رواية قاسي بقلب ملاك صقر وورد الفصل الخامس 5 بقلم دودو محمد

رواية قاسي بقلب ملاك صقر وورد الفصل الخامس 5 بقلم دودو محمد


رواية قاسي بقلب ملاك صقر وورد الفصل الخامس 5 هى رواية من كتابة دودو محمد رواية قاسي بقلب ملاك صقر وورد الفصل الخامس 5 صدر لاول مرة على موقع التواصل الاجتماعى فيسبوك رواية قاسي بقلب ملاك صقر وورد الفصل الخامس 5 حقق تفاعل كبير على الفيسبوك لذلك سنعرض لكم رواية قاسي بقلب ملاك صقر وورد الفصل الخامس 5

رواية قاسي بقلب ملاك صقر وورد الفصل الخامس 5

عند الدكتوره
خرجت الدكتوره وبصت لصقر وقالت
الدكتوره :- انتو بقالكم قد ايه متجوزين
صقر :- وده شئ يخصك فى ايه
الدكتوره :- لانها لسه انسه فالو حضرتك عندك مشكله عضويه ممكن ابعتك لدكتور ممتاز خبير فى الحاجه دى
صقر :- بصدمه انسه طب والحمل
الدكتوره:- حمل ايه حضرتك بقولك انسه يعنى virgin
صقر :- وقف وقال لورد يلا
الدكتوره:- انا ممكن اساعد حضرتك تتعالج
صقر :- بعصبيه انتى عبيطه ولا بتستعبطى انا ممكن اثبت ليكى أن انا كويس لو تحبى
ورد :- اتصدمت من كلام صقر وحطت ايديها على بؤقها
الدكتوره :- بكسوف ايه اللى حضرتك بتقوله ده لو سمحت الزم ادبك
صقر :- انا مؤدب غصب عنك ووقع اللى على المكتب فى الأرض وقال مش عايز اسمع ولا كلمه زياده وبص لورد وقال امشى قدامى
ورد :- خافت وقالت ح.ح.حاضر
ومشى صقر ومعاه ورد من العياده وركبو العربيه وساق بيها ووقف عند النيل وسبها ونزل من العربيه من غير ولا كلمه
ورد :- بصت على صقر ودموعها نزلت منها
صقر :- وقف وسرح مع نفسه وانب نفسه على ظلمه لمراته وحبيبته وعلى تسرعه فى الحكم عليها بص على عربيته شاف ورد بتعيط قال بعصبيه غبى غبى انا ليه اتسرعت وجرحتها كنت بحاول اعترف ليها بحبى دلوقتى هحاول اخليها تسامحنى على جرحى ليها
وبعدين مشى ركب عربيته ومن غير ما يبص ليها قال ورد
ورد :- بخوف ن.ن.نعم
صقر :- سكت شويه وقال م.م.متزعليش
ورد :- اتصدمت وقالت نعم
صقر :- احم متزعليش منى
ورد :- م.م.ماشى
صقر :- ماشى ايه بالظبط يعنى مش فاهم الصراحه
ورد :- يعنى حاضر مش هزعل منك
صقر :- انتى ايه بالظبط يعنى مجرد ما اقولك متزعليش تقولى حاضر طيب سؤال انتى رديتى بأقتناع ولا خوف ولا ايه بالظبط
ورد :- انا مقدرش اقولك غير حاضر
صقر :- ليه
ورد :- بدموع علشان بخاف منك
صقر :- وليه تخافى منى يا ورد انا جوزك وح وسكت
ورد :- وايه يا صقر
صقر :- ورد طول عمرى وانا بخاف عليكى وتملى بحاول احميكى من الكل
ورد :- بس انا من يوم ما واعية على الدنيا وانا علطول شيفاك عصبى وبتزعق كتير والناس كلها بتخاف منك
صقر :- بصلها وقال يا ورد انا ابن عمك قبل ما اكون جوزك ولو قدرت اقسى على الناس كلها مقدرش اقسى عليكى
ورد :- بأستغراب اشمعنا انا
صقر :- ارتبك وقال ك.ك.كلكم يعنى بابا وعمى ماتو سابوكم امانه فى رقبتى وكان لازم ابقى كده علشان استحمل ضغوط الحياه واقدر احميكم واحافظ عليكم وعلى فلوسكم
ورد :- بس برضه انت كنت قاسى معايه اوى يا صقر وظلمتينى وخلتنى اخاف اكتر من الاول
