كل سنه وانتو طيبين رمضان كريم

 نفسها يارب احفظهولي…

خلص الفرح ومروان اخد كارما وراحو عش الزوجية

&&&&&&&&&&&

في شقة مروان

مروان ….نورتي بيتك يا كرملة قلبي

كارما مكسوفة ووشها في الارض

مروان جي يقرب يحضنها بس هي بعدت عنه

كارما…..مروان ما تتهورش وتعمل حاجة نندم عليها انا بقولك اهو

مروان بصدمة….نعم ؟؟؟!!!!…هو انتي زملتي ف المدرسة

علي العموم ادخلي غيري هدومك ونتكلم بعدين

قامت دخلت غيت هدومها ولبست تريننج رياضي لونه بينك

بكم وخرجت

ومروان كمان لبس تي شيرت ابيض وبنطلون رمادي بيتي

مروان…..بصدمة…..ايه اللي انتي لابساه دا يا كرملة فين الفستان اللي بعتهولك ع النت وعجبك

كارما….بصراحة يا مروان ادم قالي لو لبسته هيقتلني وانا مش عايزة ازعله

مروان جاب اخره ….ايه ادم ….ماشي يا آدم الكلب

وبعدين مسك ايد كارما وقعدها جمبه

مروان…..كارما حبيبتي انا مين؟؟؟!!!!

كارما ….انت مروان🙂

مروان……لا نبيهة ما شاء الله الذكاء بيخر من دماغ اهلك

مانا عارف اني زفت ….قصدي انا ابقي لك ايه

كارما …انت جوزي؟؟؟!!! قالتها كأنها بتسأله

مروان …..انتي بتسألي ليه …هو حضرتك مش متأكدة…..

يا كرملة انا جوزك والله وادم عشان صاحبي حب يعمل مقلب فيا مش اكتر

تحبي اكلمه دلوقتي واسأله قدامك

كارما …..امممم .ياريت

مروان اتصل بادم وفتح الاسبيكر. .

مروان …..ادم مش انا جوز كارما يعني عادي تلبس اي حاجة قدامي

ادم بضحك …..لا طبعا ولو لبست اي حاجة مش كويسة هاقتلها

مروان……😳😳😳😳…….

 عارف طريق ربنا ساعدتيني وحبك وايمانك قواني وخلاني ابقي الشخص اللي انتي شايفاه دلوقتي خلتيني ملتزم

حبيبة ….ابتسمت وقالتله يلا نروح نفرح مروان وكارما ونبارك لهم

ادم …ضحك …نفسي اشوف منظر مروان بعد ما ضربتله الليلة

&&&&&&&&&&&&&&

عند كارما ومروان

وصل آدم وحبيبة عندهم وضربوا الجرس فتح مروان

مروان….بسعادة…….دوووومة ابو نسب تعالي يا بيبي

ادم اندهش كان فكره هيقتله اما يشوفه…..اهلا عريسنا

اومال كارما فين

مروان…..تعالوا ادخلوا الأول

حبيبة ….مبروك يا مروان ربنا يسعدكم

مروان…..تسلمي يا حبيبة

ادم بص لقي كارما لابسة ومتزينة بص لمروان …..انت عملت ايه ف البت

مروان…..ببرود….عيب يا دووومة مش قدام البنات

ادم جز علي اسنانه …..وديني لاربيك

مروان……بنفس البرود….ما تتهد بقا وتسكت عايز تحرمني من مراتي دا انت حد ثقيييل ومعندوش دم

ادم…..اهو انت

كارما……..ما تسكتوا بقا انتوا الاتنين ..ادم انت اخويا وصاحبي وحبيبي وما اقدرش استغني عنك …ومروان جوزي وحبيبي اللي اتمنيته من الدنيا وما اقدرش استغني عنه …والله بحبكم انتوا الاتنين وما اقدرش استغني عن حد فيكم …..بصوا لبعض هما الاتنين وقاموا حضنوا كارما

ادم. حضن كارما ومروان……ربنا يهنيكم

&&&&&&&&&&&&&&

وبعد كام شهر

حبيبة وادم ومروان وكارما بيتجمعوا كل يوم جمعة في بيت منير يقضوا اليوم مع بعض

ادم بص لقي حبيبة قلقانة ف قعدتها هي وشها مش باين من النقاب بس مش قاعدة علي بعضها

آدم……حبيبة انتي كويسة

حبيبة ..بألم ……اه يا ادم….لا…… مش كويسة انا تعبانه يا ادم حاسة اني هاولد دلوقتي…..اعاااااااااااااا……..

