رنا بصدمه: لأ وكمان عارف اسمي وبتهددني؟!!...ماشي...ماشي!!...قالت كده وطلعت بره المكتب بغضب..

فضل مهيمن يلف بالكرسي بضحك وهو بيحدث نفسه: والله لتجوزك يا ست رنا..

________________________________________________

نور بعصبيه: هنتقم منك يا ليل يا وحش وهعلمك درس مش هتنساه فحياتك!!

دخلت محل في طريقها وجابت منه شوية هدوم ورجعت تاني على الڤيلا..

في نفسها: الحمد لله لسه مرجعش..أطلع أنا بقى أغير الدولاب بتاعه..

بعد دقايق خلصت وزقفت بايديها زي الأطفال..فجأه سمعت صوت مخيف من وراها:

- انتي بتعملي ايه عندك ليكون اللي فبالي!!

نور بثقه: انت جيت امتى وإزاي..

قاطعها: هششش..قبل ما تخلصي كلامك الغير مهم لازم تعرفي حاجه ضروريه جدا لسلامتك حطيها حلقه فوذانك:

- العبي مع اللي قدك يا شاطره..انتي لسه مبتدئه في الحياة دي...أو انك زي بقية الستات اللي أعرفهم..خاينين...مستغلين وأنانيين وبتخبي..معرفش...قرب من عينيها وكمل: انتي مش قدي يا..يا مدامي..وضحك..

قفلت عيونها واتنهدت: انت وقح!!

ليل: هو انتي شفتي وقاحتي لسه يا مراتي؟...تحبي أثبتلك كلامي؟..

خرج ورقة من جيبه وفتحها قدامها: دي قسيمة جوازنا..

نور بصدمه: انت بتقول ايه؟!!..قسيمة جواز ايه دي؟..هو أنا وقعت على حاجه أصلا؟!!

ليل بابتسامه: مش قلتلك مبتدئه؟..نسيتي إن بطاقتك عندي في الشركه...بسيطه جدا..أنا خدتها ورحت على المأذون وطلعت القسيمة اللي قدامك دي..

نور بجنون: لأ مش ممكن انت بتضحك عليا..أكيد..أكيد دي مزوره!!

ليل: لأ يا حبيبتي مش مزوره تحبي نروح على المخفر عشان تتأكدي بنفسك منها؟

نور ببكاء: أنا بكرهك..كان يوم مهبب على راسي يوم فكرت أقبل طلب أبوك انت مش مُحتمل!!

( جماعه خلوني أوضحلكم فكره:

فلاش باك: ' نادر: اتفضل ادخل..

دخلت نور وقالت: نعم يا دكتور طلبتني حضرتك؟

هز راسه: ايوه اتفضلي اقعدي يا بنتي..

قعدت فكمل: ليا عندك طلب بتمنى تعمليه..

نور بابتسامه: اتفضل يا دكتور..

نادر: احم...عندي ابن اسمه ليل..عندو شوية مشاكل نفسيه مرافقاه من صغره للأسف..نفسيته متدمره عالآخر دايما معصب وبيتخانق والكل بيخاف منه وبيكرهه..وكنت عايزك تعالجيه بطريقتك انتي عشان عارف ان ليكي طريقه مميزه فعلاج المرضى..عايزك تخرجيه من حالته وترجعيلي ليل القديم اللي البسمه مبتفارقش وشه ثانيه!!

نور بتفكير: ممكن توضحلي عنو أكثر..هو ازاي وصل للحاله دي؟

اتنهد ورد بحزن: بصراحه مامته كانت بتعامله وحش أوي فصغره واتخلت عنو وعمره مبيتعداش 16 سنه واتجوزت وسابتهولي أربيه لوحدي..حاولت أعوضه حنان الأم بس مقدرتش..هو بقى كده..لدرجة ان الموظفين بتوعه فشركته بيلقبوه بالوحش!!)

باك:

ليل ببرود: كفايه دموع يا طفله..ده انتي عروسه جديده ومتنسيش انك بقيتي مرات ليل العلاوي اللي كل البنات بيجروا وراه زي العبيد!!

مشي باتجاه الباب وكمل: اعملي حسابك هتنامي معايا هنا بالأوضه من النهارده ومش عاوز أسمع اعتراض!!..ومشي..

وقعت على الأرض بتعيط بس قامت بسرعه ومسحت دموعها ومسكت تيليفونها..

________________________________________________