صقر :- ورد انا عملت كده غصب عنى اى واحد مكانى يسمع أن مراته اللى متجوزها بقاله يوم واحد وملمسهاش اصلا حامل كان هيشرب من دمها
ورد :- بدموع انا مكنتش طالبه حاجه كبيره انا كنت طالبه انك تسمعنى وتتأكد من الخبر قبل ما تعمل اللى عملته ده انا بخاف من ربنا قبل الكل وعمرى ما افكر اعمل حاجه اغضب بيها ربنا
صقر :- انا عارف ده ومتأكد منه انتى متربيه على أيدى يا ورد فكره وانتى صغيره كان لما امك او اى حد يزعلك كنتى بتجرى على مين
ورد :- عليك انت بس فجأه اتغيرت من الشخص الطيب الحنون لواحد تانى قاسى ومتعجرف مش عايز يسمع رأى اى حد مش بيسمع ويعمل غير رأيه بس كل القرارت المهمه فى حياتنا انت اللى بتحددها ولو حد اعترض بيبقى يومه مش معدى عرفت ليه بعد عنك ومبقتش زى ورد الصغيره اللى بتحبك وتحس انك انت أمنها وحميها
صقر :- انتى بأى حق تقولى كده انا لو كنت برفض اسمع وانفذ حاجه لحد انتى الوحيده اللى بتبقى عايزاه بيتم طيب مسألتيش نفسك ازاى دخلتى طب مع أن الكل كان رافض تكملى تعليمك بعيد عن البلد
ورد :- ماما
صقر :- ههههههههه
ورد :- سرحت فى ضحكة صقر
صقر :- امك ازاى وانتى متاكده ان امك عمرها ما تقدر تعارض جدك وكانت هى من اول المعترضين على تكميل تعليمك
ورد :- امال مين
صقر :- انا يا ورد اللى وقفت فى ضهرك وقررت أن انفذ رغبتك واخليكى تكملى الحاجه اللى عايزاها وبتحبيها ولو انتى شايفه أن انا بمشى رأى عليكم مكنش زمانك دلوقتى فى الكليه اللى بتحبيها لو مكنتش كلمتى ماشيه عليهم كلهم مكنتيش انتى وصلتى للى انتى فيه دلوقتى وطبعآ حاجات كتير انتى الوحيده طلبتيها واتنفذت حتى تعليم اختك ايه علشان انتى اللى كنتى عايزه كده انا نفذت عرفتى انك انتى اللى رسمه الصوره غلط فى دماغك
ورد :- اتصدمت من اللى سمعته من صقر وقالت بأستغراب طيب ليه كل ده واشمعنا انا بالذات اللى بتنفذ ليها اللى هى عايزاه
صقر :- اتوتر وقال ع.ع.علشان ا.ا.انا ب.ب.بعتبرك بنتى مش بنت عمى بعتبرك مسؤوله منى انا من يوم ما اتولدى وانا عهد نفسى أن احميكى من الناس كلها حتى من نفسى واحافظ عليكى من اى حد يفكر مجرد تفكير فيكى
ورد :- برضه اشمعنا انا طيب ما فى بنات كتير فى العيله وتحت ظلك انت اشمعنا انا اللى بتعمل معاها كده
صقر :- بتوتر ورد ا.ا.انا ب ب.ب بس قطعه رنة التليفون
مسك تليفونه وقال ا.ا الو
ساهر :- ابشررررررر لاقيت طلبك وجنب الجامعه بس يعنى
صقر :- ايه فى ايه
ساهر :- سعرها غالى اوى وصاحبها عايز يبيعها بسرعه علشان هيسافر بره اخر الاسبوع
صقر :- تمام الصبح هنروح نشتريها بس انت فى حد عندك فى الشقه معاك
ساهر :- هيكون مين معايه انا مقطوع من شجره ما انت عارف لوحدى طبعآ
صقر :- ماشى انا هجيب مراتى ونيجى ننام عندك لحد الصبح
ساهر :- يا سلام تنورونى
صقر :- تمام مع السلامه وقفل السكه مع ساهر وبص لورد وقال انا كنت عامل ليكى مفاجئه بس الظاهر كده جت فى وقت غلط
ورد :- بأستغراب مفاجئت ايه دى
صقر :- تعالى نروح عند ساهر صاحبى وابقى اقولهالك هناك
