رواية موضوع عائلي الفصل الواحد والاربعون 41 بقلم رحاب القاضي

رواية موضوع عائلي الفصل الواحد والاربعون 41 بقلم رحاب القاضي


رواية موضوع عائلي الفصل الواحد والاربعون 41 هى رواية من كتابة رحاب القاضي رواية موضوع عائلي الفصل الواحد والاربعون 41 صدر لاول مرة على موقع التواصل الاجتماعى فيسبوك رواية موضوع عائلي الفصل الواحد والاربعون 41 حقق تفاعل كبير على الفيسبوك لذلك سنعرض لكم رواية موضوع عائلي الفصل الواحد والاربعون 41

رواية موضوع عائلي بقلم رحاب القاضي

رواية موضوع عائلي الفصل الواحد والاربعون 41

ــــــــــــــــــــــــــــــــــــــــ 
اخبرتك بأن الجميع قد خزلني، تقوم انت كمان تخزلني... انت عبيط؟!.. 
شهد بقلق
اطلع بره يا يونس انا مش لسه مراتك عشان تتصرف كده انا طليقتك يعنب محرمه عليك.. 
_مسك ايدها بقوه وقربها ليه وقال بنبره هاديه جداً لكنها مليئه بالغضب.. 
يونس
لو الدنيا كلها شافت انك حرام عليا، هتغضلي نظري الست الوحيده اللي حلال ليا لاخر عمري، وغصب عنك كمان.. 
اتملت عيونها دموع وردت عليه
انت جاي عايز مني ايه؟.. 
يونس بحزن
جاي اسألك ليه جيبتي سيرة نور في الوقت ده، ليه دلوقتي بتقارني نفسك بيها؟.. 
شهد بحزن
عشان اتأكد؟.. 
يونس بحده 
تتأكدي من ايه انتي عارفه ومتأكده اني بحبك يا شهد.. 
شهد بسخريه
بس حبيت نور اكتر مني وبتحبها اكتر مني، واللي تاعبك دلوقتي يا يونس انك عارف ومتأكد ان لو نور اللي كانت معاك انت عمرك ما كنت هتبقي كده معاها، بس شهد عادي عبيطه وبكلمتين ارضيها عشان للاسف كانت بتحبك وبتسمع كلامك حتي لو غلط ومهما عملت كانت بترجع وبتسامحك.. 
يونس بدموع
طيب تعالي علي نفسك المره دي وخليكي احسن مني وسامحيني لو مش عشاني عشان الولاد، هما مش مرتاحين هنا ولا هيرتاحو ولا انتي كمان مرتاحه في بعدك عني.. 
شهد بعدت عنه ومسحت دموعها وقالت
مش هقدر ومش مستعده اعيش معاك نفس الوجع تاني ومش هقدر اثق فيك تاني زي الاول.. 
يونس بجديه
لا هتقدري انا هتغير وهعملك كل اللي انتي عايزااه  ، مش هتأخر بره ووقت ما هتكلميني هرد عليكي، ولو حصل واتأخرت هتكوني معايا، ووقت ما تحبي تخرجي براحتك بس يبقي عندي علم والله هعملك كل اللي عايزااه يا شهد بس.. بس ارجعيلي.. 
_اتنهدت بضيق وكلامه ليها المره دي كان باين فيه الصدق ولمسها جداً لانها لسه بتحبه وهي معترفه بكدا لنفسها.. 
ابتسم يونس بأنتصار وقالها
فكري يا شهد وانا مستنيكي.. 
وقرب منها وقال
وانتي بتفكري افتكري انك وحشاااني اوووي اووووي.. 
_ قال كلامه وسابها وطلع وقفل الباب ورااه وهي ابتسمت بهدوء وراحت قعدت علي الكنبه في الصاله وكانت متوتره ومتردده جداً، بتفكر ترجعله بس خيانته ليها لسه عامله حاجز كبير بينهم.. 
ـــــــــــــــــ
_ عند يونس اول ما رجع بيته لما دخل علي طول ضربته هناء بالخرطوم بتاعها علي وشه جامد وقالت.. 
هناء 
انا كلامي ما بيتسمعش ليه يا ابن الجزمه انت.. 
يونس بألم 
عيني يا وليه منك لله ربنا ينتقم منك.. 
هناء 
انطق كنت فين يا صايع يا ابن الصايع.. 
يونس بغيظ 
ياريته كان عايش الصايع ما هو الوحيد اللي كان بيعرف يلمك.. 
هناء بحده 
لموك في مزبله يا قليل الربايه انطق كنت فين بالذوق بدل ما اخلي الخرطوم هو اللي ينطقك.. 
يونس بحده 
هو مش انتي قولتي لما اكون عند ولادي مش هتعاقب اهو انا والله العظيم كنت عندهم بشوفهم، حتي كلميها اسأليها.. 
هناء
شوفت شهد اممم اكمنك جااي رايق.. 
يةنس ابتسم وقال
لا وهترجعلي وهتشوفي وهخلص منك بقي وترجعلي عيلتي الصغيره بتاعتي.. 
هناء 
ياريت يس انا برضو قاعده علي قلبك، وروح اقعد علي السفره هجهزلك العشا وبعد كده لو اتاخرت انا هنام انا صحتي ما بتجيش علي السهر، فبدل ما تبات بره زي المتشردين يا ابن المتشرد ابقي ارجع بدري.. 
