ياسمين : بتعيطي ليه يا حبيبتي بقالك من الصبح عالحال ده…

زينب بشهقات :مفيش متخانقه مع صاحبتي..ممكن تسيبيني لوحدي..

ياسمين :بس ..

زينب :ارجوك ياياسو سيبيني لوحدي لتغطي راسها وتعلو شهقاتها..

تنهدت الاخرى بتعب فهي تعلم مالذي تعاني بسببه اختها الصغيره لكن لابد ان يحدث هذا..

غادرت لتسمع أصوات تكسير في الشقه اسرعت لترى محمد يحدث والده الذي اتى على صوت صراخه..

ادهم :اهدى يا بني متعملش كده

محمد بغضب: بتخوني يا بابا ناديه بتخوني

ادهم بانفعال :قولتلك مليون مره سيبك منها متستاهلش حبك ليها..

محمد :انت كنت عارف.يابابا.

ادهم ….

محمد بانفعال :انطق يا بابا كنت عارف ..

ادهم بضيق على ابنه : يابني

محمد بضحكة الم : يعني انا المغفل الوحيد بالحكاية دي..انا الوحيد اللي حبها كان عاميني يابابا..

ادهم اقترب منه اراد احتضانه لكن الاخير ابتعد وغادر رأها تقف امام الباب مصدومه...لكنه تجاهلها واسرع وهو يحمل هاتفه يجري مكالمة ليحجز ويسافر…

ادهم اتصل بعمر بسرعه..

عمر: ايوا ياعمو..

ادهم :الحق محمد ياعمر انت فين..

عمر بقلق :انا في المطار ماله محمد..

ادهم :الحقه يابني خايف يعمل بروحه حاجه..

عمر :ماشي يا عمي اقفل وانا هكلمه..

انهى ادهم مكالمته وجلس بتعب اقتربت منه ياسمين تربت على كتفه وتهدئه..

___

بعد فترة

عمر بحده: بقالي كتير بكلمك مبتردش ليه..

محمد:عايز ايه..

عمر:عايزك ضروري..

محمد:مش فاضي..

عمر:انت فين..

محمد :بالمطار..

عمر : كويس ...هجيلك متتحركش..

وبالفعل التقى به ووجدها بحاله مزريه..وصمم على السفر معه..

______ه

بعد فترة

عند ناديه كانت مع عشيقها في الشقة حتى سمعت طرقات سريعه على البال ارتدت ثيابها وكان البوليس…صدمة للحظة..لتراهم يكبلونها ويأخذونها معهم ..

في تلك اللحظة وصل محمد ليراها هكذا..اراد قتلها لكن عمر اوقفه هامسا :سيبنا نفهم ايه اللي بيحصل .

محمد :مش قادر ابص في خلقتها ..انا لازم أقتلها ياعمر لازم..

لكن عمر وقف بوجهه..

وماهو الا وقت قصير حتى علموا تورطها بقضية كبيرة مع مافيا الاعضاء…

ومع اصرار محمد ومحاولات عمر لكي يلتقي بها بالفعل تم اللقاء..

ناديه ببكاء احتضنته لكنه بقى جامدا ولم يتحرك..

ناديه :محمد انا مظلومه والله..

محمد :خنتيني ليه كان ناقصك ايه..هااا

ناديه ….

محمد :طلبتي تسافري عشان تكملي دراسات عليا معترضتش.اشتغلتي براا معترضتش.تغيبي عني بالشهور وانا ساكت..سيباني ومتسأليش عني معترضتش..رفضتي تخلفي حطيت ببقي جزمه وسكت .. بتحايل عليكي عشان تنزلي اسبوع واحد عشان نقضيه مع بعض...كل ده بس عشان عايزك تبقى مبسوطه معايا بس انت عملتي ايه...عملتي ايه.. بتخونيني ياناديه..

ناديه.:انا..

محمد بغصه:انتي ايه انت وحده خاينه ورخيصه..اتاثرتي بالغرب وتربيتهم وحياتهم وهي دي النتيجة بقيتي زيهم بتجري بأرواح الناس عشان الفلوس..ورخصتي نفسك نسيتي دينك وعادتنا وبقيت وحده رخيصه متسواش ..

ناديه :محمد..

محمد :انا حبيتك بجد اديتك كل حاجه تعملي فيا كده ليه اجوزتيني من الاول..ليييه

ناديه ببكاء وانهيار: عشان بابا ..بابا كان هيحرمني من الورث لو متجوزتش منك..كان في صفقه كبيره بين شركة بابا وشركة ابوك ..عشان كده..

محمد :كفايه كفايه انت كل حاجه عندك فلوس خلاص مفيش احساس..

