رواية حكاية سهر الفصل التاسع 9 بقلم رحاب جمال

رواية حكاية سهر الفصل التاسع 9 بقلم رحاب جمال


رواية حكاية سهر الفصل التاسع 9 هى رواية من كتابة رحاب جمال رواية حكاية سهر الفصل التاسع 9 صدر لاول مرة على موقع التواصل الاجتماعى فيسبوك رواية حكاية سهر الفصل التاسع 9 حقق تفاعل كبير على الفيسبوك لذلك سنعرض لكم رواية حكاية سهر الفصل التاسع 9

رواية حكاية سهر بقلم رحاب جمال

رواية حكاية سهر الفصل التاسع 9

خالد طلع فتح الباب بغضب.
سهر بجمود : لو طالع تنادي علية انزل اقعد معاكم تحت انا تعبانه ومش هقدر انزل .
خالد : لا ما انتي قمتي بالواجب   انتي عايزها بعد ما احرجتيها  و سبتيها وطلعتي تقعد وتكمل قاعده معانا .
سهر وهي قعدة علي سرير وحاطه ايديها علي بطنها وبدلع : 
والله يا خالد كان علي عيني اقعد معاها بس اديك شايف اهو مش قادره اخد نفسي .
خالد : ماشي يا سهر ادلعي براحتك علي الاخر .
سهر : خالد.
خالد : عايزة اية .
سهر : خد الباب وراك وطفي نور .
مشي ورزع الباب ورا بغضب نزل تحت وهوا مش طايق نفسه .
نجلاء قعدة علي كرسي بتقلب في التليفون .
نجلاء   وبتوجه الكلام لخالد : مالك مضايق لية .
خالد : مافيش يا امي .
نجلاء ثابت الفون   من ايديها  :  لا في هوا انا هاتوه عنك قولي في اية .
خالد  : مافيش يا حبيبتي صدقيني انا هعمل قهوة اعملك حاجه معايا  .
نجلاء : شاي .
خالد : يا سلام انت تأمر يا باشا  " بعد دقائق بسيطه."...
خالد حط شاي علي ترابيزا وماسك قهوته بايدو :   امال ندي فين 
نجلاء : من ساعت ما جت وهي مقضيها نوم 24 ساعه .
خالد  : اكيد لسه مصدومه من الحصل ... عشان كدا بقترح نخرج كلنا نغير جو اية رايك نحجز في اوتيل 
نجلاء  : فكرة حلوة  والله بس انتم بقي مع نفسكم انا مش هقدر اروح ولا اجي 
خالد : كده هتبقى وحشه من غيرك .
نجلاء : لا يا حبيبي روح انت وندي وسهر وتوكلوا علي الله 
خالد باس ايد امه  الي تشوفي يا امي .
طلع فوق فتح الباب ولع النور .. 
سهر بنعاس : ممكن لو سمحت طفي النور انا عايزه انام .
خالد : انا خارج اصلا بس طالع اقول لك كلمتين  جهازي هدومك وحاجتك كلها عشان خارجين بكره طلعين سفريه انا وندى وليلى وانتي هنقعد في اوتيل لمده شهر اهو منها نغير جو .   
سهر بستغراب :  ليلى مين .
خالد : صاحبتي اللي مشيت من شويه بسببك .
سهر : يا حرام .
خالد : يا حرام اية  ؟؟
سهر بنرفزة : بقولك اية ما تمثلش  ممكن تفهمني ليلى دي طالعه معانا  بصفتها ايه طب احنا خارجين كعيله اختك وانا مراتك هي بقى خارجه بصفتها ايه أنشاء الله .
خالد ببرود : صاحبتي ثم  يعني ايه لازمه كلامك ده دلوقتي قلت لك 100 مره ما تتدخليش في الي ما لكيش فيه وما تفتكريش اني واخدك كده عشان ما اقدرش استغنى عنك او  عشان حاجه ثانيه ما تخليش بس دماغك تسرح وتروح لبعيد انا وانت مستحيل نكمل مع بعض انا واخدك كده عشان خاطر ابني .
سهر : خلاص خلصت اللي عندك خلصت كلامك ولا لسه في كلام عايز  تجرحني بيه. 
خالد : انتي مش في دماغي اصلا عشان الاقي ليك كلام اجرحك بيه  او ما اجرحكيش بيه دي  مجرد سفريه وعشان ابني طبيعي اخاف عليه يلي يلي هسيبك تنامي عشان تصحي بدري تجهزي نفسك .
خالد خرج من الاوضه وساب سهر شيطه من كلامه .
سهر : تمام قوي يا خالد براحتك على الاخر انا عايز اشوف اخرك وبما ان انت اللي بدات ما تزعلش من اللي جاي. 
_عند ليلي:  خير يا خالد في حاجه حصلت معاك.
خالد : ايه انتي هتوقفيني على الباب ولا ايه.
ليلي بترحيب :  اتفضل. 
خالد قعد علي الكنبه : انتي لسه زعلانه من اللي عملته سهر معاكي. 
ليلي : ازعل ليه يعني يا خالد هي من حقها بصراحه حد يكون عنده زوج  زيك و ما تغرش عليه .
