رواية فرق خبرة ولكن احمد ومريم من الفصل الاول للاخير بقلم مريم سمير
رواية فرق خبرة ولكن احمد ومريم من الفصل الاول للاخير هى رواية من كتابة مريم سمير رواية فرق خبرة ولكن احمد ومريم من الفصل الاول للاخير صدر لاول مرة على موقع التواصل الاجتماعى فيسبوك رواية فرق خبرة ولكن احمد ومريم من الفصل الاول للاخير حقق تفاعل كبير على الفيسبوك لذلك سنعرض لكم رواية فرق خبرة ولكن احمد ومريم من الفصل الاول للاخير
رواية فرق خبرة ولكن احمد ومريم من الفصل الاول للاخير
_هو دكتور وانتي يدوبك ممرضه يعني اي مش موافقه؟
=يعني مش موافقه ، مستحيل اتجوزه
قولتها وانا بعيط ودخلت اوضتي وقفلت عليا ، دايما بتقارن بيه ، حتي في ثانوي لما كان يجي يذاكر معايا ، كنت دايما اشوف قد أي هو ناجح كان نفسي ابقي زيه!
طلعت البلكونه لما حسيت اني مخنوقه ، لقيته واقف جيت ادخل صوته وقفني
_مريم!
=عاوز ايي ؟
_احمم ، عاملة ايي اخبارك ؟
=ملكش دعوة بيا ، تقولهم انك مش عاوزني انت سامع؟
_انتي كنتي بتعيطي؟
=قولتلك ملكش دعوة بيا ، ابعد عني يا احمد
_انا بس كنت حابب نتكلم سوا ، زي ما كنا في ثانوي ، دخلنا الكليه وخلصنا وانا معرفش عنك حاجه ، احنا كنا اعز صحاب!
=كنا ، مينفعش دكتور زيك يتواضع ويصاحب واحده واخده تمريض
_ماله التمريض؟ انتي احسن مني بكتير
=المجتمع مش شايف دا ، أنا كل يوم بتقارن بيك ، كل يوم بسمع كلام زي السم لمجرد انك اعلي مني ، كل يوم كنت بسمع كلام يخليني اعيط لغايه ما انام ، لغايه ما كرهتك! بعد ما كنت اقرب حد ليا
_بس أنا مليش ذنب
=ولا انا ليا ذنب ، بالله عليك قولهم انك غيرت رأيك وانك مش عاوز تخطبني ، أنا مش عاوزة اتغصب علي حاجه
_خطوبتنا بالنسبالك هتبقي غصب؟
=يا ريت ما تحصل ، بلاش اكره نفسي اكتر من كده
_هقولهم يمريم حاضر ، أنا آسف علي الكلام الي بيتقالك بسببي
دخلت قبل ما يشوف عياطي ، اهلي الي المفروض يبقوا داعمين للي بعمله بقوا هما اكتر ناس بيقتلوني بكلامهم ونظرتهم ليا ، وكرهي ل انسان ملوش ذنب ، كل ذنبه أنه جاري!
نمت وصحيت صليت وخدت الاوراق بتاعتي عشان اقدم في المستشفى الكبيرة الي في منطقتنا ، دخلت وقعدت في الاستراحه الي قدام مكتب المدير ، ناس كتير قاعدة عشان تقدم! هو انا ممكن اتعين وسط كل دا!
اسمي جه ودخلت ، كان مديني ضهره ف قعدت علي الكرسي الي قصاده
=السلام عليكم
_عليكم السلام ، اخبارك ايي؟
قومت وانا فاتحه بوقي =انت!!
_اقعدي كده لنتفضح
=انت اي الي جابك هنا ؟
_للدرجاتي نسيتي؟ دي مستشفى ابويا يمريم
=عارفه انها مستشفى باباك ، بسألك انت اي الي جابك هنا؟
_منا مسكتها عشان أريحه
=اه ، طب استأذن أنا بقي
_عندك استني دقيقه
=انت هتغني ولا ايي؟
_وريني كده ال CV بتاعك
=ايدا!! هتشغلني بعد كلامي معاك امبارح؟
_انا عمري مشوفت اوراق بالحلاوة والجمال دا وهنا مش قصدي علي الاوراق
=..
_بصي اتعينتي معانا يا رب مبروك
=بالسرعه ديي؟
_بقولك اوراق مفيش في حلاوتها ف لازم تتعيني أنا ليا نظرتيي
=شكرا يدكتور احمد
_احمد اسمي زفت احمد ، والعفو وممكن تبدأي شغل من النهارده
=تمم بعد اذنك
خرجت وانا لسه مستغربه الموقف ، مستغربه تصرفه!
