رواية موضوع عائلي الفصل الثامن والثلاثون 38 بقلم رحاب القاضي

رواية موضوع عائلي الفصل الثامن والثلاثون 38 بقلم رحاب القاضي


رواية موضوع عائلي الفصل الثامن والثلاثون 38 هى رواية من كتابة رحاب القاضي رواية موضوع عائلي الفصل الثامن والثلاثون 38 صدر لاول مرة على موقع التواصل الاجتماعى فيسبوك رواية موضوع عائلي الفصل الثامن والثلاثون 38 حقق تفاعل كبير على الفيسبوك لذلك سنعرض لكم رواية موضوع عائلي الفصل الثامن والثلاثون 38

رواية موضوع عائلي بقلم رحاب القاضي

رواية موضوع عائلي الفصل الثامن والثلاثون 38

ــــــــــــــــــــــــــــــــــــــــ 
_ بعد ما يونس سمع كل اللي عملته مايا وبرغم غضبه منها الا انه ما ردش عليها ومشي ورجع بيته، واول ما دخل البيت اتنهد بضيق وراح قعد علي الكنبه اللي كانت ديماً بتحب تقعد عليها شهد وهي بتتفرج علي التلفزيون... 
_بص للبيت كله والهدوء اللي بقي مالي كل مكان وكأن ما فيش حد ساكن في البيت، علي عكس ما كانت هي وولاده هنا كان ديما بيكون في صوت ضحك وهزار او خناقات شهد معاهم... 
قربت منه المربيه سعاد وقالت
حمد لله علي سلامة حضرتك يا يونس بيه.. 
ما ردش عليها يونس وهي قالت
انا اسفه بس اظن بعد اللي وصلنا وان شهد هانم مش هتيجي هنا تاني، انا لازم امشي.. 
يونس بجمود
خدي الكل معاكي وامشو ومرتب الشهر كامل هيوصلكم، بس مش عايز حد في البيت.. 
سعاد بحزن 
تحت امر حضرتك.. بعد اذنك.. 
_ وفعلا بعد شويه الكل مشي وفضل هو قااعد لوحده، طلع اوضته فوق ولاول مره يدخل اوضته ويبقي حزين بالشكل ده من لما عرف شهد وكانت حياته كلها سعيده معادا دلوقتي، راح قعد علي السرير وافتكر موقف قديم حصل من سنين لما كانو ولاده لسه صغيرين وعمرهم شهور.. 
_فلاااش باااك... 
ــــــــــــــــ
_ كان هو نايم وشهد واقفه بيوسف اللي كان بيعيط وبتحاول تنيمه، قعد يونس وزعق فيها وقالها.. 
يونس
هو ما فيش اي اعتبار للي نايم خالص.. 
شهد بتعب
اعمل ايه يعني يا يونس، الولد بيسنن وتعبان وخايفه اروح بيه اوضته يصحي يزن وانا ما صدقت انيم واحد فيهم.. 
يونس بحده 
طيب انا عندي شغل الصبح وعايز انام اتصرفي.. 
شهد بدموع
يعني هو انا اللي الصبح بكون حاطه ايدي علي خدي ما بكون صاحيه معاهم والله انا بقالي يومين ما نمتش ساعتين علي بعض... 
يونس بغضب 
خلصنا يا شهد انا هغور في ستين داهيه من وشك ده بقيت عيشه تقرف.. 
شهد بحزن 
لا خليك انا طالعه.. 
_ واخدت ابنها وطلعت، وهو كان هينام بس موبيله رن برقم مايان فقاام بسرعه وقفل الباب كويس وفضل يتكلم معاها.. 
_ بااااك.. 
ـــــــــ
_رجع من ذكرياته ولمعت عيونه بالدموع ومش اي دموع، فدموع الندم قاتله، بص لصورته هو وشهد وولادهم اللي كانت متعلقه علي الحيطه وقال بحزن.. 
يونس
انا اسف انا كنت غبي وظلمتكم اووي معايا، وما عرفتش احافظ عليكم... 
_ ولم يكن الحال افضل عند شهد... 
اللي كانت قااعده في البلكونه وبتقلب في صورها هي ويونس مع بعض ودموعها ماليه عيونها، طلعت جميله في البلكونه بتاعتهم وقالت.. 
جميله 
طيب لما حد بيتجوز بيقولو مبروك، ولما حد بيموت بيقولو البقاء لله، لما حد يطلق بقي بيتقاله ايه؟.. 
ابتسمت شهد وقالت
بيتقاله البقاء للاقوي... 
ضحكت جميله وقالت
وانتي الاقوي علي فكره، ولازم تكوني كده عشان ولادك واحد زي طليقك ده ما تعتمديش عليه في حاجه.. 
اتنهدت شهد بحزن وقالت
طليقي يونس بقي يتقال عليه طليقي؟.. 
_ قالت كلامها وفضلت تعيط وجميله بصتلها بحزن وقالت.. 
جميله 
انا اسفه والله العظيم ما اقصدش والله، طيب خلاص بطلي تعيطي.. 
_ بصت جميله حواليها بقلق وبعدين جابت الكرسي اللي في البلكونه ووقفت عليه ونطت عند شهد في البلكونه.. 
شهد بصدمه
انتي مجنونه صح احنا في الدور الرابع افرض وقعتي.. 
جميله 
كنت هموت عادي، المهم ادخلي هاتيلنا لب او فاكهه او اي حاجه تسلينا لحد ما احملك حتت مسلسل تركي رومانسي هناخد عليه السهره.. 