ناديه :محمد 

محمد :اسمى متجيبهوش على لسانك القذر ..وانتي طالق ..طالق ..طالق..مش عايز اعرفك تاني اغرقي بالوحل لوحدك..مش عايز اتوسخ اكتر من كده…

ناديه برجاء :محمد ...محمد ارجوك متسيبنيش..ارجوك..

محمد ادبعدها عنه بقرف.. ليغادر ويتركها منهاره..

__

عمر : عملت معاها ايه..

محمد..

عمر:  هتفضل ساكت كتير..

محمد…

عمر: ماشي براحتك...هطلع شقتي عشان نرتاح..

محمد :لا وديني اي فندق..

عمر :مينفعش لازم نتكلم..

محمد :مافيش كلام بالموضوع ده..

أوقف عمر السيارة :ازاي مفيش كلام يامحمد انت عرفت منين انها تخونك..

محمد..

عمر :اتكلم يا اخي متفضلش ساكت مش يمكن البنت مظلومة

محمد بسخريه: مظلومه ازاي..انا بقالي فتره شاكك فيها بس مكدب روحي بعتت ناس ترقبها يقوموا يبعتولي صورها هي وعشيقها..دي بتجيبه شقتي يباتوا فيها…

عمر بضيق ربت على كتف صاحبه:..من الاول قولتلك اني مش مرتاحلها يا محمد شفت نتيجة العند..

محمد بغصه:عشان كنت بحبها ياعمر وفاكر انها بتحبني..

عمر:هيا عمرها ماحبتك وكان واضح للكل ده الا ليك. عشان كان حبك ليها عامي عنيك..

محمد باختناق: خلاص ارجوك  كفابه..

عمر:.طب وايه حكاية تجارة الأعضاء

محمد:مش عارف بس بيقولوا كل حاجه بتدينها..انا خلاص طلقتها ومش عايز اعرف اي حاجه عنها تاني..

عمر :عين العقل ..

محمد:والله لو مكنتش بالحبس وبالوضع ده لكنت قتلتها ياعمر. بس ربنا مش رايد اني اوسخ ايدي فيها..

عمر :الحمد لله.. ربنا خد حقك خلاص..

______

وبعد يومين 

كانت ياسمين منشغلة ومع زينب التي بدأت حالة اكتئاب شديدة وكذلك انشغلت بالشركه كثيراً تراكمت كل الاعمال عليها بعد غياب محمد وعمر اللذان لم يعودا بعد..

على الهاتف وهي تصعد الشقه بيديها بعض الملفات.

ياسمين: يعني ايه البضاع هتتاخر بالوصول..

..

ياسمين :لا يا استاذ. اتاخرت يوم واخد عن موعدها هتكون خليت بالاتفاق.

…

ياسمين :ده اللي عندي البضاعه لازم توصل بالموعد وده بند من بنود العقد..

…

ياسمين ماشي كويس بانتظارك..

أغلقت الباب وفتحت الباب ودخلت..

ياسمين :عمو ادهم ..ياعمو..

ادهم :ايوا يابنتي في ايه..

ياسمين :في ملفات لازم توقع عليها عشان انت عارف محمد وعمر مش هنا..

ادهم :خلاص يابنتي تقدري توقعيهم انتي.

ياسمين مينفعش ياعمي ..

ادهم :ينفع عشان انا اتنازلت عن حصتي بالشركه ليكي..

ياسمين : بصدمه ايه..

ادهم :ايوا انتي بقيتي شريكه زيك زيهم..

ياسمين :بس..

ادهم : من غير بس..وقعي على العقد ده..عشان تقدري تخلصي الشغل من غير توقيعي ..

ياسمين : ياعمي مينفعش ..انا..

ادهم :انا خدت قراري مش هنسيب الشركه تنهار كده وهما مش دريانيني بيها..

ياسمين :بس..

ادهم :مابسش انتي مرات ابني يعني بنتي والا عندك كأنوا عندي..وقعي ومتتعبنيش مش كل يوم هتطلعي وتنزلي بالملفات 

دي…

.وبالفعل وقعت وسط ذهولها كيف يتنازل عن جزء من حصته في الشركه لها..

____

زينب كانت تحتضن الدب الصغير الوردي الذي اهداه لها عمر وتبكي..وضعت يدها على السلسه وارادت نزعها..لكنها تراجعت لتعلوى شهقاتها وتدفن وجهها بالوساده..

ياسمين بحنان :زينب حبيبتي ..بتعيطي ليه..

زينب ….

ياسمين : ممكن تردي عليا..ومتقلقنيش عليكي اكتر

زينب بشهقات : هو انا وحشه ياياسو..

ياسمين :من قالك كده انتي اجمل بنت بالدنيا كلها ..

زينب :اومال ليه بيحصل معايا كده..

ياسمين :حصل ايه....

زينب بكذب : اتخانقت مع صحبتي و سابتني و راحت لصحبتها التانيه..

