امسكها بقوة كي لا تقع بينما هي تنظر لوجهه بصدمة شديدة

اسد بهدوء : بالراحة .. في ايه 

مليكة بتوتر شديد ظهر على صوتها المرتجف : اااا… انا اسفة 

خالد بضحك: مالك يا بنتي وشك قلب احمر كدة ليه .. عادي كنت بجري وراها فخبطتت بيك يا اسد 

اسد ببرود : و انت بتجري وراها ليه ؟ رجعت الحضانة ؟

ذهبت مليكة من امامه و هي متوترة 

خالد : مالك يعم سخنان عليا كدة لييه .. بعدين دي بنت اخويا و بصراحة كنت بتحايل عليها تزبطلي صاحبتها 

اسد بضحك : ده انت عيل رخم و قليل ادب كمان .. ده ايه الهم ده 

خالد بشهقة انثوية : ربنا يسامحك 

خبطه اسد بوكس خفيف ببطنه و خرجو 

 *********** 

على مائدة العشاء 

كانت نظرات شادي حاقدة متركزة على مليكة بينما مليكة عقلها بالموبايل بتكلم امنية صاحبتها 

الجد ابراهيم : و انت يا خالد مش ناوي تتجوز ولا هتفضل صايع كدة 

ابتسم خالد و قال بخبث : لو لقيتولي عروسة زي ما انا عايز انا موافق 

صباح بلهفة : بكرا اقلبلك الدنيا على عروسة هلف ادورلك على احلى بنت في مصر 

خالد : لا انا عايز عروستي نسخة من مليكة .. و ان امكن وحدة من صاحباتها 

كانت نظرات اسد مركزة عليها و هي حاسة بنظراته القوية و متوترة 

ايمان : لا دي صعبة يعمو .. اصل مليكة ما فيش منها اتنين 

هشام : و هتلاقي فين زي بنات مهران يا خالد ده حلم ابليس في الجنة 

غدير بحنق : و بعدين صحابها كلهم صغيرين يا عمو .. شوفلك وحدة من سنك 

زينب : وحياة امك .. طب منا لما خلفت النطع سليم كنت من سنها 

سليم : و انا ليه اتشتم بقااا 

مهران بضحك : خلاص يا جماعة اهي مليكة اتكسفت 

مليكة بخجل : خلاص بقااااا 

رضوى : هما الضيوف هيجو امته يا بابا 

ابراهيم : بكرا المغرب 

شادي بخبث : و ان شاء الله امته ناوين قراية الفاتحة 

مهران : لسا ما قررناش بس اكيد لو في قبول هنعملها هنا قبل ما نرجع لاسكندرية 

شادي بخبث : و على كدة هتفضلو هنا لغاية الخطوبة

تركت رزان الملعقة بع..نف و قالت بحدة : و انت عندك مانع ؟؟؟ 

نظر لها بصدمة و قال بتلاعب : لا … بس يعني افتكرت هتاخدو فيلا او حاجة 

نظرت رزان و ايمان لبعض بضيق .. اغمضت مليكة عنيها بقوة و هي تفهم قصده تماما فوالدها لا يمتلك امولا لهذه الدرجة و كما انه رحل عن عائلته بعد انجاب رزان مباشرة بسبب المشاكل و لم يتصالح معهم الا من خمس سنوات  بالتالي لم تعد علاقته بهم كالسابق 

خالد بحدة : ما تنساش يا شادي ان ده بيت ابويا انا .. و زي ما ده بيت جدك هو بيت جدهم و احنا الي نقرر مين هيقعد معانا … و انت بقالك 23 سنة في البيت ده ما حدش اتكلم عليك .. و مش من حقك تتكلم عليهم 

شادي بغضب : هي حصلت تعايرنا .. كل ده عشان اييه و ميين ؟؟ 

اسد : شادي .. اهدى ..ده عمك 

شادي بجنون : مش شايف طريقة كلامه 

ابراهيم بصوت عالي : بسسسس … ايه مش محترمين الكبار ولا ايه ؟؟ و انتو اساسا ازاي تتكلمو بحاجة زي دي ؟؟ دي حاجة ترجعلي انا و انا الي اختار مين هستقبل في بيتي .. و انتو كلكو عيالي و احفادي يعني بيتي مفتوح ليكم كلكم .. خلاص اسكتو  