روحت غرفه التمريض وغيرت لبسي ولبست اسكراب الشغل
*جديدة هنا ؟
=أيوة
*عبدالله
=وانا مريم
*اهلا بيكي ، إن شاء الله تتبسطي معانا
=شكرا من زوقك
_لو سمحتي يمريم عاوزك
بصتله =نعم؟
_عاوزك في كلمتين
*ازيك يا دكتور احمد
_اه ، ازيك ، يلا يبنتي!
روحت معاه علي مكتبه
_كنتي واقفه معاه لي؟
=نعمم؟
_اتعاملي مع التمريض البنات ، مفيش اكتر منهم هنا
=وماله لما اتعامل معاه ، مش زميلي!
_هعتبر نفسي مسمعتش حاجه وانك هتتعاملي مع التمريض البنات حاضر
ضحكت من طريقته وطلعت ، ماله دا!!
رجعت البيت بعد يوم طويل ، اتغديت ونمت وصحيت بليل ، عملت فنجان قهوة وطلعت
_طب وانا؟ مليش نفس اشرب؟
=اشرب في بيتكم يحبيبي البن هيخلص
_حبيبي؟ اعتبر دا حب؟
=هروح اعملك فنجان أنا عارفه انك مش هتسكت
روحت عملت فنجان تاني وادتهوله
_انا عمري مشوفت فنجان قهوة بالطعامة ديي ، وهنا مش قصدي علي القهوة
=طيب بالهنا والشفا اشرب بقي
_فاكرة لما كنا بنشرب قهوة كتيرة في ثانوي؟ كنا مدمنين بجد ، يا رتنا مكبرنا! علي الاقل مكنتيش كرهتيني
=بص يا احمد ، أنا اسفه علي الكلام بتاعي امبارح ، مكنتش اقصد اقولك كده
_فيه مجال أننا نرجع صحاب تاني؟
=يفندم انت مديري في الشغل
_انا احمد الي كان ٢٤ ساعه معاكي ، بلا مدير بلا قرف متصدعنيش
ضحكت =فيه مجال
_اقسم بالله ؟ كان فيه كلمه محشورة في زوري ف هقولها ، وحشتيني اوييي
=كنت سيبها محشورة بدل ما اصوت في العمارة دلوقتي
_اه انتي لسه هبلة ؟ طب حلو دا
قعدنا نتكلم كتير ، كتير اوييي لدرجه إن الفجر أذن علينا!
_هروح اصلي في الجامع ، ادخلي صلي في البيت ، وادعيلي
=ادعيلك ب ايي؟
_قولي يا رب حقق ل احمد مراده
=الي هو ؟
_هقولك بس بعدين
دخل وانا دخلت اتوضيت وصليت ودعيتله ونمت ، صحيت الصبح لبست وخرجت من الشقه
_بدون تدخل بشر ! سبحان الله أي الصدفه ديي
=..
_بهزر مستنيكي من ساعه ونص
=مروحتش لي؟
_هنروح سوا عشان اي؟ لو اتعاكستي مثلا اعرف اتصرف
=يبني بقي!
روحنا سوا ب العربيه بتاعته
_لو مبطلتش تسبيل هطلع راسي من العربيه والم عليك الناس
=أنا اعمي اصلا يمريم
وصلنا المستشفى وراح علي مكتبه وانا روحت لبست طقم الشغل ، كان لطيف! رجعنا صحاب اكتر من الاول ، حكينا لبعض حصل أي للتاني وهو مش موجود ، كنا نشرب قهوة في مكتبه في نص اليوم وقهوة بليل ونفضل نتكلم لغايه الفجر وندخل نصلي وننام ، رجع تاني لمطرحه الي عمر ما حد قدر ياخده .
_مريم
=بقولك ايي أنا مشغولة جدا
_سيبي بس الملف دا وركزي معايا
=والله مشغولة اويي متقرفنيش بقي ، دا أي المدير الغير مسؤول دا و..
_مريم أنا بحبك
رميت الدوسيه من ايدي =أي الفضا الي انا فيه دا ! كنت بتقول ايي؟
_من ايام ثانوي ، وانتي اول بنت احبها واتأكدت مع الوقت انك بقيتي الأخيرة
=احمم ، لبني مريض ٣٠٧
_تعالي يمربوحة تعالي احنا مش ناقصين عبط!
