رواية لحظات من الصدمة الفصل الخامس 5 بقلم عمرو راشد

رواية لحظات من الصدمة الفصل الخامس 5 بقلم عمرو راشد


رواية لحظات من الصدمة الفصل الخامس 5 هى رواية من كتابة عمرو راشد رواية لحظات من الصدمة الفصل الخامس 5 صدر لاول مرة على موقع التواصل الاجتماعى فيسبوك رواية لحظات من الصدمة الفصل الخامس 5 حقق تفاعل كبير على الفيسبوك لذلك سنعرض لكم رواية لحظات من الصدمة الفصل الخامس 5

رواية لحظات من الصدمة بقلم عمرو راشد

رواية لحظات من الصدمة الفصل الخامس 5

دلوقتي الدور على مين؟
= ايمن عبدالرحمن
هو دا عريس مراتك الجديد؟
= بقولك ايه احترم نفسك
خلاص يا عم انا بهزر
= على العموم الواد دا سهل جدا نلغيه خالص
ليه؟
= الواد دا اهبل،، ملك كانت بتحكيلي عنه كتير،، من الشباب الضايع بتوع اليومين دول 
يعني هتعمل معاه ايه؟
= ببساطة شديدة انا في شغال في شركة سياحة،، هعمله رحلة مكنش يحلم بيها و بتكلفة قليلة جدا وطبعا هو هينبهر بيها و علطول هيسافر ويسيب ملك
ايه الدماغ دي؟،، دا انت معلم بقا
= قولتلك الواد دا اهبل وهيبقا اسهل حاجة في طريقنا
طب احنا حاليا رايحين فين؟
= ل ايمن ما انا عندي معاد معاه دلوقتي 
دا انا رتبت كل حاجة وهتنفذ خلاص
= بيني وبينك يا سامح انا زهقت من الموضوع دا وعايز اخلصه في اسرع وقت 
ملك وحشتك صح؟
= انا مش قادر اعدي يومي من غير ملك يا سامح،، انا كنت فاكر اني زهقت منها ومن الخناقات اللي كنا دايمين عايشين فيها،، اتضح بقا اني كنت حاببها هي والخناقات بتاعتها،، انا باين عليا اني واقع اوي ولا ايه؟
دا انت واقع من بدري أوي
= طب هي هترجع ل طبيعتها ازاي؟ ازاي هتعرفني؟
بإختصار كدا هي لما هتقوم بعد المرة الخامسة هتلاقي ان مفيش ولا واحد معاها لان طبعا كلهم هيخافو يقربو منها تاني بعد اللي حصل واللي هيحصل فيهم فبالتالي مش هيبقا في غيرك وساعتها انت هتدخل و تستحوذ على قلبها وبعدها الصدمة هتتكرر من تاني وهتبدأ تفتكر كل التجارب اللي قبلك وانك انت الوحيد اللي كنت ثابت معاها وعايزها وبس،، هتقوم من النوم في اليوم اللي بعده بشكل طبيعي جدا وهتلاقي ملك مراتك رجعت تاني
= هو دا كدا بإختصار؟
دا اختصار شديد جدا
" وصلنا الكافيه اللي متفقين نتقابل فيه وفعلا دخلت ولقيته قاعد مستنيني جوا،، قعدت قدامه و بدأت كلامي
معاك وليد سامي من شركة Gold Trips وكنت حابب اكلمك عن عروض الشركة
= اهلا وسهلا،، ايه بقا نظام الرحلات اللي عندكم؟
في الحقيقة يا استاذ ايمن حضرتك من العملاء المميزين
= مميزين ازاي و دي اول مرة اتعامل معاك اصلا
هتبقا من العملاء المميزين إن شاء الله يا فندم 
= طب ممكن حضرتك تشرحلي العرض بتاعك ايه لاني مستعجل
احنا عندنا رحلة ل باريس و رحلة ل لندن و رحلة ل دهب وكل رحلة هتقعد فيها أسبوع شامل الاقامة والاكل والتنقلات
= في الحقيقة هو عرض كويس جدا بس دا هيبقا تكلفته عالية شوية
خالص يا فندم،، حضرتك هتدفع 20 الف بس
= نعم؟،، كل دا ب 20 الف جنيه بس
بالظبط يا فندم،، لو مش عاجبك العرض ممكن نغيره
= لا دا عاجبني جدا خلاص انا موافق وهكتبلك شيك دلوقتي 
طب احب ابلغ حضرتك ان الطيارة هتتحرك بكرا الساعة 8 الصبح
= طب والباسبور؟
حضرتك هترجع البيت دلوقتي وفي حد من الموظفين هيجيلك و هياخده منك وهو هيظبط كل حاجة متشغلش بالك
= دا ايه السهولة دي،، دا انت هتعامل معاكو علطول
اتشرفت بيك يا فندم
" قومت وانا في قمة سعادتي،، خرجت من الكافيه و ركبت العربية وبصيت ل سامح وانا مبتسم وقولت
كدا المهمة التالتة خلصت
= اقنعته؟
دا اقتنع اوي اوي كمان
= الحمدلله ربنا بيسهلها علينا اهو
كدا ندخل في المهمة الرابعة ولا ايه؟
= لا طبعا لازم الاول تعترفلها ب حبك،، لازم تتجوزها
مينفعش نعدي الخطوة دي
= لا طبعا مينفعش لازم الخطوات كلها تمشي بالترتيب
و دي انا هعترفلها ازاي؟
= يا وليد دي لوحدها دلوقتي يعني الطريق فاضي ليك