ورد :- ماشى
وشغل العربيه ومشى بيها وبعد وقت وصل عند بيت ساهر ونزل هو وورد من العربيه وطلع عند شقة ساهر ورن الجرس
ساهر :- فتح الباب وسلم على صقر وقال والله وليك واحشه يا عم هو كل من كان كبير عيله يتكبر على أصحابه كده
صقر :- يا ابنى ما انت عارف الاشغال اللى ورايا
ساهر :- ربنا يقويك يا عم
صقر :- طيب مش هدخلنا ولا هنقضيها كلام على الباب
ساهر :- اه اسف ووسع ليهم الطريق ودخلو ومن غير ما يبص لورد قال ازيك مبروك على الجواز
ورد :- الله يبارك فى حضرتك
ساهر :- اتفضلو اقعدو على ما ادخل اجيب ليكم حاجه تشربوها
صقر :- تعال يا ساهر ملوش لزوم
ساهر :- يا ابنى مش علشانك مراتك اول مره تدخل عندى
ورد :- ش.ش.شكرآ مش عايزه اتفضل حضرتك
ساهر :- بس هنتعشا مع بعض
صقر :- أن شاءالله ابلع ريقك شويه
ساهر :- احم ماشى بس مين يصدق انك تتجوز حب
صقر :- قطعه وقال احم نتكلم على الشقه كام اوضه وبكام وايه نظمها بالظبط
ساهر :- فهم أن صقر عايز يغير الموضوع رد على كلامه وقال الشقه اوضين ورسيبشين كبير وحمام ومطبخ فى الدور التاسع تبص من الفرانده على الجامعه علطول وسكان العماره محترمين جدآ وكل واحد فى حاله بس المبلغ عالى اوى
صقر :- مش مهم الفلوس احنا نروح نمضى العقد ونسجله فى الشهر العقارى ونستلم الشقه علطول علشان ناويت مرجعش الصعيد غير على أمضت الأوراق المهمه بس وارجع فى نفس اليوم لحد ما مراتى تخلص جامعتها
ورد :- كانت مش مصدقه نفسها من الكلام اللى بتسمعه وقالت بفرحه هى دى المفاجئه يا صقر
ساهر :- احم عن اذنكم شويه وسبهم ومشى
ورد :- ا.ا انا اسفه أن اندفعت بس من فرحتى
صقر :- ياريت تاخدى بالك من تصرفاتك بعد كده
ورد :- ح.ح.حاضر وبصت قدمها بحزن
صقر :- زعل على زعلها وبصلها وقال ورد ايه رأيك فى المفاجئه عجبتك
ورد :- بصت ليه وقالت اووووى بجد فرحت أن انا هقعد جنب الجامعه بتاعتى يعنى هنزل على المحاضرات علطول بجد شكرآ ليك يا صقر
صقر :- بصلها بأعجاب وقال انتى عارفه يا ورد لما بتفرحى بتبقى شبه ايه بتبقى شبه الطفل الصغير اللى بيفرح بلعبه ابوه جايبها ليه بتبقى بريئه اوى فى ضحكتك بتبقى ضحكتك صافيه من القلب مفيهاش كدب ولا خداع
ورد :- اتكسفت وخدودها احمرت وقالت ش.ش.شكرآ بس انا ليا طلب عندك
صقر :- ايه هو
ورد :- عايزه نسافر البلد وتعرفهم الحقيقه علشان ميفكروش علشان عشنا هنا يبقى انا خطيه
صقر :- تمام بكره نشترى الشقه وننزل البلد ونرجع تانى بليل
ورد :- ومحتاجه بكره واحنا جنب الجامعه اروح اخد من واحده صحبتى المحاضرات اللى فاتت منى
صقر :- ماشى
ورد :- شكرآ يا صقر
صقر :- لنفسه اه لو تعرفى يا ورد بحبك قد ايه كنتى هتعرفى أن مستعد ابيع عمرى كله علشان الضحكه تكون علطول على وشك
ورد :- صقر انت سكت ليه هو انا قولت ليك حاجه تزعلك
صقر :- ضحك وقال ههههه لا بس كنت بفكر فى مواجهة بكره فى البلد
ورد :- لو مش عايز بلاش
صقر :- لا يا ورد ده حقك ولازم يترد
وفى وقت ده جه ساهر
ساهر :- احم اتفضلو جهزت الاكل على الله بس يعجبكم