ترك شادي الطعام و كان سيذهب 

ابراهيم بحدة : شاااااادي 

شادي بغضب : نعم ؟ 

ابراهيم : كمل اكلك 

شادي بحدة : شبعت 

ابراهيم بصوت اعلى : قولت كمل اكلك 

عاد شادي ليتناول الطعام و هو محروق دمه 

**************

جلس الجميع بالحديقة الخارجية 

السيدات يجلسن سويا و يتحدثن  و الرجال ايضا 

بينما الشباب 

دنيا و رزان سويا و بيضحكو بصوت عالي 

و ايمان و رضوى و غدير مع بعض بيتكلمو 

مليكة قاعدة بزاوية لوحدها و بتكلم امنية كالعادة 

اسد  و خالد و سليم و فراس مع بعض  بينما شادي صعد للاعلى ليتحدث مع خطيبته  

كان اسد يسترق النظر لها كل ثانية و مليكة ملاحظة لكنها لم تبدي اهتمام بينما رزان تنظر له و تتحدث مع دنيا و تحاول لفت انتباهه

على الشات : 

امنية : يا بت قولي لباباكي عن الزفت شادي خليه يربيه 

مليكة : خايفة 

امنية : يا بنتي لازم يتربى صدقيني ده هيبدا يبجح اكتر من كدة لو محطيتلوش حدود 

مليكة : طيب سيبك منه عايزة اقولك عن اسد 

امنية : اهااا الكراش بتاعك ..ههههه ..ماله بقا ؟؟  كلمك ؟؟

مليكة بخجل : لااا .. وقعت بحضنه و مسكني جامد يا امنية .. قلبي كان هيتخلع من مكانه من كتر ما توترت 

امنية : العب يلااااا … امته حصل ده .. و الله و طلعتي مش سهلة … و انا بقول هتفضحنا و مش هتعرف تعمل حاجة البنت دي .. قولي قالك ايه .. قولتي رايحة تقعدي عند بيت جدك شوية …اتاريكي رايحة تشقطي المزز ولاد عمك 

ضحكت مليكة على كلامها من قلبها و كان اسد بيتابع كل حركاتها لحد ما ضحكت حس احساس غريب جدا و سرح بجمال الضحكة الناعمة و الهادية

مليكة : يا بت خليني اعرف اكتب شوية … محصلش حاجة تانية خالص هو بس مسكني عشان ما اوقعش .. ما تألفيش قصة حب 

امنية : ماشي يستي .. الا قوليلي عملتي ايه بحكاية شادي .. مين الي متكلم عليه  و موصله انك بتتكلمي ع الصفرة خطيبته 

مليكة : الواطية غدير … فتحت موباليها و لقيتها قايلة لخطيبة شادي اني انا كنت اتكلم عليها و قال ايه انا قايلة ان فستان الخطوبة كان وحش اوي .. عاملة فيها بريئة و بتحبنا و كل الوقت بتتقرب من ايمان عشان هتتجوز … انا بجد مش فاهمة هي البنت دي منفسنة كدة ليه 

امنية : ده ايه القرف ده … مهي اخت المسطول برضو  اكيد دمها س..م

مليكة : لا و كله كوم و نظرات دنيا كوم تاني .. بتبصلي بطرف عينها تقولي قات..لالها حد 

امنية : غريبة مع انها صاحبة رزان .. المهم  سيبك منهم اخبار عمك المز ايه ؟ 

مليكة : هو انا ما قولتلكيش ؟؟ مش السنارة غمزت يا بت و سأل عليكي 

امنية : بتهزرييي 

مليكة : والله العظيم .. انا تعمدت انزل صورتك بالستوري و هو شافها و النهاردة فضل يتحايل عليا اديله نمرتك

امنية : اديتهاله ؟ هيكلمني امته ؟؟ الواطي لغاية دلوقتي ما بعت ولا رسالة .. لا انا زعلت منه 

مليكة بضحكة : يا بت اتلمي ما اديتهوش حاجة 

امنية بعتت سمايلات غضب كثيرة 

امنية : يا واطية .. دي الصحوبية يا كلبة .. عايزة تقطعي بنصيبي .. انا هوريكي .. و الله لقول لاسد انك مكرشة عليه 

مليكة بضحكات عالية : يا بت اتلمي لازم تثقلي شوية .. انا بحب عمو خالد بس بحبك انتي كمان و بصراحة خالد بيحب البنات و صايع لازم تبقي تقيلة شوية عشان يحبك بجد 

امنية : اش اش شوفو مين بيديني نصايح .