_يونس ابتسم بهدوء وكان مبسوط من اهتمامها، وقالها وهو بيقعد علي السفره.. 
يونس 
حاضر يا ماما هناء.. 
_ فرحت هناء من كلامه وطريقته وراحت فعلا تجهزله العشا.. 
ـــــــ #بقلم_الكاتبه_رحاب_القاضي ــــــ 
_ وتاني يوم الصبح في بيت احمد العدوي عم جميله.. 
كان قاعد بيفطر هو وحسين ابنه، والشغاله قربت من احمد وقالتله.. 
الشغاله 
تحب اجيب لحضرتك قهوه ولا شاي يا احمد بيه؟.. 
بصلها احمد بطريقه مش كويسه وقال
لا شاي القهوه بحبها بالليل.. 
الشغاله 
عينيا يا احمد بيه.. 
اتنهد حسين بضيق وقال
بابا انا كنت عايز اكلم حضرتك في موضوع مهم.. 
احمد بجمود
مش وقته انا مش بحب اتكلم في الشغل وانا باكل وانت عارف فأخرس خالص.. 
حسين بسخريه
بس انا مش هتكلم مع حضرتك في الشغل.. 
احمد 
اومال عايز ايه يعني يا حسين انطق وخلصني.. 
حسين 
جميله... حضرتك وعدتني اني لو اشتغلت معاك وسمعت كلامك هتخليني اتجوزها، اظن بقي جه وقت انك تنفذلي اللي عايزه.. 
احمد
حاضر هكلم فريده وفي اقل من شهرين تلاته كده هتكون جميله مراتك.. 
ابتسم حسين، بس ابتسامته اختفت لما احمد قال
بس انا مجوزهالك لهدف ميعن انت هتبقي متجوز بنت عمك وراجل بيت عمك بعد كده والهدف الاول والاخير من الجوازه دي ان فلوس عمك تفضل تحت ايدينا ما يدخلش غريب وسطينا.. 
حسين بهدوء
كل الحاجات دي بسيطه انا المهم عندي ان جميله تكون ليا.. 
احمد بغيظ 
عشان غبي... 
ـــــــ #بقلم_الكاتبه_رحاب_القاضي ــــــ
_ في شركة عمار المنشاوي.. 
وصل عمار هناك واول ما وصل كانت لسه جميله واصله هي كمان بعربية مامتها البسيطه، ابتسم عمار وقرب منها وقالها.. 
عمار
ايه بقي التأخير ده كله، المفروض تكوني قبل مني هنا؟.. 
جميله بثقه 
براحتي يا كابتن عارف ليه عشان خلاص المدير بذات نفسه بقي دايب دووب فيا.. 
ابتسم عمار وقالها بخبث
ده ايه المدير اللي ما عندوش نظر ده.. 
جمييله بغيظ 
هو فعلا ما عندوش نظر ورخم.. 
_ جات تمشي من قداامه، بس هو بسرعه مسك ايدها وقالها.. 
عمار بهدوء
هو كان ما عندوش نظر عشان سكت الفتره اللي عدت دي كلها من غير ما يقول للكل انك حبيبته.. 
جميله بتوتر
انت بتهزر صح، سيب ايدي مش هينفع تقول لحد.. 
عمار بجديه 
لا هينفع يا جميله عشان ما يجيش الاستاذ مهاب ولا حد غيره يقرب منك، لان اللي هيعملها بعد كده هاكله بسناني.. 
_ ابتسمتله بهدوء وهو دخل الشركه وهو ماسك ايدها وهي ماشيه جنبيهمكسوفه ومتوتره جداً من نظرات الموظفين ليهم، واول ما اتقفل عليهم الاسانسير قربت منه بهدوء وقالتله.. 
جميله
هو انا ممكن دلوقتي اكون متسرعه بس مش مهم، المهم ان انا كمان بحبك اوووووووووي.. 
ضحك عمار بهدوء وقالها
هو احنا ممكن نبوظ الاسانسير ده شويه.. 
جميله بخوف
لا طبعا ااا انت قصدك ايه؟.. 
اتفتح باب الاسانسير وهو رد عليها وقال
للاسف وصلنا لما نبقي لوحدنا ابقي اقولك بقي كان قصدي ايه.. 
_ وفضل ماسك ايدها برضو لحد ما قعدت علي مكتبها، وقالها بجديه.. 
عمار
ما تروحيش اي مكان او تتحركي من هنا غير لما تقوليلي.. 
جميله بأبتسامه واسعه
حااضر.. 
وبص لفيروز اللي كانت متنحه عليهم وقالها
صباح الخير يا فيروز، شويه وتعالي قوليلي مواعيد النهارده.. 
فيروز 
 تحت امر حضرتك يا عمار بيه.. 
_ ودخل عمار مكتبه وفيروز فضلت متنحه لجميله اللي قالت بقلق.. 
جميله 
ما تبصيش كده طيب الله واكبر يا حجه في ايه؟.. 
فيروز
والله كنت حاسه انك جايه توقعي الراجل.. 
جميله بثقه
تؤتؤ هو اللي وقعني فيه علي فكره، جنني ابن المنشاوي صاحب الخصله البيضه.. 
فيروز بقلق
طيب هو هيغير مكاني لحاجه اكبر ولا اقل.. 
جميله 
لااا انتي فاهمه غلط يا ساره مكاتب، افهمي انا هنا لفتره صغيره وبعدين همسك ادارة شركة كبيره ان شاء الله بتاعت بابا.... 
