وفجأة لقيت أحمد دخل القاعة كان حلو اوى وكان طالع زي القمر.. فضلت بصاله ايوة هو اليوم إلى كنت بحلم بيه نفس فرحتك نفس ضحكتك نفس لمعة عينك نفس كل حاجة بس الحاجة الوحيدة إلى اختلفت انى مش العروسه مش انا الى هتبقي معايا مش انا 

عیطت وجريت على الحمام ومسحت دموعي وبصيت ف المرايا.. 

كل ذكرياتنا من اصغرها لاكبرها مرت قدامى ف دقايق من واحنا صغيرين وهو كان بيجى مع مامته ونفضل نلعب لحد منام.. خلاص معتش هبقي الوحيدة إلى ف حياتك!! خلاص قومت على الحلم بكابوس كابوس بشع يمكن ابشع مما تصورت... مش مهم المهم انه مبسوط ودا كفايه

طلعت اسلم عليهم

اىه الحلاوة دي يبت

حلاوتك انت يعريس انت الى زي القمر النهارده 

إلى رافعة من معنوياتي.. مع ان ملك البدلة مش عجباها اوى

 بقولك اي خلینی ساکته عشان مجبهاش من شعرها إلى فرحانة بيه ده مش كفايه الخاتم اوعا عشان متغباش عليك

 الراجل لما يقول أصحاب العريس يجوا هنا وأصحاب العروسه يجوا هنا هتقفى فين

 مش هقف يمهزا.. روح يا اخويا لبسها يلا الخاتم روح ف السن دا ويتنصب عليك.. المهم الف الف مبروك يا احمد والمهم انك مبسوط ودا اهم حاجة 

ربنا يخليكي ليا

ويخليك يارب ويسعدك

بدأت الزغاريط تعلى ف المكان ايوة جه وقت تلبيس الشبكة.. إلى هو خلاص بواقي قلبي بتتفتفت قدامى وانا مش عارفه اعمل حاجة .. مش عارفه اصرخ وانا محتاجة دا اوى ف الوقت دا.. كنت بصرخ جوايا كان قلبي وجعنى اوة كنت باهته وكنت راسمه ضحكة بكل قوة .. كنت مش مبينة جرام واحد من الصراع إلى بيحصل جوايا.. كنت باصه وانا دموعى نفسها تنزل بس قولت لاء مش هبوط فرحته رجعت بعد ما خلصوا الخطوبه ف الوقت دا سمحت لنفسي بالانهيار.

الصبح صحيت راضيه بالواقع ومتفاعلة ان ملك هتسعده عشان هو بيحبها... 21/10 عيد ميلاده.. كل سنة بشتريله هديه وكانت على طول بتعجبه معظم تيشرتاته من اختیاری ای حاجة بيشتريها بياخد رأيي فيها.. خلاص كل دا هيختفى معتش ليا الحق ف كل دا الساعة 12 بالظبط وف فيديو كول كل سنة وانت طيب وبخير يا احسن حد ف الدنيا .. مش عارفه ازاى بقي عندك 26 سنة بـ بس يلا اهو قدر

ههه كنت عارف انك مش هتنسي وانك على طول اول حد بيقولی کد

انسي اى يبنى اتقي الله هى عشرة يوم ولا يومين دا عمر بحاله

ربنا يخليكي ليا وكل سنة وانتى معايا

هقفل انام بق

تصبحى على خير

وانت من اهله

قفلت وطلعت المذكرة إلى هعطيها لأحمد بكرة كلام بتاع كل سنه اللي بيحب يقراه مني الهديه دى انا عملاها من جوايا من قلبي.. والتيشيرت إلى عجبه السنة إلى فاتت والكوتش إلى ملقاش مقاسه فيه..

جيت أنام لقيت مكالمة جيالى من ملك

الو ايوه يا ملك معلش اصل كنت بصلي في الوقت ده

ولا يهمك يبنتى عادى.. عاملة اى 

الحمد لله..

بقولك انتى اكيد عارفه انه عيد ميلاد احمد وكد وعاوزة اجيب هديه تكون مميزة

اخدت نفس طويل

انا مش عارفه اوى بس تبعدى عن الشوكولاتة عشان أحمد عنده حساسيه منها وبيطلع عنده بصي حبوب بسببها.. مش بيحب الساعات عشان عنده 12 ساعة ومش بيلبس غير اتنين بس كنت جيبهومله والباقي سايبهم.. بيحب البرفان بيحب الحاجات إلى معمولة بحب بيحب التيشيرت البسيط بيحب اى حاجة بسيطة المهم انها تكون معمولة بكل حب.. بيحب الرسايل الكتابيه وتبقي ذكرى عنده حلوة ...

