كنت عايزاك ترجع الحاره تانى عشان الزاكره ترجعلك لان وجودك فيها مع العلاج هيساعدك على ان الزاكره ترجعلك وبما ان خلاص انت افتكرت حاجات كتير وماشاء الله كل يوم بتفتكر اكتر خلاص نقعد بقى فى اى مكان نختاره وزى ماقولت ابنك مايعيش فى مستوى اقل من مستوى اخته
عدى يومين ووالده زهران اتصلت بيه بحجه انها تعبانه 
عرفات: الو يا ماما عامله ايه 
منى : انا تعبانه اوي يا زهران قلبى واجعنى اوى لو خلصت شغلك تقدر تيجى عايزه اشوفك
زهران: بخضه  طيب يا ماما فين هاله خليها تطلبلك الدكتور وانا جاى على طول 
منى : هاله ربنا يكرمها قاعده معايا وماسبتنيش لحظه وطلبت الدكتور وزمانه جاى 
زهران: طيب اقفلى يا ماما وانا هاجى بسرعه 
هاله : قالك ايه 
منى : عيب عليكى جاى طبعا 
هاله : جدعه طيب هنقوله ايه 
منى : بصى فى علبه علاج قديمه من الأدوية بتاعتى اتصلى هاتى واحده زيها جديده وقوليله ضغطها على شويه وكتبلها العلاج ده
هاله : حاضر حالا هبعت اجيب العلاج كله 
عند زهران: منتهى حبيبتي يلا البسى عشان هنرجع حالا القاهره
منتهى بخضه : فى حاجة حصلت ولا ايه
زهران: ماما تعبانه اوى وعايزه تشوفنى 
منتهى : طيب حالا هلم كل حاجتنا 
زهران: معلش يا نونو هعوضك مره تانيه يا حبيبتي
منتهى : لا طبعا ولا يهمك اهم حاجه نطمن عليها 
خلصوا تحهيز حاجتهم ورجعوا على الفيلا وصلت منتهى مع زهران عشان تطمن على حماتها 
زهران: الف سلامه عليكي يا ماما صحتك عامله ايه دلوقتى
منى : اخدت العلاج وبقيت احسن الحمد لله
زهران: الدكتور قال ايه 
منى : ضغطى كان عالى وكان مسببلى هزيان كده وقلبر كان تاعبنى 
زهران: تحبى نروح المستشفى
منى : لأ مافيش داعى انا اسفه لو كنت رجعتك من شغلك 
زهران: لا طبعا اى حاجه تتعوض إلا صحتك
منى بصت لمنتهى : وانتى يا حبيبتي مش ناويه بقى تلمى الشمل ونعيش كلنا مع بعض 
منتهى فهمت ان التلقيح هيبدا : طبعا يا طنط منا كنت بتكلم انا وزهران فى الموضوع ده قبل مانتى تتصلى على طول هو هيبقى يقولك اتفقنا على ايه بس لما تقومى بالسلامه انا برضه يهمنى راحته مش جوزى ولا إيه
هاله عملت نفسها مصدومه: هو انت مش كنت مسافر فى شغل 
زهران: انتى ناسيه ان منتهى سكرتيرتى 
هاله : اه انا افتكرت لما انت عرفت عرفت اهلك ورجعتلهم وقفت شغل بقى 
منتهى : لا يا حبيبتي موقفتش شغل وغير كده زهران قال. خليكى زى مانتى عشان افضل قدامه كل يوم
قدرت منتها تحرق دم حماتها وهاله وقلبت عليهم الترابيزه 
منتهى : بقولك يا حبيبي انت بقالك يومين مانمتش اطلع خد شاور وريح كده من السفر وبصت لهاله 
معلش يا هاله اصلنا مكناش بنام فسبيه بقى ينام شويه وانا هروح ارتاح انا كمان 
زهران: استنى اوصلك واجى ارتاح
وفعلا منتهى وزهران ووصلوا عند امها واخدت ابنها وعدت سلمت على حماها وبعتوا جابوا اكل واتغدوا وناموا لحد تانى يوم وزهران من التعب نام مقدرش يرجع تانى 
هاله : شوفتى مرجعش تانى ازاى رايح يكمل معاها شهر العسل 
منى : منا قلتلك مش ساهله يبيع اى حد عشانها 
هاله: وانتى وافقتى من الاول على جوازهم ليه
منى : مكنتش موافقه يا ختى بس هو عنيد ده عملت كل حاجه تخطر على بالك عشان اطفشها لكنها لازقه
هاله: واضح انها لازقه فعلا وشكلها عايزه تبعدوا عنكم 
وخصوصاً بعد ما بقى غنى عشان كده لازم مانسمحلهاش بده 
منى : عندك حق 
تانى يوم راح زهران الشركه وقابل مؤمن 
مؤمن: انت قطعت الاجازه
زهران: اه ماما كانت تعبانه عشان كده نزلت 
مؤمن: الف سلامه عليها وهى عامله ايه دلوقتى 
زهران: اخسن الحمد لله
مؤمن: كويس انك رجعت عشان ابو فواز هيجي بعد بكره واجتماع الشغل هيكون الاسبوع الجاى 
زهران: لا اول ما يجيى لازم اقبله هات رقمه انا هكلمه شخصيا 
اخد زهران رقم أبو فواز واتصل بيه 
زهران: مساء الخير هلا بأبو فواز 
ابو فواز: مين معى 
زهران: أنا زهران