فيروز 
اممم ماشي يا جميله ولو سمحتي انا اسمي فيروز ولو قولتي ساره ده تاني هقوم اخنقك.. 
_ابتسمت جميله ودخل في الوقت ده عز الدين اللي اول ما شافته فيروز اتوترت، وهو قرب من جميله وقالها.. 
عز الدين 
السلام عليكم، انا ليا معاد مع عمار بيه.. 
جميله بصت للابتوب قدامها وقالت
وعليكم السلام، حضرتك عز الدين ريان مش كده؟.. 
عز الدين 
ايوه.. 
جميله 
طيب اتفضل حضرتك ارتاح هبلغ عمار بيه.. 
_ قعد عز الدين قدام جميله وحط رجل علي رجل بكل هيبه وبص لفيروز اللي بسرعه عملت نفسها مركزه في اللابتوب بتاعها، وهو ما اهتمش وبعدين جميله طلعت من عند عمار وقالتله.. 
جميله
اتفضل حضرتك عمار بيه في انتظارك.. 
_ دخل عز الدين عند عمار، وجميله رجعت تاني علي مكتبها وقالت لفيروز. 
جميله 
اطلبيلهم قهوه مظبوط.. 
فيروز
وانتي اتشليتي ما تطلبي.  
جميله 
يا هبله ده انا بقولك تطلبيها عشان انتي اللي تدخلي بالقهوه كده وتكراشي براحتك بدل ما انتي عماله تبصي من تحت لتحت.. 
فيروز بقلق
ايه هو انا كان باين اووي عليا اني ببص عليه؟.. 
جميله راحت قعدت جنبيها وقالت
يبقي في حوار احكي احكي ادينا بنتسلي.. 
فيروز
طيب والقهوه.. 
فيروز 
هنطلبها هااا ايه الحكايه بقي؟.. 
_ وفضلت تتكلم هي وفيروز وطلبو القهوه اللي دخلتها فيروز بس برضو عز الدين ما كانش بيبصلها خالص... 
ــــــ #بقلم_الكاتبه_رحاب_القاضي ــــــ
_ في بيت المنشاوي... 
صحي زكريا من نومه علي صوت موبيله اللي بيرن بأسم عزيز، قام وقعد ورد عليه وقال... 
زكريا
معاك.. 
عزيز
بقولك ايه الجماعه مستعجلين الواد الصحفي ده مزودها ومش ساكت، وعايزين نخلص من الموضوع ده بسرعه.. 
اتنهد زكريا بضيق وقال
ابعت كل المعلومات اللي عندك واسبوع وهخلصلك الموضوع كله.. 
عزيز 
حلو الكلام اقفل وهبعتلك كل اللي انت عايزه.. 
_ قفل معاه ذكريا وقام طلع بره اوضته لقي مروان قااعد ولما شاف زكريا قاله.. 
مروان
صباخ الفل يا عمو.. 
زكريا 
جدك فين؟ 
مروان
نزل تحت المطعم وبيقولك ابقي انزل افطر معاه، بس انا زعلان منك علي التغفيله بتاعت امبارح دي.. 
زكريا 
هعوضهالك خلص امتحانات وهبقي اخدك ونسافر كندا.. 
مروان 
اشمعنا بقي كندا ولا عشان بابا ما بيحبهاش، هو ايه صح سبب ان بابا مش بيحب كندا؟.. 
قعد زكريا جنبيه وابتسم وقال
يا سيدي كنا مره هناك بنخلص شغل وقررنا نتمشي شويه ونشوف المكان هناك، ويجيلك ولد لا ولد ايه ده احلي بنت شوفتها في حياتك ارجل منه. 
ابتسم مروان بحماس وقال
ها قول عمل ايه الولد ده لبابا.. 
زكريا
الولد ده فضل ماشي ورانا واتاري في الاخر طلع عينه من ابوك وعمل نفسه هيقع ومسك في ابوك ومنظر استغفر الله.. 
ضحك مروان اووي وزكريا كمل الحكايه
بس ابوك خاف منه حرفياً وكل شويه يقولو اخفي من وشي انا مش بحب امد ايدي علي نسوان ولما ابوك مالقااش فايده سابنا وجري وانا كنت هموت ضحك، والواده فضل طول السفريه كل ما ابوك يروح مكان يلاقيه في وشه وحلف وقتها انه مش هيروح هناك تاني لو ايه حصل.. 
مروان بضحك شديد
هههههههه فصلان والله ده انا هحفل علي بابا تحفيل، علي العموم انا همشي عشان عندي سنتر وانت انزل لجدو كان تعبان اوي بالليل قبل ما تىجع بلاش تزعله عشان خاطري.. 
زكريا بهدوء
حاضر يا مروان هاخد شاور وانزله، روح انت عشان ما تتاخرش وخلي بالك من نفسك.. 
_ نزل مروان وبعد شويه زكريا كمان نزل ودخل المطعم اللي قااعد فيه باباه وشغاله فيه جهاد وراح قعد قدام باباه وقاله.. 
زكريا
مروان قالي انك كنت تعبان خير؟.. 
المنشاوي بضيق
كفايه يا زكريا انت هتعمل ايه اكتر من اللي بتعمله، حرام عليك نفسك اللي بتضيعها دي.. 
زكريا
اطلبلنا فطار عشان عندي مشوار مهم ومش فاضي.. 
المنشاوي قال لامنيه اللي واقفه جنبيه 
امنيه ابعتي الفطار هاتي يا بنتي وخليهم يعملو حساب زكريا معايا.. 