شهد 
لا استني بس انا لسه مش مستوعبه انتي عملتي ايه، افرض وقعتي بجد او حد شافك.. 
جميله 
استوعبي وانتي بتجيبي الحاجه، وانا هحمل المسلسل من الواي فاي بتاع عمو محمود انا سارقه الباسورد بتاعهم.. 
ضحكت شهد وقالتلها
حاضر يا جميله دقيقه واحده وجايه.. 
طلعت في الوقت ده ايتن وقالت 
انتو بتعملو ايه وانتي امتي روحتي عندهم، خرجتي امتي اصلاً؟.. 
شهد 
اختك المجنونه نطت من علي البلكونه.. 
ايتن بحماس 
استنو كده انا كمان جيالكم.. 
_ وعملت ايتن زي جميله وصحي يوسف ويزن علي صوتهم وفعلا حملو المسلسل وقعدو كلهم علي الارض في البلكونه وفضلو يتفرجو علي المسلسل لحد ما نامو... 
ــــــــــ #بقلم_الكاتبه_رحاب_القاضي ـــــــــ 
_ وتاني يوم الصبح في بيت عمار المنشاوي.. 
كان قااعد بيفطر هو ومروان اللي قاله.. 
مروان 
عمي زكريا عازمني علي ماتش كوره في نادي كده كمان كام يوم.. 
عمار بضيق
براحتك.. 
مروان 
بابا انا بعيد عن مشاكلكم، انا بحب عمي زكريا ومستحيل اخسره زي ما مستحيل اخسر حضرتك ابداً.. 
عمار ابتسم وقاله
جدع يا مروان، روحله وخليك بعيد عن مشاكلي معاه هو بيحبك اصلا اووي.. 
مروان 
والله يا بابا هيرجع وهيبقي احسن من الاول.. 
عمار بحزن 
ان شاء الله انا ما فيش حاجه تعبتني في حياتي غيره، بس عشمي في ربنا كبير انه هيرجع، المهم انا مسافر شرم الشيخ بس مش هطول وهكون هنا الصبح او الفجر.. 
مروان 
تمام انا ممكن اروح ابات عند جدو.. 
عمار بهدوء
و ااا انا هاخد معايا جميله.. 
مروان بقلق
بابا بس جميله غير البنات بتوع زمان؟.. 
عمار ساب الاكل وقاله
استني كده وانت ايه اللي عرفك بالحاجات دي!.. 
ضحك مروان ببلاهه وقال
عمي زكريا كان بيحكيلي عشان ابقي صايع زيكم.. 
عمار ابتسم وقال
الله يخربيت زكريا وسنينه، دي كانت شقاوه قديمه وبطلنا خلاص وجميله غير اي حد وقريب اووي من غير تقطيع هتبقي مرات ابوك.. 
مروان بصدمه 
نعممم لا طبعا ده انا بالع انها اخت ايتن بالعافيه، فتبقي مرات ابويا لا طبعا انا مش موافق وبعدين صغيره عليك يا حج.. 
عمار بغيظ 
قوم يالا من وشي والله ما انت مكمل فطار قال حج قال.. 
قرب منه مروان وقاله
طيب هات رقم سماح انحراف وانا هوافق.. 
ضربه عمار علي قفاه وقاله
يالا يا ابن الجزمه يا واطي.. 
مشي مروان وهو بيضحك وعمار قال بغيظ 
يخربيتك يا زكريا ده انت كنت بتقوله كل حاجه بجد.... 
ـــــــ #بقلم_الكاتبه_رحاب_القاضي ـــــــ
_ في بيت يونس.. 
صحي من النوم علي صوت خبط جااامد علي الباب، وافتكر انه مشي كل الشغالين فقام ونزل فتح  الباب واتفاجئ لما لقي قدامه محمد اخوه وهناء مرات ابوه.. 
يونس بضيق
انتو ايه اللي جابكم دلوقتي؟.. 
ذقته هناء ودخلت وقالت
وحشتني يا ابن الغاليين.. 
محمد قرب منه وقاله
هاجر كلمتها وقالتلها كل اللي حصل بينك وبين شهد وهي حالفه لتربيك.. 
يونس بضيق
بقولك ايه خد امك واتكل من هنا.. 
محمد 
لو تقدر تقولها كده قول انا اصلا مش فاضي وعندي هوا كمان شويه.. 
هناء بحده 
انت هتفضل واقفلي هنا، اومال فين مراتك يا يونس؟.. 
قعد يونس قدامها وقال
طلقتها هتعملي فيها مش عارفه.. 
زعقت فيه وقالتله
قوم فز اياااك تقعد قدااامي يا ولد قوووم اقف.. 
وقف يونس وقال بقلق
في ايه يا محمد ما تشوف امك.. 
هناء قلعت الجزمه اللي لابساها وقالت
امه دي هتربيك يا عديم التربيه يا اللي مالقيت اللي يربيك.. 
_وحدفته بالجزمه بس هو ميل بسرعه فجات في وش محمد اللي قال بغيظ... 
محمد 
ما تركزي يا امي مش كده.. 
هناء
ما راحتش بعيد برضو، وانت يا زفت تعالي هنا قدامي.. 
يونس بعصبيه 
بقولك ايه انا ما فيش حد خلقه ربنا قدر يعمل فيا كده ولا ربع كده كمان.. 
