رواية نار ولا جنة الفصل التاسع 9 بقلم مرفت السيد

رواية نار ولا جنة الفصل التاسع 9 بقلم مرفت السيد


رواية نار ولا جنة الفصل التاسع 9 هى رواية من كتابة مرفت السيد رواية نار ولا جنة الفصل التاسع 9 صدر لاول مرة على موقع التواصل الاجتماعى فيسبوك رواية نار ولا جنة الفصل التاسع 9 حقق تفاعل كبير على الفيسبوك لذلك سنعرض لكم رواية نار ولا جنة الفصل التاسع 9

رواية نار ولا جنة بقلم مرفت السيد

رواية نار ولا جنة الفصل التاسع 9

فجأة سمعت صوت روضة
بتقولي:تعالي بسرعة الحيزبونة طالعة
شاورتلها وقولتلها:لأ انا هادخل
ودخلت بسرعة جمدت قلبي وفضلت ادور بالاوضة مفيش حد فقدت الامل ولسه هاخرج سمعت كركبة مش عارفة مصدرها وبرة صوت ام عمر وروضة بيعلى
كان كل هدفي اوصل لعمر ماركزتش في الي بيحصل برة
فضلت الف بالاوضة لحد ماسمعت الصوت جاي من البلكونة فتحتها بسرعة لقيت جواها سلم بيوصل لسطح الفيللا والصوت جاي من هناك
طلعت بسرعة لقيت  اوضة صغيرة وصوت انين مكتوم جاي منها
 مكانتش مقفولة فتحتها بسرعة 
لقيت عمر وهتفت بسرعة وبصدمة:عمر
بصلي بقلم مرفت السيد  وعينيه بتترجاني اساعده
اتأملت منظره كان نايم على سرير صغير ومربوط بحبل من ايديه ورجليه وفي لزق على فمه وشكله متبهدل وعرقان وبيتألم
شيلن اللزق وحاولت افكه وانا باقول:إيه ده مامتك الي عملت فيك. كدة؟
مكانش بيرد عليا كان بيتألم قاطعني دخول ام عمر وروضة وراها
وبعدهم مالك ووائل الي اول ماشاف المنظر اتصل باصحابه يطلعوا
ام عمر انهارت على أقرب كرسي ولأول مرة اشوفها بتبكي باستسلام وكأنها انهزمت
مالك بعدني هو ووائل عن عمر و بدأوا بفك وثاقه 
وانا وقفت جنب روضة وانا باحاول استوعب الي بيحصل
وفجأة هجمت ام عمر عليا وهي بتقول:انتي السبب إنتي الي بوظتي كل حاجة
روضة مسكتها هي ومالك وهي بتقول بهستيريا:دة انا بعتلك قطة ومعاها سحر إزاي جيتي هنا
بصتلها بذهول وانا شايفاها في حالة جنون وقولتلها: انتي عملتي إيه في عمر؟
ضحكت ام عمر بصوت عالي وغريب وفجأة اتحول لصوت رجالي وأصبحت قوية جدا ودفعت روضة ومالك بقوة وقربت عليا وخنقتني وقالت بصوت رجالي: وجودك في حياة ابني هو الي بوظ حساباتي
بدأت تخنقني ومحدش قادر يبعدها لحد ماوائل هددها بالمسدس :سيبيها والا هاضربك بالنار
وهي بتبصلي وعينيها اتغيرت واصبحت بياض بس وقالت:لازم امو... تها
ساعتها زمايل وائل وصلوا  وحاولو يكتفوها كلهم مش قادرين
فوائل ضرب عليها نار بكتفها ساعتها سابتني وجريوا عليها قيدوها
كل دة وعمر منهار وبيتألم على السرير
ومالك  حضنني هو و روضة  وانا بابكي وباخد نفسي بالعافية
الاسعاف جت نقلوا عمر ووالدته الى المشفى تحت الحراسة
وقبضوا على الحارس
وانا روحت مع اخواتي ووائل وصلنا لحد البيت وقالنا انه هايكلمنا بكرة عشان هاياخدو افادتنا بالنيابة 
ماما وبابا اصروا انه يتعشى معانا ولكنه رفض وقال إنه لازم يرجع القسم عشان شغله ومشي
دخلوني غرفتي ارتاح حاولت انام ماقدرتش لسة في علامات استفهام كتير ياترى هااعرف الحقيقة امتى اينعم ام عمر طلعت ملبوسة بس برضه مش فاهمة ايه الي كان بيحصل
تاني يوم وائل طلب من مالك اننا نروح النيابة للإدلاء باقوالنا
وفعلا روحنا وشهدنا بكل الي حصل ووائل كان معانا
وبعد ماخلصنا وائل قالنا انه عرف كل حاجة والتحقيق أظهر مفاجآت كتير وبالليل هايخلص شغله ويبجي يقولنا كل الي حصل