امنيه 
من عينيا يا حج... 
_ دخلت امنيه المطبخ وقالت للشيف اللي واقف مع المساعدين بتوعه.. 
امنيه 
يا سيد جهز فطار الحج وزكريا معاه وطلعيه انتي يا جهاد لحد ما اعمل مكالمه مهمه.. 
جهاد بهدوء
حاضر.  
_ انتفض قلبها ما ان استمعت لاسمه، مجرد ذكر اسمه او اي حاجه بتفكرها بالذنب اللي عملته بتدايقها، كانت فاكره انه مش هو زكريا اللي تعرفه وظه تشابه اسماء، ولكن ديماً تأتي الرياح بما لا تشتهي السفن، وطلعت بره وهي ماسكه صنية الفطار ووقفت قدامهم، وقبل ما تحط الاكل قدامهم شافته وهو كمان.. 
_كان لقاء غير عادي ملئ بالخوف والقلق والندم والحزن، هما الاتنين كل واحد جواه حزن يكفي العالم وكل واحد فيهم مأثر في التاني بشعور مختلف.. 
_ ومن غير ما تحس بنفسها وقعت منها صنية الاكل علي الارض ودموعها ملت عيونها، والمنشاوي قام بسرعه وهو ساند علي عكازه وقالها... 
المنشاوي
انتي كويسه يا بنتي في ايه؟.. 
_قبل ما ترد عليه جه مدير المطعم وزعق فيها وقال بعصبيه.. 
رمزي
في ايه يا جهاد مش عارفه تمسكي الصنيه.. 
وقف زكريا وقاله بحده 
ما تزعقلهااش ما كانتش تقصد.... 
المنشاوي بقلق
اسكت يا رمزي وروح شوف شغلك وانتي يا بنتي ما تخافيش ما حصلش حاجه.. 
عيطت جهاد وقالتله بنبره مهزوزه
انا همشي مم معلش انا لازم امشي.. 
_ قالت كلامها وقبل ما حد يرد عليها دخلت بسرعه جوه وغيرت هدومها وطلعت، بصت لزكريا اللي كان قااعد مكانه والعامل جنبيه بيلم الحاجات اللي وقعت علي الارض، وطلعت بسرعه بره المطعم.. 
_ المنشاوي كان واخد باله من نظرات ابنه لجهاد وسأله بجديه.. 
المنشاوي
تعرف جهاد منين؟.. 
زكريا قام وقاله
اطلب فطار لحد ما اجيلك يا حج.  
_ وطلع بسرعه وراح ورا جهاد اللي كانت ماشيه بتعيط وقالها... 
زكريا 
استني يا جهاد.. 
بصتله بخوف وقالتله 
ابعد عني مالكش دعوه بيا.. 
_ قالت كلامها ومشيت بسرعه، بس هو مسك ايدها وقال بجمود.. 
زكريا
بقولك استني انا ما بحبش اللي يعاند معايا وما بيسمعش كلامي وانتي عارفه كده كويس.. 
_انتفضت ايدها في ايده بل بأكملها وكانت نظراتها ليه كلها خوف منه، وقالت بدموع.. 
جهاد 
انت عايز مني ايه؟.. 
ارفق علي حالتها وقالها
ارجعي شغلك انا مش هروح هناك تاني.. 
حاولت تفك ايدها منه وقالتله بخوف
مش عايزه اشتغل سيب ايدي.. 
زكريا بجمود 
اومال هتعملي ايه هتقعدي عند اخوكي ازاي وانتي مش معاكي فلوس.. 
كانت فاهمه معني كلامه وقالت بسخريه
غريبه هو اللي زيك وزيه بيفرق معاهم حد ولا بتفرق معاهم حاجه غير مصالحهم ونفسهم، انت وعو االي زيكم حيونات، لا ده كمان ممكن الحيونات تكون عندها رحمه وتحس بس انتو لا.. 
_ وسحبت ايدها منه جامد ومشيت وهو وقف مدايق من كلامها، وابتسم بسخريه وقال لنفسه.. 
زكريا
ممكن الحيوانات تكون عندها رحمه وتحس بس انتو لا... 
_ ورجع هو كمان المطعم وقال للمنشاوي يفطر لوحده واخد عربيته ومشي... 
ــــــــــــــــــــــ
_ وفي بيت نورا كانت جهاد قاعده بتعيط ونورا جنبيها بتحاول تخليها تهدي وقالتلها.. 
نورا
هو مش قالك مش هيروح هناك تاني، خلاص كملي شغلك.. 
جهاد بحزن
هو انتي ازاي تبعتيني عنده هناك، مش بتقولي المنشاوي ده معرفه قديمه بيكي ازاي ما تعرفيش ابنه؟.. 
نورا
انا فعلا اعرف ابنه، بس اعرف ابنه الكبير والله الواد ده انا ما اعرفوش والا كنت عرفته وهو بيجي عند اخوكي هنا، كل اللي حصل ده سوء تفاهم.. 
جهاد مسحت دموعها وقالت
انا مش هروح هناك تاني، مش هشتغل عند الحقير ده، انا بحاول انسي مش عايزه افتكر اكبر غلطه في حياتي مش عايزه افتكر اليوم ده خالص.. 
اخدتها نورا في حضنها 
خلاص اهدي دلوقتي، بس انتي مش هينفع تسيبي الشغل حتي علي الاقل نعمل مصاريف تقديمك للجامعه لحد ما اتصرف وارجع شغلي انا كمان.. 