هناء بحده 
معاك حق زعلانه يا حلوه عشان ضربتك بالجزمه بس انت معاك حق جزمه واحده مش كفايه انت لازم تضرب بالتانيه.. 
_ميلت تقلع الجزمه ويونس جري علي محمد واتخبي وراه، وقال بخوف.. 
يونس
يا عم سكت امك يا عم هو ايه ده؟.. 
محمد بسخريه
لا انت جاي تتخبي فيا ليه، بص هي اصلا ناويه تعيش عندك من هنا وجاي.. 
يونس 
لا ابوس ايدك خدها معاك.. 
هناء
تعالي يا يونس  هنا ما تخافش.. 
يونس بقلق
مش خايف علي فكره بس مش جايلك برضو.. 
كتم محمد ضحكته وهناء زعقت فيه وقالت
خد يا واد انت هنا يا تتعبنيش معاك بدل ما انا اللي اجياك ولو جيتلك يومك مش هيعدي علي خير.. 
قرب منها يونس وقال
علي فكره مش خايف اصلا.. 
هناء 
جدع وانت يا شيخ محمد روح ياخويا للهوا بتاعك ليفوتك وايااك اسمع انك زعلت مراتك وولادك انا كل يوم  هكلمهم اطمن عليهم.. 
محمد
عينيا يا ست الكل وهخلي السواق يدخلك الشنطه.. 
مشي محمد ويونس قاله 
محمد ولااا ما تخليش حد يدخل حاجه.. 
هناء
بتقول ايه يا ابن حاامد؟.. 
يونس
بقول حضرتك هتفضلي مشرفااني لامتي؟.. 
هناء
لحد ما تتلم وتتربي، امك ماتت بدري وانا استندلت وسيبتك وابوك رمااك في الشارع فعشان كده طالع قليل ربايه وواطي بس ما ابقاش انا هناء ان ما ربيتك من اول وجديد وانا اهو فضيالك.. 
يونس بضيق
اقسم بالله انا اللي ما فاضيلك وحياتي فيها الف هم وهم.. 
هناء بسخريه
ما هو بسببك تخون شهد يا يونس... 
اتملت عيونها دموع وقالت
بتغلط زي اخوك مازن بس مش هسيبك تضيع زيه فاهم ولا لا؟.. 
ابتسم يونس وقالها
حاضر.. 
هناء بحده 
روح يلا غير هدومك وتعالي عشان تفطر واعمل حسابك ان ما فيش اكل بره غير الغدا، والعشا هنا معايا فاهم ولا لا.. 
يونس 
ان شاء الله حاضر... 
ــــــ #بقلم_الكاتبه_رحاب_القاضي ـــــــ
_ في شركة عمار المنشاوي.. 
كانت جميله قاعده علي مكتبها، وطلع عمار من مكتبه وهو بيتكلم في الموبيل بتاعه وقال.. 
عمار
تمام يا مدام فريده لا ان شاء الله الصبح هتكون عند حضرتك وانا اللي هوصلها بنفسي.. 
قفل مع فريده وقال لجميله
نص ساعه وتكوني جاهزه عشان هتيجي معايا شرم الشيخ.. 
جميله 
ايه اروح فين؟... 
عمار بجديه 
ايه مالك عندنا شغل واجتماع مهم وانتي لازم تيجي معايا.. 
جميله 
انا بعتذر بس ماما مش هتسمحلي اسافر وو.. 
قرب منها وقال بصوت واطي
اخدت اذنها وقالتلي خدها وما ترجعهاش تاني.. 
جميله بتوتر من قربه 
اصيله اووي ماما وبتموت فيا.. 
غمزلها عمار وقال
مش لوحدها والله.. 
جميله بتوتر
ها؟؟.. 
بعد عنها عمار وقال لفيروز
ظبطي بقي كل حاجه يا فيروز وفهميها النظام معايا هناك هيكون ازاي... 
فيروز بضيق
حاضر يا عمار بيه تحت امرك.. 
دخل عمار مكتبه وجميله قالت
يا نهار اسود انا وهو هنسافر كده لوحدنا.. 
فيروز بضيق
علي فكره هو ديماً بياخدني انا في الشغل ده، ولما كان بيروح شرم كان بيبقي لوحده، برغم اني بشتغل اكتر منك بس هو مفضلك عليا في حاجات كتير.. 
قامت جميله وقعدت جنبيها وقالت بحزن
انا اسفه والله ما كانش قصدي ادايقك انا عارفه اني دبش وغبيه ومش شاطره زيك، بس صدقيني عمار بيه بيساعدني مش اكتر والله، طيب انا ممكن والله ادخل اقوله ياخدك مكاني واقوله اني تعباانه انا بجد مش قصدي.. 
فيروز بهدوء
انتي طيبه اووي يا جميله برغم انك مستفزه، بس قلبك طيب ويا ستي انا متعوده من يومي اذاكر وانجح واطلع الاولي بس يتحكم عليا ادخل تجاره واخويا يدخل طب عشان هو الولد وانا البنت واهلي مش هيقدرو يصرفو علينا احنا الاتنين في كلية الطب، اشتغل واتعب وفلوسي تتاخد عشان البيت وما احنا كده كده هنبقي نجهزك وياما عملنالك ه.انتي وصلتي لشغلك ده ازاي يعني.. 
جميله 
اروح ارميلك نفسي من فوق عشان ترتاحي يعني، يا ستي سبيها علي ربنا ويمكن تتجوزي واحد كده مليونير وتتبري من اهلك وترتاحي.. 
