رواية زوج محبوب لعمله يوسف وروز من الفصل الاول للاخير بقلم شهد محمد
رواية زوج محبوب لعمله يوسف وروز من الفصل الاول للاخير هى رواية من كتابة شهد محمد رواية زوج محبوب لعمله يوسف وروز من الفصل الاول للاخير صدر لاول مرة على موقع التواصل الاجتماعى فيسبوك رواية زوج محبوب لعمله يوسف وروز من الفصل الاول للاخير حقق تفاعل كبير على الفيسبوك لذلك سنعرض لكم رواية زوج محبوب لعمله يوسف وروز من الفصل الاول للاخير
رواية زوج محبوب لعمله يوسف وروز من الفصل الاول للاخير
_يوسف انا عايزه اطلق
بص ليا وهو واقف بيلبس ساعته قبل ما ينزل وقال:
_تمام هروح اخلص المهمه دي واجي اطقلك بس ياريت تعملي على الغدا صنية بطاطس ب الفراخ ف الفورن
_يوسف انا مبهزرش انا فعلآ عايزه اط@لق انا زهقت
اتعصب حدف إزازة البرفيوم على الأرض كسرها وقال بزعيق:
_انا اللي زهقت انتي بدال ما تخففي عني بتزوديها بدال ما بهرب ليكي بهرب منك شايل حمل كبير فوق كتافي بدال ما تشيليه معايا وتخفيه عني بتزوديه مخليه الحمل اتنين
_ياسلام دلوقتي بقيت انا الوحشه اللي في قصة أحدهم طب مانت كمان مش مشاركني في أي حاجه ولا تعرف انا كويسه ولا لاء ولا روحت فين ولا جيت منين ومش بعرف اقعد معاك ولا احكيلك على حاجه مدايقني فين انت من كل ده
_عدي يومك يا روز
_لاء هطلق يعني هطلق عشان احنا كنا اختياري غلط لبعض
بص ليا وفضل ساكت شويه بعدين قال:
_عندك حق انتي صح.. انتي طالق
قالها ونزل وفضلت انا بستوعب الكلمه طلعت مش سهله طلعت بتو@جع القلب!
عيطت كتير ب الساعات تقريبآ!
كنا واخدين بعض عن حب ولاكن الحب ده بدأ يختفي ب التدريج من اول ما رجعنا من شهر العسل عشان مكنش فيه مهمه في حياته غير شغله عشان مكنتش بشوفه غير كل فين وفين عشان باب بيتي كان بيخبط اربعه الفجر ومكنش معايا راجل يقوم يفتح ويشوف مين الي جاي في وقت زاي ده عشان مكالمة التيلفون مكناش بنعرف نتكلمها كل دي اسباب ضيعت الحب الي مبينا
لميت كل حاجاتي عشان خلاص كنت همشي على بيت بابا وقفت قدام صورة جوازنا وانا بتأملها لسه فيه جزء جوايا بيحبه بس مبقاش ينفع خلاص!
خدت الشنط ونزلت خدت عربيتي واتجهت ل بيت اهلي دخلت عليهم وانا بقول:
_انا أطلقت
اتكلمت ماما وقالت:
_المفروض كان يحصل من تاني يوم جواز مش عارفه اتأخرتي ليه
قام بابا وقف وهو بيقول:
_اي الكلام ده يا ام عبد الرحمن بدال ما تخديها في حضنك وتسأليها حصل اي
_وهي بنتك حد يعش-ارها المهم قوليلي طلقك ليه فتحتي دماغو ولا حطيتي في قفاه تلج ولا جيه من شغلو لقى الغدا إندومي
_انا اللي طلبت الطلاق يا ماما مبقتش طايقه العيشه معاه وده قراري محدش يقعد يتكلم معايا ويحاول يغير رأيي ولا انتي ولا بابا ولا عبد الرحمن اخويا
قولتها وسيبتهم ودخلت اوضتي فضلت اعيط شويه بعدين قطعني صوت بابا وماما وهما بيتخ@انقو دي عادتهم مش حاجه غريبه عليهم يعني بس روحت اشوف فيه اي
_تعالي يا روز شوفي امك الي مخها طار عايزه تض@ربني ب إيد الهون
_حصل اي يا ماما
_مسك الحله ب الطرحه الجديده حر-قهالي
_حقك عليا انا خدي واحده من عندي
_انتي اي دخلك انتي واحده وجوزها انتي مالك
رد بابا وقال:
_صح انتي مالك واحد ومراته انتي اي دخلك
سيبتهم ودخلت اوضتي مش عارفه الاقيها منين ولا منين بس عادتنا بيتنا بيكون زاي توم وجيري بسبب مشاكل بابا وماما هما برضو كانو واخدين بعض عن حب ودي نتيجة الحب!
محدش فاهمني ولا حاسس بيا ولا عبدالرحمن اخويا رغم انه قريب مني ولاكن بسبب مراته بعد عننا ولا سلمى البيست فريند بتاعتي هتفهمني من الأفضل اني اخلي احساسي لنفسي مش هشارك مع حد!
بعد اسبوع ورقة طلاقي وصلتلي عي@طت كتير عشان هيوحشني بس انا اللي طلبت ده انا اللي اختارت راحتي يبقا خلاص مينفعش نندم على اختيارنا
قومت لبست ووقفت حطيت ميكب خفيف كنت واقفه قدام المرايا وانا بقول:
_أصبحت المراءه المطلقه صاحبة ال ٢٣ عام!
ابتسمت لنفسي وكملت بقيت المكيب ونزلت خدت عربيتي واتجهت للشغل بقالي كتير
منزلتش الجريده برغم اني صاحفيه شاطره والمقالات اللي بكتبها دايمان بتطلع ترند
وصلت شغلي وعرفت ان المدير عايزني دخلت ليه وانا بقول:
_صباح الخير يا فندم
_روز هانم بقالك اسبوعين مبتجيش مخصوم منك اسبوعين
_تمام حاجه تانيه؟
_مش هتقعدي على مكاتبك غير لما تكتبي مقالا عن ظباط الجيش ويكون مقالا واقعي يدخل دماغي وإلا مفيش شغل
_بس يا فندم..
_مبسش واقفه هنا ليه دلوقتي خلصتي المقال؟؟
سيبته ومشيت وانا بقول:
_كدا كملت
اللي محدش يعرفو عني اني بحب شغلي جدآ لدرجة اني بحب اعيش حوار المقالا عشان يبقا واقعي
يعني مقال عن المجر@مين اروح اقعد وسطهم واتكلم معاهم لدرجة اني اتعرفت على حوكش وظاظا مجر@مين زاي الفل
مقال عن الس@رقه اروح اقعد مع حرا@ميه عادي
مقال عن السجاير اجربها عشان اعرف اكتب المقال
مقال عن الأكل المس-مم اروح احط سم فيران في الاكل عشان اكتب المقال صح
مقال عن ظباط الجيش اروح اقعد معاهم ازاي بقا؟
الفكره ان يوسف جوزي ظابط في الجيش لاكن مبيتكلمش عن شغلو نهائي وسألتو كتير ولاكن مكنش بيرد ب اي معلومه
تقريبآ يا انا اللي دماغي تعبانه يا انا متقنه في شغلي اوي!
