رواية لحظات من الصدمة الفصل الثاني 2 بقلم عمرو راشد

رواية لحظات من الصدمة الفصل الثاني 2 بقلم عمرو راشد


رواية لحظات من الصدمة الفصل الثاني 2 هى رواية من كتابة عمرو راشد رواية لحظات من الصدمة الفصل الثاني 2 صدر لاول مرة على موقع التواصل الاجتماعى فيسبوك رواية لحظات من الصدمة الفصل الثاني 2 حقق تفاعل كبير على الفيسبوك لذلك سنعرض لكم رواية لحظات من الصدمة الفصل الثاني 2

رواية لحظات من الصدمة بقلم عمرو راشد

رواية لحظات من الصدمة الفصل الثاني 2

في ايه يا ملك؟،، أنتي نستيني ولا ايه؟،، انا وليد
= وليد مين؟
وليد جوزك
= ياابني أنا مش متجوزة اساسا 
ملك ركزي عشان خاطري،، انتي متعرفنيش؟
= والله العظيم ما اعرفك
" صدمة عمري كلها كانت في اللحظة دي،، ساعتها مكنتش عارف اقول ايه ولا اتصرف ازاي،، بعدت عنهم واتصلت بالدكتور بسرعة 
خير يا وليد في ايه
= الحقني يا دكتور انا مراتي قاعدة مع واحد غريب في كباريه ولما كلمتها قالت انها متعرفنيش
هو دا اللي أنا كنت قلقان منه،، انت فين دلوقتي؟
= انا واقف برا في الشارع مش عارف اعمل ايه؟
ارجع على بيتك وانا هجيلك دلوقتي حالا
= ارجع واسيبها؟
أي محاولة انك تفكرها بيك هتفشل بل ممكن الحالة تزداد سوء اكتر،، متقلقش ارجع واحنا هنلاقي حل
" بالفعل ركبت عربيتي ومشيت عشان  ارجع البيت،، طول الطريق وانا بفتكر شكلها وهي بتكلمني،، نظراتها بتقول انها مش عارفاني فعلا
ملك انا وليد،، انتي متعرفنيش؟
= والله العظيم ما اعرفك
" جملة بترن في ودني لحد ما وصلت البيت،، دخلت الشقة وفضلت قاعد فيها لحد ما الدكتور ييجي،، وبعد ساعة بالظبط كان وصل
انا عايزك تشوفلي حل في المصيبة دي فاهم ولا لا؟
= احنا لازم ندور على سبب تطور الحالة الأول
واحنا لسة هندور؟،، انا مراتي هتروح مني
= يا وليد افهم اللي حصل مع ملك دا ملوش اي تفسير لحد دلوقتي
ممكن تكون بتعمل فيا مقلب؟
= معتقدش لان مفيش مريض هيقعد أسبوع مبيتكلمش ولما يتكلم يروح يعمل مقلب،، الكلام دا مش علمي
وهو اللي احنا فيه دا هو اللي علمي؟
= علمي علمك والله
هو انت مش الدكتور بتاعها؟،، المفروض انها بتحكيلك كل حاجة يعني انت اكيد اللي هتعرف تحل الموضوع دا
= اسمعني يا وليد،، احنا لازم ندور على سبب تطور الحالة،، اكيد هنلاقي حاجة هنا او هنا
يعني ادور على ايه مش فاهم؟
= دور على اي حاجة ليها علاقة ب ملك 
" بالفعل قومنا احنا الاتنين،، دخلت انا اوضتنا وهو كان بيدور في الصالة،، مكنتش لاقي اي حاجة،، بس اكتشفت ان هدوم ملك مش موجودة،، هدومها كلها اختفت،، سمعت ساعتها الدكتور بينادي عليا،، خرجت برا ووقفت قدامه وهو مبتسم وماسك صورة في ايده 
السبب اهو
= دا ايه دا؟
دي صورة ل حفلة التخرج بتاعت ملك مراتك
= ايوا وبعدين يعني؟
ركز في الصورة كدا
" مسكت الصورة وبصيت فيها بس كانت صورة عادية مفيهاش أي شئ غريب
مالها يعني الصورة؟
" مكنتش لحقت اكمل الجملة وشوفت الشخص اللي كان معاها في النايت كلوب،، كان واقف جنبها في الصورة،، شاورت عليه وقولت بصوت عالي
هو دا الواد اللي كان معاها
= يبقا أنا كدا فهمت 
فهمت ايه؟
= بص يا وليد الكلام اللي انا هقوله دا انت لازم تفهمه،، ومش تفهمه وبس لا دا انت تنفذه كمان
انت عايز تقول ايه؟