مليكة : امنية اخرسي هعملك بلوك 

امنية : هيهي يخراشي .. اتلمي يا بت انا هبقى مرات عمك 

ضحكت مليكة من قلبها بس بصوت عالي 

خالد : ايه يختي هتفضلي ماسكة الموبايل ده كتير ؟؟ اييه مش هتقعدي معانا ؟؟ و مين الي عمال يضحكك كدة ؟؟

نظرت  و قالت : طيب جاية .. دي امنية .. انت عايز اية 

ابتسم بخبث 

و قرب منها و قال بوشوشة : اسد ما شالش عينه من عليكي .. شكله معجب 

ضحكت بخجل  و قالت : و الله لو مهما عملت مش هديك حاجة 

خالد بعبوس : و اهون عليكي 

مليكة بضحك : خلاص بقا هديك الواتس بتاعها بس لو عملتلك بلوك مليش دعوة لانها مش بتكلم شباب 

خالد بسعادة : هاتتيييي 

اتى اسد و نظر لها بقوة لدرجة انها خافت 

اسد : بتعملو ايه 

خالد : لا اتكلمو انتو انا هروح اشوف نفسي  و اعيييش 

و ذهب و تركهم مع بعض 

اسد : كان عايز منك ايه 

مليكة بتوتر  : ااا.. كان عايز نمرة صاحبتي 

اسد بهدوء : اممم .. مالك ؟ خايفة ؟ 

مليكة بتوتر : لا و هخاف ليه 

اتت رزان و دفعت مليكة بخفة و قالت : ايه ما كملتيش كلام مع امنية 

مليكة : اه خلصت .. انا هروح انام 

دنيا بضحكة :  لا تنامي ايه يا صغنن … على فكرة مفيش مدرسة الصبح 

مليكة شعرت بالضيق من كلام دنيا 

اسد بحدة : دنيا

دنيا بضحك : يا عم فكو شوية .. بقولوكو ايه ما تيجو نلعب كلنا مع بعض 

اسد بسخرية: ليه رجعتي الحضانة 

دنيا : يا شباب تعالو 

ايمان : في ايه ؟؟ 

دنيا : عايزين نلعب .. ايه رايكو 

رضوى بتشجيع : ماشي بس هنلعب ايه 

سليم : انا هقولوكو … احنا نلعب لعبة احكام .. نكتب اسئلة على ورق و نخلطه و كل واحد يسحب سؤال و الي ما يعرفش يجاوب هنحكم عليه حكم 

فراس : طب مين هيحط الاسئلة 

غدير : الكبار 

سليم : ايوووة 

بعد وقت قصير 

اتى خالد 

مليكة : ردت ؟ 

خالد بعبوس : لا هلعب معاكو لغاية ما ترد 

مليكة بضحك : مش هتكلمك انا عارفاها 

سليم : يلا يا جماعة الاسئلة جاهزة 

وضعو الاوراق جميعها في طبق 

رضوى : هنبدا من الكبير و لا من الصغير 

فراس بضحك : انا بقول نبدا من مليكة عشان تفك شوية 

مليكة بضيق و هدوء : انا مش عايزة العب 

خالد : لااااا هتلعبي .. يلا اسحبي ورقة 

اخذت نفس و سحبت ورقة 

مليكة : السؤال بيقول كم عدد الشرائط في علم الولايات المتحدة؟ 13 او 17 او 20

سليم : ها عندك اجابة ؟؟

مليكة بتوتر : مش عارفة .. 17 ؟

سليم : غلطططط  13 .. مين تحبي يحكم عليكي 

مليكة نظرت للجميع بتوتر و قالت : خالد

خالد بابتسامة : طيب .. هحكم عليكي تتصلي بصاحبتك امنية و تفتحي السبيكر 

مليكة بصدمة : نعمممم .. لا مستحيل 

فراس : لااا كدة عيلت اوي .. لازم تنفذي 

اتصلت مليكة بامنية 

امنية : ها يزفتة مكلماني ليه مش ع اساس هتعملي بلوك 

ضحكو جمعيا على طريقتها 

ايمان : جعفر الي جواها خرج 

امنية بصدمة : هو في ايه … انتو بتحفلو عليا .. بعتيني يا مليكة يا واطية 

مليكة بضيق : ما تزعليش مني يا امنية 

امنية بغضب : ماشي يا مليكة انا هوريكي سلام 

و قفلت السكة 

تجمعت الدموع بعنيها بس كتمتها و قالت بضيق : مش عايزة اكمل معاكو 

حضنها خالد بعد ما حس بالذنب و قال بضحك : خلاص بقا يا ملوكة ما تزعليش اوعدك هتجوزها و اربيهالك عشان زعلتك 