" فتحت تليفوني بصيت على اللوكيشن لقيتها قاعدة في البيت،، اكيد دلوقتي ايمن كلمها وقالها انه مسافر و زمانها خدت الصدمة،، قفلت التليفون مرة تانية و سندت دماغي ل ورا على كرسي العربية...
فلاش باك
عارف يا وليد كان من ضمن احلامي اني اكون ممثلة،، بحب التمثيل أوي وكان نفسي اكون ممثلة كبيرة ومشهورة والناس كلها عارفاني وبتحبني،ظ بس بابا كان بيرفض عشان كان دايما شايف ان الطريق دا غلط 
= طب ماهو عنده حق يا ملك،، انا لو مكانه كنت هرفض برضو
بس انا نفسي امثل،، تعرف اني لحد دلوقتي ببعت للناس اللي بيكونو عايزين وجوه جديدة
= وفي حد منهم رد عليكي؟
ولا واحد بس برضو ببعت يمكن حد يرد
= ولو جالك دور تفتكري انا هوافق؟
تعالى معايا،، انا مش هعرف اروح لوحدي اساسا المهم متحرمنيش من حاجة نفسي اعملها يا وليد
باااك
اييه سرحت في ايه؟
= انا عرفت هدخل عليها ازاي
ازاي؟
= ملك طول عمرها نفسها تمثل وأنا هدخل عليها بالطريقة دي
هتعمل ايه يعني؟
= هقولك بعدين
" فتحت التليفون وكلمتها بس مردتش في المرة الأولى،، حاولت معاها مرة تانية ولكن المرادي ردت
الو مين معايا؟
= انا وليد سامي مساعد المخرج الكبير أحمد نادر عبداللطيف،، في الحقيقة انا شوفت الطلب بتاعك و لما فتحت شوفت صورتك حسيت ان وشك ينفع يكون وجه سينمائي،، وشك جميل وقمر ما شاء الله يعني،، والحقيقة المخرج طلب مني اكلمك عشان تكوني معانا النهاردة الساعة 10 بليل 
انت بتتكلم بجد؟
= اكيد بتكلم بجد،، هبعتلك العنوان في رسالة بعد ما اقفل معاكي
بس انا عمري ما عملت اي حاجة قبل كدا
= وهو دا المطلوب،، احنا بنعمل فيلم بطولة جماعية وكلهم شباب اول مرة يظهرو زيك بالظبط و ان شاء الله ربنا يكرمنا والفيلم ينجح
يارب،، حضرتك والله انا اوعدك اني اكون كويسة و هشرفك
= ان شاء الله المهم متتأخريش بليل
حاضر
" قفلت معاها وبصيت ل سامح اللي كان مستغرب وقالي
فيلم ايه دا اللي انت عايزها فيه؟
= ملكش دعوة انت بقا
يا عم انا الدكتور،، والله العظيم انا االدكتور اللي بيتابع حالتها من الاول
= المرادي الموضوع سهل مش هحتاجك 
دلوقتي مش محتاجني خلاص
= يا سامح خلاص بقا خليني افكر واشوف هعمل ايه 
فكر،، بس انت متأكد انك مش محتاجني معاك؟
= لا أنا لازم ابقا لوحدي،، لو احتاجتك هكلمك
" اتحركت ومشيت بالعربية،، وصلت سامح العيادة بتاعته و رجعت انا البيت غيرت هدومي ونزلت تاني روحت على بيت اهلها كانت الساعة 9،، خبطت على الباب وبعد ثواني الباب اتفتح وهي لابسة لبس الخروج وكأنها كانت نازلة حالا،، بصتلي ب استغراب ساعتها وقالتلي
مين حضرتك؟
= انا وليد سامي اللي كلمتك في التليفون 
انا كنت لسة نازلة حالا،، هو انا اتأخرت ولا ايه؟ ثم حضرتك عرفت عنواني منين؟
= قبل اي حاجة أنا محتاج اتكلم معاكي
طب اتفضل 
" دخلت وقفلت الباب ورايا و قعدت على الكنبة 
خير يا استاذ وليد؟ كنت عايز ايه؟
= انا محرج جدا منك ومش عارف ابدأ ازاي
هو الموضوع صعب أوي كدا؟
= تقريبا 
طب احكي
= أنتي كان المفروض تيجي النهاردة للمخرج فعلا بس مش عشان الفيلم،، المخرج اول ما شاف صورتك اعجب بيكي جدا وطلب مني اني اكلمك و اقولك تيجي على شقته عشان..،، عشان كان عايز يعمل حاجات مش كويسة،، وأنا للاسف وافقت وكلمتك بس بعد كدا حسيت اني و*سخ اوي،، وقفت قدامه و زعقتله وكانت النتيجة اني خسرت شغلي،، انا بجد آسف يا ملك،، اسف 
انت عملت كدا عشاني بجد؟
= ايوا عملت،، انا مستحيل كنت هسامح نفسي لو كنت عملت فيكي كدا
تفتكر هو ممكن يسكت؟
= انا جنبك وهقف قدامه وهقف قدام اي حد،، متقلقيش من اي حاجة
انت كدا هتدخل في مشاكل كتير
= انا ميهمنيش أي مشكلة،، المهم اني جنبك
انت بتعمل دا كله ليه وانت حتى متعرفنيش
= مش يمكن عشان بحبك مثلا
وانت متعرفنيش؟
= انا اعرفك من بدري أوي حتى اسألي قلبك وهو يقولك
امممم،، وعايز ايه بقا من قلبي؟
= انا مش عايز حاجة من الدنيا غيرك
وليد
= تتجوزيني؟
موافقة 
" بتونس بيك وانت معايا♥️ "

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-