ضحكت فيروز وقالت
ههههههه طيب تعالي اقولك بقي عمار بيه هيحتاج ايه هناك، عشان تجهزيه ويبقي معاكي واياكي تنسي اي حاجه دي صفقه مهمه ولازم تكون كل حاجه جاهزه.. 
جميله 
استعنا علي الشقا بالله، وريني ياختي.. 
ــــــ #بقلم_الكاتبه_رحاب_القاضي ـــــــ 
_ في شركة يونس.. 
كانت دارين عنده في المكتب وقالتله... 
دارين 
زكريا ده مش ساهل والله واوعي تصدقه ده مريض وقااصد يفرق بينك وبين يوسف.. 
يونس 
لا لا انتي ما تعرفيش يوسف، هو هيفهم ان المصلحه اهم وهيقبل يسيب مكتبه.. 
دارين  
الموضوع مش مكتب بس ياا يونس، زكريا عايز مكانه وعايز يوسف يمشي من هنا هو عنده عقده في العلاقات بسبب مستكله مع عمار اخوه.. 
يونس 
مش مهم ياخده المهم زكريا المنشاوي يكون في صفي.. 
دارين 
مااشي طيب صاحبك حرام بجد ده كان معاك خطوه بخطوه.. 
يونس بحده 
دارين طلعي نفسك بره الموضوع ده، انا عارف انا بعمل ايه... 
دخل في الوقت ده زكريا وقال
صباح الخير.. 
يونس قام وقال
صباح النور كويس انك جيت، تعالي عشان تستلم مكتبك الجديد وبالليل نمضي العقود... 
زكريا 
تمام يلا بينا.. 
_طلعو هما الاتنين وراحو مكتب يوسف اللي كان بيلم في حاجته... 
يونس 
يوسف الموضوع مش مكتب يعني بدل ما كنا اتنين شركاء هنبقي تلاته و.. 
قاطعه يوسف وقال بحزن
لا يا صاحبي انا عارف انك قسمتها خلاص وانت زمان قولت احنا اتنين ومش هنقبل القسمه علي اكتر من كده.. 
قعد زكريا علي مكتب يوسف وقال
انا لو هسبب مشاكل ممكن انسحب... 
يونس
لا طبعا انت هتقعد والقرار هنا ليا انا وبس.. 
يوسف بسخريه 
عارف وعشان كده انا مش هكمل معاك، وتقدر تعتبرها مش نهاية شراكه وبس لا نهايه كل حاجه ياا.. يا صاحبي.. 
_ واخد يوسف حاجته ومشي ويونس كان واقف مدااايق جداً، وزكريا قاله بهدوء.. 
زكريا 
عمار في شرم الشيخ بيقابل مندوب الماني عشان المشروع بتاع الصفقه، المشروع ده هيكون عندك كل تفصيله عنه.. 
يونس بفضول
ازاي يعني؟.. 
زكريا 
عمار عامل خزنه في اوضة ابنه بيشيل فيها كل حاجه مهمه والورق ده هيكون فيها وانا هجيبه بمعرفتي.. 
يونس ابتسم بخبث وقال
بالليل العقود هتكون جاهزه واللي تطلبه انا معاك فيه، المهم عمار ده ينزل الارص ما ياخدش ولا حاجه في السوق.. 
زكريا بحقد 
انت لقيتني لمصلحتك وانا لقيتك وما صدقت عشان اتسند بحد واخد. حقي من عمار حتي لو كان التمن اني اقتله.. 
بصله يونس بصدمه وقال
تقتله؟!... 
زكريا بدموع متحجره 
واكتر من كده كمان، تقدر تشوف شغلك وانا هتأقلم لوحدي هنا.. 
يونس قام وقال
تمام... 
_ طلع يونس ودخل مكتبه وهو مدايق من كلام زكريا علي اخوه جداً، هو ممكن يعمل اي حاجه في الشغل بس مش عايز يقتل حد، دخلت عنده دارين وقالت.. 
دارين 
مش قولتلك يوسف هيمشي.. 
يونس بحده 
طيب شكرا ممكن تروحي بقي تشوفي الحوار اللي طلبته منك، ما انا مش بدفعلك اكبر مرتب هنا عشان تيجي ترغي معايا.. 
دارين بدموع 
علي فكره انا مش بشتغل عندك عشان باخد اكبر مرتب، انا لو طلبت كده بس عشان شكلي قدام الموظفين بس انت عارف كويس اني مش محتجاله،وانت عارف كويس انا هنا ليه وو.. 
يونس قاطعها بجمود 
دارين مش وقت دراما ممكن تساعديني بجد محتاجلك ومحتاج تتحمليني شويه.. 
دارين بحزن 
ماشي يا يونس قريب اووي اللي طلبته هيكون عندك.. 
يونس
هو مش زكريا كان خطيبك قبل كده.. 
دارين بعدم فهم 
ايوه بس سيبنا بعض من سنين.. 
يونس 
يعني برضو عارفه عنه حاجات وممكن من خلالها تدخلي عليه وتعرفي اللي عايزينه.. 
دارين بضيق
علي فكره زكريا كان اول حد احبه في حياتي، ممكن اكون استغبيت لما سيبته بس هو كمان ما كانش الشخص اللي اندم عليه، بس فكرة اني اعمل اللي انت عايزه انا كده هتعب قلبي وقلبه تاني.. 