جهاد بدموع
انتي هترجعي تشتغلي عشاني؟.. 
نورا ابتسمت وقالت
ايوه يا ستي اوعي بقي تقولي ان مالكيش حد تاني، عشان انا معاكي ومش هسيبك ابداً.. 
_ رحمة الله واسعه وتسع كل شئ مهما كان 🤍🌺
ــــــ #بقلم_الكاتبه_رحاب_القاضي ــــــ
_ في شركة المنشاوي.. 
كانت جميله قاعده هي وفيروز في الكافيتريا بتاعت الشركه في البريك، وفيروز قالتلها.. 
فيروز
خلاص بقي يا جميله ما تخلنيش اندم اني قولتلك.. 
جميله بسخريه
احسن عشان بصراحه لبسك مستفز.. 
فيروز
انا لو ما كنتش كده ما كنتش هشتغل هنا، وانتي حاله استثنائيه بصي حواليكي وهتعرفي انا ليه كده.. 
جميله 
طظ في ام الشغل اللي يخليكي تلبسي حاجه مش عايزاها او مش مريحاكي، يا بنتي احنا بنشتغل عشان نرتاح ونعتمد علي نفسنا مش عشان نبقي تحت رحمة حد.. 
فيروز
معاكي حق هحاول اغير شويه من لبسي، المهم انتي كده مرتبطه رسمي بعمار بيه.. 
جميله بتوتر
لا هو لا بصي لسه ما فيش حاجه جد يعني وانا حابه اخد وقتي الاول قبل ما تبقي في حاحه رسمي،بس المشكله انه مكروتني فيه كل حاجه جات بسرعه وانا مش عارفه اخد قرار،يعني وانا معاه بكون مبسوطه وعايزه اقول للدنيا كلها بصو حبيبي اهو،بس لما ببقي لوحدي بحس الموضوع غريب عليا يمكن عشان دي اول مره ارتبط وتبقي ليا علاقه براجل واسمع كلمة بحبك والاقي اهتمام وانا متعوده اني بومه.. 
فيروز 
امم علي اساس ان عمار بيه يترفض ده مليون واحده تتمني راجل زيه، ما تخافيش يا اختي مش هحسدك ده انا هفرحلك والله، برغم انك سخيفه اووي معايا بس بقيت حابه وجودك في الشركه بدل ما كنت بقعد لوحدي زي اليتيمه هنا.. 
جميله بصوت واطي
استني بس لما هتجوز عمار هخليه يرقيكي ويزود مرتبك.. 
_ ضحكت فيروز وفي الوقت ده جه وقعد معاهم مهاب وبص لجميله وقال.. 
مهاب
ما تضحكيني معاها.... 
جميله 
لا انا ما بضحكش حد هي اللي بتضحك لوحدها.. 
ضحكت فيروز تاني وقالت
لا انت خليك قااعد معانا وهتضحك لوحدك يا ابني.. 
مهاب 
انتو عرفتو اللي هيحصل اصلا، استاذ فاروق هيمشي وهيمسك منصب نائب مدير الاداره عز الدين ريان اللي شركته افلست من كام سنه ده.. 
فيروز 
ده كان منصب زكريا المنشاوي والمفروض استاذ فاروق وضع احتياطي لحد ما المشكله اللي بين عمار بيه وزكريا تتحل، بس معني ان عز الدين ده جه يبقي زكريا مش هيرجع.. 
جميله قامت وقالت
انا هرجع مكتبي عشان مش فاهمه حاجه من كلامكم ده.. 
_ واخدت جميله النسكافيه بتاعها ومشيت وقبل ما تطلع الاسانسير خبطت في زكريا اللي اتدلق عليه النسكافيه كله، وزعق فيها وقالها.. 
زكريا
ما تفتحي يا عاميه انتي.. 
جميله بغيظ 
طيب والله لتجيبلي واحد غيره عشان انت اللي ماشي زي الحمار.. 
زكريا بغضب 
انتي جديده هنا مش كده، عشان كده مش عارفه انتي بتكلمي مين؟.. 
جميله بثقه 
لا لا انت اللي شكلك جديد ومش عارف انت بتكلم مين، انا يعتبر الكل في الكل هنا وعند عمار بيه.. 
زكريا بصلها من فوق لتحت وقال
اااه عشيقته يعني بس طلع ذوقه يقرف.. 
_ قال كلامه وطلع الاسانسير وسابها واقفه مصدومه من كلامه وقلة ذوقه معاها، وراحت ورااه وهي متعصبه جداً.. 
_وعند عمار كان قااعد بيتغدي في مكتبه ودخل زكريا من غير ما يخبط وقاله.. 
زكريا 
العقد اللي معاك ده تبله وتشرب مايته عشان انا لو رجعت اشتغل هنا هطربقها فوق دماغ اللي جابك.. 
عمار بهدوء
اتكلم بأدب بدل ما اقوملك واعلمك الادب كويس.. 
زكريا وقف قدامه وقاله
اوكي يلاا هات اخرك.. 
عمار ببرود 
عز الدين ريان انت فاكره اكيد هيبقي النائب بتاعي هنا، وانت ااا تفتكر تنفع في ايه اخليك تشتغله.... 
_اتعصب زكريا وقبل ما يرد دخلت جميله وقالت وهي متعصبه جداً.. 
جميله 
الحيوان ده يا عمار قل ادبه عليا وقال اني عشيقتك قال... 