وبعد كام شهر

حبيبة وادم ومروان وكارما بيتجمعوا كل يوم جمعة في بيت منير يقضوا اليوم مع بعض

ادم بص لقي حبيبة قلقانة ف قعدتها هي وشها مش باين من النقاب بس مش قاعدة علي بعضها

آدم……حبيبة انتي كويسة

حبيبة ..بألم ……اه يا ادم….لا…… مش كويسة انا تعبانه يا ادم حاسة اني هاولد دلوقتي…..اعاااااااااااااا

ادم …… ايه بتولدي طب قومي معايا ….وقام واخدها مسندها والكل طبعا راحوا معاهم ع المستشفي

&&&&&&&&&&&&&

في المستشفى

حبيبة في اوضة العمليات بتصرخ

وادم برا الاوضة محتاس مش عارف يعمل ايه هيتجنن لمجرد انه سامع حوريته بتبكي وتصرخ ..هو بقا رايح جاي قايم قاعد بيفرك في ايديه من التوتر …ومروان متابع ومش قادر يمسك نفسه من الضحك

مروان قرب علي ادم

مروان ….ما تهدي كده وتعقل ما تفضحناش ايه هي حبيبة اللي بتولد ولا انت

ادم كان في قمة غضبه…..والله لو سمعت كلمة زيادة منك يا مروان لضربك….انا مش ناقص برودك دلوقتي

مروان اتكلم بجدية لما حس انه ادم فعلا متوتر وقلقان جدا علي الحورية….ادم اهدي مش كده وبعدين اي ست بتولد بتفضل تصرخ كده عادي يعني مافيش قلق

آدم……انا عارف بس مش قادر استحمل اني اسمع صراخ حبيبة كده وانا مش عارف اعملها حاجة

تخرج الدكتورة ….لو سمحت يا باشمنهدس ادم احنا هنضطر نولدها ولادة قيصرية لان الولادى متعصرة

ادم ……طب ودا فيه خطر علي حبيبة

الدكتورة ابتسمت …..لا طبعا دي ساهلة جدا

ادم …..طيب تمام ولديها قيصرية

مروان …..ادم ايه رأيك ننزل نشرب قهوة لغاية ما حبيبة تقوم بالسلامة

ادم……لا يا مروان انا مش هاقدر اروح اي حتة الا لما اطمن علي حبيبة واولادنا

وبعد مرور بعض الوقت

وفجأة سمع صوت اطفال بيعيطوا

ادم ايديه ارتعشت وفرح واتوتر…..سامع يا مروان سامع صوت العيال

مروان…….عينيه دمعت من الفرحة…..دا صوت ولادك يا آدم مبروك يا صاحبي وحضنه

ادم…..الله يبارك فيك يامروان بس حبيبة عايز اطمن عليها

خرجت الممرضة ماسكة تؤام اطفال بنت وولد

ومسكتهم زهرة وكارما وقربوا علي آدم ومروان بس ادم فاجئهم

آدم…..فين امكم هي كويسة

منير…..ماتقلقش يا ادم بص وراك

ادم بص لقي الممرضات مخرجين حبيبة علي ترول ومودينها اوضة تانية

ادم جري عليها …..حبيبة انتي كويسة

حبيبة ابتسمت بتعب …..الحمدلله

&&&&&&&&&

في غرفة حبيبة بالمستشفي

كارما ……..بتعب ….ها يا حبيبة انتي وادم هتسموا الكتاكيت ايه

حبيبة ….ايه رأيك يا آدم لو نسمي البنت حورية

آدم….لاااااااا انا ماعنديش غير حورية واحدة وبس مش ممكن اخلي حد يشاركها في اسمها…بس ممكن نسميها حور ايه رأيكم

كارما ومروان.و حبيبة….كويس اسم حلو

ادم…..بس الولد انت اللي هتسميه يا حج

منير ابتسم ….اصيل يا ادم. انا بصراحة كان نفسي يبقالك اخ يا ادم وكان نفسي اسميه الادهم عندك مانع

ادم مسك ابنه وحطه علي ايدين منير……بس كده انت تؤمر يا جد الادهم

زهرة ….ابتسمت …ربنا يخليكوا لبعض وما يحرمكوا من بعض ابدا ….وانتي يا كارما يا حبيبتي ربنا يقومك بالسلامة انتي واللي ف بطنك

👨‍👩‍👧‍👦👨‍👩‍👧‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦👨‍👩‍👦‍👦

بعد مرور عشر سنين

في فيلا منير

الكل خلاص متعودين يتجمعوا كل يوم جمعة عند منير وزهرة

آدم وحبيبة عندهم دلوقتي تلات اولاد وبنت (ادهم وانس ومسلم وحور)