يونس بضيق 
افهم من كلامك ده ان لسه في حاجه جواكي ناحيته وانا كنت فاكر انه اا.. 
دارين بسرعه قالت
لا والله هو انتهي بالنسبالي بس انا مش عايزه اقرب منه وافتح القديم لمصلحتي.. 
يونس بجمود
خلاص مش مهم انا هتصرف، روحي شوفي شغلك وانا لما هحتاجلك هبعتلك.. 
دارين بهدوء
طيب ممكن نتغدي بره النهارده وو.. 
يونس 
لا مش فاضي اتفضلي يا دارين.. 
_ طلعت دارين وهي مدايقه من تصرفاته اللي كل شويه بحال معاها، وهو قعد علي مكتبه وبص لصورة شهد وولاده اللي كانت قدامه علي المكتب واتنهد بضيق وطلع موبيله وكلم بطه اللي ردت عليه وقالت.. 
بطه
انت عايش ما انتحرتش لحد دلوقتي؟.. 
يونس
في ايه يا بت انتي؟.. 
بطه
ما هو واحد زيك بعد اللي عملو ده لازم ينتحر ويخلصنا منه.. بس بعد الشر عليك عشان ماليش غيرك بعد ربنا انت وجوزي وامي وصحابي وشهد ويوسف ويزن وحماتي اللي مطلعه عيني و.... 
يونس بحده 
بطه روحي لشهد  شوفي احوالها ايه، زعلانه مبسوطه عادي وتقوليلي فاهمه.. 
بطه 
يعني حتي بعد ما اتجوزت لسه بتاخدني كوبري.. 
يونس
اعملي اللي بقولك عليه يا بطه وبس... 
_ قال كلامه وقفل الفون في وشها واتلهي في شغله.. 
ـــــــــ #بقلم_الكاتبه_رحاب_القاضي ــــــــ
_ وفي بيت جميله.. 
كانت شهد قااعده مع ايتن وكانو بيكلمو جميله فيديو وهي في العربيه مع عمار وبتقولهم.. 
جميله
 ما تتكلموش في حاجه من غيري منه لله اللي بوظلنا خطة اليوم.. 
شهد 
علي فكره انا كده كده ما كنتش هكون معاكم ليه عشان بطه اخت طليقي جايه كمان شويه.. 
جميله 
وايه اللي جايبها دي بقي؟... 
ايتن 
كويس اوووي انها جايه انتي بقي تتشيكي وتباني انك ولا في بالك حاجه ولا فارقه معاكي حاجه.. 
جميله 
ليه يعني تعمل كده؟.. 
شهد 
ايوه ليه اعمل كده؟.. 
ايتن 
ياربي صبرني غبيه والتانيه اغبي منها، اكيد هي هتكلم اخوها وتقوله اخبارك ده اذا ما كانش هو اللي باعتها.. 
شهد 
اقفلي كده يا جميله انا محتاجه ايتن في حياتي اووي.. 
_وقفلت فعلا مع جميله اللي بصت لعمار اللي كان مركز معاها وقالها بهدوء.. 
عمار
منه لله اللي بوظلك خطة اليوم، وياتارا الهانم كانت تقصد  مين؟.. 
جميله بجمود
انت بتكلمني انا؟.. 
عمار بهدوء
انا اسف عشان دايقتك لما كنتي قاعده مع ايهاب.. 
جميله ببرود
انا اصلا نسيت عادي يا عمار بيه؟.. 
عمار بغيظ 
عمار بيه اممم ماشي يا جميله، هو بقي كان عايزك في ايه؟.. 
جميله وهي بتلعب في موبيلها
لو تخليك في حالك.. 
عمار بحاجب 
ده انا؟.. 
جميله ببرود
تؤتؤ انا اقصد الولد اللي بيلعب معايا في بابجي اسر ابن عمو صبري جارنا... 
لبس عمار نضارته الشمسيه وقالها
انا مش بحب ماسكة الموبيل في الشغل.. 
جميله قفلت الموبيل وقالت
تمام اهو قفلته اي اوامر تانيه.. 
_ ما ردش عليها عمار، وبص الناحيه التانيه وهي قالت بصوت واطي.. 
جميله 
روح جاتك القرف في حلاوتك.. 
عمار بصلها
نعم؟!.. 
ما ردتش عليه وقالت للسواق 
ما تشغلنا حاجه حلوه كده نسلي الطريق يا عمو.. 
بص السواق لعمار اللي قاله
شغلها يا سيدي.. 
جميله 
لا استني انا هشغل علي مزاجي ده قدامنا بتاع ساعه ونوصل وعايزين نفرفش.. 
_ ابتسم عمار لما لاقاها مسكت موبيلها تاني وشغلت اغنيه "ايه اليوم الحلو ده".. 
عمار ضحك غصب عنه وقالها
هو انتي حد قالك طالعين رحله.. 
جميله 
يا عم هو انت بيدايقك في ايه ابقي قاعده مبسوطه انا ما بعرفش اقتد كده بتأمل الطريق وانا ساكته .. 
السواق
والله يا عمار بيه انا بطلع معاك شرم من زمان بس اول مره المسافه ما تكونش ممل.. 
جميله 
قوله يا عمو، عندك قنبلة الجيل يا عمو عشان النت عندي خلص.. 
عمار قرب منها وقال
ممكن اشغلهالك عندي نت كتير، بس تبطلي تقولي عمار بي دي وارجعي لعموري.. 