= عايز اقولك ان ملك فقدت ثقتها فيك،، فقدت الثقة في الشخص اللي كان المفروض يستحملها وبسبب دا هي بدأت تدور على حد يستحملها،، بدأت تدور على حب جديد بمعنى اصح
نعم يا اخويا؟؟
= ملك حاليا هتبدأ تسترجع ذكريات زمان،، ايام الجامعة،، ملك هتبدأ تعيش قصة حب مع كل واحد من صحابها اللي كانو معاها في الجامعة وبالتحديد اللي في الصورة دول 
انت بتقول ايه؟،، طب انا دلوقتي هنزل و هروح اكسر المكان دا على دماغهم و هجيبها من شعرها 
= لو مستغني عن ملك اعمل اللي انت بتقوله دا
هيحصل ايه يعني؟
= الحالة هتسوء أكتر ومش بعيد تقرر الانتحا*ر
وانت واخد بالك بتقول ايه؟ يعني مراتي المفروض اسيبها تعيش قصة حب مع كل واحد وبعد لما تخلص ترجعلي بقا عشان تختم بيا
= انت البطل اللي هيظهر مع كل قصة حب جديدة وتخط*فها 
ابو*س دماغك انا مش فاهم منك حاجة،، قولي المفروض انا اعمل ايه؟
= يعني مثلا هي دلوقتي عايشة قصة حب،، لازم انت تدخل وتفرض نفسك عشان هي تحبك وبالتالي كل حاجة هترجع ل طبيعتها 
و الكلام دا هيحصل كام مرة؟
= بص وشوف الصورة فيها كام واحد 
دول 5 
= يعني 5 قصص حب 
طب وبعد ما تحبني هعمل ايه؟
= هتختمها بالكلمة الشهيرة،، تتجوزيني؟،، ولازم ملك توافق يا وليد 
طب هي دلوقتي هتبات فين ولا هتعمل ايه؟،، انا قلقان عليها
= المفروض أنها هترجع بيت اهلها القديم
يعني انا كدا اتنسيت من حياتها
= بإيدك تكمل وهي مش فاكراك،، وبرضو بإيدك ترجعها حياتك تاني
طب انا هفرض نفسي عليها ازاي؟
= أولا لازم نعرف تفاصيل حياه كل واحد من اللي في الصورة دول،، لازم نعرف عنهم كل حاجة عشان نبدأ ننفذ خطتنا 
وهنجيب معلوماتهم منين؟
= من الجامعة
بس انا مش هعرف اعمل كدا
= ملكش دعوة انا هتصرف،، بكرا الصبح كل حاجة هتكون عندك
" بعدها نزل وانا نمت مكاني على الكنبة،، بفتكر في كل لحظة عدت بينا،، كل الوعود اللي انا وعدتها بيها ومعرفتش انفذها،، انا خذلتها 
فلاش باك
كنت فين لما دخلت عليك الاوضة امبارح ولقيتك نايم؟
= ايه السؤال مش فاهم؟
متستعبطش يا وليد،، قولي كنت فين؟
= كنت بصور ورق،، تخيلي الورقة بقت ب جنيه
امممم بتحاول تهرب؟
= اهرب من ايه؟
الحقيقة،، ليه مش عايز تعترف بالحقيقة؟
= وأنتي ليه مش عايزة تعترفي ان تمثيلك مبالغ فيه
ايه دا يعني معجبكش؟
= محتاجة تظبطي الاداء شوية 
فعلا انا لازم اتدرب اكتر من كدا
= ملك هو انتي امتى هتقتنعي انك ملكيش اي علاقة بالافلام،، وانتي اساسا ولا ممثلة ولا خريجة فنون جميلة حتى
ما قولتلك يا وليد أنا بحب التمثيل من وانا صغيرة بس بابا..
= بابا رفض وقالي معهد تمثيل ايه يا قليلة الادب،، ادخلي جوا،، حافظ الكلام دا وانتي قولتيه مليون مرة
تقصد ايه؟ تقصد انك زهقت مني؟
= انا مبعرفش ازهق منك يا ملوكة،، انا كل يوم بشوفك فيه كأني بشوفك لاول مرة و سبحان الله بقع في حبك كل مرة
هو انا مش عارفة ااخد موقف ليه؟
= عشان بحبك
باااك
" كل ذكرى عيشناها سوا كانت بتمر عليا،، مكنتش عارف اتخيل البيت وهي مش فيه،، مش عارف ادخل الاوضة ولا اشوفها حتى،، خايف عليها جدا ومش قابل فكرة انها بعيدة عني،، وبسبب القلق دا فضلت صاحي ل تاني يوم،، مكنش جايلي نوم نهائي لحد ما سمعت جرس الباب بيرن الساعة 10 الصبح،، قومت فتحت الباب لقيته الدكتور