ياسمين :يمكن عشان انتي تستاهلي وحده احسن منها..تكون صاحبتك..

زينب ببكاء :بس انا بحبها هي وعيزاها هي.

ياسمين مسحت شعرها بحنان :حبيبتي..مش كل حد بنحبه يبقى هو الشخص الصح..

زينب :قصدك ايه..

ياسمين : احمدي ربك ان صحبتك دي بعدت عنك دلوقتي بدل ما تتعودي عليها وتحبيها اكثر..ولما تسيبك تتوجعي اكتر..

زينب :بس انا بحبها قوي..

ياسمين :ياحبيبتي انتي لسه صغيره وقدامك الثانويه والكليه..هتقابلي بنات كتييررر وهتلاقي البنت اللي تستاهل تبقى صاحبتك وتفضل صاحبتك العمر كله.

زينب :بس..

ياسمين :من غير بس يلاا انتي ناويه تسقطي السنه دي والا ايه..

طب ايه رايك..لو جبت علامه حلوه.. هنسافر الغردقه مش كان نفسك تزوريها..

زينب بابتسامه حاولت اظهارها : بجد..

ياسمين :ايواااا يلا ابدأي مذاكره من دلوقتي عشان متروحش علينا السفرية دي..لتقبل جبهتها وتتركها بتعب..فهي تعلم ما تعانيه اختها جيد ولكنها لاتريد التحدث بشكل مباشر لكي لا تزيد زينب عناداً…

بعد مرور شهر…

ادهم برجاء :ممكن يا بنتي تروحي الفيلا بتاعت محمد ..

ياسمين :ليه ياعمي هو رجع..

ادهم ايوا..

ياسمين :بس هو اكيد مش عايزني اروحله..

ادهم :يابنتي  انا عايزه يطلع من اللي هو فيه كفاية عليه كده بقاله كتير..سايب كل حاجه ومسافر ولما رجع  حابس روحه في الفيلا حتى معداش عليا..يشوفني.

ياسمين :بس انا خايفه منه ياعمو لا يتعصب.عليا..

ادهم :متخفيش محمد عصبي ايوه ويبان بارد بس قلبه طيب وزي الحليب..بس انت مش عارفاه كويس..

ياسمين :بس ياعمي..

ادهم :عشان خاطري يابنتي طلعيه من اللي هو فيه..

ياسمين :حاضر هغير هدومى واروحله بس انا معرفش الفيلا فين..

ادهم :هخلي السواق يوصلك..بس يابنتي لو اتعصب او اتخانق معاكي اتحمليه..

ياسمين :متقلقش ياعمي انشاء الله خير..

وبعد فتره كانت تقف أمام القصر ترتجف فهي حقا تكره القصور لما لها من ذكريات مؤلمة..لكنها تحاملت على نفسها وطرقت الباب لتفتح لها الخادمه الباب..

ياسمين :محمد هنا..

الخادمه:ايوا اقوله مين..

ياسمين :دخلت انا هروحله 

الخادمه :بس حضرتك مينفعش تدخلى كده..هيتعصب ..

ياسمين بابتسامه هادىه :متقلقيش...انا مراته..

الخادمه :مراته انا اسفه يامدام والله بس..

ياسمين :مفيش داعي تعتذر القيه فين..

الخادمه :في اوضت الرياضه فوق بالطابق التاني اخر الممر هناك..

اومات براسها واخذت نفسا عميقا واتجهة اليه..فتحت الباب لتجده يضرب كيس الملاكمه يتصبب عرقا شردة به لثواني حتى استفافت على صوته: ايه سر الزياره دي..

ياسمين :انا انا بس..

اقترب منها لتتجمد مكانها لكنه اكمل الطريق خلفها واخذ علبة الماء وشرب منها...بهدوء وجلس على الارض يسند ظهره على الحائط..تعالي..

تقدمت نحوه بهدوء..…

محمد بهدوء :اقعد جنبي واقفه كده ليه..

اقتربت وجلست بجانبه.على الارض.

محمد :جايه ليه..

ياسمين :سمعت  انك رجعت من السفر وقلت اعدي عليك..

محمد :بابا بعتك مش كده..

ياسمين…..

محمد:انتي هتفضلي تسمعي الكلام كده كتير من غير متعترضي..

ياسمين :قصدك ايه..

محمد:مفيش انسي..

ياسمين :طب مش هنروح عمو ادهم قل..

محمد فاجاها بقوله :فرحتي بيا مش كده..شمتي لما عرفتي انها خانتي..

ياسمين :لا..طبعا

محمد :لا والا اه..

ياسمين :انا عمري مااشمت بحد ..بس مستغرباك..

محمد :مستغربه.

ياسمين :ايوا..

محمد :ليه ..