جميله بهدوء
بقولك ايه يا عمو انا بطلت اسمع اغاني اقفل البتاع ده.. 
عمار بغيظ 
براحتك يا جميله برااااحتك اووي بس هانت.. 
_ ومسك موبيله وشغل اغنيه هاديه شويه وكان قاصد جميله بكل كلمه فيها لما المطربه غنت وقالت.. 
" إعمل ناسيني يا تاعبني معاك... 
خليني علي ناار كده بالاياام... 
سهرلي عيني في ليالي هواك.. 
لو كده يرضيك، انا راضي تمام".. 
_بصت جميله من الشباك وتلقائياً ابتسمت لما دندن هو مع الاغنيه وقال... 
عمار
اعمل ما بدالك اعمل اللي بيحلالك.. يا نهار ابيض علي الدلال والحلاوه والجمال .. 
_وبعد شويه وصلو شرم الشيخ ولقيت ان في اهتمام كبير بعمار من اول ما وصل وامن في كل مكان... 
جميله 
هو انت المحافظ ولا ايه؟.. 
ضحك عمار بهدوء وقالها
هههه لا انا عمار المنشاوي اللي لحد الان مش قادره تفهمي انه شخصيه كبيره اووي في البلد دي ومن اغني اغنياء الوطن العربي كله مش مصر بس.. 
جميله بسخريه
نصيحه مني مش بالفلوس، اصل الفلوس دي عامله زي القمله مش بتمسك غير في الناس المعفنه.. 
كتم السواق ضحكته وعمار قال بغيظ 
اااه يا معفنه اخرسي خالص.. 
_ وبعد شويه وقفو قدام الاوتيل وجه بتاع الامن بسرعه وفتح الباب لعمار والسواق فتح الباب لجميله ووراهم عربيات الحرس الخاصين بعمار،وراحت جميله للسواق وقالتله.. 
جميله 
عمو ممكن تصورني والجارد دول ورايا والنبي.. 
السواق 
عمار بيه هيزعل.. 
جميله 
هو يعني لا هيرحم ولا هيسيب رحمة ربنا تنزل.. 
عمار بجديه
جميله تعالي يلا.. 
_جميله راحتله بس وقفت قبل ما تدخل وبصت للمكان حواليها وابتسمت بدموع وعمار استغرب وقوفها وسألها.... 
عمار
في ايه؟.. 
جميله ابتسمت بدموع وردت عليه
انا جيت هنا قبل كده ايوه انا فاكره المكان ده كويس.. 
عمار
الاوتيل ده بتاعي علي فكره اشتريته من ست سنين.. 
جميله شاورت علي مكان معين وقالت
هنا كان في محالات كتير زي نظام مول صغير، كان بابا جايبنا نقضي اجازة الصيف هنا، وانا طلبت منه اجيب عروسه كانت عجباني اووي.. 
اتنهدت ونبرتها بان فيها حزن كبير وقالت
وقولتله يجيبهالي بس هو كان لازم ينزل القاهره بسرعه عشان في مشكله في الشغل ووعدني انه هيرجع ويجيبلي واحده ليا ولايتن واحده، من عشر سنين بالظبط رغم اني كنت كبيره بس كان نفسي فيها اووي.. 
دموعها نزلت وقالت
بس بابا مشي وما رجعش عمل حادثه بالعربيه ومات، والعروسه اكيد في حد غيري اخدها والمكان ده اتغير طبعا لازم يتغير اصلا بعد ما بابا مات كل حاجه في حياتي اتغيرت اووي.. 
عمار بهدوء
ممكن ندخل طيب.. 
بصتله جميله ومسحت دموعها وقالت
هو انت لسه هنا، بس شوفتني وانا عاقله حلوه صح... 
عمار ابتسم وقالها
انتي في كل الاوقات حلوه يا جميله ❤
_ اتوترت جميله وبصت للارض وهو ابتسم بهدوء ودخلو جوه والموظف بتاع الاستقبال قال لعمار.. 
علاء
اهلا بحضرتك يا عمار بيه نورت الاوتيل كله.. 
عمار
بنورك يا علاء عامل ايه؟.. 
علاء
تمام جداً بفضل حضرتك بعد ربنا، اتفضل مفتاح الجناح.. 
عمار 
تمام بس انا قولت ان عايز حجزين... 
جه النائب بتاع عمار وقال
اهلا وسهلا يا عمار بيه.. 
عمار
اهلا يا فارس فين يا ابني الحجز بتاع المساعده بتاعتي؟.. 
فارس 
يا عمار وانا اعرف منين انها المساعده، ما انت وزكريا كنتو بتيجو مع اا.. 
حضنه عمار وقاله 
وحشني يا فارس يا حبيبي عامل ايه... 
وقاله بصوت واطي
اكتم خالص الله يخربيتك... 
جميله 
عمار بيه الف وامشي يعني، انا نفسي بصراحه.. 
عمار
لا طبعاً اتفضلي اقعدي في الجناح ده وانا هاخد غيره كده كده احنا قبل الفجر هنتحرك وهنرجع القاهره.. 
جميله 
تمام بعد اذن حضرتك.. 
_ اخدت منه المفتاح ومشيت وعمار قال لعلاء بنفاذ صبر.. 
عمار
احجز غيره يا ابني.. 
فارس بخبث
صغيره الكتكوته دي عليك يا عموري.. 
