عندما فتحت باب الشقه لاستلام أوردر طعام وجدت فتاه شابه، ترتدي بنطال وقميص وتخنق خصرها بحقيبه جلديه، مدت لي الطعام وفاتورة الحساب بوجه ثابت وقسمات نابوليتانيه، سألتها انتى بتاعت الدليفرى؟

__ايوه انا مستغرب ليه حضرتك

طلعت منى ابتسامه غصب عنى وانا بقول 

_دليفرى وبنت وجميله كمان

رفعت دماغها واشعت من عيونها نظره متألقه تشبة حبة المشمش وهمست

__ الحساب من فضلك، معايا اوردرات تانيه مش لازم اتأخر

رفعت ايدى بأستسلام

__ انا مش قصدى اضايقك، بس فعلا انتى حاجه مزهله

شغلك، كفاحك، حكايه ملهمه

__من فضلك الحساب انا مش جايه اسمع قصص، كده هتأخر

انت بتضرنى فى اكل عيشى اما مصدقت لقيت شغل

بدرت منى ابتسامه طيبه وغمفمت حاضر، حاضر

بتقبلى فيزا؟

قالت

__لا

ماشى، لحظه واحده اجيب الفلوس من الخزنه، البيت بيتك

ادخلى اشربى ميه على الاقل الجو نار

__ غمغمت، متشكرة، انا هنتظرك هنا ثم سمعت 

__صوت ارتطام قادم من داخل الشقه اعقبه صرخة آلم

ثم حل صمت طويل لم يتخلله سوى صوت تنفس متقطع

__همست من على الباب فيه ايه حضرتك؟ فيه مشكله حصلت؟

وصلت تنهدات خافته، اعقبها، لا مفيش وقعت على الأرض دقيقه واحده وهقدر اقوم واجبلك الفلوس

___ طيب، طيب، ادخل اساعدك؟

'' لا

__انا كويس هقدر اقوم لوحدى

ثم صرخة وجع  مكتومه هزت جدران الشقه  وصوت ارتطام جسد بالأرض