روحت البيت عملت سيرش ب الساعات من موقع ل موقع عن ظباط الجيش بس مفهمتش حاجه
وصلت بيا اني رنيت على يوسف رد عليا وهو بيقول:
_الو
_الو.. ازيك يا يوسف
_تمام انتي ازيك
_تمام.. احم كنت عايزه مساعدتك في حاجه
_خير اي هي!
_مطلوب مني اكتب مقال عن ظباط الشرطه ومالقتش انسب منك يقولي معلومات وكدا
_امم وانا اللي قولت اني واحشتك عشان كدا رنيتي طلع مش لوحدي اللي شغلي رقم واحد عندي يا روز مش لوحدي الي أناني المهم سيبك من المقال ده عشان هتفشلي
محدش يعرف معلومات عن ظباط الجيش غير ظباط الجيش ذات نفسهم ومحدش فينا بيقول اي معلومه عن شغله فا انسي وياريت تهدي بقا عشان شغلك ده هيضيعك يا مجنونه
قالها وقفل وطبعآ دمي اتحر@ق فضلت رايحه جايه في الاوضه عندي لحد ما قولت اروح ل سلمى هي ممكن تساعدني
وبالفعل روحت ليها وكالعاده كل كلامها عن بسيوني الواد اللي بتحبه وطول القاعده بترسم عشان هي خريجة فنون جميله
_اشربي المنجا يا روز هو انتي غريبه
_بشرب يا ستي بشرب
_اهدي بقا بلاش عصبيه
_هتجنن يا سلمى انا يقولي هتفشلي انا يقولي يا مجنونه!
_عادي سيبك منو المهم اي رايك بكرا امشي من قدام بسيوني واحاول ألفت نظرو
_يابت انتي هتجننيني بسيوني اي ده كفايه اسمه بسيوني ولا كزبره؟
_روز متتريقيش على اسمو لو سمحتي
قطعنا دخول ملك اخت سلمى الصغيره دخلت وهي بتقول:
_سلمى ان خدت جواب إنذار استدعاء ولي أمر ولو بابا مش مضى على الجواب ده مش هدخل المدرسه ممكن تزوري امضت بابا ارجوكي
بصيت ليهم وفضلت ساكته شويه كانت سلمى خلصت تزوير الامضى واختها خرجت بصيت ليها وقولت:
_سلمى انا لقيتها
_لقيتي اي؟
_هجبلك الورق بتاع يوسف تعملي زايه بظبط بس تخلي الفرق الاسم والسن والحاجات دي
_ورق اي؟
_ورق دخول يوسف الجيش انا عارفه هو شيلو ليه
_وهتعملي كدا ليه؟
_عشان انا هدخل الجيش وهكون ظابط جيش
_هو صدق لما قال انك مجنونه
_بتكلم بجد
_بجد اي انتي هبله انتي فاكرها سهله انتي عارفه لو كشفوكي ممكن يحصل اي ممكن يقبضو عليكي بتهمة انك جاسوسه يا هانم
_بت هتعملي اللي هقولك عليه ولا اروح اقول ل ابوكي انك بتحبي الواد بسيوني
_بس يا روز انا خايف@ه عليكي افردي عرفو من طريقتك من جسمك من إيدك من التعامل معاكي
_ياستي لو على جسمي انا كدا كدا فلات صوتي هخشنو طريقتي هبقا مسترجله اسمعي الكلام بقا
_طب والبطاقه واسمك
_هكلم الواد حوكش هو ليه في التزوير هخليه يكتب بدال أنثى ذكر وبدال روز ياسين اي رايك
_طب ولو الصدفه جمعتك ب يوسف واكيد يوسف هيعرفك
_لاء متقلقيش مش هيعرفني هو بمسافة ما بيروح الشغل بينسى ملامحي اصلآ
_طيب بس بصي لو لا قدر الله يعني اتقفشتي متجبيش سيرتي اللهي ربنا يسترك
_طيب يا واطيه حاضر
قولتها وسيبتها ونزلت جبت الورق بتاع يوسف من شقتي ورجعت اديتهالو ونزلت اتفقت مع حوكش يعملي البطاقه قال انها هتاخد وقت
عدا اسبوعين ومكانتش لسه خلصت قولت احاول مره تانيه مع مديري عشان غالبآ في خوف جوايا
وبالفعل روحت الجريده ودخلت مكتب المدير اول ما شافني قال:
_المقال خلص؟
_في الحقيقه لاء
_بصي يا روز عدا اسبوع عدا شهر عدا سنه وقت ما يخلص هترجعي شغلك غير كدا اطلعي بره
_طالعه ياسيدي طالعه
خرجت وانا بقول:
_مفيش فايده
جتلي مسدج من حوكش ان البطاقه خلصت ابتسمت وانا بقول:
_حان وقت الخ@طر!
روحت خدت البطاقه منو ورجعت على البيت جهزت الورق اللي سلمى عملتو وخدت هدوم رجالي من عند بابا وقصيت شعري وروحت عملت شنب ودقن فيك وقبل ما البسهم خرجت ل ماما وبابا وانا بقول:
_انا عندي شغل وهسافر واحتمال اتأخر شهر أو اتنين
_طيب ماشي اوعي من قدام التيلفزيون بقا
_يا ستي قوليلها رايحه فين ولا خلي بالك من نفسك ولا ربنا يستر طريقك فين قلب الام؟
ردت ماما على بابا وهي بتقول:
_عند امك
طبعآ سيبتهم بيتخ@انقو سوا ودخلت البس اوقات كنت بزعل ان اهلي مش بيهتمو بيا بس طلع عدم الاهتمام ليه لازمه اهو وهيفدني
لبست الشنب والدقن والهدوم الرجالي وخدت شنطتي ومشيت و..
يتبع..
شهد محمد
مشيت من بيتنا اتجهت للمكان اللي هكون فيه ومن اول ما شفا المبنى وانا الخو@ف جوايا ذاد كنت عايزه امشي ولاكن هكمل عشان اثبت ل يوسف اني مش مجنونه واني مش هفشل وعشان كمان بحب شغلي
خشنت صوتي ودخلت مع العسكري ل مكتب الرئيس بتاعه وهو بيقول:
_ياسين الحسيني يا فندم اتبعت جديد
بص ليا وخد الورق من العسكري وقال:
_غريبه يعني محدش بعت قال انك جاي!