روحنا والفضول هايموتني عاوزة الليل ييجي عشان افهم
وبالليل وصل وائل وبعد الترحاب والسلامات
سألته بلهفة: عاوزة اعرف الي حصل لوسمحت
بابا:يابنتي اصبري الراجل لسة واصل
ماما:معلش يابني اعذرها جرا ايه ياجنة هو جاي يفهمك اصبري
صرخت فيهم:محدش يقولي اصبري محدش حاسس بيا انا مخي تاعبني من كتر التفكير الغاز الغاز لحد ماحسيت اني باحلم ومش عارفة اصدق اني عشت كل دة ومش فاهمة انا كنت متجوزة مين وليه يحصلي كدة
الكل سكت وهما حاسين بشفقة وحزن
ماعدا وائل الي قال بهدوء* ارجوكي اهدي معاكي حق بكل كلامك وانا جاي علشان اجاوبك على كل اسئلتك
مالك: ماما لو سمحتي اعمليلنا قهوة
روضة: ثواني ياجماعة خالد لسة مكلمني وطالع على السلم وعاوز يعرف ايه الي حصل هو كمان
مالك  بقلم مرفت السيد بصلي وغمز وقال وهو بيحاول يخفف التوتر :ايوة كملت وخالد هايطلع عفريت
فدفعته روضة وقالتله: لا يااخويا الحمد لله كنت هاظلمه الراجل صورلي لايف من الفندق ومن الاجتماعات 
جنة:انا اسفة ياحضرة الظابط على انفعالي ارجوك تقدر موقفي
وائل بابتسامة رقيقة:انا حاسس بيكي وشايف أن دة ابسط حقوقك
جاءت امي بالقهوة وانضم لنا خالد وجلسنا جميعا بصمت لنستمع لما حدث علىَ لسان وائل الي قال:
بعد الي حصل حاولنا نستجوب عمر عن سبب احتجاز والدته ليه بس للاسف مقدرناش بسبب انه كان بيهذي بكلام غير مفهوم وبيتصرف تصرفات غريبة 
طلبنا من طبيب نفسي يفحصه وكان التشخيص مفاجأة
جوزك مش جن ولا عفريت زي ماكنتوا متخيلين
جوزك مريص نفسي
هتفت بصدمة* عمر مريض نفسي إيه ازاي مكانش في أي حاجة بتصرفاته بتدل على كدة الا بعد جوازنا
استطرد وائل :عمر عنده اضطراب الهوية الفصاميّ أو الانفصاليّ، وهي اضطرابات نفسيّة تسبّب عوائق وتعطيل للذاكرة، والإدراك، والوعي.
مالك:يعني ايه
وائل : هاحاول اشرحلك بما ان اخويا طبيب نفسي وشرحلي الموضوع وانا درست طب نفسي لفترة كبيرة ،،  المريض بيطور شخصيّة أو أكثر مع أو دون وعي الشخص، وهذه الحالة تعتبر نادرة جداً، وتحصل في أيّ عمر، ، وقد تكون الأعراض بسيطة، أو شديدة إلى درجة تداخلها مع الشخصية الأساسيّة في حياتها الشخصيّة أو في العمل، وتسبّب مشاكل كتير
والسبب الاغلب بيكون صدمة او اذى كبير اتعرضله الشخص دة
، بمعنى أنّه عندما يختبر الشخص موقف أو تجربة مؤذية، وعنيفة، وصادمة، ومؤلمة، يعزل أو يفصل نفسه عن الواقع فتتكوّن هذه الشخصيات.
أعراضه ان لكلّ شخصية منهم عمرها، وجنسها، وعرقها، وصفات خاصّة مميّزة فيها، وقد تكون هوية لأشخاص خياليّة أو حتى حيوانات في بعض الأحيان،
وعندما تكشف الشخصية عن نفسها تتحكّم بسلوك وأفكار المريض تماماً، وفي بعض الحالات يعاني الشخص من الاضطهاد الذاتي على نفسه أو العنف على غيره، و أعراض  الاضطراب دة كتير، ومنها: الاكتئاب. إضطرابات المزاج. الأفكار الانتحارية. اضطرابات القلق العام. اضطرابات في النوم. تعاطي المخدرات أو شرب الكحول. اضطرابات الأكل. أعراض نفسية، مثل الهلاوس السمعيّة والبصريّة، والأوهام. فقدان الذاكرة.
 تسبّب هذه الأعراض مشاكل اجتماعيّة ومهنيّة وشخصيّة، ولا يستطيع العيش بصورة طبيعيّة
.علاج اضطراب تعدد الشخصيات مجهد ولكن