زكريا بغيظ 
مين البتاعه دي من لما دخلت الشركه عملالي ازعاج.. 
عمار وقف جنب جميله وقاله
اتكلم مع مرات اخوك المستقبليه كويس ياللا.   
جميله بغيظ لعمار
انت ما صدقت ايه مراتك دي متوترنيش..
وقالت لزكريا
لسه مش مراته قصده داخلين علي مرحلة خطوبه.. 
زكريا بسخريه وهو بيشاور علي جميله
دي يا عمار ودي هتتجوزها تربيها ولا تعمل بيها ايه دي.  
جميله بعصبيه
والله العظيم هضربه يا عمار، مين ده اصلا.. 
عمار بضيق
زكريا اخويا اللي هيبقي سكرتير معاكي لما فيروز هتروح عند عز الدين.. 
زكريا وجميله في صوت واحد 
مستحيل طبعاً.. 
زكريا بغضب
انت فاكر نفسك ايه، انا مستحيل اسمحلك تشغلني مرمطون عندك.. 
عمار
الشغل مش عيب وياما طلبت منك ترجع منصبك وانت رفضت، وبعدين مش عاجبك ادفعلي الشرط الجزائي اللي في العقد.. 
زكريا بحده 
ولا هدفع ولا هشتغل واخر ما عندك هاته يا عمار.. 
_قال كلامه ومشي بس قبل ما يطلع بص لجميله بخبث وقالها.. 
زكريا
مش هعرف اقولك مبروك دلوقتي بس هقولهالك بطريقتي يا مرات الغالي المستقبليه.  
مشي زكريا وجميله قالت لعمار
هو ماله عامل ليه كده، هو انت متأكد ان ده اخوك.  
عمار بجمود
هتكلمي امك النهارده ولا امتي؟... 
جميله 
لا بالراحة عليا شويه.  
عمار بحده
براحتك بس الموضوع هيجي مني بقي، انا مش لسه هفضل ارتبط من ورا مامتك والجو ده، انا مش عيل صغير معاكي... 
جميله بضيق
والله براحتك انت كمان بس انا مش هقول دلوقتي.. 
عمار اتنهد بضيق وقالها
امتي بالظبط؟.  
جميله 
بص بعد امتحانات ايتن عشان ماما دلوقتي بتكون متوتره عشان ايتن وضغط المذاكره وقلق الامتحانات وكده.. 
عمار
بزمتك هو مش غلط الموظفين يعرفو اني بحبك قبل ما امك تعرف.  
جميله بضيق
هو انا اللي قولتلك تقول، وبعدين هانت كلها شهر والموضوع يتحل.  
عمار بضيق
ماشي بس بشرط وقت ما اكلمك تردي عليا، وقت ما اكون عايز اشوفك هشوفك.. 
جميله 
علي فكره ده بيحصل من الاول عادي، وبعدين بص بالراحه عليا شويه عشان بجد ده كتير عليا انا مش بتاعت ارتباط والجو ده، انا لسه بفرقع بومب مع العيال في الشارع في العيد.. 
ضحك عمار وقالها
هههههه مع الوقت هتتعودي، وبعدين ده حلو برضو ابقي انا اول كل حاجه.. 
جميله بتوتر
اا انا هروح اشوف شغلي سلام.. 
_ طلعت جميله وعمار ابتسم بهدوء وكان من جوااه مبسوط جداً بمشاعره ليها، علي عكسها هي اللي كانت ديماً قلقانه من ارتباطهم... 
ـــــــ #بقلم_الكاتبه_رحاب_القاضي ــــــ
_ بالليل في شركة يونس... 
كان قااعد هو ويونس وعز الدين مع بعض، ويونس كان مدايق وقاله.. 
يونس
والله قلة اصل ونداله، عشان انا اللي وقفت جنبك وخليتك تبطل تقعد في المقابر ورجعتك للخياه يا عم العفريت وفي الاخر رايح تشتغل عند عمار المنشاوي.  .. 
عز الدين 
الشغل ما فيهوش مصالح وانا عايز شغل بمرتب كويس وعمار فلوسه حلوه اووي، اجيلك انت واخد النص ليه... 
يوسف
معاه حق انا لو عمار المنشاوي عرض عليا اشتغل عنده سوري يا صاحبي انا هخلع... 
عز الدين 
استني بس انا عايز اتأكد من حاجه، هو انت طلقت بجد يا يونس؟.. 
يونس بضيق
غلطت نفس غلطتك بس انا هلحق نفسي.. 
عز الدين 
تعرف انا ما شوفتش حد متربي غير يوسف، والواد لو شااف بنت عينه ما بتترفعش من الارض حتي لو كانت مين.. 
يونس
ده كان اكتر حد متربي في الحته كلها من صغره ومازال، بس لو فكر يعملها هنفخه ده متجوز اختي.  
يوسف 
ومن غيرك اصلا انا مش واطي عشان اخون ثقة مراتي فيا.. 
بص يونس وعز الدين لبعض وهو ضحك وقال
هههههههه طبعا لو قولتلكم اني ما اقصدش حد فيكم مش هتصدقوني.. 
قام يونس وقال
حظك اني مش فاضيلك بس هسيبك مع عز هو هينكد عليك بأعتبار، يلا سلام.. 
_ طلع يونس من مكتبه وراح لدارين اللي كانت لسه طالعه من مكتبها وقالها... 
يونس
فاضيه ولا ايه؟.. 
