ثم تابع بابتسامة قريب اوي قريب اوي هتكوني روان الشامي  زوجت رجل الأعمال مروان الشامي

__________________________.____________

دينا أيوة يا بابا حضرتك هتيجي امتي

شاكر لي يا بنتي حصل حاجة

دينا أيوة ماما قاعدة علي الباب بمنفضة السجاد و حالفة اني ما هخرج منها غير بعلقة يرضيك واحدة في سني كدا تنضب علقة

شاكر هههههههه لا ميرضنيش بس هي هتضربك لي

دينا عشان مخدش السندوتشات الصبح

شاكر ما انتي الي غلطانه برضوا مخدتيش السندوتشات لي الصبح

دينا هو اي الي مخدتهاش يا بابا انت كمان هو حضرتك هتعوم علي عومها

شاكر خلاص اقعدي عندك مسافة الطريق و هكون عندكم أشوف الخناق الي مبيخلص دا

دينا توصل بالسلامه يا بابا مع السلامه

      قفلت دينا الهاتف مع والدها لياتيها صوت نادية من الخارج

نادية و انتي فاكرك لما تكلميه هيخلصك مني احلمي يا بنت شاكر احلمي

دينا نهار منيل بستين نيله و دي عرفت ازاي ثم أخذت تبحث في الغرفة و تقول نكونش مركبالي كاميرا في الاوضه

نادية مدوريش و تفكري كتير عشان متتهبليش

دينا لا كدا كتير

   مش مهم اهو الواحد يناملوا شوية علي ما شاكر يجي و ياخد عقلها بكلمتين و نخرج من الانفرادي دا بقي هههههههه

________________________.___________

تحية من الشباك واد يا بلية انت يلا

بلية ايوة يا ست تحية

تحية اي اللمة الي هناك دي يلا عند بيت الست أمال

بلية لهو انتي متعرفيش يا ست تيحية والي اي

تيحية معرفش اي ياض انطق انت هتنقطني

بلية الست روان بنت حضرتك فوق عند الست امل و كانت جاية مع البشمهندس محمد

تيحية روان هنا في الحي

بلية مؤكدا أيوة

تحية اوعي تكون غلطان يلا والله لهموتك

بلية أنشالله اتص في نظري هي الست روان بنتك

تحية طب غور دلوقتي

بلية ماشي

رواح بلية يزف خبر عدم معرفة تحية بمجئ روان بالحي

تيحية بحسره جاية تشوف امل و مفكرتش حتي تبص علي بيتها صحيح ناكرة الجميل

طب والله لقول لسيد و هو يتصرف معاها وانا الي كنت بحاول امنعة عن القضية بس يلا عشان تصرفك دي مش همنعه لا بالعكس دا انا هقف في ظهره أما اروح اكلمة يجي يشوف المحروسة بنته

________________________._________

روان بس اي دا يا بوسي

بوسي باستغراب اي

روان شكلك بقي شبه الكورة هههههههه

محمد صح يا روان ثم نظر إلي بوسي عشان تعرفي أن مش انا لوحدي الي شايفك كورة هههههههه

بوسي تصدقوا انكم ارخم من بعض اوووف بقي

امل يختي مقموصه علي اي بكرا يتجوز و مراته تكون بكرش اكبر من كدا هههههههه

بوسي احسن هههههههه

روان لي رجتوا الحي هنا يا طنط

أمل زي ما انتي عارفة ابو محمد جالة عقد عمل برا مصر و سافر قولت نرجع بقي بيتنا وسط ناسنا لاصلنا

روان بس انا دوت عليكم كتير اوي

امل بحزن خلاص بقى يا روان حقك عليا متزعليش

روان مقدرش ازعل منكم يا طنط يلا بقي مش هنتكلم من ايدك انا جعاااانه اوووي

امل حالا يا احلي روان في الدنيا هحضر الغدا و ناكل كلنا

روان تسلميلي يا قلبي

________________________._____________

دخل محمود البيت و كان الهدوء هو السائد

محمود هو البيت فاضي وألا اي اه هتلاقي مروان نايم أما اروح انام انا كمان لحسن دا شكلة متعصب و انا مش ناقص

كفاية دينا مش مدياني وش و دايما قافلة كدا بس عسل بنت اللظينة و هتجوزها يعني هتجوزها