، يستطيع كثيرٌ من الناس التغلّب على أعراض هذا الاضطراب، وتكون لديهم القدرة على عيش حياتهم بصورة طبيعية وعشان يتم العلاج  يجب على بقلم مرفت السيد المريض تذكّر التجارب والصدمات التي تعرّض لها لتكوين فهم أوسع لحالته، وهنا تبرز أهمية العلاج المعرفي ، ومن جهة أخرى ممكن يتم العلاج  بالتنويم المغناطيسيّ مفيد أيضاً، أما بالنسبة للأدوية، فإنها تسهم في علاج أعراض مثل الاكتئاب عند إعطاء مضادات الاكتئاب، ولكن لا يوجد دواء خاصّ معيّن لعلاج هذا المرض
بابا:يعني مرضه صعب وهو السبب في كل تصرفاته الي مش مفهومة طب ليه مامته عملت كدة
وائل :مامته اعترفت انها حاولت تسيطر على مرض ابنها بالسحر عشان مفيش حد من اعمامه يشارك بالميراث
عدت الايام بسلام لحد ماقابلك وطلب يتجوزك وهي كانت فاكرة انه بقى شخص طبيعي 
ولكن ان ربك لبالمرصاد شغلها بالدجل خلى حالة ابنها فجأة تسوء اكتر ولأنها كانت بتحب ابنها بصورة مرضية 
حاولت تعالجه لما كانت بتجيله يوميا بعد جوازه كانت بتجيله اقراص منومة ومهدئة
لحد ماالاعراض زادت وبدء يفكر بالانتحار ساعتها طلقتك منه واخدته بعيد 
ولما لقتك بتدوري وراها هي وعمر بعتتلك سحر في القطة ولكن ربنا نجاكي
اهو حاليا ابنها بمصحة نفسية وهي بالسجن
لو كانت صارحت كل الي حواليها من البداية مكانش حصل كل دة
روضة:طيب ايه سبب اصابته بالمرض دة من الاساس
وائل:والده الله يرحمه كان دائم القسوة عليه والعقاب كان بالحبس بغرفة ضلمة بالايام ودة الي اتسبب بالحالة دي
قلت:مسكين
الكل اتوجهت انظارهم ليا فقولت:أيوة انا متعاطفة معاه هو ضحية شبهي انا مكنتش اعرف وهو كان تحت تاثير سحر والدته ربنا يسامحها
مالك:اظن كدة الصفحة دي اتقفلت ياجنة
*أنا كدة ارتحت يامالك
خالد: اظن كدة محدش يشك فيا
روضة: لا ياحبيبي انت برضه غلطان انك مالاحظتش ان ام عمر قريبك بتشتغل بالدجل
بابا:خلاص ياجماعة الموضوع دة خلص والحمد لله انه خلص على خير
وائل وهو ينهض :اسمحولي انا لازم امشي
ونظر الي  بغموض وقال:وليا زيارة تانية قريب
شكره الجميع على مجهوده واوصله مالك الى سيارته
بقلم مرفت السيد 
وودعتنا روضة وذهبت بصحبة خالد الى منزلها
دخلت غرفتي ومسكت تليفوني مسحت كل الصور والشات الي بيني وبين عمر وعلى قد ماكنت متعاطفة وزعلانة عليه بس كنت مبسوطة اني فهمت وعرفت كل حاجة
خلدت للنوم لأول مرة متذ اسابيع انام واصحى وانا مرتاحة
فات  شهرين تقريبا ومالك قرر يستقر هنا ويفتح شركة صغيرة واخدني اشتغل معاه
وفي يوم وانا منهمكة بالشغل لقيت صوت مألوف بيقول: ممكن اطلب ايدك
رديت بدون ماابص: اتفضل وانا ها......
بصيت للشخص الي بيتكلم وانا باحاول اركز
لقيت قدامي وائل بيضحك قولتله : انت قولت ايه؟
*ولاحاجة انا طلبت إيدك بس
:لا بسيطة بس انا...
*من غير بس ارجوكي
:اسمعني انا لازم....
*خدي وقتك واعرفيني كويس حقك
:انا بس....
* هانتخطب الاول طبعا انا مقدر خوفك من الخطوة دي
: وائل بجد افهمني واسمعني انا فعلا بافكر بكل الي انت قولته بس محتاجة افكر
بعد مرور ٦ شهور
: وائل ممكن تسمعني
مسك ايديا وقبلهاوقالي: مش سامعك من الدي جي  
ضمني اليه وهو يراقصني وقال: ملاك بالفستان الأبيض
باحبك ياجنتي
*وانا.....
:عارف بتحبيني
العوض 😏
نفسي اكمل جملة معاه ياناس 😁🌹
تمت

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا



حجم الخط
+
16
-
تباعد السطور
+
2
-