ضحكت مليكة على كلامه 

سليم : مش وقت تثبيت في بعض يلا دورك يا غدير 

سحبت غدير ورقة 

غدير : السؤال بيقول كم تستغرق الأرض للدوران حول الشمس؟ 365  او 460 او 320 يوم 

رضوى : لا دي سهلة مش محتاجة حاجة 

غدير ببرود : 365 

فراس بضحك : لا ذكية اختي 

سليم : طيب دلوقتي دنيا و لا رزان اختارو 

دنيا : لا اسحبي يا رزان الاول 

سحبت رزان ورقة و قالت : السؤال بيقول متى تأسست نيتفليكس ، 2001، 1997 ،2009 ؟ طبعا  2001 

سليم بضحك : طبعا غلططط الاجابة الصحيحة 1997 يلا اختاري مين يحكم عليكي 

رزان بابتسامة : اااا … اسد 

نظر لها اسد باستغراب 

اسد ببرود : لا انا مش عايز العب معاكو 

دنيا بترجي : اسددد بلييز 

اسد بنفخة : طيب .. 

ايمان : ربنا يستر 

رضوى بضحك : يلا يا اسد احكم عليها 

اسد بخبث : هتغسل كل المواعين الي بالمطبخ 

نظرت له بصدمة شديدة ثم نظرت لدنيا 

بينما خالد انفجر من الضحك و قال : اهو اتدبستي .. يلا ع المطبخ 

رزان بصدمة : حرام عليكو و الله 

دنيا بهمس : ده اول طلب ليه ما تطفشهوش يا ولية 

ايمان : لا دي شروط العبة لازم تنفذي 

رزان بنفخ : هفففف .. لا انا مش عايزة العب .. المواعين الي جوة تكسر الضهر و بعدين في شغالين 

رضوى : انتي عيلة اويييي 

فراس بسخرية : خلاص يجماعة رزان شالت الليلة 

خالد بضحك : خيبتي املنا بيكي يا زرة 

رزان بحنق : مخلاص بقا تعالي يا دنيا نقعد بعيد عنهم 

*******

ذهبت مليكة و جلست بحانب والدها تفكر بامنية فهي قد احرجتها امام الجميع .. بعتت رسائل كثيرة تعتذر لها و تخبرها ان خالد السبب و لكن امنية لم ترد 

سندت رأسها على كتف والدها الذي احتضنها و قال : نعستي ؟ 

مليكة بتثاؤب : اوي 

مهران : كمان شوية هنطلع 

اغمضت عنيها لغاية ما راحت بالنوم  

كان اسد يجلس مقابل لها تماما و يدخن سيجارة و يتابع حركاتها 

رضوى بابتسامة : يااه مهران قد ايه حنين على مليكة

ايمان بحب : بابا حنين علينا كلنا .. بيعتبرنا اميراته مش بس بناته .. قد ما هلف الدنيا مش هلاقي حد عنده زي حنية بابا علينا و اهتمامه بينا .. خصوصا مليكة عشانها الصغيرة الي فينا 

رضوى : بقولك ايه يا ايمان .. حاولي تكلمي رزان تخف علينا شوية 

ايمان : ليه يعني 

رضوى : مش سامعة صوت ضحكهم عالي قد ايه .. و بعدين باين اوي انها بتحاول تلفت الانتباه .. عمري ما شوفتها كدة من قبل … يعني دنيا على طول كدة بس رزان طول عمرها عاقلة .. و على فكرة اعمامك واخدين بالهم بس مش عايزين يتكلمو 

ايمان بهدوء : ما تقلقيش اكيد هكلمها 

مر الوقت و حاول مهران ايقاظ مليكة و لكنها لم تستيقظ من شدة النعس 

الجد ابراهيم : خلاص باينها تعبانة و مش هتفوق …..تعالو يا بنات طلعوها تنام بالاوضة

مهران : لا  انا هطلعها .. هي حرام تعبت من الطريق  

حملها و صعد لاعلى وضعها بسريرها و قبلها بحب 

رزان : ايه و انا مليش بوسة قبل النوم ولا ايه 

قرب منها و قبلها ثم اتجه الى ايمان و قبلها ايضا و قال : يلا نامو و ما تسهروش كتير 