دارين بصت في الساعه بتاعتها وقالت
امم مش اووي بس ماشي، هتوديني فين بقي؟.. 
عمار ابتسم وقال
المكان اللي انتي عايزاااه، النهارده تطلبي براحتك.. 
دارين 
بصراحه انا نفسي مفتوحه لاي مكان، وبجد مبسوطه جداً انك ما خسرتش يوسف لانه صاحب جدع بجد... 
يونس بهدوء
وانتي بنت جدعه اووي، المهم تعالي وانا هوديكي مكان علي ذوقي نتعشي.. 
ـــــــ #بقلم_الكاتبه_رحاب_القاضي ـــــــ 
_ وفي بيت شهد كانت قااعده جميله وشهد بيتكلمو دخلت عندهم ايتن وهي بتكلم مروان وبتقول.. 
ايتن 
طيب اتعشيت؟.. 
مروان
لا ماليش نفس وبابا قالي هيتعشي بره. 
ايتن 
طيي عشان خاطري كل اي حاجه.. 
مروان 
مع اني ماليش نفس بس عشانك هاكل حاضر.. 
ايتن 
اوكي هخلص مذاكره واكلمك، بااي.. 
قفلت معاه وشهد قالتلها
شوفتي اهو انا واختك اكبر منك بس ما نعرفش نتسهوك زيك كده.. 
جميله 
عشان احنا بنرتبط برجاله مش عيال زي السخطه بتاعها.... 
ايتن بغيظ 
بقي كده طيب روحي بس شوفي عموري بتاعك فين اصله بيتعشي بره النهارده.. 
جميله بثقه
قالي انه بيتعشي مع عز الدين النائب الجديد بتاع الشركه ومعاهم واحد تاني مش فاكره اسمه.. 
شهد 
برافو مسيطره يا بت.  
ايتن 
بقولكم ايه بما ان ماما معاها العيال، تعالو ناكل ايسكريم ونيجي بسرعه.. 
شهد 
لا لا انا مستحيل اطلع واسيب ولادي.  
_ وبعد شويه قدام محل ايسكريم حلو جداً وقفت جميله بالعربيه بتاعتها وقالت.. 
جميله 
انزلي يلا يا ايتن هاتيلنا هناكل في العربيه احسن.. 
ايتن 
اوكي هجيبلكم علي ذوقي.. 
شهد بقلق
طيب بسرعه عشان الولاد.. 
جميله 
بقولك ايه الولاد مع ماما شوفي نفسك بقي شويه حرام عليكي بجد... 
نزلت ايتن وجميله قالت
بقالك اد ايه ما خرجتيش بالليل كده تشمي هوا؟.. 
شهد بسخريه
من لما خلفت الولاد وخلاص بقي مكاني البيت والولاد وبس.  
جميله بقلق
تفتكري عمار هيبقي كده؟.. 
شهد ابتسمت وقالت
لا لا ما اظنش عمار مختلف جداً عن يو... 
_ سكتت فجأه لما لقيت يونس واقف بعربيته علي مسافه منهم ومعاه دارين وهما بياكلو ايسكريم وبيضحكو مع بعض، واتملت عيونها دموع وقالت لجميله.. 
شهد 
ممكن نمشي بسرعه اندهي لايتن انا مش عايزه حاجه.. 
جميله بعدم فهم 
طيب في ايه يا بنتي ما احنا كنا كويسين.  
شهد بحزن
انا مش كويسه يا جميله ارجوكي خلينا نمشي والا انا هنزل وامشي لوحدي.. 
جات ايتن في الوقت ده وقالت
ايه مالكم في ايه؟.. 
جميله بجديه 
ما فيش حاجه بس هنمشي وما تسأليش ليه؟.. 
_ مشيت جميله بسرعه وهي مش فاهمه حاجه وكانت شهد عيونها علي يونس اللي كان واقف مع دارين اللي نظراتها ليه باين فيها جداً انها بتحبه.. 
_وعند يونس كان واقف معاها بره محل الايسكريم وهو مبسوط وقالها.. 
يونس
حلو اووي المكان ده هبقي اجيب شهد والولاد ان شاء الله... 
دارين بحزن
انت هترجعلها ولا ايه؟.. 
يونس
يعتبر اتفقنا اننا هنرجع، انا حياتي من غيرها مالهاش لازمه وهبقي اخليها تتعرف عليكي.. 
دارين بدموع
هو انت للدرجه دي بتحبها؟.. 
يونس بجديه
شهد خلتني اتأكد ان مش لازم تكون هي اول حب عشان تاخد قلبي كله، لانها ما كانتش اول حب بس قدرت تبقي اخر حب في حياتي وده مش اي واحده تقدر تعمله، شهد مختلفه عن اي واحده مستحيل اشوف اي ست بعدها زي ما بشوفها او اشوف واحده احسن منها.  
دارين بوجع 
اومال ليه خونتها، اكيد في حاجه ناقصه بينكم.. 
يونس بضيق
النقص كان مني انا بس لانها كانت مدياني كل حاجه ما قصرتش انا اللي قصرت معاها حتي في واجبي مع ولادي كنت سايبه ليها.. 
دارين بدموع
ممكن نمشي معلش انا تعبت.. 
يونس 
حاضر يلا بينا.. 
_ تفتكرو شهد هتعمل ايه معاه،وايه نهاية حب دارين اللي من طرف واحد ليه؟؟ 
ـــــــ #بقلم_الكاتبه_رحاب_القاضي ـــــــ
_ وفي بيت عماد.. 