أبو فواز : يا هلا يا هلا كيفك يا شيخ 
زهران: الحمد لله بخير
أبو فواز : إن شا الله دايما
زهران: مؤمن قالى انك جاى القاهره بعد بكره
أبو فواز : ايه مظبوط 
زهران: كنت عايز اشوفك ضروري
أبو فواز : خير إن شاء الله
زهران: لأ خير طبعا عازمك على الغدا فى مكان مصرى اصيل
أبو فواز : خير خير خلاص نتقابل اول ما انزل على طول حياك الله مع السلامه
مؤمن: مش هتعذمه عندك في الفيلا
زهران: لا هعزمه بره مش عايز هاله تعرف اصلا انه جاى او انا هقابله 
مؤمن: شاكك فى حاجة
زهران: مش عارف بس كده احسن 
عدى اليومين بسرعه وجه اليوم الموعود وصل أبو فواز واستقبلوا زهران ومؤمن وراحوا الحسين وطلب زهران اكل كتيير مصرى ليه وعجبه اوى 
زهران: بقولك يا ابو فواز انت عرفت منين إن انا زهران مش عرفات
أبو فواز : من بعد ما اديتك الفلوس السفارة كلمتنى وقالتلى انهم بيدوروا عليك وانا كلمت مراتك وقالتلى انك رجعتلك الزاكره بس انت هتفضل على اسم عرفات عشان تقريبا عليك طار 
زهران: هو انت تعرف هاله أصلا
ابو فواز : اصحاك تكون مش عارف هى ما قالتلك شئ 
زهران: لأ عايز اسمع منك كل حاجه
أبو فواز : ابنى لما خبطك كان حدا لاعبلوا فى فرامل سيارته حد من أعداءنا المهم كلمنى وقالى انه خبط حد بالعربيه ساعتها كنت انا فى عربيتى والسواق بتاعى كان جوز ام هاله
المهم انا رحت مكان الحادثة ومشيت بالعربيه ورا عربيه الاسعاف وصادفت ان المستشفى دى كانت شغاله فيها هاله انا طلبت منها تخفى اوراقه لحظ مانت تفوق او نعرف الدكاتره قالوا ايه عنك وانها ماتسلمش الاوراق الاستقبال لحد مانشوف ونظبط امورنا 
وطبعا منصور ادانى رقم هاله وقولتلها اللى حصل غصب عن ابنى بس انا هراضى المريض ده بفلوس كتير وقتها هاله قالتلى ان ممكن اهله يرفضوا عشان كده لحد مايفوق يفضل نخبى هويته وفى الوقت ده ابنى خرج بكفاله لانهم كشفوا على العربيه وعرفوا انه كان غصب عنه 
زهران ومؤمن بصوا لبعض ورجعوا بصوله تانى : كمل كمل
فضلت طول الفترة اللى انت مقضيها فى المستشفى أسأل عليك هاله لحد ما فوقت واول مانت فوقت هى كلمتنى فورا وووقتها انا جيت وقالتلى ماقولكش هويتك الحقيقة لحد ماتقبض الفلوس والقضيه تخلص عشان محدش من اهلك يعترض وفعلا عملت كده وفضلت اطمن عليك منها 
بس بصراحه انا فضلت اسال وادعبس وراك عشان اعرف اى حاجه عنك ولما عرفت انك سألت فى السفارة بعت ناس برضوا يسالوا عنك لحد ماقدرت اوصل لاهلك وباعتلها ادتها عنوان اهلك وانهم بيسالوا عليك وقتها قالتلى حاضر هبلغه وبعدها كلمتنى قاتلى انك بتشكرنى وانك فعلا قدرت توصل لاهلك بس مش عايز تعرفهم مكانك لانك عليك طار وجاى هنا هربان منه وانك بتتواصل مع ابوك وامك ومراتك وبتبعتلهم فلوس بس هما مخبيين عشان محدش يعرف يوصلك وانك هتفضل باسم عرفات عشان محدش من الناس اللى بيدورا عليك يقدروا يوصلولك 
زهران بقى يسمع كلام ابو فواز وهو مستغرب
ابو فواز: انا عارف انى غلطت بس صدقنى انا عملت كل شئ فى ايدى عشان اعوضك عن غلط ابنى اللى كان غير مقصود 
زهران: مصدوم مش عارف يرد بس مؤمن اتكلم بالنيابة عنه 
مؤمن: يا شيخ زهران لسه عارفه هو منين من اسبوعين تقريبا وطول الفتره دى بيدور على اهله 
ابو فواز : ازاى الكلام ده اذا كانت اوراقك كانت مع هاله اللى فيها اسمك 
زهران: طيب ليه ماخدتهاش وعرفت مكان اهلى 
ابو فواز : قالتلى انها ضاعت منها وانى بلاش اقولك عشان مايحصلش مشاكل وخصوصاً ان كده كده انت عرفت توصل لاهلك فمحبتش ادخل واعمل بينكم مشاكل قولت انت ادرى بحالك وخلاص مش هفتح كلام قديم عشان مايحصلش بينكم مشاكل 
زهران: شكرا ليك يا ابو فواز انك مكملتش فى خداعى بس للاسف هاله خبت حقيقتى طول السنين دى 
أبو فواز : وانت ناوى على ايه

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا 



حجم الخط
+
16
-
تباعد السطور
+
2
-