رواية قاسي بقلب ملاك صقر وورد الفصل الثالث 3 بقلم دودو محمد

رواية قاسي بقلب ملاك صقر وورد الفصل الثالث 3 بقلم دودو محمد


رواية قاسي بقلب ملاك صقر وورد الفصل الثالث 3 هى رواية من كتابة دودو محمد رواية قاسي بقلب ملاك صقر وورد الفصل الثالث 3 صدر لاول مرة على موقع التواصل الاجتماعى فيسبوك رواية قاسي بقلب ملاك صقر وورد الفصل الثالث 3 حقق تفاعل كبير على الفيسبوك لذلك سنعرض لكم رواية قاسي بقلب ملاك صقر وورد الفصل الثالث 3

رواية قاسي بقلب ملاك صقر وورد بقلم دودو محمد

رواية قاسي بقلب ملاك صقر وورد الفصل الثالث 3

انتهى اليوم سريعآ وبدء الجميع ينام ليبدء يوم جديد على ابطالنا
اشرق النهار فى سماء الصعيد ليعلن عن بداية يوم جديد بدء صقر بفتح عيونه على أصوات العصافير
صقر :- حط أيده على رقبته يدلكها من الم النومه على الكرسى وقف ولسه هيمشى سمع صوت ورد بتتكلم وهى نايمه راح عند السرير وقال
صقر :- ورد مالك
ورد :- مازالت تتكلم وهى نايمه وبتعرق جامد
صقر :- اتخض عليها وقعد على حرف السرير وخبط على وشها وقال ورد مالك اصحى
ورد :- قامت مفزوعه واترمت فى حضن صقر واتشبثت فى هدومه
صقر :- اتفاجئ من حركة ورد بس كان مبسوط جدآ ضمها اكتر ليه وطبطب عليها وقال مالك
ورد :- بدموع حلم وحش اوى لالالا د.د.ده كابوس وكانت بتترعش
صقر :- قلق عليها وطبطب عليها وقال أهدى يا ورد انتى فى البيت محدش يقدر يأذيكى طول ما انا معاكى
ورد :- انتبهت للوضع اللى هى فيه بعدت عنه وقالت احم ا.ا.انا اسفه بس اتخضيت ومعرفش عملت كده ازاى
صقر :- عادى مفيش مشكله وبعدين انا جوزك مفيهاش حاجه يعنى
ورد :- م.م.ماشى
صقر :- قومى اجهزى علشان هننزل نفطر معاهم تحت
ورد :- ب.ب.بس ماما قالت مينفعش غير بعد تالت يوم واحنا لسه ده تالت يوم يعنى مفروض ننزل بكره
صقر :- بعصبيه وانا كام مره اقولك مليش دعوه بحد اللى انا اقول عليه هو اللى يمشى فاهمه
ورد :- خافت و هزت راسها بمعنى ايوه
صقر :- قومى اعملى اللى قولتلك عليه
ورد :- قامت تجرى دخلت الحمام غسلت وشها واتوضت خرجت أدت فرضها ولبست عبايتها  غطت شعرها وقالت ا.ا.انا خلصت خلاص
صقر :- بصلها وقال اصبرى لما اخلص ودخل الحمام اخد شاور وخرج كان حاطط الباشكير بس على نصه من تحت وصدره عريان
ورد :- اول ما شافته اتكسفت وقالت نهار اسود وحطط ايديها على وشها
صقر :- ايه فى ايه
ورد :- ا.ا انت عريان ممكن لو سمحت بعد كده ابقى البس فى الحمام
صقر :- والله انا حر دى اوضى واعمل اللى انا عايزه
ورد :- وهى لسه حاطه ايديها على وشها قالت ب.ب.بس انت مش قاعد لوحدك فى الاوضه دلوقتى ا.ا.انا عايشه معاك فيها
صقر :- وانتى مش حد غريب انتى مراتى وعادى لما تشوفينى كده وممكن من غير البشكير كمان
ورد :- اتصدمت من الكلام اللى بيقوله ووقفت وقالت ايه اللى انت بتقوله ده وبعدين اخدت بالها تانى أن هو لسه عريان لفت نفسها وادته ضهرها وقالت م.م.ممكن تلبس حاجه بقى
صقر :- لبس الجلابيه الصعيدى وقال خلاص لبست
ورد:- ط.ط.طب يلا بينا ننزل ولسه رايحه عند الباب