كان قاعد قدام التلفزيون والباب خبط، فقام فتح واتفاجئ لما لقي قدامه عزيز اللي ابتسم وقال.. 
عزيز
ايه رئيك في المفجأه دي يا عمده؟.. 
عماد بقلق
عزيز بيه ااا انت جاي ليه عندي؟.. 
دخل عزيز وقفل الباب وقاله
هو مش انا طلبت منك اختك وقولتلك كمان هجيلك بنفسي.. 
عماد بضيق
بس اختي مش كده دي اا.. 
قاطعه عزيز بحده وقال
هو زكريا المنشاوي بيديك كام وانا هديك اكتر منه، فقولي بقي هي فين ولا اقولك اقعد انت وانا هعرف بنفسي... 
_جه يدخل جوه بس عماد مسكه من دراعه وقال بغضب.. 
عماد 
مش هتدخل، مش هبيعها تاني ولو قربت منها هه.. 
مسكه عزيز من هدومه وقال
اياك تفكر تهددني عشان انت ليك عندي كتير ولو قلبت عليك مش هتتحمل اول قلم يا عماد فأقعد هنا هادي وما تعمليش دوشه، حلو الكلام.. 
_سكت عماد بخوف وعيونه اتملت دموع، وعزيز فضل يفتح في اوض الشقه كلها لحد ما فتح اوضة جهاد اللي كانت نايمه وهي متغطيه باللحاف ولابسه بجامه بسيطه وهاديه وحاضنه المخده وشكلها فعلا زي الاطفال.. 
ابتسم عزيز بطريقه مريضه ودخل وقفل الباب، وهي صحيت وبصت للباب وفاكرااه عماد بس اتصدمت لما شافته واقف قدامها وهو بيبصلها بطريقته المريضه، فصرخت بخوف وقالت.. 
جهاد 
انت مين وعايز مني ايه؟.. 
عزيز بخبث
تؤ تؤ مالوش حق عماد يخبي الجمال ده كله عننا.. 
جهاد بخوف وبكاء
عمااااد ياا عمااااد الحقني... 
_ وبره كان عماد قاعد علي الكنبه بيعيط وخايف يروح وينقذ اخته من عزيز، وفجأه الباب خبط اتنفض بخوف ليكون حد من الجيران جاي علي صوتها وهي بتصوت، قام بهدوء وقال من غير ما يفتح الباب.. 
عماد
مم مين؟.. 
زكريا
انا زكريا افتح ولو مش هينفع هستناك تحت... 
_فتح عماد بسرعه الباب وفي الوقت ده سمع زكريا صوت جهاد وهي بتصوت وقال بقلق.. 
زكريا
هو في ايه؟.. 
عماد مسح دموعه وقال
عزيز جوه سماح قالتله ان جهاد راحتلك وو.. 
زكريا بغضب
وانت قاعد تعيط زي النسوان والكلب ده عند اختك... 
_ وذق عماد ودخل الاوضه بتاعت جهاد ولقي فعلا عزيز بيحاول يعتدي عليها، بس لما شاف زكريا بعد عنها وقال.. 
عزيز 
في ايه  حد يدخل كده؟ 
مسكه زكريا من هدومه ولكمه في وشه وقال
ورحمة امي لو شوفتك بس قريب منها تاني او حتي جيبت اسمها علي لسانك هتبقي انت ضحيتي الجديده يا عزيز.. 
عزيز بقلق
في ايه يا زكريا ما كنتش اعرف انها تخصك.. 
زكريا بحده 
واهو عرفت ياروح امك فتسمع الكلام احسنلك وتغور من هنا يلا... 
_بص عزيز لجهاد اللي كانت قاعده علي السرير بتعيط وخايفه جدا، فزكريا لكمه في وشه تاني وقاله.. 
زكريا 
نزل عينك ياااه ولا افهك كلامي بطريقه تاني.. 
عزيز بغضب
ماشي اوعي عشان امشي.. 
_ بعد عنه زكريا وعزيز مشي وزكريا بص لجهاد بحزن علي حالتها وقال بقلق.. 
زكريا 
هو حد قرب منك بعدي؟.. 
بصتله بدموع وغضب وقالت
اتفو عليك يا حقير.. 
_وقامت بسرعه وطلعت بره وقالت لعماد اللي كان باصص للارض بحزن... 
جهاد بدموع
انا اخواتي ماتو، انا ماليش حد انت واخواتك مش اهل ولا سند... 
_ قالت كلامها وطلعت من عندهم وراحت شقة نورا، وزكريا كان واقف عند باب الاوضه وقال لعماد... 
زكريا بجمود
هي هتروح فين روح هاتها.. 
عماد بحزن
جارتنا قاعده لوحدها وهي بتروح عندها.. واقسم بالله انا المره الوحيده اللي عملت كده فيها لما بعتهالك بس ما كنتش ناوي ادخلها الطريق ده تاني والله.. 
زكريا اتنهد بضيق
لا راجل وسيد الرجاله كمان ياروح امك، ابقي لما لما تحتاج فلوس قولي ومالكش دعوه بيها وقولها ترجع الشغل، هي بالصدفه طلعت شغاله عند ابويا في المطعم... 
_ قال كلامه وسابه وطلع وبص لشقة نورا بضيق وندم وبعدين مشي..  
_ تفتكرو ايه اللي هيحصل؟ 

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-