صقر :- انت هتقولى على العك بتاعك من انا حافظه ولا ناسى كنتى قرفنى بيه
ساهر :- طيب بلاش تسوء سمعتى كده خليها تاكل وتحكم بنفسها
صقر :- حط أيده فى ضهر ورد وقال يلا
ورد :- حست بأحساس غريب من لمسة صقر ليها وبصت عليه
صقر :- اخد باله وقال احم امشى وشال أيده
مشيت ورد وصقر وقعدو على السفره ومد أيده صقر جاب طبق لورد وغرف فيه الاكل وحطه قدامها
ورد :- ش.ش.شكرآ وبدأت تاكل
ساهر :- لو مش عجبك الاكل انزل اشترى ليكى اكل جاهز
ورد :- لا ش.ش.شكرآ الاكل فعلا جميل تسلم ايدك
ساهر :- بالهنا والشفا وبص لصقر وقال شايف الناس اللى بتفهم
صقر :- طيب كل من سكات بدل ما انت عارف ايه هيحصلك
ساهر :- احم وعلى ايه وبدء ياكل وبعد وقت انتهو من الاكل
ساهر :- انا جهزت ليكم اوضه اتفضلو استريحو فيها
صقر :- فين
ساهر :- اوضك القديمه اللى كنت بتيجى تقعد فيها
صقر :- ماشى هندخل نريح علشان بكره قدمنا حاجات كتير تصبح على خير
ساهر :- وانت من أهله
ودخلت ورد وصقر الاوضه
ورد :- ا.ا.انا هنام على الأرض
صقر :- لا نامى على السرير وانا هنام على الأرض
ورد :- م.م.ماشى ونامت على السرير وصقر نام على الأرض
صقر :- ورد
ورد :- نعم
صقر :- متزعليش من جدى انتى عارفه أن الخبر كان صعب عليه علشان كده أمر بقتلك
ورد :- قعدت على السرير ودموعها نزلت منها وقالت انا مش زعلانه منه علشان انا عارفه هو بيحبينى قد ايه انا اكتر حاجه وجعانى ماما يا صقر امى صدقت عليا كده مع أن هى مربيانى كويس وعارفه انا ايه محاولتش تقف جنبى وتدافع عنى اختى الصغيره بدافع عنى وامى لاء شوفت  المهزله
صقر :- احنا عارفين أن امك متأثره بالعادات والتقاليد اوى وتحب تنفذها حتى لو على حساب اهل بيتها
ورد :- بدموع بس وجعتنى اوى المرادى
صقر :- صعبت عليه ورد قام قعد جنبها على السرير واخدها فى حضنه وطبطب عليها
ورد :- حست براحه وهى فى حضنه لدرجة أنها نامت ومحستش بنفسها
صقر :- حس بهدوء ورد وانتظام نفسها بص عليها لاقها نامت بسها فى راسها ونيمها على المخده وحط عليها الغطا وسبها ونام فى الارض فضل باصص عليها لحد ما عنيه راحت فى النوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد فى سماء القاهره لتبدء ورد بفتح عيونها اول ما فتحت عيونها جت على صقر اللى كان نايم فى الارض قصادها بصت عليه شويه وحققت فى ملامحه اللى رغم قساوتها شديد الوسامه حاولت تشيل عينيها من عليه بس فى حاجه منعها وبعد كده انتبهت لنفسها وقامت من مكانها ودخلت الحمام غسلت وشها واتوضت وخرجت أدت فرضها وبعدين راحت عند صقر وحاولت تصحيه
ورد :- ص.ص.صقر ا.ا.اصحه
صقر :- اممم
ورد :- يلا علشان متتأخرش على صاحب الشقه وانا الحق اروح الجامعه
صقر :- فتح عينه وقام قعد وقال صباح الخير
ورد :- صباح النور
صقر :- تمام هدخل الحمام واصلى وننزل علطول
ورد :- تمام
ودخل صقر الحمام غسل وشه واتوضه وخرج اده فرضه وخرج هو وورد من الاوضه ونزلو التلاته راحو عند الجامعه
ورد :- انا هنزل واخد المحاضرات وهستناك فى الكافتيريا لحد ما تخلص تيجى تخدنى