______________________._______________

وصل شاكر الي المنزل و استطاع أن يخلص دينا من نادية

دينا الله يخليك لينا يا بابا يا ناصر الغلابة يا رب

شاكر بس يا بكاشة و يلا عشان تكلي

دينا اه و النبي لحسن دا الواحد واقع من الجوع

نادية أحسن عشان بعد كدا تبقي تاخدي السندوتشات

دينا يختااااااي

_________________________.__________

تحية ايوه يا سيد

سيد هو مش انا قولتلك يا ولية طول ما انا في الشغل متتصليش بيا

تحية حصل يخويا

سيد اومال بتتصلي لي دلوقتي

تحية أصلها حاجة مهمة

سيد خير

تحية المحروسة بنتك

سيد روان

تحية أيوة يخويا و هو انت عندك غيرها

سيد مالها

تحية هنا في الحي عند الست امل

سيد روان في الحي و عند امل طبعا تلاقيها جاية تديها فلوس مش احنا أولي برضوا بالفلوس دي

تحية انا قولت اعرفك بس انها هنا

سيد طب اقفلي دلوقتي و انا هاخد إذن و اجي مسافة الطريق

تحية ماشي يخويا مع السلامة

سيد جتيلي برجلك يا روان

__________________________._______

امل يلا الاكل جهز

بوسي اه والنبي يا ماما اصلي جعانه اوي

محمد بترقية و انتي من أمتي بتشبعي يختي

بوسي بس يا رخم انا باكل لاتنين ايا و لابني مش هيقولك يا خالو دا

محمد يجي هو بس و ساعتها نعرف

روان انتوا لسه هتتكلموا يلا انا جعانه

جلسوا جميعا علي السفرة يتناولوا الطعام بجو ملئ بدفي العائله افتقدته روان منذ زمن بعيد

انتهي الجميع من تناول الطعام

روان تسلم ايدك يا طنط امل بجد الاكل تحفة

امل الله يسلمك يا حبيبتي بالهنا يا رب

و بعد جلسة طالت كثيرا استاذنت روان بالانصراف

روان همشي انا بقي

امل خليكي شوية كمان

روان كان نفسي والله بس اتاخرت و عندي شغل الصبح بدري

امل بحزن طيب

روان متزعليش هاجي تاني

احتضنتها امل و بوسي بشدة

محمد يلا هوصلك

روان لا خليك انا همشي لوحدي زمان عربيتي وصلت تحت

كاد محمد أن يتحدث معترضا و لكن قاطعته روان قائلة

العربية قدام البيت يعني هنزل اركب و امشي علي طول مش مستاهلة تنزل

تنهد محمد و قال باستسلام طيب

__________________________.___________

نزلت روان علي السلم و كادت أن تخرج و لكن اعترض طريقها سيد

سيد اهلا و سهلا يا ست روان

تجمدت روان لحظة و استدارت له بابتسامة و قالت بلا مبالاة اهلا يا سيد

سيد والله و القطة طلعلها لسان و بقت تقول سيد من غير بابا

روان و خاف من القطة دي لانها بقت بتخربش كمان

سيد جاية هنا لي عشان تدي لامل و عيالها فلوس مش انا أولي بيها برضوا

روان بيجيلك الي يكفيك و زيادة كل اول شهر

سيد و ماله البحر يحب الزيادة برضوا

روان مفيش جنية تاني هتاخدة

سيد يبقي انتي الي جبتيه لنفسك

روان و هي ترتدي نظارتها مغادرة المكان اعلي ما افخلك اركبة يا يا بابا

و ركبت سيارتها و غادرت مسرعة

سيد هنشوف مين الي هيضحك في الاخر يا يا روان

____________________________.___________

وصلت روان الي منزلها و قابلت سميرة

كادت أن تتحدث سمير قاطعتها روان قائلة أنا كويسة و الحمد لله يا دادة ممكن نتكلم بكرة هستريح شوية بس و غادرت قبل أن تستمع ردها

سميرة جيب العواقب سليمة يا رب

صعدت روان الي غرفتها و جلست علي الفراش شاردة بالماضي

فلاش باك

سيد  بصي بقي عشان انا جبت اخري منك هتوافقي علي البشمهندس آدم هو هيجي بكره بليل و هيقعد معاكي كل الي يقوله توافقي عليه ........

يتبع.....