عمار بضيق
خليك في حالك يا خفيف بدل ما اخصملك مااشي.. 
_ واخد عمار مفتاح اوضته وطلع هو كمان فووق.. 
ـــــ #بقلم_الكاتبه_رحاب_القاضي ـــــ
_ وفي بيت جميله.. 
كانت فريده واقفه في المطبخ بتعمل العشا ودخلت عندها ايتن وقالت بتوتر.. 
ايتن 
بتعملي ايه عشا النهارده يا ماما؟.. 
فريده 
عامله بانيه وفراخ ليه بتسألي؟.. 
ايتن بقلق
طيب زودي شويه عشان انا عزمت مروان يجي يتعشي معانا وما تتعصبيش والنبي... 
فريده 
انا نفسي افهم انتو شايفني ايه كيس جوافه مش تتزفتي تقوليلي الاول .. 
ايتن 
يا ماما يا حبيبتي الولد باباه مسافر وهو قالي مش عارف يتعشي لوحده، وبعدين ده مروان ميرو اللي بتحبيه.. 
والباب خبط وقالت ايتن 
اهو جه هروح افتح بقي.. 
_طلعت ايتن فتحت الباب لمروان اللي كان ماسك شنطة اكل كبيره في ايده وقالها.. 
مروان 
عارفه انا اكتر حاجه خلتني اجي ان اختك جميله مش هنا وهخلص من رخامتها.. 
ايتن 
مروان هو ايه اللي في ايدك ده؟.. 
مروان 
العشا قولت انا اعزمكم.. 
ايتن بخوف
ليه جيبت معاك هو حد يجي بتعشي عند حد يجيب معاه اكله.. 
مروان 
وفيها ايه يعني؟.. 
طلعت فريده من المطبخ وقالت
ادخل يا مروان يا حبيبي والاكل اللي معاك ده تاخده معاك وانت مروح ترجعه بقي او تاخده البيت انت حر، بس انت جاي بيت ملياان خير فعيب تجيب اكلك معاك.. 
مروان 
سوري يا طنط مش قصدي والله.. 
فريده 
عادي يا حبيبي ولا يهمك انت زي ابني يا مروان، تعالي يلا ادخل...
وقالت لايتن
 وانتي يا نيله اتحركي وهاتي الاكل يلا.. 
ايتن 
حاضر يا ماما.. 
مروان بصوت واطي 
اساعدك في حاجه.. 
ايتن ابتسمت وقالتله
لا ميرسي بس يارب تفضل كده علي طول.. 
مروان 
لا اطمني بعد الجواز عندنا شغالين.. 
فريده 
انتي لسه واقفه عندك يا نيله انتي.. 
ايتن بتوتر
رايحه اهو يا ماما.. 
ــــــــ #بقلم_الكاتبه_رحاب_القاضي ـــــــ
_في بيت عماد... 
كان قاعد بيتفرج علي التلفزيون، وبعدين نده علي جهاد بصوت عالي وقال.. 
عماد _
جهااااااد انتي ياا بت.... 
طلعت جهاد وبصتله بقرف وقالت _
عايز ايه؟.. 
اتنهد بضيق وقالها _
اعمليلي كوباية شاي وحطي اربع معالق سكر مش تلاته... 
جهاد بعصبيه قالتله _
المطبخ عندك والشاي والسكر عندك والبوتجاز مراحش بعيد عايز حاجه قوم اعملها لنفسك.. 
وقف عماد وقالها بحده _
بقولك ايه مش هتفضلي قالبه خلقتك عليا كده كتير انا ماليش في النكد... 
جهاد بدموع متحجره
انا مش عملتلك اللي عايزه مالكش دعوه بيا تاني بقي وسيبني في حالي.. 
اتنهد عماد بغيظ وقالها _
غوري من وشي انا غلطان اني عايز اصالحك بني ادمه مقرفه.. 
_دخلت اوضتها وفضلت تعبط، وبره رن زكريا ع عماد. فرد عليه عماد وقال.. 
عماد _
لا والله زعلان منك ازاي تيجي وتمشي علي طول من غير ما اشوفك حتي، ده السهره كانت نقصااك.. 
زكريا وهو سايق عربيته _
انت ليه بعتلي اختك يا عماد؟.. 
اتعصب عماد وقاله _
انا حر يا عم انت دخلك ايه اختي وانا حر فيها... 
زكريا بجمود_
انت كنت مخليها تيجي وهي مجبوره عليا صح، وانا اللي كنت فاكرها خايفه او مكسوفه يا شيخ انت ايه معندكش نخوه... 
عماد. بغيظ _
انت عايز ايه دلوقتي يا زكريا، متصل تقطمني يعني؟.. 
رد. عليه زكريا بخبث وقال _
لا وانت بتحس اووي، بقولك ايه انا عايز اختك النهارده.. 
ادايق عماد وقاله _
هي مش هتروح لحد تاني خلاص كده... 
زكريا بخبث _
هبعتلك قد اللي بعته المره اللي عدت مرتين،ده غير اني هخليك ترجع تشتغل تاني زي الاول بس تبعتها وفي اي وقت ابقي عايزها فيه تبعتهالي... 
عماد بضيق _
طط طيب يبقي بينا ما حدش يعرف انها بتجيك؟.. 
زكريا بسخريه _
انا بره دلوقتي بس في الطريق اهو ساعه كده وابعتهالي انا هكون مستنيها... 