ايمان : يووه يا بابا احنا ما صدقنا 

رضوى بضحك : الكلام ده ما ينطبقش عليكي انتي بالذات مسموحلك تسهري 

مهران : خلاص براحتكم بس سيبو مليكة ترتاح .. حرام دي مش بتنام كويس و عندها ثانوية 

دنيا : خلاص يعمو هنسهر باوضة تانية 

قرصها من خدها بلطف و قال : طيب تصبحو على خير 

و خرح 

دنيا بسخرية : كل ده عشان مليكة هانم 

رزان بحدة خفيفة : دنيا مليكة فعلا تعبانة و عندها ثانوية و طول الوقت بتذاكر .. ع الاقل نسيبها ترتاح بالنوم 

ايمان : خلاص يا بنات روحو الاوضة التانية و اسهرو زي ما انتو عايزين .. انا هقعد  في البلكونة هكلم حمادة

نظرت دنيا لهن باستغراب شديد و بعدها قالت : طب يلا يا بنات 

**************

مر الوقت و اصبحت الساعة 2:00 صباحا 

استيقظت مليكة على صوت ضحكات 

قامت و غسلت وشها و هندمت نفسها  وخرجت للبلكونة 

ايمان : ايه ده انتي صحيتي 

مليكة : ايه الي مصحكي لغاية دلوقتي

ايمان بخجل : بكلم حمادة 

مليكة بتثاؤب : اااه طب هنزل اعمل قهوة 

نزلت عن السلم و هي بتسمع اصوات ضحك الشباب .. كانو بيلعبو كوتشينة 

دلفت المطبخ 

و بدأت تحضر القهوة 

مجرد ان لمحها تركهم و دلف المطبخ

قرب منها بهدوء بدون ما تحس و ازاح خصلات شعرها لوراء اذنها  

وقعت من ايدها الملعقة و قالت بخضة : اعااااا خضتني 

اسد بابتسامة : حد يشرب قهوة دلوقتي 

سرحت بابتسامته و قالت بنعومة : اه انا 

اسد بضحكة : طب ممكن تعملي حسابي معاكي ؟

مليكة بابتسامة دافئة : اوكك 

كانت بتعمل القهوة و هو بيبصلها بتأمل بينما هي تذوب من الخجل 

دلفت رزان و نظرت لهم بصدمة 

مليكة : ايه ده انتي صاحية 

رزان : اه .. كنت جاية اخد مية .. انتي ايه الي مصحيكي 

مليكة : عايزة اذاكر شوية قبل ما النهار يطلع 

نظرت رزان الى اسد وقالت بابتسامة : اسد محتاج حاجة اعملهالك ؟ 

اسد نظر الى مليكة وقال بهدوء : لا.. مليكة بتعمل قهوة و قولتلها تعمل حسابي 

رزان بابتسامة : بصراحة مفيش بعد القهوة الي بتعملها مليكة حاجة تجنن 

انهت مليكة اعداد القهوة 

مليكة بابتسامة : اتفضل .. تشربي قهوة يا رزان ؟ 

رزان : لا انا هطلع .. عايزة انام 

اخذ اسد الكوباية و القى نظرة على مليكة و خرج 

اخذت مليكة كتابها و خرجت الى الحديقة 

 حل الصباح و طلعت الشمس و طول الوقت اسد قاعد ع البلكونة بيبص على مليكة و هي قاعدة ع الارض و فارشاها بالكتب بتاعتها و بتذاكر …. كان مبسوط على شكلها و طريقتها  الطفولية 

بينما بقية الشباب نايمين في وسط الفيلا خالد  نايم ع الارض و متغطي و فراس متمدد على الانتريه و سليم على المرجيحة نايم و  بيشخر 

صحيت الجدة صباح بدري و نزلت 

نظرت لهم و نفخت بنفاذ صبر و بعدين خرجت للحديقة 

صباح : بتعملي ايه يا مليكة 

مليكة بخضة : خضتيني يا تيتة .. بذاكر 

قامت و قبلت يد جدتها و قالت : صباح الخير لاحلى صبوحة بالدنيا 

صباح بضحك : صباح النور يا بكاشة .. طالما صاحية من بدري خشي اعملي قهوة  اصلهم قالو القهوة بتاعتك تحفة 

مليكة بحب : من عنيا الاتنين .. ثواني بس الم الحجات دي 

دلفت مليكة المطبخ وجدت والدتها و زينب ( والدة اسد ) 