صقر :- استنى
ورد :- اتخضت وقالت ن.ن.نعم
صقر :- راح عندها وكانت العبايه فيها فتحه صغيره من عند الصدر مد أيده ونزل الطرحه عليها وبص فى عينيها وقال كل حته فى جسمك ملكى انا ومش مسموح ليكى تبان حته منه فياريت بعد كده بلاش العبايه المفتوحه دى تانى
ورد :- اتوترت اكتر من قربه ليها وقالت ح.ح.حاضر
صقر :- قال ليها يلا انزلى
ورد :- فتحت الباب ونزل صقر ونزلت وراه ورد
ورد وصقر :- صباح الخير
الكل : صباح النور
ورد :- باست ايد جدها وقالت صباح الخير يا جدى
الأنصارى :- صباح النور يا عروسه
صقر :- صباح الخير يا جدى
الأنصارى :- صباح النور يا حبيبى
ورد :- لسه هتقعد فى مكانها القديم
الأنصارى :- لا يا بنتى انتى مكانك جنب جوزك
ورد :- ح.ح.حاضر يا جدى وراحت تقعد جنب صقر
صقر :- بص ليها بغيظ
ورد :- اول ما شافت بصته خافت منه وقعدت ومسكت المعلقه ومن توترها وقعت منها فى الارض
محمد :- هههههههه سلامة اعصابك يا ورد هو الجواز بيعمل كده ولا ايه
ورد :- ههههه خفه لما نشوفك هتعمل انت ايه مع ايه
محمد :- لا خلى بالك انا مسيطر اوى
ايه :- محمد
محمد :- بس برضه ميمنعش أن أعمل حسابى فى كل كلمه اقولها برضه دى هتبقى المودام
ورد :- هههههههههه لا مسيطر مسيطر ده انت غلبت عبده سيطره
صقر :- كان قاعد ومتغاظ من هزار ورد مع محمد قال بعصبيه ممكن ناكل فى هدوء شويه
ورد :- بخوف ح.ح.حاضر
محمد :- كتم ضحكته على منظر ورد
صقر :- وقف وقال انا شبعت هروح اعمل مكلمه فى التليفون
الأنصارى :- ماشى يا ابنى
نصره :- قومى يا ورد مع جوزك يمكن يحتاج حاجه
ورد :- ح.ح حاضر ولسه هتقف
صقر :- لا كملى اكلك ولما تخلصى اكل ابقى تعالى ليا على المكتب
ورد :- ح.ح.حاضر
صقر :- دخل المكتب
محمد :- اتفتح فى الضحك
وقال مش قادر امسك نفسى من الضحك شكلك مسخره وانتى خايفه من اخويه صقر
ورد :- ملكش دعوه خليك فى حالك
محمد :- اموت واعرف بتخافى منه ليه مع أن اخويه صقر طيب اوى رغم القسوه اللى احنا بنشوفها من بره بس قلبه طيب جدآ
ايه :- محمد خليك فى حالك متدخلش فى اللى ملكش فيه
محمد :- اوامرك يا كابيره
الأنصارى :- ورد تعالى معايه على اوضى
ورد :- حاضر يا جدى
وطلعت ورد مع الأنصارى على اوضه
الأنصارى :- ادخلى واقفلى وراكى الباب
دخلت ورد وقفلت الباب
الأنصارى :- اقعدى يا ورد
ورد :- اقعدت وقالت نعم يا جدى
الأنصارى :- صقر عامل معاكى ايه
ورد :- بتوتر ك.ك.كويس
الأنصارى :- امال ليه حاسس بغير كده انتو ما حصلش مابنكم حاجه
ورد :- اتكسفت وقالت جدى
الأنصارى :- يا ورد انتى غيرهم كلهم انتى ليكى غلاوه خاصه فى قلبى وبحب اشوفك سعيده ومبسوطه بس انا شايف عكس كده خالص
ورد :- يا جدى انا مكنتش موافقه على صقر اصلا ماما غصبت عليا علشان حضرتك اللى قولت كده
الأنصارى :- بهدوء ليه يا حبيبتى رافضه صقر