خالد : هي دي بتغير   سيبك انت من الكلام ده دلوقتي من النهارده هتجهزي هدومك وحاجاتك  عشان افرجك على احلى اماكن في مصر ويا ستي هنقعد في اوتيل لمدة شهر .
ليلي : ايه ده بجد انت بتهزر.
خالد : يعني انا برده اهزر معاكي في موضوع زي ده بتكلم بجد وهاخد سهر وندى معانا .
ليلي : طب وماما نجلاء طبعا جايه صح.
خالد : حاولت كتير معاها ما رضيتش. 
ليلي بزعل : لا يا خالد والنبي عشان خاطري حاول تاني معاها  السفريه كده مش هيكون لها طعم .
خالد : حاضر يا ستي عشان خاطرك حاول تاني معاها بس انت تكوني جاهزه و تديني اوكي تمام.
ليلي بابتسامه : اوكي .
خالد قام مع علي الكنبه فتح الباب : طيب انا خارج دلوقتي اخلص شويه حاجات ورايا وهبقى اتصل عليكي اطمن .
ليلي بمرح : اوكي يا خلود باي.
خالد بابتسامه : سلام .
رجع خالد البيت بعد ما حجز في الاوتيل وجهز كل حاجه .
ندى قاعده على الكرسي في وبصه قدامها بصمت .
قرب خالد منها بهدوء : القمر سرحان في ايه؟؟؟
ندي ودموع واقفه في عيونها : انا كويسه يا خالد.
قرب منها وعدل خصلات شعرها لورا : بصي لي يا ندى انا عارف اللي حصل ده مش قليل عليكي وعارف انك اخذتي صدمه كبيره في شخص ما يستاهلكيش انا فاهم طبعا ومقدر ...مش معنى كده ان احنا نهدر في نفسنا وصحتنا وننسى نفسنا     ندى يا حبيبتي انتي الف  مين يتمناكي كفايه انك انسانه كويسه محترمه .
ندي بوجع : صعبان عليا نفسي قوي يا خالد انا اديته كل حاجه.
خالد : خلاص يا ندى  لو فضلتي  تتكلمي في الموضوع ده كثير  هتتعبي  .
ندي : اعمل ايه بس يا خالد انا مقهوره كل ثانيه بتعدي عليا بحس بوجع وقهر  .
خالد  بياخدها في حضنه : معلش.  بيملس على شعرها بحنان
هو بس في الاول وبعد كدا هتنسي .  صح عندي ليكي خبر هيعجبك قوي.
ندي : خبر اية ؟؟
خالد : لو يهمك تعرفيه عايز اشوف ابتسامتك منوره وشك الاول وريني يلي. 
ندي ابتسمت ابتسامه بسيطه : هااا اية هوا .
خالد : انا حجزت بكره في اوتيل انا وانت وسهر وليلى هنقعد  لمده شهر  هاااا اية رأيك.
ندي : ما افتكرش ان انا هقدر اجي. 
خالد : وانا خلاص حجزت ومافيش حاجه اسمها ما افتكرش ان هقدر اجي انت هتيجي يا ندى انا عملت كل  ده  اصلا عشانك ...
ندي : اللي تشوفه يا خالد.   صح هي ليلى رجعت امتى من السفر اصل سمعت صوتها بس بصراحة مكنتش قادرة انزل اسلم عليها 
خالد : رجعت من اسبوعين     جت قعدت معانا اتعشيت ومشيت....
ندي :  هي وحشتني قوي بصراحه وعايزه اسلم عليها .
خالد قام من على الكرسي :  هي هتكون معانا وسلمي على براحتك انا طالع بقى عشان اريح شويه وانت كمان اطلعي ارتاحي عشان بكره يوم طويل .
 راح ضرب الباب علي امه 
اكيد نامت دلوقتي هسيبها ترتاح وبكره يبقى اكلمها  .
دخل الاوضه مكنتش سهر موجودة : رما المفتاح علي سرير 
في اللحظه دي خرجت سهر وبتنشف شعرها بالفوطه ولفه البشكير حوالين جسمها .
خالد بتوتر : انتي  الزاي تقفي بالمنظر دا ..
سهر بخجل : هوا انا اعرف منين يعني ان انت هنا اصلا وبعدين مش تخبط قبل ما تدخل ممكن بقي تخرج عشان اللبس ولا هفضل كدا يجيلي برد بسببك .
خالد ببرود : ما تغيري هو انا  ماسكك.
سهر : طب اخرج .. 
خالد : لا مش خارج .. 
سهر : هعمل انا اية دلوقتي .
خالد : خليكي كدا .
سهر بضيق : لا والله.
خالد : اه والله.
سهر : صبرني يا رب طب غمض ولف وشك ناحيه تانيه .
خالد دور وشه وغمض عينه : اخلصي .
سهر : انا خلصت
خالد فضل باصص ليها بإعجاب .
سهر لاحظت نظرات الإعجاب الي في عيونه .. انت هتفضل باصص لي كتير .
خالد بنفي : وابص لك ليه يعني روحي طفي نور عشان انام .
سهر طفت النور وناموا .. كل واحد مدي ضهره للتاني.....
اليوم التالي ........

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-