_ قال كلامه وقفل زكريا في وشه وقعد عماد بيفكر يبعتله اخته تاني ولا لا، بس لما افتكر الفلوس وانه هيرجع يشتغل تاني قام وراح خبط علي اوضتها، فتحت جهاد وقالتله بعصبيه.. 
جهاد _
عايز مني ايه بقي ما تسيبني في حالي... 
عماد بتوتر _
عايز فلوس؟.. 
خافت جهاد منه وقالتله _
انا مش معايا فلوس، سيبني في حالي الله يرضي عنك.. 
عماد. بحده _
وانا ماليش دعوه دلوقتي تروحي تجيبيلي فلوس.. 
عيطت جهاد وقالتله بعصبيه _
وانا اجيبلك منين، حرام عليك انا مستقبلي ضاع وحياتي باظت بسببك... 
عماد بغضب زعق فيها وقال _
بقولك ايه يا تروحي تجيبي فلوس من عند زكريا زي المره اللي عدت يا تطلعي ومتجيش هنا تاني وده اخر كلام عندي يلاا.. 
_تفتكرو جهاد هتعمل ايه؟... 
ــــــ #بقلم_الكاتبه_رحاب_القاضي ــــــ
_ وفي بيت يونس.. 
وصل البيت بعد ما خلصت سهرته مع زكريا ومضو عقود الشراكه وكانت الساعه واحده بعد. نص الليل، فتحله الحارس باب العربيه ونزل يونس منها وكان بيكلم بطه وقالها.. 
يونس بضيق
اممم يعمني هي كويسه وعادي يعني؟.. 
بطه 
وربنا البت جات علي الطلاق احلوت كده ووشها نور طيب دي عملالي بيتزا تجنن... 
يونس بغيظ 
طيب اقفلي يا بطه.. 
بطه 
نسيت اقولك مش هي ناويه تشتغل كمان.. 
يونس بعصبيه 
اقفلي يا بطه خلاص.. 
بطه 
اخر حاجه والله هقولها واقفل، يوسف ابنك بيقولك انك وحشته اووي وعايزك تروح تاخده من هناك وترجعه البيت تاني.. 
يونس بحزن 
طيب يا بطه اقفلي، وقولي ليوسف جوزك يكلمني.. 
بطه 
لا انا بايته عند. امي النهارده ويوسف عند امه.. 
يونس
طيب خلي بالك من نفسك، يلا سلام.. 
_ قفل معاها ودخل بيته وقبل ما يقفل الباب لقي هناء ظهرت في وشه وقالتله.. 
هناء
عندك يا ولد انت، كنت فين؟.. 
يونس 
كنت في شغل، وفاصل وعايز انام.. 
هناء بحده 
كدااااب شغلك خلص من الساعه 7 المغرب وانت بقالك ست سعات ونص صايع فين بقي؟.. 
يونس بضيق
روحت سهرت مع واحد صحابي شويه، وبعدين انت هتعيشي الدور عليا ولا ايه؟.. 
_طلعت هناء خرطوم بلاستك صغير من ورا ضهرها وضربته بيه جامد علي كتفه وقالت.. 
هناء بغضب 
لما تتكلم معايا تتكلم بأدب يا روح امك، واعيش الدور عليك وعلي اللي جابك الله يرحمه براحتي برضو ده انا هناااء بنت شيخ الجامع ياااه... 
يونس بصدمه من تصرفاتها قال
انتي ايه اللي بتعمليه ده؟.. 
هناء بغضب 
فكر تغلط وتقول حاجه مش علي مزاجي تاني واقسم بالله هخلي الخطرطوم ده يعلم علي كل حته في جسمك.. 
يونس كتم ضحكته وقالها 
حاضر ممكن طيب اروح انام.. 
هناء بجمود 
بره... 
يونس 
نعم ده بيتي انتي بتطرديني من بيتي.. 
ضربته هناء تاني جامد وقالت
قولتلك ما تقولش حاجه تدايقني وتسمع الكلام، واعمل حسابك كل يوم معاك للساعه عشره بس بره اتأخرت عن كده الشارع اولي بيك يا صايع يا ابن الصايع الله يرحمه.. 
وكملت كلامها بهدوء وقالت
الا بقي لو كنت مع ولادك او عندهم دي هعديها.. 
يونس ابتسم وقال
حاضر بس ممكن ادخل انام.. 
هناء
بره نام في الجنينه في اي زفت، بس مدام اتاخرت بالشكل ده يبقي مالكش مكان هنا... 
يونس بغيظ
يا وليه انتي بتقولي ايه حرام عليكي عايز انام.. 
ضربته هناء بالخرطوم وقالت
بره يا ولولو عليك،بره يااه اخلص.. 
_ فضلت تضرب فيه لحد ما خلته يطلع بره البيت وقفلت الباب بالمفتاح، وقعد يونس علي سلم البيت بعد ما قالع الجاكيت بتاع بدلته وحطه تحت راسه وقبل ما ينام بص للحراس بتوعه اللي كانو مصدومين من اللي حصل وقالهم.... 
يونس
في ايه يا ابني منك ليه ما تخليكم في شغلكم.. 
_ بصو الحراس قدامهم وهو نام علي سلم البيت، وابتسم بهدوء اول ما افتكر اللي عملته معاه هناء...
_ احمم استعدو بقي للاحداااااث القادمه، لان اللي فات حماده واللي جاي حماده تاني خااالص.. 
ــــــــــــــــــــــــــــــــــــــــ 

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-