نهال : صباح الخير يا حببتي شكلك مش نايمة 

مليكة : صباح النور يا ماما .. صباح الخير يا طنط زينب

زينب بابتسامة : صباح الفل يحببتي .. و الله واضح انك تعبتي اوي بالمذاكرة 

مليكة و هي تمدد يديها بتعب : اه والله تعبت و ما نمتش كويس 

نهال : انا مش فاهمة هالكة نفسك ليه يا بنتي لسا الامتحانات فاضل عليها مدة كويسة 

مليكة بتوتر : لازم عشان انجح يماما 

زينب : يا حببتي ما تخافيش ان شاء الله هتنجحي بس ما تجيش على صحتك 

دلف اسد و قال : صباح الخير 

زينب بحب : صباح النور يحبيبي .. تحب اعملك فطار 

اسد بهدوء : لا يحببتي … بس لو مليكة تعملي فنجان قهوة زي بتاع امبارح 

مليكة ببحة : حاضر و انا اصلا جاية اعمل لتيتة 

مر الوقت سريعا 

ايمان : كدة شكلي مضبوط ؟ 

رضوى : تجنني 

دلفت نهال و قالت : ايه يا بنات حصل معاكو ايه 

ايمان بتوتر : ماما لبسي حلو ؟

نهال : ايوة يحببتي قمر .. مالك خايفة يا بت .. ما تخافيش مش هياكلوكي 

رضوى بضحك : بصي رزان و دنيا و غدير متحمسين تقولي هما العرايس 

نظرت نهال الى البنات 

نهال : سلطانة هويام  اقفلي القميص كويس

ضحكت رضوى باعلى صوتها 

رزان بعدم فهم : في ايه يماما ؟ 

نهال بحدة : من امته و انتي بتفتحي القميص كدة يا بت .. صدرك باين اقفليه كويس .. 

رزان بانتباه : والله ما اخدت بالي يماما 

نهال : فين مقصوفة الرقبة التانية 

دنيا بضحك : البروفسورة مليكة بتذاكر 

نهال بنفاذ صبر : البت دي هتجنني .. كل الناس بيضربو عيالهم عشان يذاكرو الا انا بضربهم عشان يخففو مذاكرة 

****************

كانت مليكة قاعدة جنب ايمان الي متوترة 

مليكة : محمد بيغمزلك 

ايمان بتوتر : بصي لما يقومو خليكي قاعدة معانا 

مليكة بخفوت : لا طبعا ايه الهبل ده بقالكم تلات سنين مستنين اليوم ده عشان انا اقعد معاكم ده كان يدبحني  .. و بعدين محدش هيقوم انتو الاتنين هتخرجو و اقعدو لوحدكم 

ايمان بتوتر : انا خايفة 

مليكة بابتسامة : مخلاص يا ايمان مش هياكلك 

رزان : ايمان اجمدي شوية ده حمادة الحب نسيتي 

مليكة بضحك : قوليلها 

رزان بخبث : اوعدنا يا رب .. بصي بيبصلك بحب ازاااي .. الله ده رومانسي .. انت فين يا قرة عيني 

مليكة بضحك : الهي يا رزان بابا يسمعك و يكسرلك الجمجمة عشان تتربي 

بعد وقت تمت الطلبة و الضيوف روحو بعدها 

مهران : ها يا ايمان يحببتي ايه رايك 

ايمان بخجل : عايزة وقت افكر 

لوت مليكة بوقها و نظرت الى رزان 

رزان بخبث : لا هيا موافقة بس عايزة تثقل شوية 

شدها مهران من اذنها و قال : وانتي مالك ؟؟  اتلمي يا ولية بلاش افرمك 

مليكة بدلع : و تهون عليك بنتك يا بابي 

ضحكت رزان و قالت : انا الدكر الي فيكو يا بت 

مهران بضحك : اتلمو و على اوضتكم بسرعة 

********

زينب بهدوء : حببتي ملوكة اطلعي هاتي ملايات جديدة لاوض الاولاد 

مليكة بابتسامة : حاضر يا طنط بس منين 

زينب : استني اسأل رضوى 

بعد شوية 

رضوى : اطلعي يا مليكة لاوضة الغسيل و هتلاقيهم بالدولاب الاول 

مليكة : حاضر 

صعدت مليكة بهدوء 

و دلفت الاوضة .. و بدأت تخرج الملايات 

فتح الباب بعنف و كان شادي 

شادي بخبث : بتعملي ايه 

مليكة برعب : انت بتعمل ايه هنا ..  اطلع برا …… يتبع