قومت جرى ونزلت تحت قبل ما يتكلم مع حد ويبان انى مخبيه عليهم زعلى 

∆ استريح يا شادى دا انت لسه جاى من طريق سفر والله ما هتمشو غير لما تاكلو معانا 

: سفر !!

بصيت ليه بترجى _ ايوه يا حبيبي حمدالله على السلامه 

: الله يسلمك 

∆هاروح اجهز الاكل يكون ابوكى جه نتغدا سوا تعالا معايا يا محمد

رد محمد بطريقه كوميديه$ بعد اذنك يا ابو نسب عشان ورايا شغل البيت 

: حبيبي خد راحتك 

_ جاى ليه !!

: جاى اخد مراتى 

_ اسمها طليقتك 

: دا انتى ذات نفسك مش معترفه ب دا انا هعترف بيه 

_ انا اعترف بيه ما اعترفش دى حياتى الشخصيه متدخلش فيها 

: جبتى القسا.وه دى منين  

_ البركه فيك 

قطع كلامنا دخول محمد $ يآرب يا ساتر يلا عشان نتغدا انتو كنتو بتتخانقو ولا اى 

: وانا اقدر على زعل هند 

نغزته واتكلمت بهمس _ مش هسامحك برضو 

اكلنا واضطريت اروح معاه عشان اهلى 

(بابا مريض سكر وضغط ف مش حابه اقوله على حاجه تضايقه يتعب ولا ادخلهم ف خلافات ) 

____فالبيت ___

*نورتى بيتك يا ست البنات 

_ تسلمى يا طنط دا شويه وهطلق ان شاء الله 

*يا بنتى ربنا يصلح ما بينكم 

_ ان شاء الله بعد اذنك هطلع اغير وارتاح شويه 

*اتفضلى يا حبيبتى 

_________

: اخيرا الشقه بقا ليها روح 

_ تصدق انك عيل صغير عامل زى اللى بيفضل يعيط على لعبه اول ما بيطولها بيركنها جنبه و لما بتضيع ولا بتتكسر بيعيط عليها 

: يا هند كلامك صعب ومش سهل انى استحمله

_ يا جدع وانا اللى كنت حِمل انى اسمع تهزيقك وكلامك اللى زى السم 

: ما انتى كنتى دايما كنتى بتسمعى وتسكتى اشمعنا المره دى 

_ عشان جبت اخرى اديتك فرص كتير وانت مقدرتهاش كنت بقول معلش يمكن مش قاصده ممكن يتغير بس للاسف انت باصص تحت رجليك وشايف انك ادبست فيا ف خلاص طلقنى 

: انا اسف ، بس طلاق مش هطلقة

_ متتكلمش معايا خالص ومن هنا ورايح مفيش كلام يجمعنا 

: طب وقدام اهلنا !! 

_ محدش يعرف ان فيه بينا مشاكل بس كلو دا لحد ماتتطلقنى

: انتى وخداها لعبه !! كل شويه طلقنى طلقنى انتى فكراها بالسهوله دى !

_ هعمل تنازل عن كل شيئ بس طلقنى 

: مش عايزه تسمعينى 

_ لا ولو انت راجل وقد كلمتك طلقنى 

: لاحظى ان كلامك صعب على اى راجل يستحمله ومدام دى حريتك طب انتى طالق ...

يتبع