ورد :- انا من ساعة ما فتحت عينى على الدنيا دى وانا علطول شايفه شديد وعلطول بيزعق وكل حاجه عنده بعصبيه بقيت بخاف منه وبخاف اتكلم معاه لما بشوفه بحس أن ممكن يموتنى فى اى لحظه واتصدمت اول ما عرفت أن انا هتجوزه ازاى وانا لما بشوفه مش بعرف اقول كلمتين على بعض ازاى هبقى مراته وهبقى معاه فى اوضه واحده منكرش أن من ساعة ما اتجوزنا ما اتعرضش ليا بحاجه ولا قال ليا كلمه تجرحنى بس لسه عندى رهبه منه كل ما اشوفه قدامى يا جدى بخاف وبتوتر مش قادره لحد دلوقتى اتعامل معاه خالص
الأنصارى :- بصى يا بنتى انا هقولك كلمتين صقر من صغره وهو شايل المسؤوليه معايه خصوصآ لما مات ابوكى وأبوه مع بعض فى العربيه وهما راجعين من القاهره وكان معاهم صقر بس هو ربنا نجاه وهما اللى ماتوا وشاف بعينه ابوه وعمه وهما كلهم دم مرمين فى الارض من يومها قرر أن يبقى هو ضهرى ويساعدنى فى كل حاجه شخصيته بقت جد وبقى عصبى ومعرفش يعيش سنه زى الاطفال لا بقى اهم حاجه يكون راجل وانا الصراحه ما صدقت لاقيت حد اتسند عليه وهو من يومها بقى كبير العيله والمسؤول عليها وكل حاجه تخص عيلة الأنصارى هو اللى مسؤول عنها علشان كده شخصيته جد اوى لكن صقر قلبه ابيض وطيب اوى وبكلمه حلوه تكسبيه ده عمله نادره صعب تلاقى زيه اليومين دول صقر قاسى بقلب ملاك
ورد :- يا جدى انا مش عايزه كل ده
الأنصارى :- بنفاذ صبر قال أدى نفسك فرصه وحاولى تقربى ليه وشيلى الرهبه اللى فى قلبك منه وهتلاقى نفسك حبتيه جربى مش هتخسرى حاجه
ورد :- يا جدى
الأنصارى :- قطعها وقال يلا قومى شوفى جوزك عايز ايه
ورد :- بزعل حاضر وقامت خرجت من الاوضه ونزلت المكتب عند صقر وقفت اخدت نفسها وبعدين خبطت على الباب
صقر :- من جوه ادخلى
ورد :- فتحت الباب وهى متوتره
صقر :- ادخلى واقفلى الباب وراكى
ورد :- ح.ح.حاضر ودخلت وقفلت الباب
صقر :- وقف وراح عندها وقف قصادها وقال بعصبيه ممكن افهم ايه اللى حصل من شويه ده
ورد :- خافت وقالت ق.ق.قصدك ايه
صقر :- الضحك مع محمد
ورد :- ط.ط.طب فيها ايه محمد زى اخويه وهيبقى جوز اختى وفوق كل ده ابن عمى
صقر :- مسكها جامد من دراعه وداس على سنانه وقال آخر تحذير ليكى اياكى اشوفك بتتكلمى ولا بتهزرى مع اى راجل تانى فاهمه
ورد :- وهى الدموع فى عينيها من شدة الوجع من مسكت أيده هزت راسها وقالت ح.ح.حاضر
صقر :- بعد أيده عنها واداها ضهره وقال روحى الاوضه ومتنزليش منها
ورد :- حاضر وفتحت الباب وطلعت تجرى على اوضتها واترمت على السرير وقعدت تعيط
صقر :- غمض عنيه وقفل صوابع أيده دليل على عصبيته وحاول يهدى نفسه
ورجع قعد تانى على المكتب ومسك تليفونه وطلب عدة ارقام وانتظر الرد وبعد ثوانى سمع الرد
ساهر :- اذيك يا ابنى فينك من زمان
صقر :- كويس يا ساهر انت عامل ايه
ساهر :- الحمدالله ايه اخبارك
صقر :- اتجوزت من كام يوم
ساهر :- اتجوزت اللى هو ازاى يعنى مأذون وعروسه وفرح ودخله وكده يعنى
صقر :- وحياة امك امال هيكون ايه يعنى
ساهر :- وازاى متقوليش ولا تعزمنى خساره فيك العشره من ايام الكليه
صقر :- مش وقت كلامك الاهبل ده اسمع عايز اقولك ايه انت هتنزل تدور على شقه عندك فى القاهره تكون حلوه ومناسبه اعيش انا ومراتى فيها وتكون قريبه من الجامعه وبأسرع وقت انجز وقتك وبلاش قلبك البارد ده