بصيت ليه وانا هموت من الخو@ف خشنت صوتي وقولت:
_يمكن انا اللي جيت بدري يا فندم يمكن الجواب يجي بعد شويه او بكرا او بعده
بص للورق وللبطاقه وقال:
_عمومآ عسكري محمد هيوصلك ل اوضتك نظم وقتك وشوف القائد بتاعك وانا منتظر الجواب
_تمام يا فندم
مشيت مع العسكري وانا عيني في كل حته حاسه اني حطيت نفسي في و@رطه اي اللي عملتو ف نفسي ده انا مش كان اخري أقف في المطبخ اعمل إندومي
وقف قدام باب اوضه وهو بيقول:
_دي اوضتك يا ياسين باشا هتشاركها مع حسن وحسين زمايلك
_اي.. لاء انا عايز اوضه لوحدي
اتكلم صوت انا من ورا وقال:
_اوضه لوحدك اي انت فاكر نفسك في اوتيل
بصيت ورايا وكان زاي ما حسيت يوسف جوزي قصدي طليقي!
حاولت اخشن صوتي وانا همو@ت من التوتر وقولت:
_خلاص يا فندم هشاركها معاهم
بص ليا من فوق ل تحت وقال:
_انت جديد صح؟
_ايوه صح انا جديده ااا قصدي انا جدي
_ومالك كدا مش على بعضك ليه؟
_هيبتك يا فندم هيبتك تعمل اكتر من كدا
بص ليا بشك بعدين قال:
_طيب ادخل ريح شويه انت جاي من سفر بس اعمل حسابك بكرا مفيش اي سبب يمنعك من التدريب معانا انت فاهم
_فاهم يا فندم
قولتها ودخلت الاوضه مكنش فيها حد فتحت الدولاب رتبت فيه هدومي والهدوم الداخليه سيبتها في الشنطه وحطيت الشنطه تحت السرير ووانا واقفه دخل عليا اتنين اتكلم واحد فيهم وقال:
_انت ياسين صح
_ايوا اه انا ياسين
_نورت يا صحبي انا حسين
اتكلم صحبو التاني وقال:
_وانا حسن
_اهلآ يا شباب ازيكم
_تمام بس وحيات امك اقفل النور خلينا نلحق ننام ساعه قبل معاد التدريب التاني عشان يوسف باشا ميعاقبنش
قفلت النور وجريت على سريري اتغطيت وانا بقول:
_هو احم احم يوسف باشا ده صعب
اتكلم حسين وهو بينام وقال:
_اوي اوي اوي من هنا للسنه الجايه بيحب النظام وميحبش حد ميسمعش كلامو ويالهوي بقا على العواقب بتاعته
_عباره عن اي العواقب دي يعني؟
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
رد حسن وقال:
_حاجات بسيطه يا سيدي يدوبك تلف المبنى كله الف مره في ساعه ولو الساعه خلصت وانت لسه مخلصتش الالف لفه بتعيد من الاول خالص
_حلاوته يوسف باشا حلاوته
قولتها وحاولت انام لاكن معرفتش كنت بفكر في يوسف والكلام اللي بيقولو عليه كأنهم بيحكو عن يوسف تاني خالص
يوسف اللي اعرفه حنين بيخ@اف عليا من خصلة شعري انها تجرح خدي معقول في شغله حاجه تانيه!
طب اي اللي ممكن يحصل لو كشفني هيتعاطف معايا ولا هيقف قصادي لأجل شغله والقانون
بعد تفكير كتير غفلت ونمت وصحيت مخضوضه من صوت الباب الحديد اللي اتفتح وغصب عني صر@خت بصوتي الحريمي
حسين بص ل حسن وهو بيقول:
_سمعت اللي سمعته؟
_سمعت اي
_صوت حاجه عرسه او عصفوره بتص@رخ
_قوم يا حسن الله يرضى عليك مش عايزين يوسف يعاقبنا على وش الصبح
حاولت اعمل نفسي نايمه ولاكن صحيت اول ما شفت حسن بيغير هدوم اتكلمت وقولت:
_معلش ممكن تغير جوه
ضحك وهو بيقول:
_انت من النوع اللي بيتكسف ماشي يا سيدي هغير جوه
قالها ودخل غير هدومه هو وحسين وخرجو وقومت انا دخلت الحمام اشوف الشنب والدقن لسه متركبين ولا لاء ولقيت مقص قصيت شويه كمان من شعري
ورجعت نمت تاني وانا شيء ما مطمنه فضلت طول اليل نايمه لحد ما صحيت على صوت حسن وحسين وهما بيقولو:
_قوم يا ياسين عشان تاكل وعشان تستعد استرحتك خلصت
بصيت ليهم بقلق وبصيت للأكل بأستغراب وانا بقول:
_هو اي ده؟
_ده بيضه و100 جرام حلاوة طحينيه ومربي و100 جرام جبنه بيضا وفيه مثلث جبنه نستو مع برتقاله و200 جرام فول بالزيت والليمون ورغيف عيش
بصيت ليهم وانا بقول:
_لاء انا عايز بيتزا
دخل يوسف على الكلمه دي بص ليهم وليا وقال:
_عشر دقايق وتكونو قدامي في الساحه ومفيش فطار مفهوم
قالها وخرج رد حسن وقال:
_عايز بيتزا؟ اديك ولا طولت عنب اليمنى ولا بلح الشام البس يا خويا البس
قومت لبست معاهم الينيفورم اللي عباره عن البنطلون اللي فيه ألوان كتيره ديه وفيهم الون الأخضر مع الشوز الطويله وطبعآ خدو وقت عقابل ما وصلو ل مقاس رجلي اصلي بلبس مقاس ٣٦ ودي كانت حاجه عامله ذهول للكل
بعد ما لبست وطلعت معاهم للمكان اللي هندرب فيه كان يوسف واقف ب فلنه سوده كت مبينه عضلاته وقدامه الفريق بتاعه جزء بيشيل حديد وجزء بيض@رب نار وجزء بيشيل الكوتشات اللي هي بتاعت العربيات الكبيره دي
بص ليا وهو بيقول:
_دلوقتي بقا انا عايز اشوف اخرجك اي واولك اي وريني كدا وانت بتض@رب نا@ر
بصيت ليه بصدم#مه وانا بقول:
_بس يا فندم يعني احم
_إنجز يلا
قالها وسلمني الم@سدس او معرفش بيقولو عليه اي وكان المفروض اض@رب على دايره حمرا في لوحه متعلقه والحمدلله ض@ربت في كل الاتجاهات معاده الدايره الحمرا دي
بص ليا بغيظ وهو بيقول:
_هايل برافو عليك ظابط بحق وحقيقي
اتكلمت بت@وتر وانا بقول:
اصل يا باشا احم انا كنت عامل حا@دثه وفضلت اكتر من سنه ونص بعيد عن الشغل وبتعالج علاج طبيعي فا اعصابي لسه مرجعتش لأني يدوبك خفيت امبارح ورجعت انهارده
بص ليا وفضل ساكت شويه بعدين قال:
_طيب انا هساعدك بس متعتمدش على ده كتير عشان انا معنديش صبر
_تمام يا فندم
_اتفضل يلا ابداء من الصفر شيل حديد واعمل تمرينة الرجل والضهر اعتقد عارفهم!