صقر :- ماشى خلى بالك من نفسك
ورد :- حاضر
ونزلت ورد من العربيه وراح صقر وساهر يشترو الشقه
دخلت ورد الجامعه وكانت صديقتها تغريد وقفه
تغريد :- اول ما شافت ورد طلعت تجرى عليها وقالت رودى فينك يا بنتى كل ده
ورد :- واحشتينى والله يا ديدى
تغريد :- انتى اكتر والله والسكن ملوش طعم من غيرك خلاص رجعتى
ورد :- للاسف مش هرجع السكن تانى
تغريد :- بأستغراب ليه
ورد :- ديدى انا اتجوزت
تغريد :- نعممممم اللى هو ازاى يعنى
ورد :- جدى صمم يجوزنى ابن عمى وهو هيجيب شقه وهيقعد معايه فيها
تغريد :- يا لهوى يا ورد اتجوزتى واحد صعيدى بقى الدكتوره ورد تتجوز من الصعيد
ورد :- مستنسيش أن هو ابن عمى يعنى انا كمان من الصعيد
تغريد :- ايوه يا بنتى بس يعنى الرجاله الصعايده دول قفل كده ومش حلوين واغبيه 
ورد :- تغريد متنسيش أن هما اهلى وبعدين الرجاله الصعايده دول الجدعنه كلها ناس طيبه غيوره على بنات بلادها بتحب تحافظ عليها وتكرمها وبيحبو يحفظه على شرف بناتهم وعفتهم مش قفل زى ما بيقلو واحلى واجمل رجاله هتلاقيهم من الصعيد
تغريد :- بغمزه ايه الحكايه وقعتى ولا ايه
ورد :- انا مش بتكلم على جوزى بالتحديد انا بتكلم على كل رجالة الصعيد
وفى الوقت ده جه زميل تغريد
حسام :- ديدى بتعملى ايه
تغريد :- وقفه شويه مع ورد صحبتى
حسام :- مد أيده وقال ازيك
ورد :- اسفه مش بسلم على رجاله
حسام :- انتى دقه قديمه اوى ههههههههههه
تغريد :- ورد صعيديه وعندهم عيب السلام بالايد
حسام :- قولتيلى صعيديه طيب سلام خلصى وتعالى ورايا يا تغريد
وفى الوقت ده ورد شافت صقر اتأكدت أن هو شاف الشاب وقف معاهم
تغريد :- مال وشك اتخطف كده
ورد :- بخوف ص.ص.صقر جوزى شاف زميلك وهو وقف معانا
تغريد :- وفيها ايه
ورد :- فيها ايه ده هينيل عشتى
تغريد :- فين بس وانا أكلمه
ورد :- اهو ابو تشرت اسود اللى وقف هناك ده
تغريد :- اتصدمت وفتحت بؤقها وقالت ده جوزك ده صعيدى
ورد :- اه والله ابن عمى ليه
تغريد :- صدقينى ده الصعيد دى مش بتجيب غير رجاله يخربيته مز مزمزه يا بختك يابنت المحظوظه
ورد :- حست انها اضيقت لما سمعت تغريد بتغازل فى صقر
تغريد :- بتحبيه
ورد :- عادى
تغريد :- انتى طبيعيه لا بجد طبيعيه ده ما يتحبش ازاى والله العظيم لو مش عايزاه انا مستعد استناه يتجوزنى انشالله انزل اشتغل معاهم فى الارض بلا طب بلا قرف
ورد :- ما كفايه بقى يا تغريد متنسيش أن هو جوزى برضه
تغريد :- الله اكبر ده احنا بنغير بقى
ورد :- بلاش هبل ويلا هاتى المحاضرات اللى قولتلك عليها علشان امشى
تغريد :- اتفضلى بس لازم اروح اسلم عليه ومشت اتجاه صقر
ورد :- بت تعالى هنا انتى يا بنت ال وطلعت تجرى
تغريد :- راحت عند صقر ومدت ايديها وقالت هاى انا تغريد زميلة ورد فى الكليه وفى السكن
صقر :- اسف مش بسلم على حريم اتشرفت بيكى يا اخت تغريد
تغريد :- ده الشرف ليا انا اقسم بالله
ورد :- داست برجليها على رجل تغريد
تغريد :- ااااااه ايه
ورد :- اتلمى شويه بقى
صقر :- بص لورد وقال بحده مين اللى كان وقف معاكى ده