ساهر :- بفرحه يا صلاة الزين ياصلاة الزين قررت تيجى تعيش هنا خلاص
صقر :- لا يا ابو مخ تخين
ساهر :- الله امال ايه ما تنطق علطول
صقر :- حاجه متخصكش
ساهر :- تصدق انا لحد دلوقتى مش عارف مستحملك على ايه ده انت بنأدم لا تضاق الله يكون فى عون تعيست الحظ مراتك
صقر :- بعصبيه ساااااااااااااااهر
ساهر :- خاف وقال احم خلاص خلاص العرق الصعيدى طلع هخلص وارد عليك
صقر :- قفل فى وشه من غير ولا كلمه وقام طلع الاوضه وكانت ورد نامت على السرير من كتر عياطها ومسكه دراعها مكان ما هو مسكها منه عدلها على السرير وجاب ملايه وغطها وشال ايديها من على دراعها وشاف أيده سايبه اثر على دراعها قرب شفايفه على دراعها ولسه هيبوسها ورد اتحركت بعد بسرعه عنها
ورد :- بتفتح عينيها شافت صقر قصادها قامت مفزوعه وقعدت على السرير وضمت رجليها وهى خايفه
صقر :- صعبت عليه ورد وقال متخفيش مش هعملك حاجه ولسه هيقرب أيده من خدها يمسح دموعها
ورد :- خافت وبعدت وشها عن أيده اعتقاد منها أن هو هيضربها
صقر :- اتعصب لما شافها خافت منه قام ومسك تحفه فخار وحدفها فى الارض يخرج عصبيته فيها
ورد :- خافت اكتر وكمشت على نفسها اكتر
صقر :- بصلها وهو الشرار يتطاير من عنيه وفتح الباب وخرج ورزعه وراه
ورد :- انتفضت من مكانها على صوت رزعت الباب ودموعها نزلت اكتر منها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند صقر
نزل وهو متعصب يتمشى فى البلد ويشم هواها المنعش وصل للأرض بتاعتهم قعد قصاد الزرع وشرد فيه وقعد يفكر فى حاله هو وورد وشاف نظرت الخوف اللى كانت ورد بتبصها ليه غمض عنيه بألم واتمنى لو كان واحد فقير عادى مش وراه مسؤوليات ولا كان كبير عيله من أكبر عائلات الصعيد كان قدر يتعامل ويحب ويتحب عادى اتمنى لو كان شخصيته غير كده ويكون هادى ويقدر يتحكم فى أعصابه قعد يتمنى لو كان عنده الجرأه اللى يقدر يروح بيها لحب عمره ويعترف ليها بحبه وعشقه ليها من صغرها رغم أن الكل بيخاف منه ويتمنى رضاه الا وهو يتمنى رضا شخص واحد فى حياته ورد فهى كانت وستظل محبوبته طفلته المدلله يتمنى لو كان يقدر يضمها فى حضنه ويداعب خدودها ويقولها عن مشاعره المكبوته جواه ولكن ليس لديه الجرأه الكافيه الذى يبوح بيها عن ما بداخله
قعد يتمنى ويتمنى ويتمنى ولكن سريعآ مارجع لحاله وانتبهى أن الوقت سرقه والليل بدء يعلن عن وجوده فى سماء الصعيد قام وقف ورجع تانى الدوار لكن اتفاجأ بخروج ورد من الاوضه وتواجدها فى نفس مكان اخوه محمد
ورد :- اول ما شافت صقر خافت واتوترت والكلام هرب منها ولما شافت نظرت صقر ليها حست أن هو هيقطع جسمها وهيرميه للكلاب ومره واحده حست أن الدنيا اسودت ومحستش بحاجه تانى
صقر:- اول ما شاف أن ورد بدءت تفقد توازنها وان هى هتقع على الأرض طلع يجرى عليها وبدل ما تقع على الأرض وقعت فى حضنه وصرخ بأسمها وقال وررررررررد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد 

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-