فارس وصل قدام المدرسه وبيحاول ياخد نفسه من كتر الجري عشان يلحق يشوف نور قبل ما تدخل المدرسه واول ما وصل شافها جايه من بعيد شويه 

وهي اول ما شافته كشرت وهمست: جه البيه اهو

فارس قرب منها ببتسامه: صباح الخير 

نور بغ.ضب: بقولك ايه ي جدع انت سبني في حالي بقا وياريت متفضلش تيجي هنا كتير مش كل يوم اشوفك 

فارس ببراءه مصطنعه: لا مش كل يوم انا مجتش امبارح 

نور: اي دا امبارح مجتش بجد انا ولا خد بالي وفضلت اقول اليوم حلو وجميل ازاي كدا طلعت عشان مصتبحتش بوشك ولا ببرو.دك ورخا.متك 

فارس اضا.يق من كلامها وفعلا حس انه واقع عليها وقرر انه هيمشي ومش هيرجع تاني ما هو برضو الواحد محلتوش غير شويه كرامه ومش هيضيعهم كدا 

ولف فعلا عشان يمشي 

نور لنفسها: هو انا عكيت اوي ولا ليه(وكانت متردده تنده عليه ولا لا) ي...ي اسمك ايه انت 

فارس ابتسم ابتسامه عريضه ونسي كل الي كان بيفكر فيه من ثانيه ولف ليها: فارس اسمي فارس وانتي 

نور بتردد: احمم نور 

فارس رجع الخطوتين الي بعدهم تاني:شيخه اخيرا عرفت اسمك  قوليلي بقا عملتي ايه امبارح لما مجتش 

نور افتكرت لما كانت مضا.يقه وفضلت تتلفت في كل مكان عشان تشوفه ابتسمت ببرو.د: زي مقولتلك ولا خد بالي اصلا 

فارس ضيق عينه وقرب منها: عينك في عيني كدا 

نور اول ما بصت في عيون فارس حست بشعور غريب وسرحت في عيونه لثواني وفجاه فاقت وتكلمت بتو.تر : انا لازم امشي 

فارس بصوت عالي نسبياً عشان تسمعه: كنت حاسس برضو انك اضا.يقتي وكنتي عايزه تشوفيني 

نور بصتله لقتو بيغمز ليها ار.تبكت اكتر وجريت علي المدرسه وفارس وقف باصص ليها وعلي وشه ابتسامه 

ولغايت ما اتاكد انها دخلت المدرسه وبقا ماشي وهو مبسوطه ولا عارف يشيل الابتسامه من علي وشه: كدا اليوم يبقا فل الفل 

نور اول ما دخلت المدرسه شافت صحبتها غاده 

غاده غمزت ليها: شايفه الابتسامه بتاعتك من الدون للدون النهارده اشمعنا يعني يكونش عشان شوفتي 

نور بتو.تر وتكسفت: ل.. لا عادي يعني 

غاده ضحكت:اممم كل التو.تر والكسوف دا وتقولي عادي 

نور ابتسمت:يلا هنتاخر 

غاده مشيت معاها: ماشي ي عم الله يسهلو 

رحيم فتح عيونه بإزعا.ج بسبب ضوء الشمس الي دخل من الشباك ولسه هيتحرك لقي ملك ماسكه في هدومه وهي نايمه 