ورد :- بخوف و.و والله م.م.معرفهوش ده زميل تغريد وجه قال ليها كلمه ومشى علطول وانا مردتش اسلم عليه اقسم بالله
صقر :- طيب امشى يلا علشان نلحق وقتنا
ورد :- ح.ح.حاضر
صقر :- بعد اذنك يا اخت تغريد
تغريد :- اذنك معاك اتفضل وقربت على ودن ورد وقالت يا بنت المحظوظه واقع لشوشته فيكى وبيحبك وبيغير عليكى ربنا يهنيكم يارب
صقر :- يلا يا ورد
ورد :- حاضر وبصت لتغريد وقالت بلاش تسرحى بخيالك لبعيد وركبت جنب صقر
تغريد :- شورت بأيديها رسمت قلب وحركة شفايفها وقالت بيحبك وغمزت ليها
ومشى صقر بالعربيه وقال بعصبيه
صقر :- البت دى متعرفهاش تانى مش كويسه
ورد :- بس تغريد زميلتى من ايام الثانوى وكانت قعده معايه كام سنه فى السكن
صقر :- دى واحده وشها مكشوف وبكل وقاحه وقلة أدب جايه تسلم عليا بالايد والشاب اللى قولتى عليه زميلها معنى كده بتصاحب شباب مفيش بنت محترمه تصاحب شباب صح ولا ايه
ورد :- بس هى محترمه وعمرى ما شفت منها حاجه وحشه
صقر :- ورد انا قولت البنت دى متعرفهاش تانى فاهمه
ورد :- بخوف ح.ح.حاضر
صقر :- حب يلطف الجو قال مسألتنيش يعنى عملت ايه فى الشقه
ورد :- اكيد اخدها ده انت صقر الأنصارى اللى محدش يقدر يكسر ليه كلمه
صقر :- اعتبرها تريقه
ورد :- لاء خالص بس فعلا دى الحقيقه
صقر :- انا اخدها بس مش بالغصب اتفقنا زى ما هو عايز
ورد :- مبروك
صقر :- مبروك علينا احنا الاتنين
ورد :- رايحين فين كده
صقر :- هننزل البلد وعلى بليل هنيجى على الشقه بتاعتنا انا قولت لساهر يشوف واحده تنضف البيت كويس
ورد :- ماشى
صقر :- خلاص يا ورد انا عايز مصلحتك بيقولك اختار الرفيق قبل الطريق ودى طبعها مش زى طبعنا ولا عشتها زى عشتنا كل واحده منكم ليها بيئه مختلفه هى بيئتها متفتحه زياده عن اللزوم تصاحب اولاد عادى تسلم تتكلم بوقاحه شويه لكن البيئه بتاعتك انتى مختلفه احنا صعايده ناس محافظه اختلاط الرجاله بالبنات حرام وعيب معندناش الوش المكشوف ده عندنا البنت محافظه بمعنى الكلمه علشان كده مش عايزك تعرفيها لان حتى لو مش بتعملى زيها الناس هتقول مدام اصحاب اكيد زى بعض بصى لبنات بلدنا كلهم عاملين ازاى وشهم مش بيترفع فى وش اى راجل انا عايزك تفتخرى انك صعيديه متتكسفيش فهمتينى 
ورد :- هزت راسها بمعنى ايوه
صقر :- خلاص بقى
ورد :- ماشى انا هنام شويه
صقر :- نامى
ورد :- رجعت راسها لواره وغمضت عينيها
صقر :- بعد وقت حس انا ورد نامت وقف العربيه على جنب وشد ورد فى حضنه وبسها فى راسها وفتح الكرسى ورجعه وراه ورجع عليه ورد وفتح الشنطه بتاعته وطلع جاكت ليه وحطه على ورد ورجع شغل العربيه ومشى
ورد :- كانت كل ده صاحيه واتفاجئت من اللى حصل وحنية صقر عليها ضحكة ضحكة خفيفه وراحت فى نوم عميق
وبعد وقت طويل وصله البلد
صقر :- ورد ورد
ورد :- امممم
صقر :- يلا وصلنا البلد
ورد :- قامت مصدومه وقالت بالسرعه دى
صقر :- سرعة ايه انتى علشان نايمه مش حاسه بالوقت ها مستعده
ورد :- بتوتر مستعده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-