انت لسة نايم؟
= انا منمتش اصلا
طب هتعمل شاي ولا نتكلم علطول
= نتكلم علطول عشان الوقت بيروح مننا
انا لسة جاي من الجامعة و جيبتلك كل المعلومات اللي انت عايزها،، انت تعرف الواد اللي كان معاها امبارح اسمه ايه؟
= تقريبا قالت انه اسمه شادي
اهو موجود معايا،، اسمه شادي محمد عبدالسلام،، بلوجر مشهور 
= اقسم بالله ولا اعرفه
المهم اننا لازم نخليه يبعد عنها 
= ازاي؟
طالما الواد دا مشهور يبقا اكيد يهمه ان صورته تكون كويسة 
= و بعدين؟
احنا هنبعتله واحدة ونصوره معاها ونخليه يختار يإما يبعد عن ملك او ننشر احنا الصور
= انت متأكد من اللي هنعمله دا؟
متأكد طبعا بس هي الفكرة ان لازم مراته متعرفش حاجة
= استنى بس هو متجوز؟
ايوا متجوز
= طب ماهي سهلة اهي يا سامح،، احنا نستنى لحد ما يكون مع ملك ونكون احنا متفقين مع مراته وتيجي تقفشه وبكدا يبعد عن ملك خالص
فكرة حلوة دي برضو
" بالفعل سامح بعدها عرف يجيب رقم مرات شادي،، واستنيت لحد ما شادي يقابل ملك مرة تانية وطبعا عرفت مكانهم من اشارات تحديد المكان اللي جاتلي من جهاز التتبع اللي في عربية ملك،، بعدها روحنا انا وسامح ووقفنا قدام المطعم اللي كانو قاعدين فيه وطبعا كنا بلغنا مراته من قبل ما نتحرك وفعلا بعدها ب ساعة مراته وصلت وشوفناها وهي داخلة المطعم وعملت الفضيحة اللي كنا عايزينها بالظبط وبعد دقايق خرجت وطبعا هو كان معاها،، سامح بعدها بص ليا وقالي
دي فرصتك يا وليد،، عارف هتقول ايه؟
= عارف متقلقش 
طب يلا ربنا معاك
" نزلت من العربية و دخلت المطعم،، وشوفتها وهي قاعدة ودا*فنة راسها بين ايديها،، قعدت على الكرسي اللي قدامها وبعد ثواني هي شالت ايدها و بصتلي ب استغراب وقالت
انت تاني؟
= مقدرتش امنع نفسي مشوفكيش
انت مجنون صح؟
= تقريبا كدا اه
وطبعا انت اللي كلمت مرات شادي
= كنتي عايزاه ياخدك مني ولا ايه؟
هو انت بتعمل كدا ليه؟
= عشان بحبك وممكن اعمل أكتر من كدا عشان بس اقدر احافظ عليكي
بتحبني انا؟
= ومبحبش غيرك
انت متعرفنيش
= بالعكس انا اعرف عنك كل حاجة،، بتنامي امتى وبتصحي امتى،، الاكلات اللي بتحبيها،، الاغاني اللي بتحبيها،، حافظك يمكن اكتر من نفسك
دا انت مراقبني بقا
= انا معنديش حاجة في حياتي ممكن تكون اغلى منك،، مش عايز حاجة من الدنيا غيرك انتي وبس،، انا عارف ان كلامي ملخبط بس دا عشان انا متوتر،، صدقيني انا كنت حافظ كلام كتير اقوله اول ما اشوفك بس بمجرد ما شوفتك نسيت كل حاجة،، انا نفسي انك تكوني ليا،، ليا انا وبس،، تبقي معايا واشاركك كل حاجة في حياتي،، نفسي اقضي عمري كله معاكي،، نفسي ابقا معاكي يا ملوكة
هو انا المفروض اقول ايه دلوقتي؟
= تتجوزيني يا ملك؟
اتجوزك ايه دا انا حتى معرفش اسمك
= وليد والباقي هتعرفيه لما نتخطب
انت ليه مستعجل اوي كدا؟
= مش عايز اضيع لحظة كمان و انتي مش جنبي فيها
هو انت غريب شوية بس انا مبسوطة،، الغريبة اني مطمنة ليك
= يمكن عشان قلبك يعرفني
يعرفك منين؟
= بعدين هقولك،، المهم انا عايز منك رد
قول تاني عشان مش فاكرة كنت عايز ايه؟
= تتجوزيني؟
موافقة
" نفسي احبك حب زمان زي العيال ومعرفش انام♥️✨ "

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-