بصلها ببتسامه وشال خصلات شعرها الي جايه علي وشها: لاعارف ولا قادر افهمك ي ملك بس طول ما انتي جنبي بكون مبسوط ومرتاح مش عارف ليه(ابتسم لشكلها وهي نايمه) من وانا صغير كنت بستني الايام الي بتيجي فيها مع عمي هنا كنت بستغرب اوي وفضل ابرر الشعور دا باني بستني اشوف عمي مش انتي وانك زي اختي ودا شعور طفل مراهق مش اكتر ولغايت ما قبل عمي ما يتو.في وانا مش فاهم اي الشعور دا بس لما بعدي فتره وبقتش اعرف عنك حاجه كنت حاسس ان جوايا نار هديت اول ما عرفت انك هترجعي وهتعيشي هنا وفهمت الشعور الي جوايا ده اول ما شوفتك لما جيت اخدك حسيت اني عايز اخدك في حضني ومنعك تبعدي تاني عني فهمت ان الي جوايا دا مكنش عشان عمي ولا كنت بعتبرك زي اختي ولا كان حتي شعورطفل مراهق.. طلع حب (اتنهد براحه) كنت من جوايا مبسوط اوي لما اتجوزنا بس مكنتش عايز ابين بس (وفجاه نبرت صوته اتغير للغ.ضب) لما شوفت الز.فت دا بيحاول يقرب منك كنت هتجن وعايز اق.تله في وقتها 

(رحيم كان فاكر ملك نايمه عشان كدا قال كل الي جواه بس ملك كانت صاحيه وسمعت كل كلمه قالها ليها وعلي وشها ابتسامه بسيطه مش عيزاه يحس انها صاحيه عشان تعرف كل الي فقلبه بس اول ما سمعت نبرت صوته الي كلها غ.ضب خا.فت وحضنته اكتر) 

رحيم حس بيها ابتسم وشدد علي حضنها: بس محدش هيقدر يضا.يقك تاني ولا حتي بكلمه (وبصلها ببتسامه وهي مغمضه عيونها) هاا وانتي اي رايك في كل الكلام الي سمعتي دا 

ملك:____

رحيم ابتسم: انا عارف انك صاحيه ي ملك وسمعتيني 

ملك فتحت نص عيونها لقتو باصص ليها.. ابتسمت بغ.باء: احممم لا انا لسه صاحيه دلوقتي مسمعتش حاجه 

رحيم فضل باصص ليها وضحك: اممم ي شيخه طيب انا متاكد انك سمعتي كل كلمه قولتها بس هسيبك تفكري في الكلام دا ومش عايز رايك دلوقتي 

وقام من جنبها خد هدومه وبصلها: مفيش طلاق علي فكره يعني عندك خيار من الاتنين ي توافقي ي توافقي فكري بقا وقوليلي رايك 

وسابها ودخل الحمام وملك قعده علي السرير بصه لباب الحمام بستغراب: ازاي ي وافق ي وافق ده دول اخيار واحد (وعلت صوتها عشان يسمعها) رحيم دا غش 

جالها صوت رحيم: انا بحب الغش 

ملك ابتسمت اول ما افتكرت كلامه وافتكرت خديجه: بقا هو يكون بيحبني كدا وانا كنت اشك فيه بسبب خديجه طب اقوله ولا لا 

شريف صحي من النوم وغير هدومه وطلع من الاوضه لقي مياده في وشه: صباح الخير 

مياده من غير ما تبصله اصلا: طيب

وسابته ومشيت راحت قعدت وسط الكل محسن واحلام وابتسام وصفاء والجده وسناء وبسمه كانو متجمعين كلهم وصوت الضحك مالي البيت كانت الاجواء حلوه اوي

شريف اتصد.م من ردها ما هو مش متعود علي كدا منها وراح وراها وقعد جنبها: مالك؟ 

مياده ببرو.د: مليش 

شريف رفع حاجبه:ومالها طريقتك مش متعود علي كدا يعني

مياده بصتله بستغراب: مش انت الي قولتلي مش عايز تتكلم معايا طيب ولا انت تتكلم معايا 

شريف لسه هيرد عليها مياده قامت وقعدت جنب سناء من غير حتي ما تبصله..شريف داس علي سنانه بغ.يظ 

