رواية صغيرة علي كسرة الحياة الفصل الثاني 2 بقلم ساره احمد
رواية صغيرة علي كسرة الحياة الفصل الثاني 2 هى رواية من كتابة ساره احمد رواية صغيرة علي كسرة الحياة الفصل الثاني 2 صدر لاول مرة على موقع التواصل الاجتماعى فيسبوك رواية صغيرة علي كسرة الحياة الفصل الثاني 2 حقق تفاعل كبير على الفيسبوك لذلك سنعرض لكم رواية صغيرة علي كسرة الحياة الفصل الثاني 2
رواية صغيرة علي كسرة الحياة الفصل الثاني 2
قررت إني هدوس علي قلبي ،وهتخطي المرحلة دي بكل وجعها والمها ،بل هتخطاه هو شخصيا ، بس هو واحشني اوووي، هو ليه محاولش يحبني ،ليه معطاش لقلبه فرصه، ليه قال مننفعش لبعض ،قال إني لسه صغيرة ،هو مغلطش يوم ما قال كدا، بس انا مش صغيرة عالحب، انا صغيره علي وجع القلب ."
-خلاص دراستي ودروسي بدأو مينفعش أفضل عند نفس النقطة ،خليكي قوية ي ساره انتي ادها ،حققي حلمك ،دوسي علي اللي داسك ورفضك ،كرامتك فوق كل شئ ."
،كل يوم كان كل الكلام دا بيدور فعقلي ،كنت بكلم نفسي عشان اقويها،عشان اعرف نفسي أنه محدش يستاهل إن الإنسان يضيع نفسه عشانه .
-بدأت خلاص مذاكرة ودروس مكنش عندي وقت حتي أفكر فيه "علي أساس اني كنت نسيته يعني ،دا انا مش فاكره غيره وغير الوجع اللي سببهولي،وصوته المحفور جوا قلبي قبل عقلي ." ،المهم اني كنت حاطه كل تركيزي وطاقتي عشان أحقق هدفي وبس وافرجه مين دي اللي صغيره ،ومين دي اللي متنفعش،وحياة كسره قلبي لاندمه .
--الباب خبط كانو رهف وندي جايين يذاكرو معايا عشان الامتحانات خلاص باقي عليها أسبوع ،هما من نفس سني أقرب ناس ليا ،اكتر ناس وقفو جمبي، لولاهم مكنتش هقدر اعمل أي حاجة .
-عدي الاسبوع وخلاص انا نازلة عشان رهف رنت وقالت إنها مستنياني هي وندي تحت عشان نروح اللجنه مع بعض ،نزلت وانا متفائلة جدا ،انا اه كنت متوترة شوية بس حاسه اني بقرب من حلمي ،بس يارتني منزلت كان هو ،اه هو جاي يوصلنا "حقيقي فيه الخير كنت ظلماه ." ،جاي ومش حاسس بقلبي اللي أول ما شافه نبضه زاد ،دا لو قرب سنتي بس هيسمع دقاته ،جسمي تلج جدا كنت فعالم غير العالم محستش غير وهو بينادي وبيقولي
-هتقفي عندك كتير ،يلا عشان متتأخروش "هو أكيد بيهزر صح ،ما انا كنت مرتاحه منه ومن شوفته ،جاي ليه ،جاي ف اهم يوم فحياتي ،بس لأ مش هسمحله أنه يهد كل اللي بحاول ابنيه بقالي سنه ."
- من غير أي كلمه عديت من جمبه، وفتحت باب العربية وقعدت جمب ندي ورا ،طلعت المصحف وفضلت أقرأ فيه .
-انتبهت لصوته وهو بيقول متتوتروش،الامتحان هييجي كويس بس ركزوا ومتتسرعوش.
-ي حنين ،برميل حنيه راكب معانا ي ولاد ،قولتها فسري بس ندي الغيبه ضحكت بصوت عالي وفضحتنا،وخلتني ضحكت جامد .
-ايه البشوات بيضحكوا علي ايه ، أظن مقولتش حاجة مستاهله الضحك دا كله."حقيقي هو دمه تقيل اصلا بس كان واحشني اوي ."
-ندي ردت لأ ي أبيه مفيش حاجة دا أنا افتكرت حاجة كدا انا وساره وضحكنا ،اسفين.