ومروان وكارما عندهم بنت وولدين ( وآدم وجودي وارغد)

حبيبة وكارما وزهرة كانوا بيقعدوا مع البنات ويحفظوهم قرأن ويعلمهوهم اخلاق الدين الاسلامي و وامور كتير عن طريقة تعاملهم جو وبرا البيت

اما عن ادم ومروان كانوا بيحفظوا الاولاد قرأن ويحكولهم عن قصص الانبياء ورجال حول الرسول ويعرفوهم دينهم بطريقة تسعد دنياهم

ومنير كان بيحكي لاحفاده حكايات فيها مواعظ

وطبعا الدروس دي كل جمعة لازم يدوها للعيال وبعدها يصلوا الجمعة كلهم ويتجمعوا ياكلوا ويدردشوا ويهزروا

وفي يوم الكل اتجمع بعد الغدا

العيال بيلعبوا مع بعض

جودي(٥ سنين )…..بتكلم انس( ٦ سنين)…. بقولك يا بيبي

انس …قولي يا قلب البيبي …قام مروان سمعهم كان هيتجنن

مروان…..خدي يا بت جودي ايه اللي انتي بتقوليه دا

جودي…ببراءة…بقول لانث(انس) يا بيبي عشان هو ثاحبي

مروان ….يا سلاااااااام بقا عشان صاحبك تقوليله يا بيبي

جودي……اه زيك مانت بتقول لاونكل ادم يا بيبي عشان ثاحبك

وادم انفجر ضحك وقال لمروان……رد يا قلب البيبي

مروان احم…….جودي انا وعمو ادم رجالة زي بعض عشان كده بنهزر عادي لكن مافيش هزار بين البنت والولد ماشي يا قلب بابي

جودي باست مروان ف خده…..ماثي يا قلب البيبي

كلهم ضحكوا علي برأة جودي

ادم بجدية….بالحق يا جماعة بكرة تجهزوا ع المغرب عندنا حفلة

حبيبة …..حفلة ايه يا حبيبي

آدم…..حفلة تخرج زياد من كلية الطب(زياد طفل الملجأ)

زهرة….بجد الواد زياد دا يستاهل كل خير ولد مؤدب ومجتهد ربنا يخليك يا آدم يا ابني زي ما ساعدته يكمل تعليمه ويجعله ف ميزان حسناتك ان شاء الله

ادم …..انا ماعملتش حاجة يا ست الكل ..زياد انسان طموح وكان عنده هدف مؤمن بيه عشان كده ربنا سخرله عبد من عباده يساعده الحمدلله اني نلت شرف اني اكون انا العبد دا..لانه ربنا ديما بيساعد الناس اللي بتساعد نفسها

حبيبة كانت باصة لادم ومبتسمة وساكتة

ادم قرب منها وهمس …..اشتقت اسمع صوتك حوريتي ساكتة ليه

حبيبة …..ادم عايزة اعترفلك بحاجة

ادم بص حواليه وقال ….قدامهم

حبيبة ……مسكت ايده واخدته بعيد عنها

&&&&&&&&&

ادم……خير يا حبيبة …انا مش متخيل انه حوريتي مخبية عني حاجة

حبيبة…..فاكر يا ادم يوم فرحنا

ادم ….اممم فاكر. حبيبة…..طب فاكر اول جملة قالتهالي بعد ما شات النقاب

ادم…ضحك….يخرب يبت امك صارووخ ارض جو

حبيبة ضحكت….اهي الجملة دي خلتني اتأكد انك لا ملتزم ولا متدين

ادم رفع حواجبه……وسكتي ليه يومها وسبتيني اكمل في دور الملتزم

حبيبة….اولا لاني حبيتك من اول ما شفتك في الفرح وشفت ضحكتك اللي خطفت قلبي

ثانيا عجبني اوي تمثيلك وانت عامل متدين وملتزم

ثالثا ودا الاهم قررت اني اخد بيدك واخليك تصلي وتلتزم بجد لانك جوزي وحبيبي ونفسي نكون مع بعض ف الدنيا والاخرة ان شاء الله

ادم باس جبينها…..ونجحتي وغيرتيني وخلتيني احب الالتزام والصلاة وامشي ف طريق ربنا. ببساطة خلتيني ملتزم

حضنته حبيبة واخدها ورجعوا تاني لباقي العيلة يدردشوا ويهزروا ..عايشين حياة بسيطة جميلة مش معقدة بيضحكوا ويهزروا بيخرجوا ويسافروا ويتفسحوا ويسهروا بس كل دا من غير مايغضبوا ربنا ….هنيئا لمن عاش دنياه تحت رضي ربه…….

واخيرا