سناء ببتسامه وتشجيع لمياده: جدعه ي بت عيزاه يحبك تجاهلي

مياده: وافردي برضو محبنيش 

سناء بتفكير: يبقا انتي الي فقر بقا انا مالي 

ضحكوا الاتنين 

محسن بستغراب: اومال فين فارس 

شريف لسه هيرد ردت مياده: شوفته خارج الصبح بدري زي كل يوم زمانه جاي 

صفاء بستغراب: هو بيروح فين بدري كدا 

فارس دخل في الوقت دا: بتمشي شويه ي صفصف 

كلهم بصوله وكملت الجده بش.ك: بتتمشي برضو 

فارس راح قعد جنب الجده وهو بيضحك : اومال هكون بعمل ايه يعني ي تيته 

الجده: مش مرتحالك 

محسن ضحك: وطلاما قالت مش مرتحالك يبقا وراك م.صيبه 

رحيم وملك كانو نزلين علي السلالم 

رحيم ببتسامه: وكلام تيته مبيخيبش ولا مره فقول مصيبتك ايه 

فارس قام وقف ورفع ايده لفوق: والله ما عملت حاجه 

شريف ضحك: ي جماعه متظلمو.ش الواد مفيش مصا.يب 

فارس: شوفت 

شريف كمل: ما ممكن يكون بيروح يشوف البت بتاعته 

فارس حرك راسه بالايجاب: يمك...(ونتبه للي قاله شريف) لا مش يمكن 

ابتسام بستغراب وعلامات الغ.ضب ظهرت علي وشها: بت؟بت مين دي ي فارس 

فارس: حد عاقل برضو يصدق كلام شريف دا بيمشي وهو نايم مفيش بت ولا حاجه 

مياده الوحيده الي ضحكت 

شريف بغ.يظ: عجبتك اوي دي 

مياده ولسه بتضحك عشان تضا.يقه: اه جدا 

احلام ببتسامه: طب كويس انكو كلكم موجودين عشان اسلم عليكم قبل ما امشي 

ملك بصد.مه: هتمشي النهارده؟؟! 

احلام قربت منها ببتسامه: ايوه ي حبيبتي خلاص طولت هنا ولازم ارجع بقا 

ملك بعيون بتلمع من الدمو.ع: خليكي معايا ي ماما هترجعي تعملي ايه 

احلام اتنهدت وحضنتها بحنان: مينفعش يقلب ماما لازم ارجع بقا وانا علطول جنبك ومعاك وقت ما اوحشك تعاليلي وانا هجيلك علطول وكل يوم هنتكلم (وبصت لرحيم) خد بالك منها يرحيم 

اتكلم رحيم في دخول خديجه: ملك في عيني متخا.فيش عليها 

خديجه بصتله بغ.يظ وتعبيرات وشها مبتبشرش بالخير ابدا 

ملك حضنت مامتها بحب:هتوحشيني اوي خدي بالك من نفسك

احلام بدلتها بحضن كله حنان: وانتي كمان هتوحشيني اوي 

صفاء قامت وحضنت احلام: هتوحشينا ي احلام والله 

وودعوها كلهم 

بعد فتره كانت احلام واقفه قدام الباب وكلهم حوليها ما عدا خديجه وابتسام 

وخديجه بتبص لملك الي حضنه مامتها بغ.يظ وكر..هه مالي قلبها: قالي انه بيحبها ومش هيطلقها هي احسن مني في ايه عشان هي الي تعجبه ويحبها وانا لا 

ابتسام بض.يق: قولتلك اتقلي وهو هيجيلك لغايت عندك بس انتي الي كنتي مرميه عليه 

خديجه بصت ليها بغ.ضب: انا مش هسكت انا بحبه وهعمل المستحيل عشان يكون ليه حتي لو.... 

ابتسام بصت ليها وهي شايفه كل الش.ر متجمع في عيون خديجه: لو ايه ي خديجه ناويه تعملي ايه 

خديجه بش.ر: هخط.ف ملك 

ابتسام بصت ليها بصد.مه وووووو.....