-انتي هبله انتي كمان ،انتي بتتآسفي علي ايه ،هو ماله هو نضحك ولا حتي نعيط ،دا ايه دا ي جدع بس ،كنت بوجهه كلامي لندي.
-سااااره احترمي نفسك ،بتتضحكوا وصوتكم عالي وكمان مش عاجبك .
-انا محترمه غصب عنك وعن أي حد وإياك تنسي نفسك معايا وتتخطي حدودك ،كنا وصلنا نزلت من العربية ورزعت الباب جامد ورايا وسبقت رهف وندي ودخلت . "بني آدم لا يطاق بس بحبه ،داهيه تقطع الحب وسنينه."
-ايه الامتحان القمر دا يارب كل الإمتحانات تبقي كدا .
-إن شاء الله ي رهف هتبقي الامتحانات كويسه جدا كمان ،وهنحقق حلمنا.
-ساره رهف يلا عشان أدهم مستني بره من بدري .
-معلش ي ندي خدي رهف واركبوا ،انا هركب تاكسي علي شقتنا علطول لإني محتاجة انام .
-فين الهانم التالته ي بشوات.
-طلعت من الباب الخلفي ،قالت إنها هتركب تاكسي.
-انتو اغبيه انتوا كمان سبتوها وجيتوا، اركبوا يلا اخليني الفلها،الساعة اتنين ومفيش حد ،وهتفضل واقفه فالشمس وانا اصلا هخاف عليها من سواقين التاكسي.
-بت ي رهف هو اخوكي دا اهبل ،ولما هو بيحبها كدا ،ميعترفلها ،ولا ناصح مننفعش لبعض .
- هو مش اهبل بس دا عدا الهبل والغباء بمراحل.
-اهيه الهانم واقفه هناك اهيه.
-لقيت عربيته وقفت ادامي، اركبي يلا .
--.............
- هو انا مش بكلمك انا ،و بقولك اركبي.
-مهركبش ويلا مع السلامه انا هاخد تاكسي.
-وأنا قولت مفيش هباب تاكسي هتركبيه دلوقتي .
-وانا برده قولتلك مش هركب معاك .
-قسما عظما ثانيه كمان وهنزل اشيلك وهخبطك جوا العربيه واللي يحصل يحصل .
-وأنت مالك ومالي متمشي،دا ايه البرود دا ي جدع .
-لقيته بينزل وبيقول انتي اللي جبتيه لنفسك .
-فثانيه كنت مرزوعه جمب ندي عشان الحلفان بس ،او مال تحسبوه شالني انا اصلا محترمه وعمري ما كنت هسيبه يعمل كدا ."مع اني اصلا كنت هموت ويشلني."
-ما كان من بدري ي مهزأه هانم .
-اخرسي ي ندي الكلب ربنا ياخدك انتي وهو . "مياخدوش اوي يعني ."
-بتقولي حاجة ي ساره هانم .
-لأ مبقولش واتفضل أسرع خلينا نروح فام يومنا دا .
-هههههههههه ضحك بصوت عالي جدا " يخربيت ام ضحكتك اللي هتموتني قريب دي ."
-بدأت الأيام تعدي بتقلها وامتحاناتها ولسه برده قلبي موجوع ،هما مش بيقولوا الأيام بتداوي، طب ليه قلبي لسه بينبض لما يلمحه ،ليه قلبي اتحكم عليه إنه يحبه.
"النهاردا هيتحدد مستقبلي انا عارفه اني هحقق حلمي وواثقه فكرم ربنا وقدرته."
-رجعت لبيت جدو بعد اصراره إني خلاص معنديش حجة تاني عشان أهرب.
-حبايب قلب جدو أرقام جلوسكم ومش عايزكم ومش عايزكم تتوتروا خالص ،وأيا كان المجموع فأنا هفضل فخور ليكم وبيكم .
-قبل ما جدو يكمل كلامه كان أدهم داخل هو محمد ابن عمي أخو ندي .
-النتيجة بيقولو ظهرت هاتو أرقام جلوسكم يلا ."أدهم أول ما دخل قال الجملة دي ."
-لأ ي محمد هتهالي انت انا بتفأل بيك الصراحة خد الرقم اهوو. "طبعا عنيه كانت بتطلع دخان ،وكان نفسه يجبني من شعري. "
-كدا بس دا انت تؤمر ي جميل .
-تسلم ي دوك والله.