_طبعآ طبعآ عارفهم
روحت وقفت في وسط الشباب وشيلت حديد خمسه كيلو وحقيقي اكتشفت ان الخمسه كيلو طماطم مش زاي الخمسه كيلو حديد نهائي
في وقت ما كنت انا بشيل خمسه كيلو يوسف كان شايل ١٠٠ كيلو ما شاء الله عليه حبيبي أسد احم احم قصدي طليقي
اليوم خلص وانا خلصت وكل واحد بداء يروح على اوضته كنت همشي بس يوسف نادني روحت ليه وانا بقول:
_أوامرك يا فندم
_خليك معايا هحاول معاك في ض@رب الرص@اص عشان دي حاجه اساسيه يلا امسك سل@احك وجرب تاني
مسكته وانا بترعش وحاولت اض@رب تاني ولاكن فشلت بص ليا وهو بيقول:
_اللي هيغفرلك انك شبه حد يعز عليا غير كدا انا مش عارف انت اتقبلت ازاي ولا لاياقه بدنيه ولا اي نيله
قالها وقرب مني ومسك إيدي وبص ل مكان الدايره وض@رب نا@ر وجت فيها كنت مركزه معاه من وقت ما اتجوزنا اول مره نكون قريبين من بعض كدا بص ليا وقال بزعيق:
_يا ابني انت باصص ليا ليه هو انت هتحب فيا ركز على إيدي وعلى الهدف
_حاضر يا فندم حاضر
قولتها وركزت معاه عملها اربع مرات وفي الخامسه بص ليا وقال:
_وريني اتعلمت اي
خدت منو الس@لاح وغمضت عيني وانا بقول:
_يارب تيجي يارب تيجي
وبالفعل جت ابتسم ليا وهو بيطلع سيجاره من جيبو وبيقول:
_برافو عليك ما انت يجي منك اهو
_تسلم ياباشا
قالها وبص ليا شويه بعدين قال:
_ياسين هو اي نوع البرفيوم اللي انت حطه؟
اتوترت عرقت من التوتر وقولت:
_لاء مش حاطت ده برفيوم مراتي هي بس حضنتني كتير قبل ما اجي والريحه لسه ثابته
بص للفراغ وهو بيقول:
_انت متجوز؟
_اه ياباشا وعندي رهف وشمس
_ربنا يخليهملك روح نام يلا بكرا يومنا طويل
كنت همشي بس رجعت وقفت وانا بقول:
_معلش ياباشا بس هو انا شبه مين يعز عليك؟
بص ليا وفضل ساكت شويه بعدين قال:
_روح نام يا ياسين احنا مش هنحكي طول اليل ووقت التدريب ننام روح يلا
_تصبح على جنه ياباشا
قولتها وكنت همشي بس اكتشفت اني اتغلبطت وقولت تصبح على جنه ودي كنت بقولها دايمان وقفني صوته وهو بيقول:
_اي تصبح على جنه دي جديده اول مره اسمعها!
اتوترت بعدين قولت:
_احم مراتي دايمان بتقولهالي فا علقت معايا ياباشا
_أمم طيب
سيبته ومشيت وما صدقت اني مشيت من قدامه
روحت اوضتي غيرت هدومي في الحمام وخرجت نمت وانا بفكر فيه تقريبآ وقعت في حبه من اول وجديد زاي اول مره تمامآ
نمت وصحيت تاني يوم مفزوعه من صوت الباب الحديد ويوسف اللي كان واقف قدامه وهو بيقول:
_عشر دقايق وتجهزو عندنا مهمه حالآ
قامو الشباب لبسو وانا كمان لبست وانا مش فاهمه في أي ولا احنا رايحين فين كنا في العربيه كلنا اتكلم يوسف وقال:
_تايجر هرب وسر@ق مفتاح الجهاز وموجود على الحدود ومعاه ابن الرايس ك رهينه هتخلي بالكم كويس عشان احتمال يبقا معاه حد وباقي التعليمات مفهومه طبعآ
ردو كلهم وقالو
_مفهوم يا فندم
بصيت انا ل حسين وقولت:
_هو احنا المفروض هنعمل اي مش فاهمه قصدي مش فاهم
_هنروح نلعب كوتشينه اي يا ياسين بيقولك المفتاح اتسر@ق ومج@رم هرب وخط@ف ابن الرايس هنعمل اي يعني هنقبض عليه ونرجع المفتاح والطفل
_تايجر ده مج@رم خطير يعني
_اخطر تاني م@جرم في الوجود
_ومين الاول؟
قطعنا يوسف وهو بيقول:
_نحل مشكلتك بقا ونحل مشكلته وتولع المشكله اللي جايين عشانها
قالها بنرفزه وكنا وصلنا المكان اللي المفروض فيه تايجر نزلنا كلنا ويوسف قسمنا كل واحد يروح ل مكان
ومن حظي الحلو المكان اللي روحته كان فيه الم@جرم
كنت هع@يط لما رفع عليا الس@لاح رميت سلا@حي وانا بقول:
_اهدا يا تايجر باشا والله يوسف هو اللي عمل كل حاجه وجاي عشان يقبض عليك والواد حسن بيقول عليك تاني أخطر مج@رم في العالم و..
يتبع..