=عندي شغل بقولك
_هديكي إجازة مفتوحة تفكري فيها لمدة عشر ثواني ، يلا فكري خدي وقتك
ضحكت =احمد! استهدي بالله وروح مكتبك
_المكتب ضحكته حلوة اوييي ، وهنا مش ..
=مش قصدي علي المكتب
_الي فاهمني ، ها هنقي الستاير امتي؟
=لما تجيلنا النهارده
_فاكرة لما كنت كل يوم اقولك ادعيلي ربنا يحقق مرادي؟
=أيوة ، كان ايي؟
_كنتي انتي مرادي
=انت عاوز ايي دلوقتي؟
_عاوزين ننول الرضا
=رضا ديي تبقي خالتك ، كن يا احمد
_هزعلك جامد والله ، هنحتايل عليكي يعني؟ ما عيلتك كلها موافقه مالك!
=انت عاوز تخطب عيلتي كلها يعني ولا ايي ميوافقوا برا عني ينجم
_حاكم اخرك معايا الاسبوع دا ، موافقتيش هوافق علي العروسه الي امي جيباها ، حاسس انها هتنسيني جرحك
=وقول للي باع مع الوداع
_بالساهل كده؟
=يا احمد بقولك انت التوينز بتاعي
_بذمتك أنا قمر كده؟
=بطل تسبيل هعورك يالا!
_خلاص والله بهزر
=أيوة اظبط ، وبعدين خطوبه ومحن وكده؟ ابسولوتلي
_ايي؟ وبعدين محن ايي يمريم؟ دا انا بقولك يصاحبي
=يبني والله أنا طايقه نفسي بالعافيه
_طقيني مع نفسك بالله عليكي
=انت عارف اني مليش غيرك اصلا والله ، بس مش جاي معايا سكه الارتباط دا بكلمك في السالك يا اخويا
_بصي ..
=اخويا اخويا
_ولما افقلك نصين هتتبسطي وقتها؟
=لاء هفتحلك دماغك بمولة السرير
_طب ليي الاصابات؟ متسمعيش عن ثواب ادخال الفرحه لقلب مسلم؟
=أنا طارشة بقولك مبسمعش
_طب ما اقتلها! وارشق نفس السكينه بعدها في قلبي ونخلص من القرف دا
=ساري عربي ، يغرقني فلوس واحده بمستوايا تستاهل
_مريم انتي عليكي فلوس للبقال خليني ساكت
=انت عاوز ايي يعني دلوقتي؟
_عاوزك
=مستحيل ، انسي يا احمد احنا اخوات
زغاريط في بيتنا ، امي بتوزع شربات علي الشارع كله
=ايدا نجحت في ثانويه تاني ولا ايي ؟
*خطوبتك بكرة يحبيبتي ، الف مبروك
=الاه! وبتعرفوني ليي ما كنتوا تستنوا وقتها ، أي التسرع دا قولت ميت مرة علي مهلكم لما تدوني خبر
*لازم يبقي عندك علم ، وافقنا علي احمد خلاص
=بس انا مش موافقه
مسكتني من هدومي *انتي اي ؟ ايي؟ قلبي قلبي هتموتنااااايييييي
=خلصتي؟
*ولما أطب ساكته هترتاحي؟
=بعد الشر عليكي يماما
*الواد مناسب وكلنا موافقين ، وهتتخطبيله بكرة يمريم ، بدل ما اصوت ألم عليكي الشارع وبدل ما نوزع شربات نوزع قهوة سادة علي روحك
=احمد ميترفضش
دخلت الاوضه وانا متعصبه ، بيحطني قدام الأمر الواقع ابن الغدارة!
_انت يبني
=عروسه ، اول مرة اشوف عروسه بجعورة ، فين الصوت الشتوي!
_ولا ولا! انت طلعتلي منين؟
=أنا جارك بقالي ست سنين اي طلعتلي منين ديي
_احمد مش كنا صحاب ؟ أيوة بقي أي الي حصل
=مريم أنا بحبك صحاب ايي!
_..
=تنحي اه ، لو هتفضلي ساكته ف تنحي
_انت قولت ايي؟
=أنا معرف شارعنا كله يالي منك لله ، عم ابراهيم البقال وانا بسد الي عليكي ليه قولتله أنا بحب مريم الشحاته
ضحكت _انت عاوز ايي دلوقتي؟
=عاوزين ننول الرضا