ياسمين :يعني ازاي محستش انها بتخونك وانتو بقالكم تلات سنين..

محمد :بحبها..وكنت عايزها تحبني كمان..

ياسمين عمر الحب ماكان عايزها تحبني..

محمد قصدك ايه..

ياسمين :قصدي انت غلطت من الاول ازاي مالاحظتش انها مش بتحبك..

محمد :كانت بتقولهالي كتير على فكره..

ياسمين :واضحه جداً لما تطلع من برا القلب كلمة بحبك..

محمد :انت حبيتي قبل كده..

ياسمين :لا 

محمد :اومال ايه اللي عرفك بالحب..

ياسمين : بابا ماما..

محمد: بابا ماما..

ياسمين ايوا ..

محمد :ازاي..

ياسمين :اتعلمت منهم ان الحب الحضن الدافي و الامان المشاعر واالحنيه والطبطيه لما بتنزل دموعنا لما بنضعف لما بنخاف اللي بنحبه يفضل سندنا وبظهرنا.. ..الحب اننا نتخلي عن كل حاجه عشان حبيبنا..زي ماعملت ماما لتكمل بحماس وهي تنظر اليه بعيون لامعه..

انت عارف ماما وبابا كانوا بيحبوا بعض اوي..

بابا كان رجل اعمال كبير لما كانت زينب لسه والده. اتقلب حالنا بلحظه بابا خسر كل حاجه..فقرر يسيب البلد ..امي كانت بتحبه اوي..كانت من سوريا من الشام ..تركت تعليمها واهلها وكل اللي بتحبهم وجت مع بابا هنا بس لما بابا قرر يسافر طلبت نرجع عالشام..عشنا هناك حياة بسيطه دافيه..ايوا صح مكناش نسافر ونتفسح زي الاول بس عشنا بالحب..ايام الاجازه من المدرسه كنت بصحى الصبح على ريحة القهوة وصوت فيروز وهي بتغني من الراديو..كنت بتسحب واشوفها يشربوا قهوتهم بالشرفه..وبابا واخدها بحضنه وبيمسح شعرها.بحنيه.ويهمسلها بكلمات محدش يسمعها الا هي واشوف ضحكتها ترتسم على وشها...الياسمين محاوطهم بكل حته وريحته ماليا المكان...امي.عمرها مااشتكت من بابا .حتى لما كان يرجع مخنوق مالشغل ومتعصب كانت تتجنب تعانده لحد مايهدى ويرجع يرتمى بحضنها زي العيل الصغير ..

محدش يقدر يخبي الحب يامحمد ولا يداريه ولا يتحمل بعد حبيبه .

.انت المفروض من ساعات ماسابتك وقدرت على بعدك.. كنت عرفت انها عمرها ماحبتك..اللي يحب ميتحملش البعد….

محمد :انتي بتعرفي تتكلمي اومال ليه طول الوقت ساكته..

ياسمين :عشان مكنش في حاجه نتكلم فيها..وانت كمان مكنتش تتكلم..

محمد :ودلوقتي..مش..

قاطعته وهي تنهض بابتسامه: دلوقتي عمو ادهم مستنينا لتمد يدها له يلااا.

محمد :هو انت ..

ياسمين :يلاا يامحمد عمو ادهم..

محمد :خلاص خلاص  هاخد شور سريع ونروح عند عمك ادهم..

ياسمين : هستناك تحت..

امسك يدها بغمزه مش هتيجي معايا وانا .

افلتت يدها بسرعه لتغادرة متتاخرش..

محمد :والله بتديني اوامر حضرتك.

ابتسمت بداخلها..ونزلت بسرعه..

عاد محمد الى المنزل وجلس يحدث والده اما ياسمين فقد كانت متعبه وذهبت للنوم.

.كانت نائمه حتى شعرت بثقل على جسدها حاولت النهوض لكنه شعرت به يقيدها ويقبله فتحت عيناها لتجد محمد..

ياسمين :محمد انا..

محمد اششش وووو

____

بعد مرور شهر اعتادت زينب به على غياب عمر لكنها بقيت تتذكره دائما فقد غرس نفسه داخلها وبدأت ذكراه تتغذى وتكبر من مشاعرها المكبوته…

اما محمد وياسمين فقد اعلن محمد زواجهما..وبقيا على حالهما لم يتغير شيء حتى مع محاولات محمد الكثيره للوصل الى قلب ياسمين الا انه لم يلقى قبولا ابدا...حتى حدث شيء ليس بالحسبان..

رأها تخرج من الشركه تضع يدها على راسها تلتفت يمينا ويسارا.بوتر...لحق بها لتقف امام المشفى..وماهي الا لحظات حتى راها ترتدي ثياب العمليات ليسعع الطبيبه تقول لها جاهزه..

هزت ياسمين راسها بدموع: ايواا..

يتبع….