شهد_محمد
_اهدا يا تايجر باشا والله يوسف هو اللي عمل كل حاجه وجاي عشان يقبض عليك والواد حسن بيقول عليك تاني أخطر مج@رم في العالم
كل كلامي ده كنت بقولو وهو بيقرب عليا وفي لحظه لقيته بيتهز جامد ووقع في الأرض بصيت ليه بذهول وبصيت للطفل اللي معاه حاجه في إيده وبيبصلي وبيضحك جريت عليه وانا بقولو:
_شاطر يا كتكوتي شاطر يا قلب امك
قولتها وخدت منه الحاجه الغريبه اللي في إيده وقولت:
_هو اي ده؟
_مش عارف بس لقيت عمو جربها على واحد واتكهرب ووقع وانا حبيت اجربها هو كدا م١ت يا عمو وهتح@بس
بصيت ليه وبعد تفكير قولت:
_اه هتتحبس بس انا عندي فكره قول ان انا اللي قتل@ته وكدا انا اللي هتحب@س مش انت
با@سني من خدي وهو بيقول:
_انت طيب اوي يا عمو
_انت عندك كام سنه بقا
_سته ونص
_ياخلاثي على قلب أمه
قولتها وكنت هاخده وامشي لاكن افتكرت ان تايجر سا@رق حاجه مهمه بنفس جهاز الكهربا كهربته تاني عشان اتأكد انه فاقد الوعي ونزلت على رجلي حطيت إيدي في جيبو طلعت كل اللي معاه
وخدت الس@لاح بتاعي ض@ربت رصا@صه في الهوا وخدت الطفل شيلتو وخرجت
واول ما خرجت جم عليا كلهم ويوسف معاهم وهو فرحان وبيقول:
_برافو عليك يا ياسين برافو عليك
ابتسمت ليه واديته كل الحاجه اللي لقيتها في جيب تايجر وقولت:
_باشا انا تلميذك يا باشا
اتكلم الطفل الصغنن وقال:
_عمو ده هو اللي قتل عمو اللي الشرير اللي خطف@ني عمو ده سوبر هيرو
يوسف ابتسم وقال:
_شفته ياسين اللي كنتو بتتريقو عليه وقولتو ده اختفى وخ@اف واستخبى عرض حياته لل@خطر جاب الطفل وجاب مفتاح الجهاز ووقف قصد تايجر ياريت تاخده ياسين قدوه ليكم
سقفو كلهم وطبعآ انا كنت فخوره بنفسي بس لو عرفو الحقيقه يالهوي على اللي هيحصلي
رجعنا تاني المعسكر واتشكرت شكر خاص من الرايس بتاعهم وبقيت الكل في الكل
كنا في التدريب وكنت لسه بشيل نفس الخمسه كيلو اللي بيتعبو قلبي وبعد شويه اتكلم يوسف وقال:
_خلاص روحو ارتاحوا كفايه عليكم لحد كدا
كلهم مشيو معاده انا بصراحه يوسف واحشني بس واحشني وهو يوسف جوزي مش
وهو القائد بتاعي روحت ناحيته وانا بقول:
_باشا هو احنا مش هننزل اجازه بقا ولا اي
_لحقت تزهق ده انت لسه جاي
_مش حكاية زهق حكاية ان مراتي وحشتني
بص ليا بتنهيده وطلع سيجاره ولعها وقال:
_كلنا في الهوا سوا بس ده نظام شغلنا واكيد مراتك عارفه ده وبتقدر ده صح؟
بصيت ليه شويه بعدين قولت:
_في الحقيقه لاء مراتي عقلها صغير جدآ اللي هو انت عندك شغل ومهمات وتدريبات وطالع عينك بس كلمني واهتم بيا مش في دماغها كل ده قد ما في دماغها انها تاخد رأيي في لون مناكير او لون فستان
بص ليا بتركيز وقال:
_تقريبآ كلهم كدا بس انت بتتعامل معاها ازاي؟
_لما بنزل اجازه بعوضها بحسسها ان شغلي اللي معطلني عنها مش العكس هما ك ستات دماغهم تعبانه عايزين اللي ياخدهم على قد عقلهم
_دي حقيقه والله يا ياسين
_هو حضرتك متجوز؟
بص ليا شويه بعدين قال:
_اه
ابتسمت وانا بقول:
_ربنا يخليكم لبعض
قولتها وسيبته ومشيت وانا طايره من الفرحه انه لسه معترف بيا ومعتبرني مراته
روحت نمت وصحيت تاني يوم على التدريب لسه بشيل الخمسه كيلو حديد ولسه مش بعرف اضر@ب رص@اص اوي لاكن يوسف كان معايا وبيساعدني
وانهارده كان تدريب لينا في صحرا كنت هم@وت من الحر خ@وفت صوتي يرق او خدودي تحمر ويبان اني بنت لاكن كنت بحاول اخبي على قد ما اقدر بعد شويه من التدريبات خرج يوسف ب بوكس كبير وهو بيقول:
_يلا كل واحد يستعد ويوريني
اتقدم واحد من الفريق مد إيده في البوكس طلع تعبان قطع راسه ب أسنانه وشال الجلد بتاعه وكان بياكلو
قمة الذهول اللي كنت فيه مثلآ عيني مكانتش مصدقه معقوله يوسف كان بيعمل كدا!
أتقدم واحد ورا التاني لحد ما جيه دوري كان بينادي عليا وهو بيقول:
_ظابط ياسين الحسيني اتقدم
بصيت ليه وانا بقول:
_لاء معلش انا كنت لسه فاطر كيس إندومي الصبح خلي الواجبه بتاعتي ل حسن او حسين
_ياسين هعد من عشره لو منفذتش هتتعقاب
بصيت ليه بتوتر كنت هعي@ط مديت إيدي في البوكس مسكت التعبان الحمدلله مسكته من هنا واغمى عليا من هنا
يوسف شالني ومشي بيا لحد المعسكر وكشفو عليا والدكتور قالهم انها ضر@بة شمس والحمدلله الدكتور وهو بيكشف عليا معرفش اني بنت
بعد كام ساعه صحيت على وجود يوسف وهو بيقول:
_عامل اي دلوقتي
_تمام ياباشا
بص ليا شويه بعدين قال:
_ياسين انت متأكد انك كنت ظابط جيش؟
_اه ياباشا لو عشان حوار التعبان يعني انا بس مش بحب النوع ده في نوع كدا لونه احمر تحس انه ب الكاتشب ده اللي بحبو
_كاتشب اي هو شيبسي عمومآ مش على حوار التعبان عليك انت لما شيلتك
بصيت ليه بصدم#مه وقولت:
_مالي
_انت ضعيف جدآ خفيف اوي مش معقول ده جسم ظابط جيش فين عضلاتك
_ياباشا مانا قولتلك عملت حادثه وكدا
_تمام الحادثه ممكن تخفي شكل العضل من الخارج ولاكن الجسم بيفضل محتفظ بحجم العضلات من الداخل يعني المفروض تبقا اتقل من كدا
_ياباشا انا نوع جسمي غير
_ممكن برضو عمومآ سلامتك
_الله يسلمك
قولتها وسابني ومشي بعد ما صفى دمي اللي اللهي ربنا يصفي دمه او لاء لاء بعد الشر
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
جيه تاني يوم وكنا متجمعين كلنا كنت خاي@فه يكون المرادي هناكل صرصار ولا حربايه فضلت ساكته لحد ما يوسف اتكلم وقال:
_معانا مهمه خطيره مستر ويليام متنكر منعرفش اي شكله ولا اي طريقة التنكر المهم اننا هنلحقو قبل ما يسافر وتعملو حسابكم ان ممكن يكون معاه اكتر من ألف راجل
ركبنا العربيه كلنا ومكنش فيه حاجه في دماغي غير ان المره اللي فاتت ربنا سترها وعدت المرادي هعمل اي ؟