-انا دخلت رقمك ي ساره أهو ،يلا ي أدهم دخل رقم رهف ،وأنت ي جدو دخل لندي،و بعدين نظهر الصدمه قصدي النتيجة مع بعض .
-بس ي خراب انت احنا هنبقي اشطر دكاترة ف تاريخ البشرية،وندي هتبقي أكبر مهندسه فالشرق الاوسط كله .
"كانت رهف اللي بتتكلم ،هي ومحمد ناقر ونقير، بس بيحبوا بعض جدا بس مش معترفين لبعض بحاجة ."
"انا كنت قلقانه جدا ومتوتره ،انا مش هسمح لحلمي انه ميتحققش ،وهو محمد بيدخل الرقم كنت هموت من القلق.
-للاسف ي ساره انتي جبتي 99.9 فالميه ي قرداااااااه.
-بتهزر ،بالله عليك طب وريني كدا ،انت بتتكلم بجد، ي محمد بقا ،طب احلف كدا ، "محستش بنفسي غير وانا ماسكه محمد من ايده وعماله ألف بيه البيت كله ،واتنطط ".
-مش محمد بس اللي فيه ناس بتتفأل بيه "هو اكيد كان يقصدني انا صح " رهف هانم 98.9فالميه ،مبارك ي قلب اخوكي .
-بجد ي أدهم الحمد لله يارب ،ها ي جدو ندي عملت ايه .
-97فالميه اكيد يعني مبارك ي ندوش مبارك ي اجمل مهندسه فالدنيا كلها .
-ربنا يبارك فيك ي جدووو ،الحمد لله يارب.
-يلا ي محماااااد اعزمنا بقا ي جدع .
-بت انتي غبيه هو مين اللي نجح .
-انا .
-يبقي مين يعزم مين ؟!
-أنت اكيد يعني ،مش محتاجة فقاقه يعني.
-قومي ي ساره من وشي بدال ما احدف الطفايه دي فوشك.
-واهون عليك برده ي محمااااد. "طبعا كان ادهم بيولع وكان فاضله ثانية ويخبطني بالطفاية اللي جمبه عنيه بتقول كدا ،يستاهل غيران ليه دلوقتي."
-لأ متهونيش والله ،بس رهف تهون عادي .
-ي نعمممم هي مين دي اللي تهون ي عنيا.
-باااااس انا غلطان سدي حلقك دا بقا ،الا قوليلي ي رهوف هو مين اللي عنيكي.
-مالك ي عم النحنوح انا ساكتلك من الصبح ،وثانية كمان وهقوم مش هخلي فجسمك حتي سليمه.
-لأ وعلي ايه انا قايم عندي عمليه مستعجلة ،المهم ساره يبقي استنيني عشان عايزك فموضوع مهم كدا.
-اوك هستناك فالجنينه برا .
-وإنت ان شاء الله عايز منها ايه ؟
-وانت مالك انت .
-ما هو انا فعلا ما ليش ي ساره هانم علي اذنكم انا ماشي عشان مرتكبش جريمه . "سلام للي واخد قلبي وهو ماشي ،والله لأجننك بس اصبر عليا."
-عيب ي ساره لما تكلمي ابن عمك بالأسلوب دا .
-ما هو دا بالذات ي جدو من هنا ورايح مفيش غير الأسلوب دا معاه ،عشان ميتدخلش فحياتي ،انا مش لعبه فايده ،ومش هسمحله اني ابقي لعبه فايده ، انا مترفضشي ي جدو ،كفايه اوي لحد كدا،وكفاية وجع قلب ،عن اذنكم ،انا طالعه أنام .
"علي اد ما انا كنت فرحانه اني حققت حلمي وجبت مجموع كويس ،علي اد ما انا قلبي حزين اني مشاركتش فرحتي معاه ،كنت يشاركه فكل حاجة لما جاب مجموع طب زمان كنت أول واحده تعرف واول واحده تفرحله وتباركله ،كنت أول واحدة يشاركها كل اهتماماته ،كان بياخد رأي فكل حاجة وأي حاجة ، عشان كدا اتصدمت لأ متصدمتش بس دا أنا اتصدمت جامد اوي ،لدرجة إن قلبي مستحملش واتكسر، واتوجع اوي ،بس وحياة كل دمعة نزلت من عيني وحياة قلبي اللي دوست عليه ،لافرجك مين هي الصغيرة."
للانضمام لجروب الواتساب اضغط هنا