انتي متأكدة انك كد مش عرفاه اوى؟ ما علينا شكرا يا مريم بجد

_العفو مفيش حاجه

تصبحي على خير

روحت لمامت احمد انا وماما ولقيت ملك هناك

كل سنة وانت طيب

وانتى طيبه يمريم.. تعالوا نسيب بق امهاتنا وندخل نقعد ف الأوضة دخلنا ومسك الهديه بتاعتى وبتاعت ملك.. فتح هديه ملك وابتسم كانت ساعة وطقم

متحرمش منك يا حبيبتي

بصتلى ملك بإنتصار وردت ولا منك يا حبيبي

استغربت هى بتبصلي كد لى كد كد احمد لابس الساعة بتاعتى متقلع الساعة إلى ف ايدك يا حبيبي وتلبس إلى انا جيباها ماشي

بصلی احمد ورجع بص لملك هبقي البسها لما اجى اخرج على الطقم بق وكد

حان الان موعد فتح هديه مريومة فتح الهديه وضحك ضحك ضحكة حلوة اوى

اي يبنتى دا انتى مش بتنسي ابدا مش دا الكوتش إلى كنت هتموت عليه وفضحتنا يومها عشان مفيش مقاسك .. والتيشيرت إلى كنت

عاوز تشتريه بس كنت ناسي الفلوس ف البيت بجد يعنى شكرا يمريم مش عارف اقول اي والله.. ربنا يخليكي ليا ... 

ربنا يخليك ويسعدك مع ملك يارب

 فجأة ملك قامت وبكل نرفزة...

 _بجد يعنى شكرا يمريم مش عارف اقول اى والله.. ربنا يخليكى ليا..

=ربنا يخليك ويسعدك مع ملك يارب

فجأة ملك قامت وبكل نرفزة: انا عاوزة امشي هتوصلنى ولا اخد تاكسي؟

_هوصلك طبعا..

طلعنا برا ف الصاله لقيت ماما مش موجودة عشان بابا اتصل بيها وكان عاوزها عشان تحضرله العشا فقالت خلى احمد يوصلها كالعادة مهو بيوصلنى انا وماما لما نكون عندهم

_يبقي اوصلكوا انتوا الاتنين

=ماشي

..

نزلنا وقعدت ورا وهى قعدت جمبه

_أحمد

=نعم

_انا بحبك اوى

=احممم.. وانا كمان

_هنتجوز امتى بقي بجد نفسي تبقي جوزى ونعيش سوا طول العمر

وشه احمر اوى هو كدا لما يتحرج مش متعود يسمع الكلام دا.. كل كلامى انا وهو صاحب لصاحبه انا عارفه وشه لما يبقي عامل كد يبقي محروج يرد عشان انا قاعدة وعاملى احترام

وصلنا بيتها

_هتروح فين دلوقتى؟

=هوصل مريم بقي

_تمم بس انت تقعد مكانك وهى مكانها

*نعم!!!!

_زي مسمعتنى كدا

*لا مهو انا ممكن انزل اخد تاكسي دلوقتى عادى

نزلت احمد مسك ايدى وغمض عينه وفتحها تانى إلى هو عشان خاطرى

ركبت العربيه وقعدت ورا وهى طلعت بيتهم

ساق احمد العربيه وانا كنت مربعة ايدى وباصه من الشباك.. بصلى من مرايه العربيه

_تصدقي حلوة حتى وانتى مش طايقة نفسك كدا

=سوق وانت ساكت وعدي ليلتك ها عدي ليلتك

_الهديه بتاعتك جميلة

=عارفه

_كنتى زى القمر ف الخطوبه

=عارفه

_احسن صاحبه ف الدنيا؟

=عارفه

_لازم اعتذر؟

=هو انت الى غلطان

_لا بس حتى لو مش غلطان فعندى اعتذر ولا اشوفك زعلانة كدا

=يولا على الكلام الجامد خلاص مش زعلانة

_يبقي نعمل معاهدة سلام واشتريلك الايس كريم إلى بتحبيه

=موافقه جدا

وقف العربيه وجابلى الايس كريم وفضلت العربيه واقفه

_عاوز تقولى حاجة بس مش عارف تجبهالى ازاى صح؟

=صح

_حاجة تضايقنى صح؟

=صح

_حاجة انت غلطان عشان هتعملها صح؟

=صح

_طب قول عشان اهزقك يلا بسرعة 

=ملك عوزانى اجيب عربيه جديدة

_نعم يبا مالك؟

=عوزانى اجيب عربيه جديدة

_منا سمعت وانت هتعمل اى بق

=اجيب؟

_بجد انت اهبل اوى.. ومالها عربيتك دى مش تحمد ربنا غيرها مش لاقي وبيركب مواصلات.. على فكرة من غير زعل هى شكلها ماديه

=انتى بتقولى اى لا طبعا

_خاتم ألماظ ومش عاوزة دهب.. عربيه جديدة كل دا مش فلوس؟

=ها

_يعنى انت هتجهز الشقه ولا هتغير العربيه

=أعمل اى يعنى يمريم

_انت عبيط يا احمد؟؟ لا طبعا قولها الشقه

=انتى شايفه كد

_ولو انت مش شايف كد تبقي أعمى يا مهزأ انت قال عربيه جديدة قال

=هههههه طب اهدى

_حرقتلى دمى والله

وصلنى البيت ونمت وفجأة لقيته بيتصل كنت مش فايقة لقيته بيرن تانى يبقي موضوع مهم ومش هينفع يستنى لبكرة

بصوت نوم: ايوة يا احمد ف اى خضتنى

=ملك قولتلها انى مش هجيب عربيه

_وبعدين

=بعدين عرفت انى بقي قولتلك وانك إلى شورتى عليا بكد

_وبعدين

=وبعدين.....

_ف اى مالك؟

=قالتى يا اما معتش ليا علاقه بيكى يا اما نسيب بعض انا وهى

_أيه!!!!...يتبع...