بصيت ل حسن وانا بقول:
_هو هيليام ده بتاع اي ؟
_ياسين هو انت مش عايش معانا ولا اي هو في حد ميعرفش هيليام اكبر جاسوس في العالم
_الله واكبر جاسوس
_اه واسكت بقا عشان يوسف ميتعصبش
فضلت ساكته لحد ما وصلنا ل مكان كبير تقريبآ مطار او فندق مش عارفه احدد وضرب النار قام مقعدش مكنتش عارفه اعمل اي
وقرارت اني هستخبى مره كدا ومره كدا بقا
ووانا بجري عشان استخبى لمحت راجل عجوز ماشي على كرسي ب عجل كان صعبان عليا خدته ب الكرسي بتاعه واستخبينا سوا
ضرب النار شغال وانا وعمو العجوز مستخبيين بصيت ليه وانا بقول:
_متقلقش يا جدي اكيد هترجع ل اهلك سليم
مردش عليا فضل ساكت شويه واتكلمت تاني وقولت:
_انت حصلك حاجه يا جدو في رص@اصه ولا حاجه قول اي حاجه عشان اتأكد انك بخير
فضل ساكت برضو مردش فضلت ساكته انا كمان لحد ما ض@رب ال@نار خلص خدت عمو وخرجنا من المكان اللي كنا مستخبيين فيه
واول ما طلعنا يوسف ابتسم وجيه ل عندي وهو بيقول:
_يا ابن ال اي يا ياسين عرفت منين انه هيليام
قالها وهو بيشيل وش عمو العجوز والغير متوقع ان عمو وشو انقلع وظهر وش واحد تاني
كنت مذهوله ومخضوضه ومتفاجأه مش فاهمه في أي ولا اي اللي بيحصل اتكلم يوسف
وقال:
_ياسين البطل اللي سابنا نلفت نظر العصابه ومشي وراهم لحد ما جاب هيليام شجعو البطل
كلهم سقفو وانا مش فاهمه حاجه ورجعنا كلنا المعسكر ومعانا هيليام
واتكرمت من الرايس بتاعنا إن دي تاني مهمه أنجح فيها وانا جديده هنا وقالي اطلب منو اي حاجه وهو هينفذها
لحد دلوقتي انا مش فاهمه حاجه ولا فاهمه ازاي فيه وش بيتركب فوق وش بس اللي فهمتو اني هطلب من الرايس يدينا اجازه لأني خلاص مبقتش محتاجه معلومات تانيه للمقال هاخد الاجازه دي ومش هرجع تاني
وبالفعل طلبت الاجازه اسبوع لينا كلنا واتقبل طلبي كلهم كانو مبسوطين ب الاجازه ومبسوطين بيا حتى يوسف كان هياخد اجازه معانا
وبعد ما اتأكدت ان كلهم خلاص مشيو دخلت انا اخد شاور بقا عشان البس وارجع ل حياتي القديمه قفلت باب الاوضه وطلعت هدوم ليا
وقلعت الشنب والدقن ودخلت خدت شاور وبعد ما خلصت لفيت نفسي في بشكير وخرجت البس بره عشان الحمام ضيق
والغير متوقع اول ما خرجت شفت يوسف واقف قدام هدومي اللي على السرير وهو بيقول:
_انت تقريبآ اتلغبطت يا ياسين وجبت هدوم مراتك بدال هدومك الداخليه...
قالها وانا وهو بصينا لبعض بصدم#مه
_روز!!!
يتبع..
لو لقيت تفاعل حلو في الكومنتات هنزل البارت الاخير بعد ساعه وروني شطارتكم بقا
شهد محمد
||الاخير||
_روز!!
قالها بصدم#مه وشي احمر كنت مر@عوبه منو جري قفل المفتاح ب الباب وقرب ل عندي وقال:
_انا كنت حاسس والله كنت حاسس بس متوقعتهاش منك انتي مجنونه
_يوسف انا..
_انتي تسكتي خالص تعرفي تسكتي
قالها والباب خبط بص ليا بخو@ف وخدني وخد الهدوم اللي على السرير ودخلني الحمام وقال:
_البسي عقابل ما اشوف مين
قالها وسابني وخرج ولبست انا البس بتاعي والشنب والدقن وكنت سمعاه وهو بيقول:
_روح انت انا مستني ياسين عشان مش معاه عربيه انا هوصلو
قالها وكنت انا خرجت وكان الشخص اللي معاه مشي بص ليا بغضب وشدني من إيدي ونزلنا سوا
خرجنا من المعسكر وركبت معاه العربيه بدأ يسوق وهو ساكت وانا مبخا@فش من يوسف غير وهو ساكت عشان ده بيكون الهدوء اللي قبل العاصفه كان بيسوق بسرعه جدآ لدرجة اني كنت هقع كذا مره عشان مش رابطه حازم العربيه
_يوسف براحه
مكنش بيسمع كلامي وبرضو مكمل
_يوسف كفايه انت عارف اني بخ@اف
_يوسف سوق براحه بقولك
_يـــــــــوســــــــــــف
قولتها بزعيق داس فرامل كنا هندخل في شجره دماغي اتخط@بت في التابلوه بتاع العربيه بصيت ليه وانا بقول:
_هتموتنا !!
بص ليا ومردش كملت انا وقولت:
_في أي حصل اي لكل ده
ضرب ب إيده على إزاز العربيه وهو بيقول:
_حصل اي لكل ده انتي شايفه الموضوع عادي انتي عارفه ان هيتحكم عليكي انك جاسوسه وهتتحبسي
_ما انا ناويه اني مجيش بعد الاجازه دي مش هيعرفو حاجه
اتعصب اكتر بعدين قال:
_هو انتي فاكره نفسك بتتعاملي مع جيش في ديزني انتي عبيطه يا روز يعني اي مش هنعرف لاء هنعرف ان مفيش جواب جيه وان مفيش ياسين الحسيني وهنجيبك وهيتحكم عليكي وهتتحبسي
_يوسف انت عارف قد اي شغلي مهم بالنسبالي وانت مرضتش تقولي على اي معلومات تساعدني
_برضو هتقولي الشغل يخربيت الشغل وسنينو الشغل ده ضيعك ضيع حياتك عشان انتي فعلآ مجنونه
من اول ما عيني جت في عينك وانا حاسس ان انتي لاكن كنت بكدب نفسي اقول يواد تلاقيها وحشتك عشان كدا بتتخيل ان هي
انا معاكي معرفتكيش من ريحة برفانك ولا من عينك ولا من صوتك اللي عرفتي تغيريه لاكن احساسي بيكي مكدبش لما شيلتك بين إيدي حسيت إن انتي
وكنتي عايشه في اوضه واحده مع جحشين بتاكلي من اكلهم وبتتعاملي معاهم وياعالم اتكلمو في أي ولا اتصرفو ازاي قدامك
ولا المهمات اللي طلعناها لو حاجه حصلتلك مكنتش هسامح نفسي كنت باخدك للخ@طر ب إيدي
_بس محصليش حاجه يا يوسف
_حظك حلو لو كان حظك وحش يا عالم كان حصلك اي لاكن اني متسرعه وهبله وشغلك اهم حاجه في حياتك مقال عن صوت شخير الراجل أثناء نومه مقال عن عد
اهتمام الزوج ب زوجته مقال عن الراجل الخا@ين ليه مفكرتيش تكتبي مقال عن الزوجه الانانيه ليه مكتبتيش مقال عن الزوجه اللي بتح@رم جوزها من الخلفه عشان شغلها ليه شايفه عيوبي ومش شايفه عيوبك
_يوسف متتكلمش في الفات اللي حصل حصل دلوقتي اي الحل
_انا تعبت من برود
قالها ورزع إيده مره تانيه في إزاز العربيه والمرادي إيده اتعورت
عي@طت وتقريبا فهمت ان اللي انا عملته غلط كبير تقريبآ يعني!
قطعت حته من الشيميز اللي كنت لابساه ومسحت بيها إيده وربطها
بص ليا واتنهد وبدأ يسوق في صمت وبعد شويه من الصمت اتكلم وقال:
_شيلي القرف اللي في وشك ده
كان قصده على الشنب والدقن شيلتهم حطيتهم في الشنطه وفضلت ساكته بص ليا وقال:
_وده شعرك ولا بروكه؟
_شعري
_قصتيه!
_امم
_متهوره ومجنونه
_امم
_وطبعآ سلمى ساعدتك
_لاء سلمى مالهاش دخل ب الموضوع
_لاء ليها عشان كلمتها سألتها عليكي من يومين وقالت إنها كانت لسه معاكي وانها طالعه بيتها تجيب هدوم ليها عشان رايحه تبات معاكي يومين
_صحبي الأصيل ده
_انتي وصحبك الأصيل ده هتتروقو لو حد عرف ب عاملتكم كويس ان انا اللي كشفتك مش حد تاني
_امم
_حد دايقاك هناك؟
_يوسف انا كنت ياسين زميلهم اكيد مكانوش هيعملو حاجه يعني
_اه ياختي كنتي ياسين زميلهم ويا استاذ ياسين بقا المهمتين اللي نجحو دول نجحو كفته ولا مهجود شخصي من حضرتك
_كفته طبعآ اول مهمه انا قولتلو على كل حاجه من قبل ما يبقا فيه قلم اصلآ بس الولد الصغنن هو اللي ض@ربه ب جهاز الكهربا ووقع
_والتانيه
_الراجل العجوز ده شبه عم مبارك بتاع الطعمية كان صعبان عليا وخدته خبيتو معايا
_مبارك بتاع الطعميه اه
قالها وفضل ساكت وهو مكمل سواقه بصيت ليه وانا بقول:
_يوسف هو انت هتسيبني اتحبس؟
_اكيد لاء هشوفلها حل
قالها وهو مكمل سواقه ورجعنا للصمت ده تاني رجعت اتكلمت وقولت:
_يوسف هو انت بطلت تحبني
بص ليا واتنهد وقال:
_لاء
_امال طلقتني ليه؟
_طلقتك!
_اه
_امم هو انتي قرأتي ورقة الطلاق
_ليه
_لاء ولا حاجه يا روز ولا حاجه
بعد شويه كنا وصلنا قدام بيتي وقف ب العربيه وقال:
_حضرتك الاسبوع ده يعدي وترجعي عشان ميبعتوش يسألو عليكي ويعرفو انك بنت ويحصل مشاكل وانا هحلها
_طيب
قولتها وسيبته ونزلت طلعت البيت وزاي كل مره لقيت بابا وماما بيت@خانقو
_تعالي شوفي يا روز امك اللي بتلبس هدومي
_وفيها اي يعني الشيميز عجبني يمشي حريمي ورجالي
_انتي هتجننيني انا هتجنن منك اقلعي الشيميز بقولك
_مش قالعه
سيبتهم ودخلت اوضتي وقفلت الباب ورايا وانا بنفخ على توم وجيري اللي عايشه معاهم في البيت
خدت هدوم ليا ودخلت خدت شاور بصيت لنفسي في المرايا ملامحي باظت من الشمس وقلت الاسكين كير وشعري اللي قصيته بطريقه عشوائيه وباظ!
لبست عبايه سوده ولبست شبشب ماما ونزلت ل كوافير اخر العنقود على اول شارعنا عملت تنضيف بشره وعملت شعري قصه اسمها كت بوي بقا شكلي حلو شويه
رجعت تاني البيت والحمدلله بابا وماما خلصو خ@ناقه على الشيميز ودلوقتي بيت@خانقو مين يقطع البصل سيبتهم ودخلت اوضتي كنت هنام بس افتكرت يوسف وورقة الطلاق
قومت بسرعه فتحت الدولاب وطلعت الورقه عشان اشوفها ولما فتحتها لقيت مكتوب فيها
"انا عارف انك بتقولي كلام انتي مش فاهمه معناه وعارف أن وقت عصبيتك انتي مش مدركه انتي بتقولي اي بس انا بحبك وعمري ما حبيت غيرك ومعندناش رجاله بتطلق حريمها لما ربنا يهديكي عليا ارجعي بيتك يا حبيبت عيني"
ضحكت وحضنت الورقه وبوس@تها ياريتني كنت قرأتها من اول يوم بس وقتها جالي اكتئاب ورميتها في الدولاب
جريت جبت احلى فستان عندي كان فستان نبيتي فيه لحد الركبه ووقفت قدام المرايا حطيت روج نبيتي وايلاينر وكحل وخدت شنطت هدومي وخرجت وانا بقولهم
_انا راجعه بيت جوزي
رد بابا وقال:
_طب بذمتك يا روز عمرك خليتي جوزك يقطع بصل
ردت ماما وقالت:
_اه الظابط بيقطع بصل وبيحط ل بنتك مناكير كمان وانت يا حتت موظف لا روحت ولا جيت مش عايز تقطع البصل
سيبتهم ونزلت مفيش فايده فيهم وخدت تاكسي واتجهت ل بيتي اللي مش هسيبو تاني أبدآ بعد شويه كنت وصلت
حاسبت التاكسي وطلعت البيت وانا مش عارفه ابدأ ازاي ولا منين رنيت الجرز
وانتظرت شويه وفتح الباب
بص ليا بأستغراب وانا فضلت ساكته مش عارفه اتكلم اقول اي وعشان مالقتش كلام
اقولو اترميت في حض@نو وانا بقول:
_انا قريت ورقة الطلاق
ابتسم وخد الشنطه دخلها ودخلني وقفل الباب وبص ليا وقال:
_قراتيها متأخر اوي يا روز
_حقك عليا
قعد على الكنبه ولع سيجاره وبص ليا وهو بيفتح دراعته ليا ابتسمت وقعدت جنبه وانا في حضنه وقولت:
_زعلان مني؟
_مقدرش انا وصلت ل مرحله اكبر من الحب بكتير مش بعرف ازعل منك مش بعرف ابعد عنك مش عارف اعمل مع قلبي ده بقا
_وحشتني اوي على فكره
_وانتي كمان وحشتيني ومش عارف اوصفلك انا كنت محتاج الحضن ده قد اي
_حقك عليا في كل مره بتيجي من الشغل فيها تعبان وانا مكنتش بقدر ده
_اديكي جيتي وشوفتي ب عينك عشان لما اجي اترمي ف حضنك وانام تفهمي اني مش محتاج حاجه اكتر من كدا ببقا جاي تعبان يا روز مستنيكي تهوني عليا ب حضنك اللي بترمي فيه بعد الشغل المتعب اللي بشوفه لاكن ولا بلاقيكي ولا بلاقي حض@نك
_حقك عليا انا اسفه
باس راسي وقال:
_مش زعلان يا حبيبتي ودلوقتي قومي ننام عشان مش قارد وبكرا لينا عتاب على اللي حصل منك بسبب شغلك الي مجننك ده
_طيب مش جعان اقف اعملك صنية بطاطس في الفورن ب الفراخ
_ده يبقا كتر خيرك اوي
_عنيا
_تسلم عيونك يا جميل
دخلت غيرت هدومي ووقفت في المطبخ عشان اعمل الاكل دخل ورايا وهو بيقول:
_بعد ما قريتي الورقه جريتي على الكوافير عشان ترجعي قبل ما ترجعي صح؟
_على فكره قريت الورقه بعد ما رجعت والله
_امم عمومآ كنت مدايق منك بسبب شعرك بس كدا شكلك احلى
ابتسمت وكملت الاكل بعدين قولت:
_يوسف هو كلمة انتي طالق دي تتحسب طلاق ؟
_اكيد بتتحسب
_طب مانت كدا طلقتني
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
_مانا رديتك ومش شرط تكوني عارفه او حضرتي مادام كنا لسه في شهور العده وامك وابوكي عندهم علم على فكره
_امم وردتني امتا بقا
_تاني يوم
ابتسمت وكملت عمل الاكل افتكرت ماما وبابا وهما بيتخان@قو على مين يقطع البصل بصيت ل يوسف وقولت:
_حبيبي ممكن تقطع البصل عشان خاي@فه يوجع عيني
_ياسلام عنيا يا قلب حبيبك
قالها وباس راسي ابتسمت على ماما وهي بتقول ل بابا يوسف بيقطع البصل وبيحط مناكير ل روز كمان!
خلصت الاكل وقعدنا ناكل ودخلنا ننام وجيه تاني يوم الصبح اتعاتبنا على جنوني وعمايلي المهم انه مسامحني مستنين الفرصه المناسبه بس عشان اخرج من اللي دخلت نفسي فيه من غير ما حد يعرف
والمقال بتاعي كتبته واتقبل وبقا ترند اول وبعد ما قدمته سيبت الشغل عشان انا اختارت يوسف عشان يوسف يستاهل عمري كله يكون عشانه وعشان عيالنا
روحت البيت وانا بقولو:
_انا اختارتك انت
_مش فاهم
_سيبت شغلي واختارت اكون ليك انت
ابتسم وهو بيقول:
_يعني كدا موافقه اننا نخلف صح؟
_صح طبعآ
_طب يلا نروح نجيب يوسف الصغير
قالها وشالني ودخلنا الاوضه و..
"سكتت شهرزاد عن الكلام الغير مباح"
عدا الاسبوع الاجازه وكان المفروض هنرجع المعسكر انهارده لبست الينيفورم انا ويوسف وكنت واقفه قدام المرايا بركب الدقن والشنب وهو جنبي بص ليا وقال:
_ما تجيب بوسه ياض يا ياسين
_يوسف اتلم اي ياض دي
_خلاص هات بوسه يا سونه
_مش هخلص منك
_لاء هتخلصي بعدين حطي اي حاجه تداري لون شفايفك مفيش راجل في الدنيا شفايفو بينك
_طيب
كملت تركيب الشنب وحطيت على شفايفي كنتور وكنت جهزت ونزلت انا ويوسف سوا
كنا مستنين العربيه بتاعت المعسكر هي اللي هتيجي تاخدنا اتكلم وقال:
_ياريت معاملتك تبقا بحدود يا هانم عشان مكسرش عضم وشك
_حاضر
_وانا هخليهم ينقلوكي من اوضة حسن وحسين ل اوضه لوحدك
_تمام
كانت العربيه جت ركبنا العربيه وعدينا على محمد زميلنا وحسن وحسين العربيه عدت على الفرقه كلها وواحنا متجهين للمعسكر يوسف جالو تيلفون قفل التيلفون وقال:
_لف وارجع هنروح الزمالك ملجأ الاماني بسرعه
بصيت ليه بخ@وف وقولت بصوتي الخشن:
_هو في اي ياباشا
_واحد كلمني من رجالة هيليام بيقولو لو مرجعتش هيليام في خلال ساعه هيقت@لو امي وكل الأطفال اللي في الملجأ
ملحوظه حماتي اللي م@امت يوسف تبقا صاحبة الملجأ ده
اتكلم احمد وقال:
_طب واحنا رايحين الملجأ ليه ياباشا ما اكيد خط@فوهم على مكان يخصهم
_لاء كلهم هناك الجي بي اس بيقول كدا
_خير ياباشا خير
بعد شويه كنا وصلنا يوسف قسمنا ل كذا جزء وقالي انا مروحش في حته قالي استخبى وطبعآ مسمعتش الكلام
دقايق وكنت سمعت ضر@ب نا@ر عشان شافو واحد من رجالة هيليام ض@رب ال@نار كان بيزيد فيه اللي بيلحق الأطفال واللي بي@ضرب في رجالة هيليام
انا كنت بدور على حماتي فتحت كذا باب اوضه لحد ما فتحت واحده فيهم لقيت يوسف مع مامته بيفكها جريت عليها وانا بقول:
_انتي كويسه يا ماما
ردت بأستغراب وقالت:
_كويسه بس مين؟
دخل علينا واحد وهو معاه ال@سلاح وفي لحظه طلعت سلا@حي انا وض@ربت عليه نار وم١ت!
يوسف ابتسم وهو بيقول:
_اخيرآ اتعلمتي
كنا هنخرج بس رجع قفل الباب والشبابيك وقال:
_روز اقلعي
بصيت ليه بصدم#مه وانا بقول:
_عيب يا يوسف هو ده وقته
_عيب اي يابت يا عبيطه ووقته اي انتي فهمتي اي؟؟
كنت لسه هرد لاكن بص ل مامته وهو بيقول:
_مفيش اي لبس حريمي هنا يا أمي
_فيه إسدال صلاه في شنطتي
_هاتي بسرعه
خد منها الاسدال ادهولي لبسته وخد مني الينيفورم لبسو للشاب اللي انا ض@ربت عليه ن@ار وخبى ملامح وشه ب الد@م وانا خبى ملامح وشي ب تراب عشان محدش ياخد باله ب الشبه
ونزلنا كلنا كان الرجاله كلها اتقبض عليهم يوسف اتكلم وقال:
_امي والسكرتيره والأطفال بخير الحمدلله بس للأسف ياسين استشهد
كلهم زعلو حسن عيط كنت مبسوطه من حبهم ل ياسين الشخصيه الخياليه اللي هي انا
وموضوع ياسين الحسيني عدا الحمدلله وخلاص مش هتجنن تاني وعد
ونسيت اقولكم اننا جبنا ميني يوسف انا احمل واشيلو في بطني ٩ شهور وفي الاخر يجي شبه ابوه
وتوته توته وخلصت الحدوته حلوه ولا ملتوته؟
تمت..